火狐爐端燒 (已結業)

好多串燒都好好，燒鷄皮大蝦，燒牛舌，燒雞軟骨，免治雞肉棒。和牛，有啲靭，忌廉薯餅，較乾，個蟹膏海鮮炒飯亦有點兒失色啦服務員態度非常好，親切細心，令我都多一份溫暖感鋪頭唔大，亦多人幫襯，如果想試可能要預早留位呀，但食物略嫌上得較慢，可能幾枱人一齊做

住咗咁耐荃灣都唔知呢間小店~~~~~~串燒不嬲都貴，於是我哋食個午餐 睇吓好唔好食先~~~~~😛😛午餐價錢唔算貴，咪以為會份量好細，事實係又大份又好味 超滿足!!每個餐都跟前菜 一個串燒 一碗湯 好豐富呢～叫咗滑蛋吉列豬扒 。估唔到係湯汁上，我就好鍾意 感覺冇咁熱氣 又索晒啲湯汁個汁好香濃~ 想再食唔記得咩魚一夜乾😛😛😛煎得好香， 又唔太乾，yummy～午餐非常推薦，😌 已列入我嘅飯堂list～下次要返嚟試埋串燒

收工近九點，突然想食爐端燒，搜尋到呢間係荃灣四坡坊既居酒屋。位置頗隱蔽，座落民居粥店之間，不算起眼。由於太肚餓，兩人一下點左一大堆串燒小食，大部分既味道相當唔錯，我最鍾三角雞軟骨，第一次食幾特別，好香又juicy；燒廣島蠔$48有兩隻，而且size 唔細，好抵食；月見免治雞串都好有口感；螢光魷魚漬又多又大條，必點；蟹膏炒飯香濃到不得了，三扒兩撥就食晒。以同類型既居酒屋比，呢間質素不錯，價錢親民，絕對值得encore 。值得一提係店員有禮親切，工作勤快，俾個贊。另外店內一直播放九十/二千年代既日文歌曲，估唔到仲聽到Speed 和Every Little Thing，年輕日子感覺返晒黎。

今晚同朋友三個人去試呢間串燒，見到都有幾多選擇，那就點了蝦膏炒飯，玉子燒，鐵板大蝦，仲有其他食物，一路食一邊傾計，中間再點多幾樣食物，一邊同朋友傾計，一路開始發玩附近既人開始向店員詢問食物情況，但總係聽到整緊，廚師未得閒整，而我哋望望手錶，原來已經過咗個幾鐘，就向店員問我點既炒飯幾時會到，但店員很不耐煩地說，未開始整，那我便問，甘仲要等幾耐?仲有個大蝦又要等幾耐?店員說廚師唔得閒整，最少要等半小時，我即時O咀，心想真係整甘耐?同一時間，見到有個大姐拎住兩底蛋入黎，心唸，唔係無蛋整玉子燒嘛?之後其實每檯都向店員追問食物既情況，其實成間店只有8張檯，大約廿幾人，但係睇返唔知廚房做咩，又唔出菜，又唔跟單整，串燒按我理解無理由要甘耐，再睇返留言又好似無講過呢啲情況，但係一次服務唔好，就足以令人唔想想再光顧。

同老公兩個搵嘢食，試下呢間小小的居酒屋，地方細細，但乾淨唔迫夾，叫左幾樣，都覺得好好味， 埋單兩個人食左$530, 有點貴但都可以。唯一扣分就是個白鱔太細嚿， 要$5x, 唔係咁值

如果想食記住要Book位，記住要卜位，要卜位！重要嘅事講三次！點解我咁講因為我第一次去，佢full Booking不突止，walk in都無得等，吊住我條癮！第二次食就book左位😤😤小店得十幾個位，而且員工唔多，好食嘅嘢我唔介意等下😗法國生蠔$45 1隻好鮮甜🤤洗得好乾淨，仲有啲海水味，正👍🏻厚燒玉子$68 都幾大舊！我見到一層層嘅玉子，不過覺得味道唔夠，而且選用嘅豉油有啲普通。⭐️⭐️⭐️蟹膏海鮮炒飯$108 呢個推薦👍🏻👍🏻炒飯勁香，粒粒飯粒唔會好油，有蟹膏味，但係唔會太鹹，味道適中👍🏻⭐️⭐️⭐️豆腐唐揚$30呢個都好推薦，好好食！外脆內軟嘅感覺，入面夠豆腐真係好滑，食得出有豆味🤤今次食嘅嘢唔多，下次要再嚟試吓其他食物🤤🤤

