炑八韓烤親子餐廳 (愉景新城)

營業中

休息中

愉景新城一直都係家長帶小朋友放電既好去處上幾個星期見到有間新餐廳就嚟開地方都好大聲稱又有得食又有得玩又有堂可以上家長可以呢度一次過滿足晒小朋友幾個願望😍😍😍見連續有幾日假期 一於帶埋姨甥女同家姐放下電🤪=====================親子餐廳嘅好處就係大人可以一邊享用美食，又可以叫d造型美食氹吓啲小朋友開心，地方可以放電，波波池瀡滑梯砌積木等等，包保有樣岩你小朋友，見到隔籬枱有啲半歲左右大既小朋友，餐廳都有造型糊飯餐選擇比家長，咁就可以唔洗額外自己預備，又幾方便👍我哋今次兩個大人一個小朋友叫左好多樣嘢，去新餐廳就係永遠會失預算食到肚滿腸肥，因為樣樣都好想試，而且每個名好似好吸引🤣🤣所以，我地叫左1️⃣頂級霜降牛小排 2️⃣韓國鰻魚3️⃣芝士炸雞全份 4️⃣蘋果香蕉窩夫5️⃣韓國公主蛋包飯城堡6️⃣冷壓果汁7️⃣柑橘沙冰果茶食物質素唔錯！小朋友嘅造型食物亦都好吸睛，而且員工服務態度很好，餐廳仲有robot 送餐,小朋友見到又好開心😊我地約左五點半，小朋友玩樂區夜晚六至七會大清潔同整理，所以玩左一陣，食完飯可以入去再玩！餐廳仲有啲小心思，枱面嘅墊枱紙係填顏色紙，每枱都會放埋一筒木顏色係度，小朋友一坐底就忍唔

相信，大家都知道，荃灣愉景新城被區內譽為「兒童場」，1樓位置匯聚了不少與小朋友相關的店舖，每逢周末，更有形形式式的表演、活動，以至市集，大多數都離不開小朋友，場內還有Play House及各種課餘活動，絕對是兒童樂園！  最近，更開設了一間大型韓屋主題親子餐廳 -《炑八韓烤親子餐廳》，無論是餐廳裝潢、設施配套，以及食物都注入了令小朋友快樂的元素，與炑八韓烤其他分店截然不同，好有驚喜！餐廳空間感十足，店內設計以韓式家庭樂為主要藍圖，選用了淺色木系作主調，帶來溫馨舒適的感覺。場內更設有遊玩空間，當中提供各種類的玩具及書籍，以及大型玩具：玩具車、滑梯和波波池，一應俱全，小朋友可以在這裡瘋狂放電。 最特別是設有「親子烘焙工作室」，客人除了來這裡用餐，還可考慮親自下廚，打造不同主題的得意造型烘焙品，例如：搞怪馬卡龍、 得意蛋糕及小熊曲奇等，大家還可以一起醃泡菜及製作蝸牛紫菜包飯等，體驗人氣韓食製作。去炑八韓烤，烤物當然不可少，這次我們選了頂級霜降牛小排及韓國鰻魚。 一碟頂級霜降牛小排，份量雖然不多，但每一片都是嫩紅的，充滿油花，含豐富的油脂，烤熟後，增添了牛小排的軟嫩口感，牛肉風味濃郁。 韓國人

呢度最貼心嘅就系照顧埋小月齡bb😍除咗有零歲BB專區遊樂空間，仲有BB有機米糊餐👍🏻媽咪再唔洗帶粥出街🥹真系好感動🥣自選粥糊餐，根據BB嘅年齡，可以揀返適合嘅餐單，入邊有齊蔬菜、肉類、碳水，仲有甜品添！我親自試過未，非常健康原始嘅味道，好啱BB仔食😍大小小既小朋友都有不同嘅兒童餐比佢哋選擇，我今次揀咗公主城堡蛋包飯，有別於我地平時食既蛋包飯，佢哋嘅滑蛋，係全熟既😊真係照顧小朋友嘅需要大人點少得燒肉，叫左頂級霜降牛小排同鰻魚，肉質鮮嫩，配上佢地嘅特製醬汁，味道更加濃郁！牛小排油花，分布平均，咬落入口即溶🥰甜品方面，佢地有水果忌廉三文治同水果迷你班戟，兩款甜品都好美味啊！水果忌廉三文治有新鮮嘅水果同濃郁嘅忌廉夾在兩片鬆軟嘅麵包之間，一口咬落去，滋味十足！水果迷你班戟就更加可愛，一口一件😊

