炑八韓烤 (青衣城1)

營業中

休息中

近排突然之間好鍾意食燒肉😋😋😋嚟到青衣城就，見到呢間裝修好似幾靚，就入咗去呢間韓國燒肉舖頭食啦！見到佢推出左兩個新嘅套餐，就叫咗佢其中一個:慶洲勝利豚套餐🥳🥳又方便，又多嘢食，又唔使諗，最緊要係價錢又唔貴🤑🤑🤑成個套餐又有肉又有豬又有海鮮🤩🤩仲有炒年糕🤩🤩加埋都淨係唔使$700 🤑🤑仲可以任添泡菜蛋同埋芝士粟米😍😍😍😍食到我同男朋友都飽晒🥳🥳🥳😋一個套餐有嘅肉包括:韓牛胸前肉醬油牛小排博切牛舌慶洲五花肉慶洲豬梅肉韓風墨魚兩個牛肉果然係韓牛😍油脂分布好平均，燒起上嚟勁Juice😋😋😋個墨魚食落超彈牙，證明一定係新鮮🥳🥳最有驚喜我覺得係個博切牛舌，食落好鮮甜，連本身唔食牛舌既我都接受到！🥳🥳辣炒年糕最口意食年糕😍仲要係好入味既年糕😍😍😍而且唔算好辣，平時食唔到辣嘅朋友都唔使驚🥳🥳總括來講，呢個套餐份量足夠，仲有得任食前菜同埋爐邊蛋，性價比來講算係好高！🥳🥳🥳

今日去咗青衣城嘅炑八韓烤，見到menu推介既「慶州勝利豚套餐」好似好豐富咁，二話不說就立刻order咗一份。首先黎咗好多配菜，有泡菜、芽菜、醃蘿蔔等，啲配菜好入味食落好開胃，食完仲可以叫職員refill。🤩跟住冇耐啲燒肉黎到，見到好豐富，入面有牛肉、豚肉、魷魚等。個人最喜歡係五花肉，豚肉唔會太肥，包埋生菜連配菜食就一流，入口有新鮮既蔬菜，而豚肉又唔會太油膩。我地仲嗌咗菠蘿梳打，甜甜地，入面仲有幾塊菠蘿，正！👍🏻食完呢餐好滿足，有機會再黎叫其他食物。😋

話說近排木八燒烤出咗一個韓國豚肉燒烤套餐 【慶州豚肉的神話】，套餐有唔同種類嘅肉，就同個朋友黎試試🐖慶州勝利豚 - $698，套餐入面有特級牛肋骨、韓牛前胸肉、醬油牛小排、牛舌、慶州五花肉、慶州豬梅肉、韓風墨魚、辣炒年糕✨牛舌 醬油牛小排 韓牛前胸肉雖然話就話係豬肉套餐 但係套餐入面仲有韓牛唔同部位提供 我最中意既就係醬油牛小排 燒完之後最夠牛味同埋最有幸福既感覺✨慶州五花肉、慶州豬梅肉不愧係慶州茄豬肉 咁就豬肉油脂非常充足 一放上個烤爐燒嘅時候即刻搶火 夠哂鑊氣😜✨韓風墨魚墨魚有兩款 分別係大大塊嘅白色墨魚 同埋橙色既醬油墨魚。 個人就超中意白色既厚切墨魚 非常彈牙同入味 ✨辣炒年糕食韓國野當然唔少得食返一份辣炒年糕啦 燒肉等佢熟既時候可以食住韓國炒年糕同魚糕 雙重享受

