炯記燒味

營業中

休息中

又到左午餐時間今日突然好想食撈麵於是同同事一齊去左尖沙咀樂道的炯記燒味之前佢其他分店我都試過好好味所以今日帶同事黎食唔好睇少我地兩個女仔其實我地都好食得首先我點左四寶撈麵有大大舊豬手好入味仲好多骨膠原添叉燒好林好易咬甜甜的食第一啖已經讚不絕口仲有手撕雞同紅腸一碟有齊多種配菜好抵食同事揀左手撕雞海蜇米粉清淡的米粉都唔差架而且手撕雞好嫩滑加上白芝麻好香芝麻味另外海蜇也十分爽口彈牙忘記了說午餐有老火湯送哦並不是求求其其的湯喝得出來很夠火喉除了午餐外我們再點了冬菇扒生菜細細粒冬菇炆到很入味沒有加上蠔油所以不會過咸再來一碟麻辣雲耳牛肚絲麻麻辣辣的口味非常惹味辣度蠻高的哦牛肚不會過硬雲耳很爽脆總結這一餐午餐我們都吃得超飽沒有太多味精午餐份量很足最愛撈麵加入鵝油及調味後不會很油膩也不會過咸非常推薦大家來試試哦

今日晚飯時間去到尖沙咀突然好想食燒味，上網做下research發現呢間餐廳個名幾特別，又係專做燒味既，決定一試餐廳位於樂道，位置方便，大約6:30到達，唔駛等位。打開餐牌，選擇夠多，價錢合理，加$5 就有飲品啦。而且有例湯送，坐低一陣，店員已經自動波放低熱辣辣既例湯。炯記四寶撈麵 $64一次過滿足四個願望，四寶包括手撕雞，豬手，叉燒，同埋紅腸，粗麵用佐燒鵝油+秘製豉油撈撈，非常惹味。煙燻燒鵝飯 $60$60就可以食到燒鵝，絕對吸引，份量都幾多，有大約10舊，肉同骨既比例合適 （ps食過其他燒味店d燒鵝骨多都嚇親，完全食唔到肉2），配埋甜酸汁，正！雞臀小食 ＄28比想像中大碟，用佐芝麻同埋辣汁調味，食落都幾辣，一定要襯埋白飯先頂得住。酸辣無骨鳳爪 ＄30酸辣汁調配岩岩好，非常開胃。

每次想食燒味都會諗起《炯記》平日外賣食得多，今日就試吓堂食，順便試吓D小食先☺️！煙燻燒鵝飯 $65外皮充滿光澤但絕不油膩，燒鵝可能經過煙燻，所以特別入味，加埋梅子醬酸酸甜甜好開胃😋😋！海蜇手撕雞腸粉 $48平時不太想食飯，就特別鍾意去食呢個雙拼😌腸粉特別滑溜，加上爽口海蜇和鹽焗手撕雞，夠哂飽肚🤭進食亦好方便👍🏻！醬皇豬手 $24豬手夠入味之餘，外皮亦帶爽口，最緊要冇豬毛，滿滿骨膠原一碟2件剛剛好👍🏻👍🏻！麻辣雲耳牛肚絲 $38麻辣雞腎 $28雖然係小食，但係分量都唔少，涼伴夠爽口，加上麻辣和芝麻，味道特別惹味！

位於鬧市之間的燒味店，看到門口的餐牌覺得還算吸引，於是決定入內一試，卻發覺中伏。選擇多還多，但食物質素完全不行。點了個豉油雞飯，突意加多十元轉雞髀，但雞髀的尺寸卻好細，而且骨頭多，皮厚但肉少。主打食燒味，但雞肉也不是醃得特別出色。白飯過濕，有點爛，而且仲要不熱。雞髀好細，飯量好多，食完雞髀已經把飯放棄了。轉凍飲凍檸茶，少甜但還是好甜。上菜好快，位置闊落，選擇多，但食物不ok，價錢不過不失，寧願去食茶餐廳比較好。

其實人哋手撕雞最出名㗎，不過唔知點解食完我好掛住個海蜇。今次揀咗呢個海蜇無骨刀削雞腸粉，都要40幾蚊。其實腸粉都幾滑，而且雞肉都好嫩滑，不過好坦白講海蜇同埋雞肉份量好少，得表面嗰一層，我覺得佢如果多啲我會開心啲，因為依家食兩啖就冇晒。好食係好食，不過海蜇同雞肉份量太少，咁就收四十幾偏貴。可能因為喺尖沙咀掛，佢嗰個位以前有好多遊客，不過依家都係自己人幫襯多。佢其實咁樣配一個腸粉都真係食一餐夠飽，細食人比較啱.

