炯記燒味

營業中

休息中

《招牌燒味撈粗👑》———————————————#炯記餐室 🌟-港式燒味食過好多間，都得最中意呢間炯記，同傳統燒味舖有啲唔同，除左正宗燒味外，仲有多款惹味小食，款式多樣🤩-🦆 炯記煙燻燒鵝飯特別推介燒鵝，鵝皮好脆，食落去有一陣炭燒既風味，夠哂香，肉質好唔錯，肥瘦均勻😋- 🐥 手撕雞拼豬手撈麵太子鵝油撈麵個粗麵聞落去就已經好香，綿密嘅鵝油包覆住每一條爽口嘅麵條，相當出色🥰 手撕雞雞肉嫩滑，鹽味突出😊 而豬手經過專業篩選同秘製配方慢煮而成，炆得好入味，充滿骨膠原🤤-🐽 腩叉專登嗌咗腩位嘅叉燒，外皮燒得焦香，肉質一啲都唔鞋，食得出師傅嘅功力，抵讚👍🏻-⭐價錢參考：手撕雞拼豬手撈麵：$56炯記煙燻燒鵝飯：$60腩叉：$68🍌抵deal 指數：7/10💰人均消費：$100

去尖沙咀又唔想食太貴，去左炯記食2人餐！好抵食，唔洗200就食到幾樣野！先飲個湯，大碗勁入味。手撕雞有半隻，叫左唔辣，份量都幾多，仲有青瓜墊底。冬菇醬皇豬手，豬手勁林同埋煲到好入味。平時都唔太食豬手，但呢個好食！菜心一碟，唔係得2條架！完全夠食！麻辣雞賢，唔算太辣。酸辣雲耳，估唔到都幾辣。太子鵝油撈麵，好大碗，2個人食都好飽。個鵝油味都幾香，唔算太油膩。2百蚊食到咁豐富，抵呀！下次可以再試埋其他野！

餐廳：炯記燒味 (尖沙咀)地址：尖沙咀樂道19號安順大廈地下A號舖1️⃣ 雙拼例牌燒味：叉燒+豉油雞 $78每次嚟到都要食佢哋嘅醬皇叉燒，叉燒肥瘦適中，肉質軟腍，夠入味，而豉油雞件件都皮香肉嫩，口感軟滑，香甜美味。2️⃣ 炯記煙燻燒鵝飯 $43佢哋嘅呢個下午茶餐都好抵食，四十幾蚊就可以食到佢哋嘅招牌煙燻燒鵝，仲要跟埋杯飲品。燒鵝煙燻味道濃郁，外皮香脆，外脆內嫩，油脂豐富，肥瘦均勻，絕對係必食之選。3️⃣ 脆皮燒腩仔撈麵 $40下午茶餐，燒腩仔都唔錯，豬皮香脆鬆化，食落脆卜卜，肥瘦相間，鹹而不膩，加埋鵝油撈麵嘅香味，特別惹味。4️⃣ 酸辣無骨鳳爪 $30份量都幾多，鳳爪脆爽，味道酸辣，非常開胃。5️⃣ 凍好立克 跟餐+$36️⃣ 凍阿華田 跟餐 +$3