與朋友於青衣城看完電影，便於附近吃個好西。想起韓燒第一時間便想起炑八，而且青衣城那間非常之大，座位極多，不用等位。每次也有點新鮮感，這段時間的期間限定是「慶州燒烤套餐」，主打豚肉產地自南韓的慶尚北道，有認定証書。 等待主食期間，便上韓國餐廳最拿手多得誇張的前菜。除了芝麻醬沙律外，其他也可以增添的。這次有醃紅白蘿蔔片、辣醃蘿蔔條、大豆芽菜、泡菜、生菜及生蒜片。炑八最好的賣點是嫩滑惹味的爐邊泡菜蛋及粟米芝士碎可以添加，配任何食材也好配合。 慶州勝利豚套餐 - $698  慶州五花肉自然擁有肥瘦相間的黃金比例，燒起來充滿豐富的肉汁，肉質富有彈性，好惹味。唯豬肉油脂分泌非常旺盛，燒烤時滴入爐內引起猛火，店員指導可先放在旁邊的鐵網自然流走多餘油份。 慶州豬梅肉是一大片肉扒，豬肉味道較鮮甜濃郁，肉質肥肉較少具有咬口感，但脂肪又不會太肥膩。 韓牛前胸肉的肌肉量較多，幾乎沒有脂肪，肉質本身有點堅韌，但經過慢烤後，口感變得柔軟，且外皮略帶脆身。 醬油牛小排 油脂含量多，有豐富的牛肉風味，軟嫩彈牙，細筋又略帶酥脆感。 薄切牛舌成熟時間好短，口感 非常爽脆，有絲絲牛味。 韓風墨魚肉身肥厚，以交叉紋切開入口柔

韓牛前胸肉、醬油牛小排、薄切牛舌、慶州五花肉、慶州豬梅肉同韓風墨魚！韓燒不嬲係我至愛！！見到呢個餐就忍唔住嗌啦！😍😍首先，爐邊泡菜蛋、芝士粟米、前菜同生菜都係任叫的！食左好多碟泡菜同芝士粟米，正！！主角！有韓牛胸前肉、醬油牛小排、薄切牛舌、慶州五花肉、慶州豬梅肉同韓風墨魚！一次過滿足幾個願望！慶州五花肉慶尚北道出產！擁有黃金肥瘦比例！唔會太肥或太瘦，望落都知係正野！燒既時候有啲肉汁爆出，充滿肉汁同口感，一啲都唔鞋，好有彈性！燒到焦焦地甘食，食落好香，有肉味，正！醬油牛小排雪花分佈得好均勻，望見都留口水！醬油甜甜地，有肉汁味，更能豐富牛小排既味道！咬落去好嫩滑，啖啖既牛味散發出黎！薄切牛舌平時都唔食牛舌既，見到呢個都食左幾片醬油醃得好好味，薄薄地一塊更爽口！韓牛前胸肉大大塊，好新鮮，好juicy既感覺！一路燒就一路文到牛既香味！肉汁不斷滲出黎，令人忍唔住唔食佢！又有燒既焦香味，食落又係好嫩滑，啖啖既肉汁同嫩滑既口感令人回味無窮！慶州豬梅肉豬梅肉無醃過既，原汁原味！無肉既羶味，但有豬肉既鮮甜味！其實食完以上既燒肉都飽飽地🤣🤣個餐仲包炒年糕，唔算好辣，年糕好彈牙，有咬口。好滿足既一餐！！任食

同朋友好耐都無食過韓燒，今晚happy friday經過呢炑八就入去試試。朋友鐘意食五花腩，於是我地就揀左「慶州豚肉的神話」套餐。套餐除左有韓國慶州特產五花腩外，仲有牛小排、雞肉同埋八爪魚。落單後店員好快手就幫我地set好燒烤爐。喺等待燒烤期間，可以食住韓式前菜先！前菜包括泡菜、芽菜、醃蘿蔔同埋沙律等，除左沙律外全部都可以refill。泡菜味道幾好， 唔算太辣又夠味，好開胃。主角終於出場啦，五花腩份量比想像中大塊，都幾足料。另一盤肉類拼盤都好吸引，不過每款份量只有兩三塊左右，兩個人食會唔夠喉。燒烤爐火力夠猛，好快就燒熟食物。八爪魚超大隻，而且食落肉質爽口彈牙，幾新鮮。五花腩可以切成幾小塊，一路燒一路都聞到陣陣豚肉油香，夾住生菜食可減輕油膩感。爐邊還有可以refill的芝士粟米和泡菜煎蛋，芝士粟米encore左幾次但煎蛋就一般般，烤得太老了。跟餐可以加錢配梳打飲品，顏色鮮豔但味道比較普通。

