火狐爐端燒 (已結業)

跟親友到荃灣食個晚餐，黎到這間小店，傾下計之餘，又享受下美食=)點了一些冷盤、串燒，一邊食，一邊吹水。胡麻秋葵 跟 冷蕃茄兩個都不錯，特別秋葵加埋胡麻醬，健康又好味👍豆腐唐揚 - 外脆內軟😁串燒：雞翼、五花腩、牛舌、雞肝、八爪魚仔、大腸各樣串燒都不錯，不會過火，剛好=)另外，羊架配柚子醬，清香微甜，挺不錯的配合。燒大蜆，魷魚跟玉子燒配左牛油跟蒜片既燒蜆，燒得剛好之餘，亦好香牛油香味👍魷魚彈牙，唔會燒到乾哂身，配埋蛋黃醬 - 正。玉子燒 配埋蘿蔔蓉，比想像中好味😁最後，要多個炒飯：蟹豪海鮮炒飯 - 好香鑊氣，好味👍

火狐爐端燒地址: 荃灣四陂坊12號雅緻大廈地舖今次黎到荃灣食爐端燒，人均唔洗2百蚊，就食到omakase既享受啦，抵食之餘店員服務好好，好似返左家鄉咁呀🥰🥰今次我叫左❣️牛舌❣️厚燒玉子❣️燒茄子❣️燒秋葵❣️黑豚五花腩❣️蟹膏海鮮炒飯其實全部既串燒燒既熟度岩岩好，唔會un，又會特制鹽調制，雖然外觀一般，但有着魔法般既好食，朋友都話串燒愈食愈唔停口🤤🤤特別一提係惻邊既配菜-日式醬汁配蘿蔔蓉，平時去日式居酒屋都少見，仲有係自家制就係呢度先有呀，蘿蔔蓉可以去除串燒嘅油膩，酸酸甜甜簡直越食越開胃👍🏻👍🏻炒飯係珍珠米，但唔係平時食果種，愈食愈有咬口，加上蟹膏都好入到味，值得推介

荃灣有間爐端燒今晚帶父母和細佬外出晚餐，帶他們去食串燒，餐廳裝潢日式，特別是每兩張台都可以布更同私隱度，會有一塊布阻隔。開心出去食飯，另外感恩地鐵來回餐廳都沒有落雨。人均：$192.冷付：胡麻秋葵冷蕃茄.酒肴：豆腐唐揚.鳥：雞翼汁燒雞肝.豚：黑豚五花腩豚大腸山葵燒.牛：牛舌.羊：羊架.海鮮：魷魚一夜干蒜片牛油燒大蜆汁燒八爪魚仔.料理：厚燒玉子.主食：蟹膏海鮮炒飯.前菜清爽，慢慢進入口味愈來愈濃，最後到炒飯，好似有先後次序一般。冷蕃茄第一次食，不錯，特別魷魚燒得剛剛好，爽口，而大蜆肉厚鮮甜！雞翼一開二，方便進食，豚大腸山葵燒燒得香脆帶有少許獨有的香味，跟著玉子燒好厚香甜，好食！一路食一路聊天！下次一班朋友來食都不錯！.今日排名：魷魚一夜干厚燒玉子豆腐唐揚.@honofokkusu

講起食嘢即刻諗起荃灣，美食雲集咩款式都有，今日做嘢好繁忙比較晏食午餐，所以都唔算太肚餓，但係又口痕想食下野，即刻上網睇吓有咩餐廳可以坐吓chill 下，食串燒就唔錯嘅選擇啦！兩個人少少哋嗌左幾款串燒同埋一個炒飯，份量都OK，串燒真係即叫即燒，所以都要等耐少少🤗我個人就最鍾意鹽燒白鱔，啖啖肉仲要個皮係脆嫁！個炒飯都非常出色，勁大隻嘅鮮蝦👍🏻👍🏻💯如果唔夠飽仲可以喺附近度掃街添螢光魷魚沖漬蒜香雞軟骨 黑豚五花腩牛舌白鱔(鹽燒) 蟹膏海鮮炒飯