今日唔想煮飯就入咗呢間買個定食午餐留夜晚食，但負責人叫唔好😂仲話留夜晚唔好食㗎喇，叫我唔好買，夜啲再嚟食，但我住大埔，所以都係堅持要買，唯有叫佢幫我將啲食材分開上，我返去焗返熱塊扒，點知佢細心到連隻雞蛋都全隻上，仲寫埋紙仔教我返去點樣返熱，隻蛋到時先落，咁個飯就冇咁唔新鮮，雞蛋自己落就會同出面食一樣滑，唔會Over cook，呢間嘢第一次幫襯，窩心令人驚喜

因為疫情的影響，近期很少出街食野，但食得多住家飯，真係好想出去行下食返餐，趁今日難得放平日假，就在屋企附近搵間細細地既餐廳，無咁多人用餐始終安全Ｄ既！呢間位於荃灣千色匯後街的一條小巷—「四坡坊」，餐廳以日本家庭式居酒屋經營，店面並不算很大，約有8張細枱，但座位不算太迫，裝修雅緻，枱與枱之間有足夠空間，侍應姐姐如果完成手上的工作，會站在餐應最尾的中間位置，一來可以方便知道廚房幾時有食物出來，與此同時亦可環顧四周全場食客，如有需要可即時招呼回應，連企位都有貼心講究的安排，相當細心，確實值得一贊。餐廳主打「日式燒物」，當日選了三款品嚐，包括：牛舌、雞軟骨黃金燒及黑豚五花腩，三款燒物均相當入味，不用七味份作調味，而且肉質鮮嫩不韌，外香脆內多汁。此外兩款頭盤：冷蕃茄同豆腐唐揚亦很有意外驚喜，尤其是「冷蕃茄」個醬汁，酸甜度適中之餘亦不會蓋過蕃茄的鮮味，買相亦相當吸引。另一款「唐揚豆腐」則入口即溶，既香且滑。最後兩款主食則點了：厚燒玉子及冷喬麥麵，「厚燒玉子」完全比得上東京築地市場日賣過千件的日本師傅功架，蛋味濃郁軟滑，亦能食到蛋的層次質感，配上蘿蔔蓉，簡直試難忘。「冷喬麥麵」附上鵪春蛋，將蛋汁加在

今晚同同事去左荃灣買野順便係附近食埋晚餐😊, 見到E間食串燒🍢好似唔錯就入去試試去😋, 7點幾去到已經差唔多爆滿咁濟, 非常熱鬧! 我地叫左一個小食, 幾款串燒同一個炒飯😊,凍蕃茄❄🍅凍蕃茄非常開胃, 而且口感清爽配埋酸酸甜生嘅醬汁, 特別開胃!😋燒翠玉瓜🔥🥒（左一）翠玉瓜非常入味同多汁, 口感爽脆, 味道唔錯, 推介!👍🏻黃金雞軟骨🔥🐔（左二）雞軟骨幾香口, 食落脆卜卜帶有少少雞油, 唔錯!燒牛舌🔥🐂👅（右一）牛舌質感幾爽, 調味岩岩好燒五花腩🔥🐖（右二）燒五花腩油脂甘香, 味道唔錯, 如果可以厚多少少就更加好啦！燒花魚🔥🐟一上枱就聞到好香嘅燒魚味, 魚肉鮮甜味美, 肉質幾嫩而且完全唔腥, 雖然骨有少少多但可以接受, 推介!😋蟹膏海鮮炒飯🍛炒飯調味唔錯, 粒粒分明, 食落唔乾而且唔重味精!總結:餐廳嘅食物質素唔錯, 店員服務良好, 價錢唔算貴, 同大班朋友放工嚟食下野小勘一杯都係一個非常唔錯嘅選擇!😊