住青衣區嘅朋友最近生日話想食韓燒雖然我近排食完無耐但壽星嘅願望點都要滿足下嘅地點就約左喺青衣城嘅炑八韓烤為避免要等位我地早就預約左晚餐時段可能因為客人眾多即使book左枱都要企喺門口度等左陣先有人帶位入到去侍應首先奉上泡菜、醃蘿蔔等韓式前菜面對住餐牌上琳琅滿目嘅菜式有選擇困難症嘅我地難得果斷地選擇價值$498嘅「慶州豚肉的神話」套餐套餐包括霜降牛小排, 蔥蒜牛五花, 薄切牛舌,特製護心肉, 慶州五花肉 , 梨汁雞肉以及大八爪魚。牛、豬、雞甚至海鮮都有，可以滿足唔同人嘅要求。主角慶州五花肉獲得韓國豬肉認定證，具有黄金比例的口感，而且肉汁豐富，肉質亦相當有彈性。飲品方面，我同朋友一人嗌左一杯梳打味道不過不失，但可以中和返食完韓燒嘅油膩感同熱氣，都算係一個不錯嘅選擇

餐廳在青衣城商場裏面， 環境 寬敞舒適，空間感十足， 木系傢俬為主調，主打韓式燒肉， 抽風系統設備完善， 不會覺得油煙感覺。今日選擇了慶州勝利豚套餐$698， 套餐十分豐富，有慶州韓牛前胸肉、醬油牛小排、薄切牛舌、慶州五花肉、慶州豬梅肉、韓風墨魚及辣炒年糕。烤爐邊的泡菜蒸蛋， 軟嫩滑溜， 及芝士粟米粒， 爽甜美味， 仲有拉絲效果， 餐前小碟，泡菜、芽菜及醃酸蘿蔔等，全部都是無限任添。韓牛前胸肉韓牛前胸肉，脂肪分佈平均， 燒起來，香氣撲鼻而來， 入口軟腍， 牛味香濃，肉汁溢出， 令人食指大動。醬油牛小排牛小排雲石紋均勻滿佈，油脂豐盛，十分吸引， 燒烤時， 肥油滴在爐端中，令火光更旺盛，表面烤成網紋，微微彎曲，咀嚼時，肉質軟嫰，有入口溶化的感覺，牛肉汁在口腔迴盪， 令人齒頰留香，俘虜不少韓國牛的粉絲。薄切牛舌薄切牛舌，燒至油光亮澤， 質感感軟嫰、綿彈，十分回味。慶州五花肉鮮嫩的慶州五花肉， 燒烤至邊 緣焦脆， 散發著陣陣燒烤香氣 ，令人垂涎， 入口脆中帶軟嫩，油香吸引。慶州豬梅肉豬梅肉肥瘦適中， 肉質鮮味可口，十分軟嫩， 油香吸引。韓風墨魚經過燒烤後， 表面微微焦香，香氣十足，彈牙而嚼勁，

聽老友講炑八有正宗韓國豚肉食，趁住放假就聚一聚食返餐。呢個慶州勝利豚套餐有好多嘢食，超級豐富，又可以一次過食晒所有唔同種類嘅肉，係好好嘅選擇。餐桌setting除咗有韓式餐具、仲有圍裙、濕紙巾，食燒烤必備嘅生菜醬油同埋蒜片，一絲不苟，令人好想快啲開動。上枱嘅肉盤夾住張卡片，係慶州豚肉嘅證明，咁又幾好，好似成個餐加咗分咁。成日睇韓國節目都見佢哋好鍾意食五花肉，引到我口水流。佢嘅油脂喺爐火燒得分泌旺盛，燒熟嘅五花肉口感一流，有彈性又有肉汁，超正！個餐每種肉都非常美味，juicy 韓牛前胸肉，油脂香口甜美；薄切牛舌較纖維幼細但牛肉味比較重；慶州豬梅肉質較軟腍；醃過嘅醬油牛小排非常惹味；魷魚燒熟左有咬勁但夠腍，點少少醬油非常完美。仲有唔少得係佢哋好好味嘅前菜，有四碟咁多，無限添加，醃蘿蔔同泡菜係我最愛。雖然好飽但一定要食埋個餐包括嘅韓國辣炒年糕同埋沙律，沙律完全可以去除油膩感，辣炒年糕都非常好食，年糕好有咬勁，仲有韓式辣醬、洋蔥絲、蘿蔔絲等等，一啲都唔馬虎而且好好食。食到滾熱辣就好想飲有汽嘅飲品，唔飲啤酒意外嘅選擇就係飲梳打水，加$20就有大大杯又好飲嘅特色梳打水，我哋叫咗兩款，青檸梅子梳打同