忍唔住外賣飯盒都要寫食評！同事話呢間啲雞好食，所以就一齊叫外賣，點知就中計啦！雞好鞋，味淡，份量超少，淨係得面頭見到果幾舊咋！飯又硬，汁又少……唉…同事話佢呢個撈粗就正常，同平時一樣，都好食既～

尖沙咀都算多茶餐廳/冰室，其中呢間我覺得都算性價比幾高，好食得來又抵食😋直程係lunch time恩物😂「麻辣手撕雞飯」一定係必食，係呢間餐廳嘅signature😋辣度算係適中，都幾辣㗎😎另外我d朋友比較鍾意食佢哋嘅「燒味雙拼飯」，通常都會叫燒鵝拼燒肉，燒鵝轉燒鵝髀，啲肉香滑啲，好食啲😋😋反而我自己試過有一次嗌叉燒飯，叉燒飯就真係一般，叉燒比較散，咬落完全係淋無口感，可一不可再😢建議大家都係食返麻辣手撕雞🌟🌟🌟🌟

第二次買外賣，吾知係咪今日假期，外賣令反去...一打開手撕雞少之又少，同第一次買差好遠！麻煩店舖注意反，因為我係第一次朋友介紹食過一次後，再第二次食...令我好失望！

我今次係第一次食尖沙咀樂道既呢間分店，我係下午3:00黎去，有下午茶餐，人少少，但佢地間間都水準都真係keep到嫁，佢地出品既鵝油撈麵真係冇得輸嫁，好味， 好味好好味，香得黎食落口唔會覺得成口都係油，仲有佢地個豬手都好淋好夠味，今次試埋個手撕雞腸粉都唔錯，直得去試，茶餐廳既價錢黎講，佢都真係算底食嫁啦，我一定會再幫襯如果佢地既地下可以唔好咁油就very good 啦，雖然知道賣燒鵝都係冇辦法既，理解既。

今日心血來潮想食燒味飯，於是就叫咗依間炯記嘅燒味飯做lunch。之前都食過佢哋嘅手撕雞撈粗🙂個味道都唔錯既，但係個份量就真係唔夠🥹因為得好少🥹食完好快又會覺得好肚餓。如果本身都比較大食嘅朋友😙建議可以叫返燒味飯會比較飽肚啲今次叫咗個燒鵝飯，依隻燒鵝佢係好似煙燻嘅🙂咁而且覺得嗰個皮都好脆☺️個燒鵝都好夠味👯‍♀️整體來講都好好食😀😀😀🌟手撕雞燻蹄飯🌟呢個手撕雞有辣同唔辣😋今次就揀咗個唔辣嘅💁🏻‍♀️依個手撕雞都係唔錯㗎都可以推介俾大家食🤓

大家試試先HKD135 燒鵝下庒其實冇乜得好食雖然又不是太咸，但有小小揾笨，仲說人買半隻呢？但斬到出來都冇乜肉用食，全骨帶皮，得個肥、D肥膏好肥！好肥好肥好鬼肥，亦沒有「片」好肥膏，怪不得冇人啦！可以睇睇附上照騙，得層皮！但層皮又唔好食！好像這間是棋哥燒鵝，係轉手又轉手，但賣相十分像隔夜燒鵝喎！原來看看這裡其他人食評全都説不要試呀！但這裡好多都是有圖有真相呀！記得這間是⭐️⭐️⭐️⭐️⭐️五星級難食啊

因為係對面茶飲店番工，食過佢好多次，次次去啲面口態度好似差佢地幾百萬咁，一副唔想做你生意嘅樣，叫雙拼飯就俾個撈麵我，因為知道撈麵又乾又難食，永遠叫飯唔叫麵，番去換都費事，一陣又俾人黑多2次面。

同高太既避疫旅程展開左好幾日好似真係避無可避，避到邊阿肺炎大哥好似有導航甘，我去邊，距追到邊真係唔夠距勁抽去同我高太long trip 其間，每晚都唸夜晚食咩揀左間酒店有個公共地方有枱櫈可以俾我地食外賣半肥瘦叉燒撈麵叉燒好食半肥瘦既程度攞得好準少少可惜既係撈麵拎走十分鐘食已經有少少癡埋一舊，非戰之罪手撕雞撈麵我高太表示手撕雞都係好食高太食飯一定要有既植物依個油脾免切係我怕唔夠飽，叫黎幸福下既雞脾夠滑，豉油夠香甜食物就算外賣都有水準，不過唔知係咪因為食物有水準既關係，我嗌個外賣姐，啲服務員姐姐都好似大廚上身甘，超有性格我都無得罪你

食慣港式撈麵，嘗試特別啲手撕雞撈麵！🔸鴛鴦手撕雞撈粗麵有別於一般蠔油撈麵，呢間用鵝油同特製醬汁撈粗麵，鵝油香但入口清爽，唔會油膩👍🏻鴛鴦手撕雞分別係鹽焗手撕雞同麻辣手撕雞。雞肉入口嫩滑，唔會「鞋口」個人覺得麻辣味屬於小辣，鹽焗味道適中。總括🔹大概$50一個餐，價錢中上，分量尚可。但男士們可能就會覺得份量略為少。

陪女友過嚟尖沙咀買聖誕禮物，買完就求其喺附近食小小野醫肚。入到去店員話冇晒燒鵝，已經有少少唔開心最後我叫咗個叉燒燒腩仔飯，啲叉燒係非一般咁難食，有浸唔識形容嘅味道，似係凍肉未解凍既味？總之你食一啖就唔會再想食落去。燒腩仔還算OK。女友叫咗個叉燒撈粗，佢話個撈粗好油又唔好食，叉燒同我嗰啲一樣，都係好難食。另外仲叫左個麻辣雞小食冇乜特別，都可以接受。叉燒應該係一間燒味店嘅靈魂，都可以整到咁難食，我都只能夠喊三聲