今日去到荃灣四坡坊的火狐爐端燒，其實這店的位置都比較隱蔽，位處一條小巷內，如果不是朋友介紹，自己未必會找到這位置。胡麻秋葵 : 作為第一個前菜，秋葵幼嫩唔會老 ，配合胡麻醬汁，令人胃口大開。豆腐唐掦 : 外脆內軟的豆腐，浸在暖暖的濃郁醬汁內，非常惹味。雞軟骨黃金燒 : 我們只點了一串試一下，調味確實做得不錯，非常好味，不過個人覺得比較油膩，如果這方面可以改善就更加理想。大啡菇芝士燒 : 大大隻的啡茹,配合芝士一起燒，一咬下去，香濃的芝士配合仍然juicy 的啡菇，十分好味。燒茄子 : 茄子大大件但係一啲唔會覺得老，燒的時間也控制得宜，仍保留茄子肉的軟滑，絕對唔會感覺到太乾。厚燒玉子 : 厚厚的一大塊質地十分結實，最初我嘗試了一口後，店主叫我們夾著蘿蔔蓉一起吃，試了一下果然發覺一起吃特別匹配，特別滋味。牛肉湯稻庭烏冬 : 烏冬爽口彈牙，有咬口，牛肉和配料也十分充足。

黎到呢間一直想試嘅日式餐廳，大雨為環境上增添一份清幽，亦好彩因落雨緣故冇乜人胡麻秋葵🥬秋葵配上胡麻醬，面頭鋪滿木魚絲，作為前菜夠哂開胃豆腐唐揚🍞今日最有驚喜嘅一味菜式，平日都算少食到嘅豆腐煮法，唐揚豆腐即係炸豆腐，外面鬆脆，入面保持嫩滑，而家炸得好夠熱雞軟骨黃金燒🐤 + 黑豚五花腩🐷燒得剛剛好，雞軟骨面鋪上層薄薄黃金蛋黃，食法幾新鮮，混埋雞油食味道唔錯大啡姑芝士燒🍄大啡菇同芝士本來都好匹配，而佢哋將啡菇煮到夠入味又夠淋，入口每啖都有濃厚嘅芝士包住啡菇汁，令呢個配搭更昇華左牛肉湯稻庭🍜牛肉湯幾濃味，味道中規中矩，份量充足厚燒玉子🥚入口蛋味夠重，幾特別嘅係個伴碟蘿蔔蓉，沾上麵豉醬嘅配搭，加埋玉子咁食又幾新鮮

出街食晚飯日🤡今次想食串燒又揀左近近地嘅荃灣~.📍火狐爐端燒.🥢豆腐唐揚 ($35) - 我平時都好鍾意食豆腐，見到呢個咁多人推介，一於試下!點知…超級好食喎!!入哂味嫁但唔會咸得滯😋🐓燒雞皮 ($30) - 好脆口!!咬落去唔會好多油，絕對唔會好膩~🐷黑豚五花腩 ($30) - 咬落口有黑胡椒香味，五花腩又唔會好油膩，最鍾意有層豬皮係面一齊燒😆🐟白鱔 (鹽燒) ($58) - 食串燒點少得燒白鱔!燒到皮好脆，啖啖魚油香，魚肉亦好厚實~🥚厚燒玉子 ($68) - 好軟熟嘅玉子~熱辣辣食好正😌🐓雞軟骨黃金燒 ($28) - 邪惡咸蛋黃醬配上雞軟骨，送啤酒一流喎🥢冷稻庭烏冬 ($68) - 賣相好得👍🏻食落口烏冬好夠凍同彈牙，唔會淋爛~配埋個汁好完美🤍

1）蟹膏海鮮炒飯（唔係強調多海鮮）而係我食到每一啖飯，都感到好香嘅蟹膏，令我繼續食落去。2）燒茄子，燒得唔乾，要襯熱夾埋蘿蔔蓉鋪上茄子一齊食。3）燒雞皮、雞軟骨、牛舌、都係好爽口嘅，可以食多幾串，五花腩，燒得好香又唔油膩，我鐘意。4）豆腐唐揚，豆腐本身係淡味，但佢哋就在豆腐上面放了一條條嘅紅椒絲，食落少少辣味，配搭豆腐好出色👍5)大啡菇芝士燒，大啡菇本身已經好香嘅菇，加埋芝士燒出嚟，你就算好飽都唔忍到口，真係好好食。

