火車頭越南餐室 (朗豪坊)

營業中

休息中

覆診後漫無目的於旺角閒逛，之後打算找間cafe座下，慢慢等另一半放工，但找了兩間cafe都幾多人，所以便走到朗豪坊food court找其他餐廳！最終見到一間越式餐廳的食客不算多，而且食物都幾合心水，便入內用餐！餐廳環境樓底高但翳焗，連平時點開熱飲的我也不禁破例要了一杯凍飲：越式蒸粉包⁣蒸粉包只有4小隻，味道不過不失，每隻蒸粉包的餡料份量不算特別多，而且外皮非常黏，就算已經小心翼翼的夾起也會散或爛，非常麻煩🤷🏻‍♀️提子梳打⁣提子梳打真的很一般，提子味道頗淡，完全不明點解要浸住幾粒提子乾😅感覺古怪🤷🏻‍♀️最後埋單差不多$60，這價錢應還有很多餐廳可選擇，唯一好處是不會趕客，適合打發時間！

前排和朋友去了朗豪坊shopping，之後去左火車頭越南餐室食dinner；本身好中意食越南菜，所以好期待味道如何！酸辣去骨鳳爪：去骨鳳爪份量多，因已去骨大大方便食用；酸辣足夠令人愈食愈開胃！鳳爪口感好爽口，極之推介啊！火車頭招牌湯河：招牌湯河當然要叫黎食下！火車頭包有多款配料如牛丸，牛肉，牛展，牛筋，牛栢葉等等；牛丸彈牙，牛味香口；牛肉因是半生熟令口感很嫩口；牛展吾會乾口。湯底是用牛骨黎製成，令整個味道更增加牛香味啊！河粉可自行轉以金邊粉，口感同樣滑口又吾易斷，而且很飽肚呢！另有香葉，芽菜，辣椒以個人喜好加入在湯中的。生牛肉湯河：朋友最喜歡食生牛肉，所以特登揀左個只有生牛肉巴既湯河。生牛肉份量好多，也是嫩口又夠滑啊！另外，河粉吾會好易斷，食落很滑，朋友大讚！沙嗲牛肉串 (3串)：牛肉串燒得好香口，而且啖啖juicy，牛香味十足！另外既沙嗲比較稀身，如果可以結少少的話，味道會更濃郁。芒果糯米飯：糯米飯甜甜酸酸幾開胃，糯米飯份量岩岩好；口感吾乾吾硬，所以吾算難消化，配合埋旁邊既汁一同食用，甜甜酸酸，值得推介！

今日終於約左好耐冇見嘅朋友去朗豪方行街食飯🥰 行完街就黎左火車頭越南餐室🇻🇳食晚餐👏🏻佢仲有好多唔同醬汁仼君選擇好耐冇食過越式蒸粉包今日就trytry呢度嘅越南蒸粉包拼扎肉🤤 佢嘅皮好滑入面包左好多料 成個粉包好飽滿 味道較為淡 但係配上附上嘅咸醬汁就變到好好味😋食越南野緊係要試下佢嘅米紙卷啦🥴 所以我地嗌左個牛油果軟殼蟹米紙卷 軟殼蟹炸得好脆 再倒啲酸甜汁不得了！我地仲嗌左碗生熟牛肉湯河同鮮茄蟹肉蝦湯檬🤩湯河真係好好食😋湯底好飲到飲唔停口❤️鮮茄湯檬湯底就係濃嘅鮮茄海鮮湯 同牛肉湯河清新嘅口味截然不同👍🏻最後仲嗌左杯美祿哥斯拉 哇真係超好飲👏🏻非常推薦❤️再嗌左個芒果糯米飯 都好好味😆見到餐牌仲有好多選擇 真係想咩都試暈晒🤣唯有下次再黎試過！

