火狐爐端燒 (已結業)

去完日本旅行返香港一直好掛住可以一路傾計一路食串燒個種大快朵頤既感覺！見到荃灣開咗呢間爐端燒就即刻約朋友放工去食。一去到店面已經好有日本居酒屋嘅感覺，打開餐牌價格都算親民！每客串燒都唔使$30，我地都叫左幾多～🎏😆食串燒必點嘅雞軟骨、牛舌等都做得唔錯，咸味適中。其中「豚肉荔枝」最有驚喜，呢個配搭非常新鮮，豚肉夠肥，荔枝一咬落去好juicy又中和到燒肉既肥膩，口感幾豐富。食串燒好易越食越有食慾，我地仲叫左個「泡菜豚肉鍋」，都幾足料，不過凍凍地時串燒+火鍋呢個組合真係好正～😛我哋叫咗「蒲燒鰻魚飯」，鰻魚夠嫩口，上菜時個飯無跟醬汁，老闆就立刻幫我地加咗少少鰻魚汁。另有「和牛蘆筍炒飯」，熱辣辣食應該會大大加分。😜同我地一樣鍾意日本居酒屋風嘅食店，同埋鍾意食串燒嘅朋友不妨黎試下，不過晚飯時間都幾full，可能要等一等位～🤩🤩

店舗不算大，但座位之間都有充分嘅距離，兩旁牆身用手寫及畫滿了每日嘅推介，店內播放日本歌，仿如去了日本居酒屋🏮🔸豆腐唐揚$30賣相漂亮，皮脆豆腐好滑，配上生蘿蔔泥和柴魚醬油，清新爽口🔸牛舌$40有厚度，彈牙爽囗🔸黑䐁五花腩28肥瘦適中不會過膩，肉的部份亦不會太乾🔸厚燒玉子$68🥚正如其名、厚厚的玉子很滑不過火，🥚味偏淡🔸鷄軟骨黃金燒$25🍢一般不是鹽燒便是醬燒，第一次食黃金燒，淡淡咸蛋香味頗特別😊🔸蟹膏海鮮炒飯$98🥘咸香蟹膏味👍🏻恰到好處不會太搶其它材料鮮味。海鮮用上蝦、帶子及魷魚。廚師將蝦去腸切雙飛做成蝦球，有心思。當下還有很多鍋物，但已經飽到不能再食了😅

今日同朋友去咗荃灣試呢間火狐爐端燒。鋪頭比較細，唔算好闊落，但幾有日式小店既風情。裏面仲有一部電視，播着住電影，我哋去嗰時就播緊Leonardo嘅Catch me if you can，等緊上菜嘅時候可以睇下，冇咁無聊。好，正式開始講嘢食啦。首先第一道菜係厚燒玉子。玉子平時我係屋企都會自己整，但就好難整得好似佢咁嫩滑，同埋表面完全冇燶。佢呢個玉子好juicy，本身就已經好好食，再加上佢仲附送左少少蘿蔔泥，夾埋黎食就更加清新，唔會咁快覺得膩另外前菜仲嗌咗個豆腐，個汁係鹹鹹地嘅，都係附送左少少蘿蔔泥，好清新開胃。黎得爐端燒就梗係要嗌返幾串串燒啦，我哋嗌咗牛舌、雞軟骨同埋黑豚五花腩。全餐最令我驚喜應該就係呢幾串串燒，佢烤得恰到好處，香氣四溢嘅同時，又保持到肉嘅嫩滑。特別係牛舌，喺出面食到通常會有少少韌，呢度就烤得非常香軟嫩滑。如果想食清新啲，亦都可以自己擠少少檸檬汁，我自己就係間住間住咁擠檸檬汁嚟食，真係好正！！最後一道菜係蟹膏海鮮炒飯。個飯炒得非常香口，食得出蟹膏嘅香味，飯粒亦粒粒分明。唯一美中不足嘅係，蝦炒得有少少乾身，如果可以改善呢一點，就可以話係完美啦！總體來講，呢餐都食得非常滿意。

在荃灣探完朋友，離開時行錯路入左後巷，聞到此店好香，行入去食個宵夜這裏雖然舖仔細細，但坐得很舒適先叫了些特色串燒黑豚五花腩-肉嫩而且係一層肥一層的五花腩，師父燒工了得，外面有些焦脆，內裏仍鮮嫩牛舌-有牛肉的油香味，但比牛肉爽，而且嚟串簡直係極品，香，爽，但又淋又嫩雞軟骨黃金燒-初時以為普通的雞軟骨，只係有個特別名，但送到枱面時，我聞到陣陣咸蛋黃香，非常香口豆腐唐揚-軟滑的豆腐經油炸後不易散，而且外皮吸收了醬汁同蘿白蓉的味道，更有層次，同去掉了油膩感厚燒玉子-一層一層，有層次感，有口感，配合醫油蘿白蓉食，味道更提升蟹膏海鮮炒飯-蟹膏味極濃，每啖也都有蟹膏香，蝦仁勁爽，食完想再食