已經好耐無出街食野，今日都忍唔住揸車出去食下野。我地想食下串燒，最後揀咗食爐端燒。我地叫左胡麻秋葵、黑豚五花腩、牛舌、免治雞肉棒、厚燒玉子、有燒茄子🍆。😋😋😋😋😋等左一陣，食物都終於來啦！我叫咗胡麻秋葵俾自己，因為另一半唔食。上面鋪滿左胡麻醬🤗🤗，份量都好多，一個人食晒好滿足！之後來左黑豚五花腩同牛舌，燒得剛好，唔會過熟👍🏿免治雞肉棒賣相好靚，碟隔離有一隻生雞蛋，攪拌左之後點黎食，好好味😍厚燒玉子好大碟！玉子夠香夠滑！隔離配合埋蘿蔔蓉一齊食🤭不得了🤭🤭平時食開茄子🍆一隻介開一半燒來食，今次食係一件件咁燒出來，一碟有三舊，全部大大舊，燒完仲好多汁👍🏿👍🏿推介

今日放左工就約左朋友係荃灣等，準備去買下衫，行下街，輕鬆一下，我同朋友都好鍾意食日式串燒，所以晚餐就決定去火狐爐端燒到食，地點大約係四陂坊附近，我地都要搵左一陣先搵到，因為係轉角位，留意小d都好容易，經過左都唔知餐廳環境雖然唔大，但坐落舒服，店舖採用木桌子，木椅子，但細心在，會係椅子上放上一個座墊，令客人坐得更舒服胡麻秋葵$35係前菜冷盆，秋葵食落爽脆，配上胡麻醬，好似食緊沙律咁魷魚一夜干$78係燒原條魷魚，味道鮮甜彈牙蟹膏海鮮炒飯$108海鮮有蝦，有帶子，再加上蟹膏一起炒，海鮮味好突出，而且味道香濃，唔洗醬油都夠味粟米$25係切開左一半黎燒，味道清甜，燒完都仲係金黃色黑豚五花腩$28小許肥膏加上腩肉，食落有層次感牛舌$40有牛肉味，食落爽口盐燒雞胸軟骨$32可以食到軟骨的脆脆加上嫩滑的雞肉，出面店舖比較小機會見到有

和荃灣朋友吃飯當然不二之選在荃灣食，其實荃灣都有不少好味又特別的餐廳，今次朋友就介紹了一間居酒屋給我，我們都比較早到，可以坐在電視機位十分好，見到餐牌好日本風，而且牆上仲有些餐牌沒有的特別菜式，我們就叫了小吃，串燒，麵一起吃，一路傾計食野，而且待應都好招待，朋友的確沒有介紹錯。 首先來的是前菜小吃，鱈魚乾好脆口都幾惹味，如果會飲酒必選小吃。串燒叫了四串，汁燒八爪魚仔味道幾濃又香，雞軟骨黃金燒驚喜帶點咸蛋黃味，雞軟骨又夠咬口帶點雞油香。牛舌燒得不錯，不會太乾身仲有肉汁，表面有黑椒的黑豚五花腩，沒有太多醬汁，反而食到豬肉原本味道和黑椒味，各個串燒各有特色。 食了不少串燒加小食，當然叫飲品，這裡飲品選擇都不少，有酒或無酒精，我就要了一杯檸檬蜜糖，檸檬味幾濃而帶點蜜糖甜好解渴又清新，這裡的茶其實待應都倒得幾密之餘茶味濃又香幾窩心。粟米來到份量都幾大，沒想到燒得幾乾身但食落去仲有汁而且粟米味好濃又脆，十分好味，這個真心推介。 喜歡吃魷魚的朋友見到這個魷魚一夜干即時話要叫一份，來到都幾驚喜，切好再拼回一隻魷魚形狀好有心機，不同的魷魚部份燒完後口感都不同再加上少許醬汁好惹味，魷魚鬚邊帶點脆而入面軟熟