同老公去朗豪行街兼朝聖睇三眼仔派對，行到餓餓地，又想食越南野一於試吓依間火車頭啦。叫左個火車頭招牌湯河-材料十足，最愛牛筋，超冧，牛丸彈牙，分量多原個菠蘿炒飯-成日都有個迷思究竟原個菠蘿會唔會reuse, 但依個啲菠蘿超甜，同新鮮，加上大蝦多有兩隻，一上枱就聞到香噴噴，食慾大增馬拉盞炒通菜-非常惹味，唔鍾意食菜嘅我，都忍唔住食多幾條牛油果軟殼蟹米紙卷- 牛油果真係好好味，加上軟殼蟹，用生菜加米紙包著，抵銷油膩感，反而外軟內脆添

23/5/2020朗豪坊越來越多唔同嘅嘢食，同埋有啲新嘅餐廳。疫情緩和之後，見到呢一間越南餐廳環境舒適就試吓。餐牌內都算多選擇，價錢合理！套餐特別抵食！通常食親越南菜我都一定叫一個拼盤，因為裏面有唔同嘅嘢食，最鍾意多選擇！另外通常都會叫一碟通菜。呢度嘅拼盤都好有特色！有個別用一個小籠裝住嘅蒸粉包！今次雖然冇叫套餐但都好抵食，仲叫咗軟殼蟹米紙卷，有一碟足料蕃茄牛腩軟殼蟹夠鮮脆！牛腩三個人都食唔晒要打包我哋下次都會再嚟試吓佢啲套餐！

去到位於旺角朗豪坊的火車頭越南餐廳，由於地理的優勢，餐廳好旺，很多人。餐廳唔係好大，侍應先幫我們量體溫，再招呼我們坐下。叫咗生牛肉湯河 - 有生牛肉和籮白葱等材料，湯底味道濃郁，十分好味。小食拼盤 - 有越南炸春卷，沙嗲雞肉串，扎肉，蒸粉包， 青木瓜乾牛肉沙律， 材料很豐富，最鍾意沙嗲雞肉串，熟度適中，唔會過老，沙嗲汁很惹味。原個菠蘿炒飯-原隻菠蘿上，材料有鮮蝦，肉鬆，腰果，青瓜，菠蘿；炒飯夠鑊氣。另外仲叫椰汁紅豆冰，很多紅豆，甜度適中，餐廳水準高，非常好味，會再來。

上星期到朗豪坊逛街，晚餐之後看看附近有什麼餐廳可以一戰，留意到這間越南菜餐廳，久未嘗試越南菜的我決定一試先點了炸春卷作小食，外皮香脆，配合內裏飽滿多汁的餡料，加上泰式辣醬，是一道開胃的小菜越式法包，餡料同樣飽滿，而且配料配合不同的蔬菜為口感帶來不同層次，麵包質地鬆軟，有驚喜馬拉盞炒通菜，味道非常濃郁驚喜，咸香味十足菠蘿炒飯，份量非常之多，而且配料非常豐富，配以蝦仁臘腸肉鬆腰果，而且炒飯炒得粒粒分明，非常驚喜

三號風球下, 胃口麻麻, 打算食越南菜開下胃口。對上幾次黎幫襯都感覺不錯, 可惜到今晚, 好印象到此為止。叫左兩碗河粉, 剛食完無耐, 休息一陣, 正想諗下飲乜之際, 侍應已經禮貌地遞上結賬單, 並連聲多謝。望向入口, 無人等位, 睇下時間, 20:17, 再睇張單, 落單時間係19:40...向職員查詢, 表示晚市有時限, 一睇18:00 以後入座, 限時90mins.結合以上資訊同感受, 我感覺到呢間餐廳, 想自我降格為快餐店, 以後唔會再主動去!