【荃灣•炑八韓烤親子餐廳 (荃灣)】————————————————————————愉景新城入邊新開既親子餐廳 兒童場景新裝修 背景音樂輕鬆快樂 設有兒童遊戲室 岩曬小朋友放電 波波池係男仔最癲既區域🤪 以韓燒炸雞鍋物等菜式為主打 大人細路都岩玩 🌟餐廳有首創健康嬰幼兒輔食餐單🌟嶄新韓服體驗🌟特大韓系放電遊玩區🌟每月有不同主題兒童工作坊🌟全新烘焙工作室 | 餐廳設有自選粥糊餐 啱曬十個月至一歲大嘅小朋友 | HKD 68-92-五倍有機白粥-甘筍薯仔糊-三文魚-豬肉-雞翼-南瓜-西蘭花-有機楓糖蜜糖煎餅真係體貼細心咁照顧小朋友嘅需要 小朋友食完即時補充一日所需既營養😆🫰🍯｜頂級霜降牛小排六件🥩｜HKD 188 雪花分佈均勻 用生菜香蒜醬料等包裹住🥬 食落層次豐富菜好green肉好牛😝🐮🍯｜仁川鰻魚全份｜HKD 256大大條鰻魚放落去燒 好玩又好味 食落去肉質彈牙 加埋檸檬汁同埋燒汁好好味呀🐬🍋💦🍯｜芝士冇骨炸雞全份16件｜HKD 220好大份好脆 芝士喺曬煎pan底 撈埋啲雞一齊食 爽🐔🐔🐔❗️⚡️🍯｜水果忌廉三文治｜HKD 88熊仔三文治賣相吸引 中間夾層嘅忌廉好cream香甜 夾

今日就帶咗小朋友去荃灣既炑八韓烤親子餐廳食飯餐廳入邊有超大既遊玩區, 除咗有波波池, 滑梯 仲有好多打卡位🤣我地就叫左頂級霜降牛小排, 韓國鰻魚同芝士炸雞牛小排油脂分怖平均, 燒熱左更香韓國鰻魚咬落爽口, 配埋燒汁幾滋味芝士炸雞外層炸得好香口, D芝士仲可以拉絲😋配埋冷壓橙汁同蘋果汁, 飲落唔會太甜另外仲叫左水果忌廉三文治同蘋果香蕉窩夫三文治用忌廉同生果砌成動物樣,邪惡得來又超可愛🤣窩夫即叫即做, 非常鬆軟👍小朋友俾入場費就包左兒童餐有齊韓國公主蛋包飯城堡同水果迷你班戟整體食物賣相都幾得意🤣蛋皮好嫩滑, 配埋入邊既炒飯底, 幾惹味班戟蛋香味濃, 細細塊岩唒小朋友咬餐廳仲有小Baby粥糊餐除左有有機白粥, 仲有甘筍薯仔糊, 同埋多款軟餐選擇, BB岩岩7個月,都食得幾滋味🤣

今天lunch到店等候。店員說明沒有燒烤位，不能燒烤。心想我們2人亦沒可以食其他飯類食物。但店員竟然說有每位最低消費$150。餐牌內不燒烤的食物，其實很多款都不需$100。其實如果有燒烤位可供燒烤，$150/位一定不是問題😅

早幾日見炑八韓烤親子餐廳係愉景新城開張啦，趁新開張唔多人，我即刻同小朋友去食嘢。一入去左邊就有波波池遊玩區，入面仲有玩具、圖書、車仔積木、煮飯仔等等！玩左一輪就同佢哋著韓服扮靚靚，小朋友著咗好可愛，全程用餐小朋友玩咗一半時間，計返都抵！炑八小朋友餐入場費108，包一份兒童餐，份量可以，調味唔多，比較適合小朋友。韓國公主蛋包飯城堡頂級霜降牛小排韓國鰻魚半份芝士炸雞全份 ，拉絲芝士加炸雞，無得輸！水果忌廉三文治蘋果香蕉窩夫水果迷你班戟冷壓果汁，ok唔太甜！小baby粥糊餐，無論食物質地同味道都好啱小bb食用去前記得提早訂位，我閒日見六點都開始多人！