荃灣千色匯附近搵到呢間日式店，見幾舒服咁就入咗去試下🥬胡麻秋葵 $38-胡麻醬配沙律真係絕配嚟-秋葵夠哂黏😛🐓雞翼 $28-燒得外皮香脆-淡鹽已經能吊起雞肉味🐖黑豚五花腩 $30-厚切3片 最外層燒得焦脆🐃牛舌 $40-牛香味道重 調味剛好🥚厚燒玉子 $68-真係相當厚 有份量-玉子微微蛋香🥒翠肉瓜（汁燒） $20-燒完仍能保持應有水份-清甜嫩口🐂牛肉湯稻庭 $78-牛肉質素唔錯 唔會勁多筋及肥膏-稻庭都幾彈牙-湯底正常總括嚟講都唔錯，可以一試👍🏻

四陂坊的串燒小店，行過了兩次也找不到這間小店😂，原來在米線店旁邊。有六款清酒🍶一小時任飲$120。餐廳另有提供熱茶，店員會定時加茶。忌廉薯餅 | $30炸得香脆，內裡是滿滿的忌廉薯蓉。豆腐唐揚 | $35醬汁滿滿地浸著炸豆腐，以為會是凍的醬汁，實際上是暖暖的。醬汁味道較濃，滑豆腐外皮炸脆了，易碎較難與朋友分享。牛舌 | $40有三塊，口感較韌，加了黑椒味道十足。黑豚五花腩 | $30五花腩肉不算太肥，加了檸檬汁味道清新。雞翼 | $28一串有兩隻，已拆開⻣，方便食用。雞皮燒得脆脆。縞魤魚一夜干 | $88要先挑起魚骨，才食到啖啖魚肉。有魚油香味，點沙律醬會更好味。冷稻庭 | $68烏冬及醬汁夠凍，薑比較多，薑味道較突出，烏冬彈牙。兩個人要多點些食物分享。晚上七時多，餐廳雖有位但已全留座，最好早點訂枱。

今日黎到隱世小店食串燒，呢度好有懷舊日本居酒屋感覺，而且有好多款串燒選擇🥰 仲有$120任飲6款時令清酒🍶 豆腐唐揚香脆豆腐外皮，惹味醬汁，豆腐好嫩滑美味😋 雞軟骨黃金燒🥓好香脆雞軟骨，而且有黃金鹹蛋醬味 燒雞皮🥓串燒燒雞皮就好香，串燒好選擇 黑豚五花腩🥩肥瘦均勻，燒得好香脆，整條串燒好美味😋 牛舌🥓香脆牛舌，好juicy 又美味汁燒翠肉瓜🥒好多汁嘅翠肉瓜，而且外面好脆 蟹膏海鮮炒飯🥘大蝦帶子還有唔同的海鮮，再加入蟹膏炒飯，好香蟹膏香味，又食到海鮮鮮味😋

上星期已經約好咗朋友呢日食飯，朋友揀咗呢間餐廳，結果食埋呢餐之後跟住嗰14日都冇晚市堂食。呢間食爐端燒嘅日本餐廳，主打係食串燒同埋飲酒，餐廳而家有個 120蚊任飲清酒一小時，之後續鐘就80蚊一小時，聽落都好吸引，不過今日朋友唔飲酒，下次約另一位會飲酒嘅朋友再嚟試下啦。我哋嗌咗以下菜式：胡麻秋葵($38)：秋葵份量非常多，秋葵好新鮮，亦都好爽口，配上芝麻醬非常美味串燒有：蒜香雞軟骨($22)：雞軟骨一向是我最愛，燒得好香口，夠脆，好滋味黑豚五花腩($30)：五花腩一啲都唔韌，肥瘦適中牛舌($40): 厚身，啖啖肉，好有牛味，調味亦都好惹味汁燒墨魚咀($35)：我朋友第一次食，佢都話覺得好好食，又彈牙爽口，而且個醬汁好滋味 雞翼($28)：平時出去食雞翼通常都攤開嚟燒，呢度就剪成單骨雞翼，食嘅時候更加方便，非常細心，而且雞皮燒得非常香，雞肉又夠juicy，平時好驚啲雞翼會燒得好乾身，呢度唔會，而且好好味食咗咁多串燒，都要叫返個主菜，我哋揀咗牛肉湯稻庭烏冬($78)，烏冬滑身，而且配上湯底非常美味，有牛肉，蟹柳，昆布，鳴門卷，份量都好多，好抵食最後叫咗個芝士年糕($38)，芝士年糕都輕輕燒過