12點前去到，座位任選，坐底亦無人摧落單可以慢慢睇。可以讚系所有食物熱辣辣，服務都幾快幾周到，但冷氣吾多夠要用風扇。燒豬頸肉飯餐（$79）-豬頸燒的幾香同吾乾，比較肥美同爽口，米飯比較硬但汁醬幾好味。-蒜香牛油雞中翼好大隻，好有肉汁，但牛油同蒜香味吾夠。香茅牛肉飯餐 （$79）- 牛肉好似系水煮加汁，肉好乾，無任何香茅味，米飯比較硬但汁醬幾好味，但牛肉份量吾夠。-燒豬肉米紙捲，米紙比較厚同勒，豬肉亦無乜味，加條生韮菜花但吾敢生食。

今晚男友提議食越南菜，近近地選擇了朗豪坊的火車頭越南餐室!店面望落真的好像車卡的外型，幾有風格。餐牌價格中等，主打湯河、撈檬、叻沙及咖喱。還有甜品及越南滴漏咖啡供應。薄荷青檸梳打$ 36 調味調得不錯，像無酒精的mojito 葡萄梳打$32唔會過甜火車頭招牌湯河 $98上碟超大碗，非常足料。內有牛肉、牛丸、牛栢葉、牛𦟌同大量牛筋、羅白半生熟的牛肉片很吸引、牛𦟌厚度夠、牛筋黏口軟稔充滿骨膠原，河粉亦都爽滑。香茅牛肉米紙卷 $58米紙卷包得很紮實，附的醬汁有點似填鴨醬甜甜很開胃。咖喱牛腩 $108 牛腩份量超多，薯仔炆得好稔，醬汁夠濃稠。咖喱惹味香濃一d 都唔辣。法包 $23 用來沾咖喱食很夾。豐富足料的一頓全牛晚餐。

這晚約了老豆吃晚飯，老豆偏好泰菜、越菜，話想食咖哩牛腩，我醒起朗豪坊的火車頭，就同老豆去火車頭食晚飯！無論鐘意食湯河還是飯都照顧到！我當然選了我的最愛——原個菠蘿炒飯！然後就要滿足老爸的要求，點了他想吃的咖哩牛腩。再點了個小食，椒鹽軟殼蟹。老爸是很直接的人，好吃就說好吃，他說牛腩質素非常好，是坑腩部分，肥瘦適中！又淋又入味！咖哩不會太辣，適合大部分人口味，如果不吃飯，我建議點個多士，沾上咖哩汁應該好好吃！還有大大的薯仔！椒鹽軟殼蟹非常惹味，偏辣，好香脆，裡面軟綿不失鮮味！很特別，配上炸過的粟米片和生菜，層次更豐富！菠蘿炒飯好足料！好多肉鬆、腰果，還有幾隻超大隻的蝦，爽口到不得了，菠蘿又甜，非常適合夏日！飯粒分明！好滿足！點了鹹檸七和鹹檸蜜，解渴！爽！

向朗豪坊做完facial 外面又風大雨大，跟老公在商場入面吃個晚飯就快快回家吧！4樓food court 樓層見到有間越南餐廳，反正已經很久沒有吃越南菜，一於就決定吃我很愛的越南湯河。生熟牛肉湯河食越南菜必吃之選，半生熟的牛肉+牛腩完美配搭，牛骨湯清甜可口，牛肉鮮嫩軟滑，而牛腩爽口軟淋，真的非常美味。鮮茄蟹肉蝦湯檬橙紅色的湯底望落已經非常吸引，入口蕃茄味香濃，但金不換香味比較突出，有少少蓋過鮮茄甜味，面頭放上大大舊炸軟殻蟹，軟殼蟹外層少少脆口，蟹肉保持鮮嫩香甜，另外大蝦爽口彈牙，鮮味十足，整體來講都很不錯喔！越南炸春卷春卷炸到金黃色,用生菜包住加上少少甜酸醬，脆卜卜又滋味。牛油果軟殼蟹米紙卷米紙卷外皮QQ的，軟殼蟹份量十足，食落鮮甜，配上牛油果可以減低油膩感而且又健康。馬拉盞炒通菜馬拉盞咸香惹味，通菜新鮮爽嫩。美祿哥斯拉馬來西亞特別愛飲美祿，用上比平常多一倍的美祿冲成，面頭再堆上大量美祿粉，飲落特別香濃，最驚喜反而不算太甜，甜品剛剛好。