放假去咗荃灣愉景新城見到新開咗間炑八韓烤親子餐廳餐廳裝修可愛，主打親子活動區。有波波池同小童活動區。小童每位比完入場費會包兒童套餐一份真係有得玩又有得食😆而成人就只設最低消費。其實都幾肚餓，所以我已經急不及待叫咗好多嘢食。全份炸雞系列（無骨）大大舊炸雞點埋啲芝士真係好好味😋仁川鰻魚（全份）鰻魚肉厚肥美鮮嫩，要睇住個火喉嚟燒，燒到佢既表皮脆卜卜先最正🤤頂級霜降牛小排牛味香濃食落好juicy 😋水果忌廉三文治水果新鮮美味。蘋果香蕉窩夫呢個窩夫好得意一定好受小朋友歡迎。

家族增添新成員，外出餐飲都要顧及小朋友需要。朋友講起，呢間韓式親子餐廳開左分店。今晚來了試下。🔸自選粥糊餐 有分唔同年紀的粥糊餐，好細心。10個月至一歲大既可以揀5個口味的糊類。我試食過，食到食材的原味，輕甜輕鹹，都係食材本身的味道。不錯，夠健康，適合小朋友。🔸公主蛋包飯小女童實中意。兒童入場費（$158）包左既套餐。餐廳內有遊戲區，好多野玩，小朋友玩到唔捨得走。🔸頂級霜降牛小排大人梗係食肉肉。牛肉油脂均勻，輕輕燒一燒已食得。肉味都好夠，正。🔸仁川鰻魚餐牌寫新鮮鰻魚，上台係生的，眼見都係肥美既。我先燒熟兩面，塗上醬汁再燒香。我手殘，魚皮燒得太點燶所以有些苦，魚肉就好味，厚燒啖啖肉。🔸全份炸雞好大的一份。沾上芝士好惹味，味道中上水平。食左好多都仲要打包回家，人少下次叫半份就夠。🔸水果迷你班戟係我意料之外，班戟係偏凍既，可能因為俾小朋友食，同配合水果。就味道黎講，班戟本身係好食既，有些牛油香。🔸蘋果香蕉窩夫好足料，個窩夫幾香。生果份量都好多。香蕉同窩夫特別夾，而蘋果就增添些清新。忌廉都好輕身，唔會膩。服務態度特別一讚，尤其係對小朋友好有耐心,會同佢哋傾下計。

今晚和太太帶住外甥女來到愉景新城吃晚飯，在地下發現這家炑八韓烤親子餐廳，有得食又有得玩，於是來試試水準。餐廳環境清新，空間寬敞，有不少卡位，正好可以舒舒服服地邊食邊傾計，注意有最低消費成人每位$150，而小童入場費$158包括一份兒童餐、韓服體驗及遊玩區。遊玩區面積巨大，亦有多種不同的項目設施，娛樂性十足，小朋友玩足兩個鐘。餐廳有不同的經典韓國菜及韓燒菜式選擇，另外亦有小童菜單。甫入座侍者立馬奉上韓式前菜小碟，調味精準，一吃酸爽香口，十分開胃，而芝士粟米在爐中燒溶後十分惹味，以上前菜全部均可無限追加。冷壓橙汁/冷壓蘋果汁 $32先點兩杯冷壓果汁，一呷清甜可喜，純粹的果香氣味，絕無加入糖水。頂級霜降牛小排 $188點了燒肉最佳的牛小排，牛肉炙燒過後，入口先有脂肪的油香，然後抿出香濃的牛肉味，配以奉送的生菜以醬料同吃，十分滿足。韓國鰻魚 $256然後點了一客韓國鰻魚，相對日式鰻魚，韓國鰻魚比較似肥美的大白鱔，先原條烤炙，之後再剪成小塊加上醬汁，令每一面都有燒烤香氣，入口彈牙爽口，肉質油香鮮美，一流。芝士炸雞 $220始終敵不過炸雞的引誘，點了芝士口味的韓式炸雞，外皮香脆，內裡嫩滑可口，可以