喺荃灣千色匯轉入四陂坊先知原來有好多餐廳！朋友話想食串燒，就去左幫襯「火狐爐端燒」。🔶胡麻秋葵分三層擺放，擺盤用心。秋葵爽脆冇渣，配木魚絲和胡麻醬同吃更滋味😋。🔶汁燒墨魚咀好彈牙。🔶翠玉瓜(汁燒)好爽脆清甜，唔會有草青味。🔶豆腐唐揚豆腐外脆內軟，浸住鹹醬汁，為原本冇味嘅豆腐添上鹹味。黑豚五花腩和牛舌加咗黑椒，入口有胡椒香，加埋啲檸檬汁仲正。🔶黑豚五花腩脂肪比例分佈均勻，肥瘦恰到好處👍🏻。🔶牛舌厚薄適中，食落好有好感🔶芝士雞肉芝士夠香濃，同雞嘅味道好夾，鍾意芝士嘅朋友唔好錯過🔶蒲燒鰻魚飯上枱時仲熱，冒曬煙👍🏻。鰻魚夠肥美夠熱唔腥。見餐牌寫住$120一小時任飲六款時令清酒🍶，都幾抵玩！可惜我飲唔到太多酒😩。自問千杯不醉又鍾意飲清酒嘅朋友可以黎試下呀～

荃灣特色居酒屋🏮裝修以木為主 好有feel😻任飲清酒放題 價錢唔係好貴 可飲六款清酒🍶味道好易入口 比較清甜 建議大家try😽鱈魚乾 非常脆卜卜 有微微既鱈魚味 口感新奇!可配沙律醬食 餸酒一流🤤雞翼 普遍但又必點嘅雞翼 有少少椒鹽味😚串物推薦:牛舌 肉質軟熟 好易咬😍味道有啲黑椒味 多肉汁 好juicy🥰縞花魚一夜干估唔到又幾大條 而且燒得條魚個火候剛剛好🤩縞花魚油脂量較高 因此吃起來比較多汁🤤不僅不會有腥味 還帶有濃厚的鮮味😋大啡菇芝土燒充滿住菇味及芝士既香味 大啡菇令人滿意😎牛肉湯稻庭飽肚之選🤩係安格斯和牛 呢個烏冬一啲都唔簡單🤪好有誠意😝

唔講唔知原來呢個位有間居酒屋小店，平時以為呢度只係食米線，今次嚟到專程嚟試吓！店舖面積唔大，但就幾熱鬧，店員主動向我哋推最新優惠，$120就可以任飲6款時令清酒1小時，酒量好嘅一定啱晒！螢光魷魚沖漬作為前菜，爽口開胃，但食落較鹹，送酒一流～豚肉荔枝，豚肉燒到焦香，唔會話好油膩，仲配埋多汁清甜荔枝～免治雞肉棒，生雞蛋好有蛋香，雞肉棒仲可以食到少少嘅軟骨，有口感，值得推介燒栗米，超甜呀！有淡淡嘅牛油香味，但又唔會過濃，每一粒粟米都好飽滿。玉子燒，份量十足，但個人會偏好甜味嘅玉子燒，呢隻就比較食蛋香嘅味道~牛仔骨（汁燒三件），濃濃嘅醬汁包住牛仔骨。蟹膏海鮮炒飯，蟹膏好香，一啲都唔腥，原本已經覺得飽，但都俾呢個炒飯吸引咗食多2啖！