早前同位舊同學傾開近況，原來，我哋呢3年都無出嚟食過飯，是夜就趁老婆返學，得自己一支公，就搵佢出嚟陪小弟食餐飯，兩個中佬撐撐枱腳，就一就我，就揀咗尖沙咀嘅「炯記燒味」，因為舊同學話未試過鵝油撈麵。店內嘅環境就一字長形，好深吓，如好多本地嘅粥麵鋪咁嘅格局，以光猛簡潔為主，配以木枱木櫈。全場大多數喺4人枱，走到最入，就有幾張二人卡位。由於中間通道好闊落，所以，唔會感到好逼。枱上有少少調味料供自由取用，而餐具、紙巾就好似茶記咁，放晌枱下嘅「機關」抽櫃內。揭頁式餐牌，翻幾翻就睇晒有咩選擇，包括：小食、手撕雞腸粉、燒味粉麵飯、招牌太子鵝油撈麵及各類燒味。一般而言，主食類基本上五、六十蚊就有交易，送是日例湯，飲品就另外加錢。烔記三皇盤 $58我哋一早就已打定喺嗌鵝油撈麵，另外，都想試試佢哋嘅小食，就揀呢款「拼盤」，一次過可以試到蒜香雲耳、蒜辣鳳爪、鹽焗鷄腎。雲耳好爽脆，蒜香味十足；鳳爪辣勁比預期強，帶點微酸，夠刺激；雞腎以鹽焗，鹹香好食。是日靚湯其實，我哋甫坐低無耐，單都未落，阿哥仔就擺低兩碗例湯落嚟，哈哈。是晚喺煲蓮藕，當然，高質就唔會架啦，但大大碗，亦夠晒老火，天氣涼涼哋，有碗熱湯飲吓喺幾暖和

今日嚟尖沙咀食燒味飯，呢間老字號好受打工仔歡迎，價錢合理，除咗燒味飯，仲有招牌太子鵝油撈麵同手撕雞腸粉等等…炯記煙燻燒鵝飯 $60🤤燒到皮脆肉香，唔會太肥，肉質結實，鵝香味濃，不需加任何調味，原汁原味最好食～炯記四寶撈麵 $64😍材料豐富，有手撕雞、豬手、叉燒、紅腸～ 豬手大大嚿，充滿膠質，非常入味～ 叉燒燒到好香，有少少焦香味，肥瘦適中～ 手撕雞一啲都唔肥，雞肉嫩滑，雞皮爽脆，加咗芝麻同麻油更香～ 太子鵝油撈麵非常香濃油香但唔太油膩，撈麵彈牙爽口，值得推薦～鹽焗手撕雞腸粉 $40腸粉份量多，口感好滑，手撕雞份量都幾多，配埋芝麻醬甜醬好香甜～🥬醬皇冬菇扒生菜 $20生菜爽脆翠綠，冬菇又多又大粒，醬汁香濃～

之前聽聞過炯記餐室出名手撕雞 但原來仲有燒味專賣店 店舖仲提供超值加餸組合 總共有3款組合 今次就簡左脆皮燒腩仔同沙薑雞 味道出色又抵食 加餸一流😍😍😍🔸組合B - 脆皮燒腩仔 (半斤) & 沙薑雞 (半隻) $108呢個價錢超平🤣雞可以自選款式 有口水雞、沙薑雞、油雞、切雞等。款款都份量仲十足 先講脆皮燒腩仔 皮脆 肉不騷 肥瘦平均😍沙薑雞既肉質嫩 雞皮到雞肉都充滿沙薑香！🏷 炯記燒味 (坤成樓) (荃灣)荃灣荃灣街市街142-166號坤成樓地下10號舖

又要去尖沙咀上堂，同朋友再嚟Encore之前食過CP值好高嘅炯記燒味，今次無嗌到二人餐，單點咗２個麵同一個小食～炯記煙燻燒鵝撈麵燒鵝皮脆肉香，仲好好彩食到個脾位，啖啖肉又juicy ，配埋梅子醬食，會食到唔到層次～撈麵依舊都係水準之作，爽口彈牙！再嗌咗個雙拼燒味 要咗叉燒拼腩仔～加兩蚊仲可以轉鵝油撈麵，就梗係轉喇！叉燒瘦中帶有啲肥，啲蜜汁甜甜哋但唔會膩～腩仔塊皮好脆身，啲肉好鬆軟～仲嗌咗海蜇拼手撕雞小食，海蜇勁爽脆，手撕雞今次醒喇嗌咗唔辣，咸咸哋，好好食！