今天和同事工作後.他們說想找地方食下串燒.傾下計. 同事就提議去大鴻輝對面內街的一間居酒屋.🍅冷番茄 💰 40番茄去左皮.好新鮮生番茄😋南瓜蓉醬汁底配上其他醬料.酸酸甜甜👍🏻十分開胃🥰無負擔既前菜🥔忌廉薯餅 💰30黎到居酒屋梗係要食個忌廉薯餅過下口癮.超熱超creamy.🍗鳥唐揚（炸雞）💰58雞皮十分脆口.不是那種厚粉炸過的香脆.配上生洋蔥.口感特別.雞肉亦不會燒得過老.🍢牛舌 💰40厚度適中.加少少黑椒.牛味已經十分突出.唔需要加太多醬料都食到既牛味.👍🏻🍢鹽燒雞胸軟骨 💰32本身淨食雞胸口或雞軟骨都會覺得差d😋但原來擺埋一齊食.係甘好咬感👍🏻只係用普通黑椒都好夠味.🍢豬大腸山葵燒 💰22⭐️推薦⭐️呢個震驚到我🥰點解居酒居會有我心愛豬大腸出現.芥末醬香濃.同出面好稀既芥末醬完全不同🥰係米自己磨嫁？🍚蟹膏海鮮炒飯 💰108⭐️必食炒飯夠乾身.每甜粒飯都有咬勁.用料亦十分新鮮👍🏻蝦是新鮮的十分爽口+很大隻.帶子及魷魚都爽口彈牙👍🏻新鮮😋本人十分熱愛海鮮.對於海鮮炒飯中能用新鮮材料的店舖表示十分欣賞👍🏻 還選用日本珍珠米😻總結：店鋪職員不多.但十分勤力和有禮.睇得出用心經營.是值得支持的本地

今日去開荃灣新開嘅激安行街，行完之後就諗住喺附近食啲嘢，我朋友就話想食串燒，我自己就想食日本野，上網一搵之下就搵咗呢一間餐廳。店面細細間屬於小店嘅一種，睇吓餐牌都有好多種類，跟住我哋就嗌左胡麻秋葵、豆腐唐揚、雞翼、黑豚五花腩、牛舌、炒野菜同蟹膏海鮮炒飯。個胡麻秋葵，碟上邊大概有六七條秋葵，上面沾上啲胡麻醬，味道清新。豆腐唐揚即係類似炸豆腐嘅一種，佢呢度嘅豆腐做到外脆內嫩，再沾埋佢嘅汁味道一流。串燒方面要左雞翼同五花腩同牛舌，三樣都燒得啱啱好亦唔會加過多味粉，蓋過食物本身嘅味道。本身諗住叫個炒野菜平衡返今餐錦多肉，點知個菜竟然有驚喜味道好味。最後食埋個炒飯就岩岩好啦！注意返，記住最好預先book定枱，因為個場都幾full，見到有其他客人尼到無位要走。

位於四坡坊嘅串燒小店，雖然要轉入小路，不過位置都非常易搵。我哋入座嘅時候係六點，佢哋啱啱準備好，店內空間雖然不大，不過座位唔算好迫夾，每張枱中間都有足夠嘅空間。店員奉上熱麥茶，如果你想嗒返兩杯，佢哋都有唔同的酒類提供，重點是酒類都不太貴！首先上枱嘅係前菜-冷蕃茄。好簡單嘅一個新鮮雪冷咗的生番茄，淋上酸酸甜甜嘅醬汁，好醒胃，而且番茄本身都好新鮮，甜甜地唔會太酸。好食！之後我哋點的3個串燒一次過上枱。鹽燒雞胸軟骨只用上鹽等簡單的調味醃製，雞味不會被掩蓋，灑上少少檸檬汁，清新又香口，味道剛剛好！牛舌厚薄適中，唔會太韌！值得推介係個豚大腸山葵燒，豬大腸燒得剛剛好，表面脆口而裡面的脂肪仍然能夠保留到，入口滿滿脂肪香味配上山葵，即係黃芥辣非常搭配！之後係唐揚豆腐，熱辣辣的炸豆腐配上凍冰冰的醬汁，口感好特別。表面一絲絲紅色唔知係咩，但食落有七味粉的味道，幾得意。炸豆腐內裡好滑好有豆香，應該是用上日本豆腐做出的。重點推介來了！！厚燒玉子！玉子唔係平時你喺壽司店見到一早整定硬實實的玉子，係即場燒出來的厚玉子，淨係手工都已經好值錢。店員教路每一啖玉子都拎少少蘿蔔蓉伴埋一齊食，會好味啲！即燒出來熱辣辣的玉子