‪今晚同男朋友去開荃灣, 平時多數去食米線, 但今日見到有間爐端燒係旁邊, 佢提意不如試下新野~‬‪ ‬‪入到店感覺地方細細, 其實都有D日本新宿橫街既串燒店感覺, 好適合邊食邊談天說地既地方~ 打開餐牌都唔算話好多選擇, 但貴精不貴多, 第一次又可以試下都冇咩所謂~ 我地叫左三種串燒, 玉子燒, 豆腐同炒飯~‬‪ ‬‪先黎左三串串燒, 分別有黑豚五花腩, 雞軟骨黃金燒同埋牛舌, 由於男朋友唔食牛舌, 於是我可以成串獨食, 哈哈~ 牛舌入口好香, 味道唔會太咸, 而且咬落肉質好爽, 真係好味值得一試~‬‪ ‬‪黑豚五花腩燒得剛剛好, 唔會太韌同太硬, 雖然燒得比較乾身, 但因為豚肉脂肪分佈適中而中和返, 因為肉片比較薄所以又唔會太漏~‬‪ ‬‪雞軟骨黃金燒上菜既時候仲見到咸蛋黃喺雞軟骨上面起泡, 証明剛剛燒好仲有餘溫既感覺, 呢個畫面好療癒~ 入口有D油油既感覺, 可能因為有咸蛋黃既關係, 但感覺唔太肥膩, 有咬感因為比較脆口~‬‪ ‬‪厚燒玉子旁邊有D蘿蔔蓉, 一啖玉子一啖蘿蔔有一凍一熱既感覺幾得意, 玉子燒得好滑, 味道又甜, 所以去到邊度食日本野都會叫一個玉子燒食~‬‪ ‬‪豆腐

小編係荃灣又試新餐廳，今次係一間居酒屋，地方雖小但伍臟俱全😆小編點左幾串串燒同一個炒飯🍚價錢合理，可以一試😚-厚燒玉子 ($68)一切開見到蘿蔔絲，令小編好驚喜啊！依個組合好新鮮，但又幾夾啊！蘿蔔絲有醃製過，酸酸甜甜，一冷一熱，好match好特別😆不過都係中意食芝士玉子燒多啲😆😆😆-雞軟骨黃金燒($25)黑豚五花腩 ($28)牛舌($40)豆付唐揚($30)串燒醃味十足，吾會太咸又吾會有燶味🍢最特別係雞軟骨，上面有啲咸蛋粒，好惹味🤤炸豆腐外脆內軟，都係好正😻牛舌就燒得比較硬有少少失望~ 😣-蟹膏海鮮炒飯 ($98)估吾到海鮮炒飯都好出色好足料，有蝦，帶子同魷魚，海鮮好新鮮，🦐都好爽口，食落每啖都有蟹膏味好正~~~😚

又一個OT嘅晚上，發現做野辛苦真係會不知不覺增磅，因為夜收工會想搵d好野食慰勞下自己🙊🙊今晚就去左荃灣搵食，係地鐵站行過去大約十分鐘👯‍♀️平時通常都係去食米線，今次行到過去就決定試新野小店舖面唔算大，但坐得舒服，食物種類多元化，就好似日式居酒屋咁👑對自己好d系列🙉 就梗係要叫海鮮食啦🤤 我地每人叫咗隻象拔蚌同埋貴妃蚌牛油燒。烤貝類最考功夫嘅一定係火候嘅拿捏，一個唔覺意燒得過火，會咬極都咬唔開，浪費咗食材。呢到就完全無呢個問題🤗，牛油味唔會搶左貝類嘅鮮甜，反而令味道更有層次！大啡菇芝士燒係我最愛。個菇好juicy!!加埋濃香嘅芝士，好邪惡💀💀另外仲叫左明太子雞翼、芝士雞肉同埋燒牛舌，食肉獸男朋友非常滿足！要讚下廚師嘅火喉控制，令所有肉類野唔會因為overcook而變得乾身，調味亦都岀色，食到停晤到口🥳最後又點可以唔叫蔬菜類呢，我好堅持岀街食飯都盡量要搵菜食補充纖維嫁🤣 我就叫左碟炒野菜仲有燒茄子🍆！炒野菜份量足，味道都頂呱呱👍🏻而燒茄子係同平時川式燒烤完全兩碼子嘅事，味增醬令成件事變得日式😂😂下次要搵個happy friday, 叫杯啤酒好好嘆番下🥳