🌟港鐡尖沙嘴站A1出口3分鐘路程🌟#燒味專門店🌼烔記三皇盤 $58-蒜香雲耳 蒜辣鳳爪 鹽焗雞腎-呢個凍盤又酸又辣 好開胃 又惹味🌼煙燻燒鵝撈麵套餐＄62-鵝肉唔太肥 遠遠都𨉖到淡淡煙燻味- 食撈粗麵 正呀！🫢🫢🌼海蜇手撕雞腸粉套餐 ＄48-第一次見手撕雞配腸粉呢個組合好新穎-以往腸粉通常都係配辣椒醬 甜醬 麻醬-今次用手撕雞嘅鹹香 海蜇嘅爽口 有幾好味喎😆😆🌼鵝油生菜 $18-平時嘅油菜都係用蠔油伴碟-今次就試吓用鵝油撈生菜❣️套餐配飲品凍熱飲都係+$5

店子出名之手撕雞，醬皇豬手，明爐燒味和鵝油撈麵，足料抵吃，跟朋友在這附近想吃中式燒味飯，也選了這店子呢。入座後，奉上例湯。是青紅蘿蔔湯喔。入口清甜美味。 腩差煎旦飯 差燒水準，半肥瘦，入口滿滿油脂香味，不乾柴，必叫差燒，飯量很多，配煎旦吃很滿足，廣東菜餐廳，吃一個經典回味腩差煎旦飯。 手撕雞海蜇飯 手撕雞沒有味精，沙薑粉去調味～海蜇，口感滿滿，加上例湯有驚喜，湯水非常清澈，味道非常清甜，加了很多料，沒有味精真材實料，這手撕雞海蜇，雞肉嫩，雞件多，肉嫩，海蜇味道～口感好好，份量很多，可以跟朋友分享。 簡單就是最好，用心製作好味道～ 看到這店子的句子，令人明白，簡單的事，用心做，也是會有人明白最好的，很好，感覺正面，店子的人也同樣很細心，專門做事，感覺棒棒。

收工揀咗呢間餐廳試吓三個人分別嗌咗手撕雞拌麵一個燒味飯同埋一個豬手豬手好抵讚 炆得林又入味而且大大碟 至於鵝油拌麵同埋燒味飯就有啲失望拌麵冇乜鵝油香味個燒味飯不論係燒肉同埋啲飯嘅質素都比較一般海蜇手撕雞味道中規中矩

呢日同朋友食左餐豐富既港式燒味～位於鬧市旺區，環境光線充足整潔食物種類都有不少配搭，除左燒味之外，亦有切腩、豬手同手撕雞等菜式可選朋友叫咗燒鵝飯，我就對呢個手撕雞腸粉有興趣，另外仲要咗個叉燒拼燒腩仔嘅例牌share食不論係燒鵝、叉燒定燒腩仔都有水準叉燒半肥瘦，調味帶微甜，肉質香軟燒腩仔更燒至皮脆肉嫩！！朋友分享左燒鵝俾我試，肥瘦得宜味夠香不過最係驚喜既係我既“海蜇手撕雞撈腸粉”份量超多，堆到一碟小山丘咁微辣既而爽既海哲配上鹹香嘅鹽焗手撕雞，加埋滑溜嘅腸粉原來係咁爽，食落仲有多層口感添～兩杯飲品都香濃冰凍飯餐仲有配送是日例湯添！！！

好耐冇食過燒味！🍖1. 鴛鴦手撕雞飯 $52有鹽焗同麻辣手撕雞 麻辣食落幾惹味 唔算好辣 小小辣小小麻咁 撈飯食唔錯 鹽焗感覺就冇咁重口味 啱番唔同人嘅口味2. 原隻煙燻燒鵝脾撈麵 $108個鵝油撈麵幾香 份量超多 麵質幾彈牙 燒鵝個皮都幾脆 肥瘦適中 3. 脆皮燒腩仔 $68份量同樣好多 係凍左少少 不過個皮都幾脆 咸味都啱啱好……………………….🌝幾大份 都幾多分店幾方便 算抵食 🌚咁啱坐係角落 要叫多兩叫先落到單……………………….

