炑八韓烤 (黃金廣場) (已結業)

姊妹生日，想食韓燒，原本想入赤柱逛，但天色一般，便改了去銅鑼灣逛街。這家分店愈開愈多，好像不錯，姊妹亦吃過覺得幾好，於是我們便入去吃。由於我感冒未清，不能吃太熱氣，我便不點燒烤餐了，我叫了石頭牛肉飯$68，姊妹要了自選燒烤餐$146，芝士另加$10。石頭牛肉飯材料都很多，熱騰騰，可以撈一撈停一停，能吃到金黃的飯焦，飯量亦比較多，雖然能吃光光，但真的太飽了，餐飲我叫了荔梭梳打(加$6)，不會太甜，要了少冰，不錯!姊妹的自選燒烤餐選了炑八LA骨和炑八梨汁雞肉，有些瓜菜、爐邊蛋、粟米芝士，雖然說爐邊蛋任食，不過燒了好久都未熟，姊妹吃得挺開心，應該都不錯吧!星期日午餐時間都很多位，可能這間比較大，而且食肆多，基本我覺得服務都不錯呢！

還記得2月12號，我和男朋友一起到銅鑼灣，我第一時間即刻想到炑八韓烤。想起那些美味的韓式烤肉，炑八韓烤可算是香港數一數二出名的韓國燒烤餐廳！一搭電梯上到6樓，不需要等位，店員直接帶我們到一張大大的四人枱。整個枱面十分乾淨和寬敞。一來到的時候店員會幫給我們一個韓式烤板，把泡菜蛋漿和芝士放在上面。一會兒後，店員快速地遞上各種多款韓國前菜，包括沙律、泡菜、芽豆、白蘿蔔、韓國粉絲等等。還可以添加的！各款韓國前菜泡菜蛋漿和粟米芝士我最喜歡就是這個泡菜蛋漿。泡菜蛋漿是需時煮熟的，所以我和男朋友快速地吃完第一轉的泡菜蛋漿，然後就叫店員幫我們添加第二轉的泡菜蛋漿😍韓牛套餐這個套餐分別有厚切五花腩、厚切豬梅花肉、護心肉同豬排骨。我最鍾意就係包住生菜食！當我咬落去嘅時候，啲肉汁飛晒出嚟。所有的肉好淋身！柚子清酒牛肉我和男朋友都十分喜歡這個餐廳因為店員好主動地服務我們所有換網加蛋都會自動波實在太好服務了！很期待下一餐和男朋友再食炑八韓烤我真的大力推薦

炑八一直都係幫襯嘅鋪頭，不過經常食佢嘅韓燒，今次試佢嘅下午茶，我叫咗個泡菜豆腐飯，感覺冇咁油膩，入面的配料多樣，但每一樣都好少，特別是蜆，揾咗好耐先揾到一隻，不過仲配送一杯特飲soda, tea黎講價錢都公道，50蚊以下，值得試下

約埋亞妹一齊食lunch諗起有依間韓國野就黎試試咁岩見到有下午茶餐$48有湯 蛋包飯 飲品 抵呀👍🏻一叫完野先黎兩個小菜 泡菜同辣魚糕👏🏻👏🏻再黎個湯我真係好中意海帶湯😋另外+$8多一個小食 所以叫多一份魚糕串好好味主菜到齋睇都覺得正食落都好好味 重有個小小沙律係邊邊 最後美中不足係個野飲無咩味之餘仲要帶苦澀味😓但整體來講CP值都係高✨

唔算好高級嘅韓國燒肉但係價錢就好經濟 晏晝嘅話佢有一啲八十幾蚊至150幾蚊不等嘅韓燒set我同一個朋友 share咗一個一百三十幾同埋八十幾蚊嘅set都食得飽雖然嘢食講唔想話好高級 但係都有一定嘅水準 其中推介五花腩，半肥瘦得嚟又夠厚晚餐就貴少少，佢嘅牛肉或者豬肉set都唔包飲品我哋叫咗豬肉2人set 四百幾蚊，連埋加一520幾蚊。雖然係豬肉為主，不過入面都會有一啲蝦同埋雞肉。 份量黎講，我地兩個都比較大食都食唔曬，三個人應該都夠飽。晚餐爐邊嘅芝士粟米同埋泡菜蛋都係任添，嘅不過午餐就要加十蚊先至可以添。如果想食多啲同貴啲都可以加一啲高級啲嘅牛肉，和牛，燒蠔等等，選擇都幾多下 總括嚟講 如果你想食韓燒但又唔想好貴又有一定嘅水準嘅話就非常推介

