影片
營業時間
星期一至日
12:00 - 02:00
以上資料只供參考, 請與餐廳確認詳情
要知道半夜寫食文係好殘忍既事，睇到D相立即變肚餓。。所以廄話唔講，快快手打完就去瞓...近月shabu shabu的次數係有生以來最密集XD今次好友飯聚揀左盛八日式火鍋放題店。(去到見到人地用coupon先知最近做緊團購)有分不同價位: 最普通有美國牛肉、對上有美國特選牛肉、再上有澳洲貴族和牛，最貴的有日本飛驒和牛。一場黎到，我地揀最貴既$388日本飛驒和牛放題，豪一次咁多多啦~環境都幾好，座位都算闊落~4人位都坐得鬆動兼夠位擺袋~火焗配料都幾多選擇，丸、菇、瓜菜都有，而且都幾新鮮，少有的油炸鬼、同我最愛的芋絲都有，NICE!湯底是藥膳長壽豬骨湯+ 麥茶壽喜燒，味道都夠濃，唔錯~澳洲貴族和牛同特選豚肉上檯!因為最初湯底未上，牛肉攤咗一輪，雪溶到塌了，賣相就冇咁好睇~同埋可能淥得耐咗，牛肉豚肉都比較韌~ 但味道都OK既~第二碟日本飛驒和牛無論賣相同口感都比較優膀呢!肥肉較少，而且分佈較平均，入口較有牛香~另外仲有刺身架~每人每次限拎4片，三文魚、八爪魚、鮑片、希靈魚。我拎咗3次三文魚刺身，全部都幾新鮮~另每次附一小舊wasabi，唔洗自己慢慢"了"，夠貼心!甜品款式真係好多，抹茶控更加唔可以錯過。但我唔好抹茶，所以只係試木糠布甸、同芒果mousse蛋糕。木糠布甸好味到encore，但如果可以硬身少少就perfect喇~芒果mousse蛋糕ok，唔太甜~抹茶puff、抹茶cake同抹茶果凍...繼續都係抹茶抹茶抹茶!! 另有朱古力噴泉同blueberry mousse cake~真係好誇張，甜品多到試唔哂，因為仲有雪糕櫃呀......仲有仲有汽水啤酒任飲~~~一個字: 飽~好飽~飽死~~~~整體味道都ok，但90分鐘比較趕，唔夠時間慢慢食慢慢傾，如果可以加到120分鐘就更好啦~~
繼續閱讀
上星期去了銅鑼灣盛八燒肉店吃飯,見到桌面有張貼紙,是介紹他們集團旗下新開的火鍋店,只要拿手機拍下貼紙就有八五折. 一直都有光顧盛八,覺得質量和服務都很好,所以就決定去光顧一下新開的店. 我們訂了星期三七點半,可能是平日的關係,客人比較少,新店果然是新店,燈光很充足,座位也很寬闊,不像其他的火鍋店那麼擠. 他有四種層次的肉選擇,因為盛八最著名的就是牛肉,所以我們也不理價錢選了最貴的霜降日本和牛放題,反正有八五折,哈哈哈...... 接下我就出去自助餐處拿其他蔬菜和丸類的食物,種類也很多,最重要的有我愛吃的年糕和刺身,吃了那麼多家火鍋放題,從來也沒有刺身. 回到座位上,牛肉已經到了,霜降和牛真的很好吃,油脂分佈平均,放下去刷一刷就可以吃,入口即溶. 我們點的肉類還有澳洲貴族和牛,特上美國牛肉和特選豬肉.兩個人吃了一共六碟,好滿足喔!!! 在我們吃得飽飽準備離開的時候,服務員提醒我們還有甜點可以吃,焦糖布丁,燉蛋,泡芙,竟然還有朱古力噴泉!! 簡至是女生的天堂. 六百多元吃到頂級和牛,新鮮刺身,豐富甜點,而且環境舒適,不愧是盛八集團得質素.真心值得推薦,下一次一定會帶其他朋友來試一下.
