83
5
4
港鐵青衣站 F 出口, 港鐵青衣站 G 出口, 港鐵青衣站 A2 出口 繼續閱讀
所有分店 (16)
電話號碼
28950370
開飯介紹
人氣韓國燒烤店,招牌為燒韓牛,當中以肩胛肉及護心肉最為推薦。 繼續閱讀
營業時間
今日營業
11:30 - 16:30
17:30 - 22:00
星期一至日
11:30 - 16:30
17:30 - 22:00
公眾假期
11:30 - 16:30
17:30 - 22:00
公眾假期前夕
11:30 - 16:30
17:30 - 22:00
付款方式
Visa Master AlipayHK 支付寶 現金 銀聯
其他資料
網上訂座
Wi-Fi
酒精飲品
VIP房
泊車
電話訂座
加一服務費
當面支付
有關獎賞計劃
招牌菜
特級牛肋骨 濟州鰻魚 醬油蟹 特上牛舌 王者牛肋骨
食評 (107)
今日難得放假一天,同女朋友出左大嶼山嗰邊行下,夜晚果餐當然唔少得食好少少🤣最近見到炑八出咗個新餐牌,有個期間限定嘅套餐都幾吸引,所以前兩日打定電話book定位,去試吓,順便當辛苦返左成個星期工慰勞吓自己~六點幾嗰時一去到,幾乎座無虛席,好彩有book定位,如果唔係都可能要等吓先入到去一入到去,全部都係燒肉味,聞到都覺得餓,已經好急不及待要叫野食😇呢個就係我嗰時睇到個個期間限定,慶州勝利豚肉套餐,1個係$498,1個係$698,多$200,d肉靚d,野食又多d,最後揀咗勝利豚個餐配菜有4款~ 幾開胃炒年糕其實幾好食,但如果用隻靚d既碟裝,會更好味吸引😂到主菜上盤!用隻牛型既碟裝住唔同既肉,加上放碟好靚,望落已經好吸引,流晒口水d牛唔同部位都好好味,牛味濃郁,同埋睇d紋理,已經知質素好,我覺得自己係燒得幾靚🤣另外服務員都係令我欣賞既地方,佢地雖然要睇住咁多枱客,但都好殷勤好盡力,好似我地d粟米芝士同蛋,見到就快冇就主動問加唔加,唔洗我地叫,粟米芝士幾正🤣我加左成3次haha!加埋同女朋友一人一杯梳打,今晚呢餐,再加上背景播韓文歌聽下歌咁,真係同杯野飲上面寫既一樣,「Good Time,Good Food」!好滿足🥰 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-21
514 瀏覽
朋友係青衣城番工,話見到炑八做緊慶州燒烤套餐幾正咁,今晚就約埋一齊食啦~.一心想食期間限定餐,叫左$698 慶州勝利豚套餐。.前菜小食無限refill😳 食呢d都食飽!泡菜、芽菜、醃蘿蔔條及蘿蔔片.芝士粟米&泡菜蛋我好鍾意芝士粟米,係咁添加左幾次!第一round 泡菜蛋,第二round淨蛋,份外香滑!.飲品:神石榴柑橘梳打 及 夏思菠蘿梳打加錢叫左兩杯梳打特飲,前者有石榴粒,唔算好甜;後者有菠蘿片。.韓牛前胸肉、醬油牛小排、薄切牛舌、慶洲五花肉、慶州豬梅肉、韓風墨魚.呢個烤肉拼盤都好多野食!先燒左薄切牛舌,兩邊烤一陣好快熟。.牛小排用左醬油醃製,烤完加埋新鮮生菜、秘製麵豉醬同埋生蒜片一齊食,正。.韓牛前胸肉牛肉味濃郁!.來自慶州既五花肉肥瘦均勻,好食。.豬梅肉相對就重肉味,唔多油脂。.墨魚好厚身!好爽口彈牙。.辣炒年糕醬汁唔算辣,小朋友都食得,有年糕、魚糕片同雜菜。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-20
283 瀏覽
天氣乍暖還寒,趕緊吃暖笠笠的韓國燒烤。勝利豚套餐除了美味的韓牛,還有肥美的慶州豚肉,很適合食肉獸的胃口。環境寬闊舒適,很適合一大班人熱鬧的圍爐而坐,十分溫馨。很喜歡無限refill的泡菜爐邊蛋,加上泡菜,微辣惹味;芝士粟米燒到半溶狀態,香甜邪惡。——🌸慶州勝利豚套餐 $698 •韓牛前胸肉、醬油牛小排、薄切牛舌•慶州五花肉、慶州豬梅肉•韓風墨魚•辣炒年糕——🐮韓牛拼盤拼盤以牛肉架盛上,份量十足,十分吸晴。牛肉鮮艷奪目,誘人雪花密佈,前胸肉燒至褐色網紋,入口油脂豐腴,沾上燒肉汁,肉汁縈繞於舌,鮮嫩可口。牛小排釋出香濃牛肉汁,口感軟腍,濃郁細膩。