已經食了數次的炑八 平時每次也吃晚餐-燒肉今次試午餐午餐有燒肉也有韓餐韓餐的選擇也很多今次叫了流心蛋五花腩飯同泡菜豬肉粉絲一上檯見到流心蛋五花腩飯賣相已經好吸引原來飯中配有生菜 感覺很健康 而流心蛋更是重點 與飯拌在一起吃很好味而五花腩的醬汁甜甜的不算太辣 質素也不差而同行的朋友吃了泡菜豬肉粉絲泡菜豬肉很濃味 但有得過辣了不能吃辣的朋友要注意粉絲與泡菜豬肉能夠配合 要配上一隻太陽蛋整體味道也很好炑八的配菜有泡菜，豆芽 味道也很好其中泡菜很出色 每次也會狂食

首先：我地想食下午茶2點28分來到，男職員話：「一定要響出面等位！」留意番，裡面有超過8成吉位，可能你公司教到你地咁冇彈性，但唔明點解要咁冇禮貌！到左30分，聽到話入得，咪入去囉，原來遠處有一個人都係等緊位，男職員：「要排隊入架！」即刻覺得好有問題囉，你好多人就排姐，得佢同我，裡面8成位，唔需要咁嘅態度，我又唔係特登打尖，係人地去左最入面講電話，最大問題係態度，極惡劣！第二：坐低就見到匙羹勁污糟！跟住我叫佢去換，然後佢嘅態度就差到不得了，塊面黑到一個點，食用方面：個湯：太鹹 飯：唔熱環境：好污糟

前兩天先吃完灣仔店的，星期日的晚餐，大約6時30分，又選了這間銅鑼灣的韓式烤肉。可能時間較早，不用等位，𥚃面只有一枱食客。今天兩人來吃，點了一個二人餐，前菜有以下這些。沙律、泡菜、酸蘿白、炒粉絲、豆芽。鑊邊還有泡菜蛋和粟米粉芝士是可以添食的。特別喜歡這個沙律，很清新，麻醬很好味這盤是二人餐，有豬、牛、雞肉、五花腩、牛肋骨、冬菇、南瓜、三色椒、四隻芝士蠔，還有些內臟我沒有吃。醃的入味，不用醃的味鮮，而我特別喜歡牛肋骨~2人可吃得飽飽滿足。

我地入黎叫左個韓牛 因為唔知要叫兩樣先可以開爐 之後個服務員就勁差態度話唔開爐甘我地冇話唔叫 但佢態度甘差令我成餐都食到好唔開胃甘既價錢 服務態度好d啦 我第一次去唔知好正常

係網上見到炑八推出水蜜桃雪冰，好吸引咁，所以決定同朋友來食生日飯。但去到落order 時水蜜桃已經賣晒啦，原來要食要預訂的，好失望！最後我地order 左二人餐 - 大蝦- 帶子- 豬頸肉- 特級牛肋骨，牛肋骨肉- 豬五花肉- 芝士豬排沙律- 冰麵 4款韓式配菜：韓國泡菜，酸蘿蔔片，生菜，海帶，都可以refill 爐邊蛋和芝士粟米可以免費refill 肉和海鮮用兩層架擺放，比較省位置海鮮肉類份量不少，食材新鮮所以不需太多調味芝士豬排沙律，外脆內嫩冰麵下面有放乾冰，所以上枱時仙氣飄飄 ，混合配菜醬料一起食幾爽囗開胃。