今晚去炑八食飯，去到見到有個期間限定「慶州燒烤套餐」就試下啦！嗌左個「慶州勝利豚套餐 ($698)」，有好多野食呀！有：韓牛前胸肉醬油牛小排慶州五花肉慶州梅花肉薄切牛舌韓風墨魚辣炒年糕先上幾碟漬物，味道酸酸辣辣，作開胃前菜不錯👍🏻。蒜酸酸地辣辣地，同肉一齊食可減低油膩感。沙律落左沙律醬酸酸地好開胃，沙律醬量多，食落唔會dry～除左沙律，漬物、爐邊蛋同埋芝士粟米都可以任加！芝士粟米好邪惡呀！🤤粒粒芝士燒熔後好香～辣炒年糕辣辣地好惹味😋，重有煙煙韌韌嘅麵筋。牛舌好有咬口慶州梅花肉半溶，唔會太乾或太硬。韓風墨魚彈牙脆口加配2杯梳打($20/杯)食到熱熱地飲番杯凍梳打，熱氣全消，爽呀！😆欣賞櫃旁邊有櫃桶，拉出黎有紙巾🧻。自助，隨時可以攞，唔使下下叫侍應。

原來青衣城入邊都有唔少野好嘢食，今日試咗炑八，我哋都係睇到出邊既廣告先決定食呢一間。原來佢最近推出左兩個新嘅套餐，咁我哋今日就試咗個慶州勝利豚套餐。原來個套餐都好多嘢食，首先要有啲芝士粟米同泡菜蛋，呢啲都係任食嘅。我尤其鍾意食芝士粟米。另外仲要上埋啲前菜、生菜比我哋包住啲肉黎食。餐廳好快就一次過成版肉咁上黎，分別有韓牛前胸肉、醬油牛小排、薄切牛舌、慶州豬梅肉、韓風魷魚同埋熟食辣炒年糕。今日啲肉入邊每款都有唔同嘅特色。我自己就特別鍾意嗰韓牛前胸肉、薄切牛舌同埋個豬梅肉啦。首先個薄切牛舌放入去燒一燒就搞掂，成個牛舌都充滿牛香，而且口感爽脆👍至於呢度嘅豬梅肉更加韓國方面嘅認證，證明佢係韓國慶南北道入口。質素方面唔使問梗係好唔錯啦，燒完之後啲加啲蒜片同埋生菜一齊食可以平衡返個油膩感👍至於個熟食辣炒年糕方面就唔錯，水準之上。醬汁方面就唔會得個咸字，而係既辣又香同埋口感Q彈10分煙韌！總括而言d肉嘅份量係非常之足夠兩個人食，加埋個年糕其實三個人食都ok最後想提一提大家，成個青衣城入邊嘅商場冷氣都好凍，去食嘢記得帶多件衫着。😂

真係有一排冇韓燒，心掛掛，碰巧和老友韓國之旅一周年，當然要去食韓燒慶祝一下！她指名要回到炑八，我也只好捨命陪女子！剛好在青衣城買完野，去了青衣分店的炑八。晚飯時間等位的人很多，我們等了差不多半個小時才入座！點了期間限定$498慶州豚肉的神話套餐，有牛小排、五花肉、牛舌、護心肉、牛五花、雞肉、大八爪魚等。主菜未上，配菜先上。喜歡炑八的原因，配菜應記一功。那無限任食的泡菜、醃蘿蔔、大豆芽等，還有那泡菜蛋和粟米芝士，都好好味！慶州五花肉粉紅肥美的一大條，燒至透薄均勻，夾住生菜或單食都食到肉香！肉質帶爽而不膩。牛小排、牛五花紋理都好靚，入口肥美，護心肉有咬口，雞肉嫩滑且醃得入味，尤其八爪魚，好新鮮彈牙，啖啖肉好正！跟餐仲有大大杯梳打，一邊燒肉一邊飲凍飲，加上播住韓文歌，好似返到韓國咁！呢度環境裝修都寬敞有格調，油煙味又無，難怪老友encore完又encore，係有原因的！