果日同朋友尖沙咀行街突然想食港式野就係openrice search ，揾到呢間就試試。入到去諗唔到食咩就直接叫了個二人餐，餐包左兩碗例湯，兩個招牌太子鵝油撈麵，鹽焗手撕雞，冬菇醬皇豬手，鹽焗雞腎，酸辣雲耳，郊外油菜同兩杯飲品。招牌太子鵝油撈麵真係必食💗，麵做得夠乾身同食落彈牙，仲食到同聞到陣陣鵝油味，好香。鹽焗手撕雞，整好晒一條條雞肉，好方便，調味都做得好惹味。😋冬菇醬皇豬手，啲冬菇同豬手都整的好淋。鹽焗雞腎，就稍稍遜色，感覺無咩味。酸辣雲耳，啲辣味好夠，酸酸地好開胃。郊外油菜， 啲菜夠新鮮，好翠綠再淋上蠔油。飲品方面，我地一杯叫了特飲阿華田，好值得一試，一杯熱好克力，飲品有驚喜，同出面餐廳比較，他們的冲粉夠味好多。二人餐兩個人係食唔晒， 以呢個價錢黎講，真係幾值得去食~大推鵝油撈麵。🤫

炯記燒味今日約咗老友喺尖沙咀見過面，當然就係要睇吓有咩好食。見到呢間港式茶記都幾光鮮闊落，就入去試吓啦，原來我哋而家做緊個二人餐優惠， $200有找又可以食咗好多唔同嘅嘢當然就要點啦手撕雞(半隻)+麻辣 ，我哋手撕雞都有鹽焗同埋麻辣選擇，我哋就叫咗麻辣，佢哋嘅麻辣都辣得幾過引，一開始都唔算好麻但係食落去辣就出嚟，好食到停唔到口鍾意食麻辣嘅朋友一定要試吓。而佢哋嘅手撕雞真係雞肉亂畫，有鮮味，絕對唔會有雪藏味醬皇豬手(例)+醬皇豬手 另外我哋就叫咗個醬皇豬手，佢哋嘅豬手大大隻，用醬油醃製嘅豬手，味道出色酸辣雲耳 ，另外嘅消息麻辣豬雲耳， 麻辣味醒神吸引鹽焗雞腎，至於雞腎我就叫咗個鹽焗味嘅因為都試咗好多唔同嘅麻辣，見到佢哋嘅鹽焗雞腎有另外一番風味，雞腎爽口郊外生菜，絲苗白飯 +太子撈麵 ，另外跟飯同埋撈麵，我兩種都叫咗佢哋嘅撈麵 麵條都給煙靭好味 另外仲有生菜跟餐，真係好抵食估唔到二百幾蚊嘅二人餐都有咁多唔同嘅嘢食，除咗嘢食佢哋仲有嘢飲送，而且餐廳一啲都唔吝嗇可以任你點冷熱飲品同埋特飲，去到尖沙咀仲可以有呢個咁嘅質素同埋呢個價格我覺得性價比十分之高，下次去開都要過嚟試吓 佢哋嘅燒味 #炯記燒

豬油撈麵坊間比較常見，🥰呢間店則以少見燒鵝油來撈麵。麵條未入口，已經可以見到好有光澤，聞到陣陣油香，味道非常誘人。相比起豬油，🍜鵝油食起身會相對無咁黏口，麵條較爽較滑口，配合秘製嘅黑醬油，🤓真係色、香、味俱全。老闆家族本身做燒臘生意，😍見燒鵝油精華香濃，就覺得不要浪費，拿去撈粗麵吧！🥢撈了鵝油的麵條不太糊口，加上秘製甜豉油，好惹味。店內除了鵝油撈麵，🐤還有有少許麻辣的鹹香手撕雞，雞肉份量幾多，肉質非常滑溜，加上芝麻嘅香味，是道開胃的小菜👍