人生第一篇食評估唔到就係俾左呢間, 仲要係劣評, 無辦法, 因為真係唔post唔得。話說我地一行6人去, 係朋友生日飯, 我打電話問佢有無切餅費, 佢話無, 之後就精彩啦!(稍後再講)我地點餐既時候, waiter不停咁sell我地套餐, 咁我地唔想叫咁多燒肉, 咪散叫囉, 咁第一round朋友未到齊, 只係叫左兩碟肉同其他野食, waiter已經講我地有兩個爐, 如果叫咁少要收返爐費, 問佢要叫多先得, 佢話一個爐要叫兩碟燒肉, 咁ok啦, 我地之後人齊咪再叫多兩碟肉, 另外一個男waiter話我地要叫多兩碟先可以, 我地當場O嘴, 之後講講下佢都自打嘴巴, 話一個爐係要叫2-3碟肉, 咁我地兩爐四碟肉咪可以囉, 佢話再幫我地問問, 後來先話OK。野食其實係正常既, 不過因為都有少少火火地所以都無影相。最精彩既部分黎啦, 食到差不多最後諗住叫waiter上蛋糕啦, 佢就咁一野隊個蛋糕盒埋黎, 我當時已經完全黑人問號? 心諗唔通因為唔收餅費所以咁樣? 好啦, 咁自己黎, 問waiter拎碟, 個應該有咁上下資歷既女waiter用一個勁串+惡既表情話, "無碟呀!" 果下真係心料咩料,

本人第一次來呢間餐廳食嘢！所以唔知點樣叫嘢食，問職員有啲乜嘢套餐可以介紹！佢叫我叫呢個套餐已經係最平當其時我淨係見到＄288！我冇諗咁多就叫左，最後埋單係過千蚊...之後佢先至收返俾我睇原來個餐成七百幾！同佢地講仲要態度惡劣，死口話冇講過個餐$288...係嘅我自己冇睇清楚姐！佢嗰七百幾蚊寫咗喺個左下角鬼咁角落頭個位嗰度根本唔會睇到囉！錢唔係比吳起只不過用咁嘅手法好差囉...成千蚊使乜食你呢一間啊大把好過你啦又唔係特別好食自己啲員工介紹得唔清唔楚仲要態度差到極點⋯

我係銅鑼灣返工，食午飯時間大概兩點至四點，講係銅鑼灣食個lunch都要＄50起跳，食下午茶可能平少少，食嘅嘢都係好普通⋯因為呢幢大廈全部都係餐廳，其他樓層都有試過，唯獨呢間試完想再食第一次來食午餐，價錢＄60左右，不過食物質素好好，性價比極高；不過今次想推介下午茶⋯基本套餐 $48，包括餐湯，前菜(三小碟)，主菜同飲品之前試過牛肉蛋包飯，好好味，不過今次黎見到有新野（不定期有新意），試咗個卡邦尼粉絲年糕⋯餐湯係牛肉海帶湯， 清清地唔錯；前菜分別有泡菜/海帶/黃芽白，合理味道（之前有醃蘿蔔好好味架）；黎到主菜，雖然份量冇蛋包飯或其他飯餐咁大份，不過都夠飽嘅（男仔可能唔夠），年糕口感好好，略嫌粉絲有啲碎⋯最後想講員工態度唔錯，有一位男士我估係經理，幫我地落單時，態度十分友善，仲好細心問我哋嘅需要，值得一讚

媽媽生日 揀唔到食咩好 最後朋友介紹 揀左呢個食 無介紹錯我地成十個人去食 分左兩個爐 超級正五花腩勁正啊 蛋同泡菜都係可以任加㗎 我地上一次係咁加有人生日佢地仲會播生日歌 so sweet美中不足既係嗰日地下好滑 差啲仆親

唔講唔知，原來AE咭有優惠套餐，精明的朋友是我身邊唯一會真的閱讀推廣郵件的人！結果我們就三人行食三人韓燒套餐。初時以為指定套餐冇好嘢，甚至會唔夠飽，結果都食到肚脹地離開！很喜歡這裡的生菜是免費無限添加，爐邊的蛋和粟米芝士也是免費添加！肉以高腳架上菜，套餐以豬牛為主，並有大蝦四隻和一些菇類。調味是好的。套餐有這海鮮煎餅，老實説，如不是套餐已包，平時甚少會吃，但估不到也幾有水準，彈彈的有咬口。但我覺得還有很多進步的空間，特別是訂了枱的我們準時到了，但還是要等候，有些失望。