約左媽媽食晚飯，臨時要幫手湊小朋友，一於帶埋佢去又玩又食😝之前食過炑八燒烤，質素唔錯，今次去荃灣個間仲有玩樂區及親子烘焙區，比左入場費之後小朋友免費穿韓服感受一下，順便打下卡！動物造型的甜品好吸引小朋友，有得食有得玩～6個月大-1歲小baby都有粥糊餐揀，方便得多，唔洗準備咁多嘢。餐廳播著高高興興的兒歌，周圍也是色彩繽紛，是很開心的氛圍。大人烤牛肉，鰻魚，味道不錯！小朋友好喜歡的韓包飯，好岩小朋友食

位於荃灣愉景新城嘅呢一間親子餐廳【炑八韓烤親子餐廳】， 於親子friendly嘅 D Park裏面，正正就喺地下誠品書店嘅隔離， 一家人行完街、玩完、 再食飯， 一站式非常之方便。講返呢間餐廳，新開張冇耐， 裏面主打韓食， 既有韓燒， 同時亦有各款嘅兒童餐， 啱曬大人同小朋友。餐廳重設有烘焙室， 平時定時都會舉辦的啲烘焙課程。另外最重要嘅就當係有playroom啦～Playroom嘅設計非常之光猛，而且亦由於新開， 玩具同埋擺設都非常之新淨。裏面最吸引嘅就當然係波波池啦，每個小朋友都玩到樂而忘返。玩具有男孩最愛嘅車仔、火車， 仲有超級市場同煮飯仔，亦有兩歲以下啱玩嘅玩具。返呢度嘅食物， 叫得做親子餐廳，當然要顧及全部小朋友啦，上次同朋友帶埋bb嚟食， 竟然有埋bb糊仔餐， 雞肉、三文魚、西蘭花、 南瓜、粥仔，營養超級均衡， 就算帶埋小bb出街都可以有餐食， 真心方便。另外當然有小朋友嘅食物啦， 呢度嘅兒童餐賣相非常吸引， 而且營養都幾均衡。《韓國公主蛋包飯城堡 》 上面係滑溜嘅炒蛋， 裏面就係茄汁炒飯， 加埋四邊嘅蔬菜粒， 味道雖然簡簡單單， 但小朋友非常之鐘意。另外亦叫咗一份甜品畀小

今日＇難得day off , 襯囡囡重讀緊幼稚園， 唔洗趕功課溫考試， 放假就會帶佢去玩， 今日帶埋妹妹一齊搭車出發去荃灣愉景新城.D 個商場真係好適合小朋友， 又可以去誠品睇書， 又可以去鯨魚公園玩， 又有好多衫仔買， 行行吓俾我囡見到炑八親子餐廳開咗， 即刻指住話有playhouse 同換靚衫咗間餐廳， 我好鍾意（ 因之前帶過佢去觀塘咗間）， 好想入去玩.聽職員講今日先正式營業， 阿囡真好彩.粥糊餐（10 個月至1 歲大）： 本身湊住妹妹， 諗住返屋企食晚飯, 見d 到有粥糊餐， 可以係到食埋， 唔洗趕返屋企.頂級霜降牛小排： 脂肪比例好平均， 雪花炆好靚， 食落好淋， 重牛味👍仁川鳗魚（ 全份）： 厚身大條， 燒到咁上下， 加埋鳗魚汁， 正😋全份芝士炸雞： 啖啖肉， 炸到外脆內軟， 熱辣辣， 就咁食或者沾芝士食都唔錯兒童餐： 公主城堡飯， 囡囡話好靚水果忌廉三文治：平時唔多食水果既小朋友見到咁得意既狗狗三文治都急不及待走過黎咬－啖蘋果香蕉窩夫： 好大份， 1 家人share 都好足夠，