同朋友閒逛朗豪坊，大家都唔知想食乜，睇到火車頭越南餐廳，立馬決定試一下。兩個人坐下，朋友二話不說就直接叫了一個火車頭河粉，我依然是生牛肉檬粉，落單唔使五分鐘火車頭河粉上來了，朋友說“怎麼不熱呢？”說完自顧自的吃起來，我的生牛肉也到了，碗裡一塊蘿蔔大概有五塊牛肉，試了一下蘿蔔蘿蔔很老有筋帶苦味，至於湯和粉沒有驚喜。重點來了，朋友給我夾了三塊牛筋，我吃了第一塊的時候，就想這是什麼牛筋？怎麼這麼難嚼呢？費了九牛二虎之力才終於吃完第一塊，牛筋的口感很奇怪，感覺像食橡膠一樣的，到第二塊的時候，根本就咬不動扯不爛，我立馬放下，心裡想，這不是大陸合成的牛筋吧？香港人對食越來越不講究了嗎？難道只求溫飽了？那既然這樣還吃一百塊錢的粉幹嘛？

夏日炎炎，加上戴住個口罩焗住，都無咩胃口。午飯時間，見到呢間越南餐廳幾多人，午市套餐包小食同飲品，都好多選擇，決定試試。心大心細，最後揀咗香茅牛肉湯河（$79），小食就揀咗牛油果素米紙卷，飲品就揀咗凍士多啤梨綠茶（跟餐唔洗加錢）。等咗一陣，米紙卷就黎喇，賣相好靚，食落感覺好清新，紅蘿蔔、粉絲、菜酸酸甜甜，幾醒胃，不過牛油果就細舊咗少少...個醬汁似稀稀地既甜醬，加花生碎。跟住到湯河，份量比想像中大，牛肉都好多，而且肥瘦適中，一咬落去有陣淡淡既香茅味，不過質感略嫌「鞋口」，牛味亦欠奉。唔知生牛肉會唔會無咁鞋呢... 河粉就好滑，湯底偏淡，要加少少魚露提鮮。至於飲品，凍士多啤梨綠茶就好似一般台式飲料，味道偏甜，有幾粒迷你士多啤梨粒粒漂浮，望住都覺得熱氣全消。埋單$79再加一，喺旺角黎講算合理。

位於朗豪坊平台嘅越南野，位置方便，聽講呢間好食同有越南獨特風味，所以放工嚟試吓。頭盤先食一個大蝦柚子沙律，雖然得三隻蝦但係夠大隻爽口，成個沙律重點就係個柚子汁，好酸同埋夠哂清新開胃。因為本身我鍾意食雞翼，試吓佢個蒜香牛油雞中翼，雞翼係大隻同埋炸得好香嘅，上面有好香嘅炸蒜，入邊亦都唔會炸得太乾仲有肉汁。對雞翼好有要求嘅我都覺得好好食。火車頭招牌湯河係一定要食嘅，入邊有牛丸牛展同肥牛，真係幾足料，牛展同肥牛味道好濃，亦都同個湯底好夾，唔係出邊一般嘅越南湯河食到嘅味道。比較大碗可以兩個人share黎食。沙嗲牛肉串，牛肉串本身係好香好多汁嘅牛柳，唔會靭，點埋佢個好濃既沙嗲汁好味好好食，又唔會辣，啱哂我。最驚喜係牛油果軟殼蟹米紙卷，賣相做得好靚，入面有大大隻嘅軟殼蟹，清新嘅菜同埋青瓜，米紙又做得好薄，一啲都唔靭。重點係配嘅甜酸汁，令到成件事一啲都唔膩，推薦一試。