繼續閱讀
星期六尋幽探秘喺旺角女人街發現一間新開業的日式火鍋店，裝修新派及環境舒適寛敞，比同區食肆靚好多下。叫左兩個午市全包套餐，分別係招牌黑毛和牛和美國牛，好明顯黑毛和牛好味D。另外有好多配菜免費無限自取，選料算上乘，唔係一般平價貨。飲品同甜品都係無限自取，又多選擇，紙包罐裝都係免費。限時一個鐘但係未食夠，侍應都算客氣提醒夠鐘，下次食要選90分鐘。老實講我好少食火煱，但係呢間餐廳整體水準喺旺角真係高一皮，值得一試。
繼續閱讀
雲雲 放題 火鍋 自助餐叫好叫座 公認好店 永無失手 冇幾多間閒日晚市 八點幾。。。新店開了不足半個月人氣未夠 輕鬆入座但人手充足 食物充足服務態度 環境 食品種類 樣樣都好好服務態度接線人 打去問長問短 都用心一一解答樓下負責招來的用心 (有冇佣分就真係唔知)經理級 眼見不下三個 (明顯為客滿時服務質素做好準備) 有問必答 耐心解答嗰隻侍應 定時定後會執嘢 自動自覺問哂唔哂再加肉魚生吧師傅 態度好 用心切 擺靚靚 唔欺場環境入口有點點難搵新 building 有 lift 但未解封 多塵啲啲三樓一出 成層都係 一路入 就係大大大 有小分區裝潢以木為主 簡簡單單 清清哋二人座位設計 並列式 多點點 privacy 四人以上座位 對坐式 人數愈多 枱愈長四人一爐 六人兩爐 如此類推枱與枱之間 空間充裕絕無行出行入要就住就住 或屁股仔擦過隔離枱嘅情況出現 (經理亦有解說 設計係想客人舒適啲)整體就係 又新淨又乾淨食品種類湯底有六七隻 加 $18 可鴛鴦色香味全 食到尾都重好夠味牛肉分四等 是此食最貴個 set 試哂頭三等 雖然閒日靜少少 (都差唔多九點先到)但冇出現肉唔新鮮 啡啡肉肉酸酸情況(但忘記影 menu 價錢 失策)First class - 日和牛超香 超滑 超軟 無得彈Business - 澳和牛瘦啲 口感 香滑度 次一級 愛肥美者慎選Premium economy - 特選美牛肥美度不比日和牛遜 只係冇雪花 抵食好味之選魚生 六款 會叫乜切乜 放靚靚先俾你品質一般 但絕不腥或不新鮮冷麵 多色 (多口味) 多配料 兩汁冷盤 四款 有小沙律 中華沙律 等等野菜部 四菜 一菇 兩瓜 等等等等都好新鮮 冇黃黃梅梅 冇好似放咗好耐情況出現丸類 八至十款 係小驚喜 試哂隻隻彈牙 部分味道好足 如墨魚丸絕非成日遇到嘅登腳丸 又軟又冇味主食 選擇好多韓 年糕 中 粉絲 日 烏冬 等等等等 都有另有白飯 熱食 (加喱和牛) but 無試醬汁部 一咸一酸 五味 六配五味有成三款不同芝麻醬六配小匙 細心有洞 如葱花 唔會撈到水水爛爛甜品部 未到超水準 但選擇多 品質唔錯有噴泉玩 有雪糕 有蛋糕 但蛋糕餅底一般中西都各有 如桂花糕 芒果布甸整體都唔錯特別值得一提 芝麻類製品好香好滑 味足口感一流唔似粉開 係好味之選Creme Brûlée 雖然係凍食 但好滑好香飲品部 茶 水 三果汁(口味特別 如熱情果味) 兩沙冰 五汽水 兩紙包(道地) 一啤經理話重會再加總括而言 面面俱圓 都做得好好如果一定要搵唔好嘅嘢 我只能說 - 粟米唔夠甜 新開張 三月期間 重有八折希望會 keep 到 唔會愈做愈差咁又多間心水食堂嘞
繼續閱讀