前幾日屋企附近開咗一間新嘅日式餐廳，我哋咁鍾意食日本野，所以就搵咗日去試吓啦。除咗爐端燒之外，仲有好多主食，小食等等...所以我哋就每樣叫啲。呢個係煎餃子，餃子剪得好脆，入面仲有肉汁滲出嚟，點埋啲醋咁，味道酸甜。呢個係燒牛舌，牛舌味道整得好爽口，面頭仲有少少鹽，增加左牛肉嘅鮮味。呢個係車海老，差唔多有一隻筷子咁長，燒得好香，味道好彈牙同爽口。呢個係蒲燒鰻魚飯，鰻魚整得好厚身好肥美，旁邊仲有啲雞蛋絲，鰻魚汁整得好濃，整體配合得好好。

荃灣呢間日式居酒屋🍶，牆身仲掛深夜食堂既poster，好有feel~居酒屋概念都比較貴精不貴多，呢間亦然~食物夠曬高質!雞軟骨黃金燒$25黑豚五花腩$28牛舌$40一開始就叫左串燒，即叫即燒，上台時仲有煙，燒到金黃色既邊，肉既香味成間店都聞到，食落啖啖滋味，雞軟骨黃金燒係咸蛋黃味，少見既串燒口味，好好食~牛舌燒得岩岩好，唔老嫩嫩地~厚燒王子$68好大份,應該落左好多隻蛋既份量，厚身都似壽司咁，點蘿蔔蓉同味醂好味!豆腐唐揚$30上面鋪左我中意既蘿蔔蓉同辣椒絲，切定得好細刀功勁! 豆腐外面有幾脆入面就有幾滑~蟹膏海鮮炒飯98最後食返個有鑊氣既炒飯，身心都感到十分滿足~居酒屋就係有呢樣好處，可以同朋友邊食邊暢談，呢間店員態度仲要好周到，是不俗的放工落腳點~

這天在荃灣放工，口痕痕想食串燒，朋友就提議來這間位於千色店附近的居酒屋，也好，未來過荃灣的這個角落，就來發掘下。鹽燒牛舌：第一個反應是好惹味喎，第二個反應是好想知道這個鹽是什麼鹽！點解零舍提到牛舌個味呢？！再加兩滴檸汁，正呀！黑豚五花肉：望落肥膩，實則不已！薄切，再加上燒到肥油已滴走了大部份，質感調味都跟牛舌不同，另一番風味！蒜香雞軟骨：這個是吃過癮的，平時食雞翼都已經好鍾意個軟骨位，現在可以一連幾粒"pak"入口，再enjoy下果種脆脆口感，人生一大樂事！唐揚豆腐：另一水準之作，外皮炸過，再浸入淡淡地的醬油內，吃時皮不是很脆那種，是一種很精緻的口感！味道亦然，好想再encore多一舊😋厚燒玉子：半熟的蛋最好味！店員教落可碟旁的mix白蘿蔔蓉一起吃，原來白蘿蔔蓉不止可以配搭天婦羅，配蛋都好夾！最後來個蟹膏海鮮炒飯，上菜時已經聞到好香，蟹膏已溶入飯中，見得到的海鮮有蝦、魷魚&帶子，飯炒得夠乾身，有鑊氣，又鮮味十足，讓人吃到停不了口！值得一讚的是店員勤快有禮，不錯不錯👍🏻

今天晚餐選了食日本爐端燒， 這店位於荃灣四陂坊，交通方便， 店鋪也乾淨整潔， 沒有油煙味，店內的牆身寫滿餐牌加上播著日本流行歌，確有少少置身日本感覺黑豚五花腩($28)1串燒牛舌($40)1串五花腩肥瘦適中，油脂分佈平均，感覺超棒牛舌肉質很嫩，不老，配少少檸檬汁，不覺油腻雞軟骨黃金燒（$25）雞軟骨十分有咬口，沾上蛋黃醬， 鹹香可口厚燒玉子($68)口感嫩滑，入口即溶，這確是一道很考功夫的菜唐揚豆腐（$30）豆腐炸得外表脆口，內裏嫩滑，再配以蘿蔔蓉，日本汁醬，ichiban蟹膏海鮮炒飯（$98）炒飯足夠兩至三人食， 材料也很豐富，有蝦，帶子，魷魚共冶一爐，感覺飽肚餐廳服務也很貼心周到，頻頻refill茶水。好彩有預先訂位，晚一點都沒有位置了!