薄切牛舌輕烤至兩邊金黃,邊沿焦脆,細滑口感中,微微焦香,肉汁鮮香美味。慶州五花肉厚身肥美,放在爐端上,肥油促使熊熊烈火,傳來陣陣肉香撲鼻。用較剪剪成一口size再快炒,四面均勻受熱,口感外脆內軟腍,肥膏位置香純而不油膩,包在清新的生菜中,夾入蒜片,別有一番滋味。慶州豬梅肉豬肉迷人雪白,久煎不老,梅肉油光亮麗,鮮嫩豐盛,脆中帶嫩,口感鬆軟,十分惹味。韓風墨魚墨魚已經𠝹花,肉身燒至卷曲,鮮香彈牙、帶嚼勁,啖啖惹味。辣炒年糕橙紅色的年糕,酸甜開胃,韓國年糕圓碌碌,口感煙韌、有咬口,咀嚼間沁出泡菜辣度,愈吃愈過癮,加上韓式魚糕,雙倍彈牙口感。夏思菠蘿梳打$20(套餐跟配)入口清新,全杯充滿新鮮菠蘿肉,是解渴之選,冰爽喉嚨。荔枝梳打 $20(套餐跟配)清爽冰涼,入口蜜甜的荔枝香氣,配上清甜的果肉,十分清爽。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-18
260 瀏覽
今日生日,老公話先同我行吓街,然後話帶我食地道韓國燒烤。呢間餐廳門面好大,裡面同樣好有空間感,燈光光猛帶點柔和。韓式裝修,木製枱櫈。座位寬闊,坐得好舒服。老公就叫左個期間限定嘅慶州燒烤套餐 「慶州豚肉的神話套餐」,套餐有霜降牛小排,蔥蒜牛五花,薄切牛舌,特製護心肉,慶州五花肉,梨汁雞肉,大八爪魚同埋南瓜冬菇薯仔等配菜,另外仲有個蔬菜沙律。上餐前先黎個前菜小五碟,有泡菜,醃蘿蔔,芽菜,蒜頭同埋酸蘿蔔,前菜可以任食。 我就比較鍾意食芽菜,所以就 encore咗好幾次。燒烤爐旁邊分別有燒芝士粟米同泡菜蛋,呢個都係可以無限添加。芝士粟米燒完勁有拉絲感,而泡菜加蛋估唔到呢個mix & match係咁夾,d蛋熟左仲勁滑。呢度d牛味道好濃,霜降牛小排肥瘦均勻,軟熟。蔥蒜牛五花脂肪就比較多少少,但食落就唔覺得滿口油。薄切牛舌雖然薄薄,但口感幾好,仲一d唔韌。特製護心肉就比較瘦,口感就厚實一點。梨汁雞肉肉嫩,味道都幾特別。大八爪魚真係好大隻,調味調得幾好。南瓜冬菇薯仔原來燒咗佢係咁好食,帶小小脆嘅感覺。 慶州五花肉有認定證,油脂同肉汁豐富,滿口油香,肉有彈性,配埋生菜一齊食,覺得無咁油膩。最後仲叫左兩杯梳打,梳打好有大杯,好有份量,顏色夢幻。飲落非常冰凍,味道正常,好飽呀。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-06
406 瀏覽
餐廳在青衣城商場裏面, 環境 寬敞舒適,空間感十足, 木系傢俬為主調,主打韓式燒肉, 抽風系統設備完善, 不會覺得油煙感覺。今日選擇了慶州勝利豚套餐$698, 套餐十分豐富,有慶州韓牛前胸肉、醬油牛小排、薄切牛舌、慶州五花肉、慶州豬梅肉、韓風墨魚及辣炒年糕。烤爐邊的泡菜蒸蛋, 軟嫩滑溜, 及芝士粟米粒, 爽甜美味, 仲有拉絲效果, 餐前小碟,泡菜、芽菜及醃酸蘿蔔等,全部都是無限任添。韓牛前胸肉韓牛前胸肉,脂肪分佈平均, 燒起來,香氣撲鼻而來, 入口軟腍, 牛味香濃,肉汁溢出, 令人食指大動。醬油牛小排牛小排雲石紋均勻滿佈,油脂豐盛,十分吸引, 燒烤時, 肥油滴在爐端中,令火光更旺盛,表面烤成網紋,微微彎曲,咀嚼時,肉質軟嫰,有入口溶化的感覺,牛肉汁在口腔迴盪, 令人齒頰留香,俘虜不少韓國牛的粉絲。薄切牛舌薄切牛舌,燒至油光亮澤, 質感感軟嫰、綿彈,十分回味。慶州五花肉鮮嫩的慶州五花肉, 燒烤至邊 緣焦脆, 散發著陣陣燒烤香氣 ,令人垂涎, 入口脆中帶軟嫩,油香吸引。慶州豬梅肉豬梅肉肥瘦適中, 肉質鮮味可口,十分軟嫩, 油香吸引。韓風墨魚經過燒烤後, 表面微微焦香,香氣十足,彈牙而嚼勁,鮮味停留在口腔, 越嚼越滋味。辣炒年糕圓碌碌韓國年糕,口感煙煙韌韌, 浸泡在橙紅色的醬汁內, 醬汁酸酸甜甜帶微辣, 十分開胃,加上爽彈韓式魚糕,越吃越過癮 , 惹味得停不了口。荔枝梳打、菠蘿梳打荔枝、菠蘿梳,冰爽解渴,充滿啖啖水果甜香, 清香解膩。吃完熱燙燙的烤肉,再呷一口梳打,幫助消化, 及消除燒烤帶來的肥膩感,確實不錯 。 繼續閱讀
(以上食評乃用戶個人意見 , 並不代表OpenRice之觀點。)