今日又黎青衣城行街，行行吓見到呢間韓燒，又諗吓自己好耐冇食過，於是就入去試吓啦！見到個期間限定套餐唔太貴（$498），就決定試呢個慶州豚肉的神話套餐，睇吓有幾神😁有一大堆前菜任添，芽菜好食，其他如蘿蔔同泡菜一般般。沙律有柚子味，撈埋芝麻醬好食☺️另外生菜包牛肉加芝士勁正！由於芝士係鐵板拎出嚟夠熱，溶落牛肉度好夾！講返啲肉，個人來講比較出色嘅係霜降牛小排同特製護心肉👍🏻，肉質偏林同有牛味，其實牛舌都好食👍🏻，但嗰醬太濃搶咗啲牛味。而較特別嘅慶州五花肉就冇想像中咁好食，但佢油脂多，食落去好香油味，不過爭咗啲豚肉味。值得推介嘅係大八爪魚🐙，燒完之後好好食，醬汁好味同口感爽脆，瑋流！😍我哋再加左兩杯梳打，神石榴士多啤梨梳打同青檸梅子梳打，兩個都係酸酸甜甜好開胃，解渴一流！🥰🥰埋單$6xx，抵唔抵食就見仁見智，不過都飽，因為芝士，蛋，前菜同生菜係任添。而肉質質素中上，總括嚟講鍾意韓燒嘅可以試吓！

同HONEY去開青衣城，見到炑八韓烤做緊慶州豚肉的神話的套餐，幸好排一陣隊就可以入場，另外仲有我地掛住的鍋邊蛋同芝士粟米，終於來到了，加上有埋小菜，生菜同埋泡菜等小食，芝士粟米真的令人不停地食~~真的唔驚食唔飽~~又可以REFILL，套餐的有八爪魚，有雞肉，有豚肉，仲有兩款不同的牛肉，說明系慶州豚肉，會有埋張卡仔證明，哩塊慶州豚肉真的好JUICY，肉味濃，加埋生菜同埋蒜頭真的唔輸比牛肉~~~套餐的有八爪魚都有驚喜，真的好新鮮，另外肉質好彈，我同HONEY都食左唔少，韓國水冷麵食得太多燒肉，另外點左套餐無的韓國水冷麵，真的有清爽的感覺，CUT走食肉的油利感~~柑橘士多啤梨梳打，青檸梅子梳打柑橘士多啤梨梳打同埋青檸梅子梳打真的食燒肉唔會少的一杯飲品，透心涼的感覺。

最新推出慶州豚肉餐於是決定黎嘗鮮.【慶州豚肉的神話套餐 $498】呢款套餐有三款牛，兩款豬，一款雞同一款海鮮.。霜降牛小排牛小排脂肪含量較高牛味濃郁，軟嫩非常佈滿嘅細筋，燒烤後帶出Q彈又酥脆嘅口感～ .。蔥蒜牛五花同樣都係油脂較多嘅部位燒烤後所散發嘅濃郁香氣加上香惹香蒜，真係好正😈.。薄切牛舌肉質嫩滑軟腍，輕輕一咬極個口腔都充滿住豐富嘅肉汁.。慶州五花肉黎自慶尚北道嘅慶州五花肉五層肥瘦嘅黃金比例燒出黎自然香氣迫人鬆軟富肉汁，肉質柔嫩而彈牙沾些醬汁，再用生菜包裹而食，一流👍.。特製護心肉肉質外焦內嫩，肉汁豐盈無論係就咁食定係夾生菜食，都有吾同風味.。梨汁雞肉梨子嘅香甜配上雞肉嘅嫩滑，好正呀！.。大八爪魚八爪魚勁新鮮一路燒，八爪角腳都仲郁緊由於已經加左醬汁，燒至香脆即可.【粟米芝士。泡菜蛋】除左食豚肉餐無限𝗲𝗻𝗰𝗼𝗿𝗲嘅招牌粟米芝士同泡菜蛋一定吾好放過店員仲推介左佢嘅自創款比我地😂就係芝士溝泡菜咁新穎嘅食法，創新得黎又比到驚喜我地🥳.【神石榴士多啤梨梳打。夏恩菠蘿梳打 $20】選購慶州套餐，加$20就可以配埋梳打前者草莓味突出，仲有粒粒石榴添架！菠蘿梳打亦係搶手款之一真係手快有手慢冇呀😂