荃灣新開串燒店✨ 價錢唔算平但全部手工嘢即叫即整，食材新鮮貴少少又真係無可厚非😌.由於點菜冇乜idea，就碌下instgram望望邊幾款嘢食最接歡迎我地又跟住叫，最後叫咗呢幾樣：兩款小食中豆付唐揚質地有啲似臭豆腐個汁微酸夠開胃，厚燒玉子冇乜調過味蛋味突出夾埋蘿蔔一齊食夠清甜✨.串燒叫咗三款，牛舌頗彈牙，五花腩迫出油香夠惹味，雞軟骨黃金燒有陣咸蛋味最為過癮😗 最後最鐘意係個炒飯，海鮮有蝦魷魚帶子幾足料，而飯粒大概因為連蟹膏一齊炒，每粒都沾滿蟹味，相當唔錯✨

好耐冇去荃灣 今次發現左一間爐端燒既小店 餐廳地方唔算大 但環境都算舒適 又有大電視可以播電影 最驚喜係聽到好多日文歌 連日文版「小幸運」都聽到 好有氣氛 食物每款都試左小小 上菜速度快 整體味道都幾好 值得再食燒牛舌 牛舌嫩而彈牙 厚薄適中 燒得好入味之餘仲保留到牛既原汁原味黑豚五花腩唔會太油膩 又唔會燒得太乾 味道剛剛好雞軟骨黃金燒 黃金原來係指鹹蛋黃 味道都幾出 估唔到同雞軟骨味道又幾夾 十分惹味 厚燒玉子燒 玉子燒熱辣辣 火候啱啱好 唔會過熟 而且店員介絡話可以將淋上醬汁既蘿蔔蓉放上玉子燒上一齊食 一冷一熱 幾特別 感覺唔錯豆腐唐揚唔好以為只係普通炸豆腐 呢個真係好好食 豆腐炸得外脆內軟 入面仲係好嫩滑 沾上醬汁 再加上蘿蔔蓉和嫩辣既紅色絲 味道十分豐富 好好味蟹膏海鮮炒飯炒飯好有水準 每粒飯都沾上濃濃蟹膏味 好香 好味 而且真係好足料 有好多新鮮海鮮 三隻大蝦 兩粒帶子 仲有幾塊彈牙既魷魚 好正

《火狐爐端燒》 #食在荃灣 #串燒📍荃灣四陂坊12號雅緻大廈地舖-呢間串燒係荃灣千色後面 之前食過隔離間米線 今次就試下呢間串燒傾下計🔹免治雞肉棒 $28/串基本上每次我都會嗌雞肉棒 撈埋蛋汁真係好好味 醬汁夠香 入面仲有d雞軟骨 不過價錢偏貴左小小 但嗌一串都會有蛋汁🔹牛仔骨(汁燒三件) $78牛仔骨好夠味 燒得剛好 肉質仲好嫩唔會韌 🔹蒲燒鰻魚飯 $78有三件鰻魚 有蛋絲同鰻魚汁 飯量都唔小 兩個人share兩加其他野食都唔錯鰻魚夠淋 無骨 如果多d汁撈埋飯會更好🔹煎餃子 $38一份有5件 新鮮煎起外面夠脆 入面菜肉比例都唔錯🔹梅酒 $45酒味唔濃 比較岩女仔飲 不過都幾多冰 飲到最後會太淡

位置係四陂坊，次次都一定去隔離間米線到食，前幾日去太多人又好肚餓，於是的起心肝食下尼間⭐️汁燒帆立貝$32啖啖肉，帆立貝一開二，每粒都比燒汁包住，好幸福，好juicy⭐️芝士雞肉$28肉嫩，好juicy，加埋芝士好邪惡⭐️蒜香雞軟骨$18串燒必點，粒粒都卜卜脆，好正，個味都啱啱好⭐️明太子雞翼$22雞中翼已經去骨，咬落去啖啖肉，好方便，外脆內嫩，明太子味香⭐️蟹膏海鮮炒飯$98炒飯乾身，炒得唔錯，粒粒分明，蟹膏味好香，海鮮份量幾多，有帶子、蝦、魷魚，份量多，2個人食岩岩好⭐️芝士大啡菇又係邪惡推介，一切開啲汁就bit晒出嚟，啖啖肉好滿足❤️