火狐爐端燒 (已結業)

今日阿妹去荃灣返part time，所以就約咗佢喺荃灣呢個美食天堂度食嘢。佢話個新同事介紹呢間餐廳幾好食，所以就一於一齊去試下。呢間餐廳唔算難搵但面積唔算大放7至8張枱左右， 但餐廳嘅氣氛就真係一流光綫偏暗， 但有足夠你見到對方同埋食物。 我哋返嚟叫咗豆腐唐揚，大啡菇芝士燒，汁燒墨魚咀，燒雞翼，燒牛舌&蟹膏海鮮炒飯。豆腐唐揚：豆腐表皮整得好脆好似食緊炸豆你感覺咁入邊嘅豆腐就保持到好軟滑， 而且有好濃嘅豆味，好正。大啡菇芝士燒：大啡菇本身已有好濃嘅菇味，燒完之後，質地軟滑，水份減少後，菇味更濃。再加上面果層濃沃嘅芝士，真係好夾。汁燒墨魚咀：個墨魚嘴係比較大size果啲。而且個墨魚咀燒得恰到好處，唔會有燒焦嘅地方，食落口爽脆香口，送酒一流。燒雞翼：佢個燒雞翼係將雞翼分半嚟燒，火侯掌握得好，唔會燒焦，亦都唔會太乾。但份量就稍微少咗啲。燒牛舌：燒牛舌燒得幾好，完全唔會乾身，食落去仲有少少肉汁。蟹膏海鮮炒飯：個海鮮炒飯幾豐富，有蝦有魚有蟹膏有帶子。 一粒粒嘅珍珠米沾滿蟹膏，食落口除咗食到一粒粒飽滿嘅飯粒之外，仲有濃沃嘅蟹膏味，好正。

呢間荃灣嘅日式串燒小店真係不得了，唔單止嘢食好味，就連裝修、餐具都一絲不苟，日本風味濃厚。行過荃灣又鍾意食日式串燒嘅朋友，一定要去試吓啊！朋友介紹左我同媽咪嚟呢度食嘢，我地叫左忌廉薯餅，廣島號芝士燒、豚大腸生葵燒、雞軟骨黃金燒、燒牛舌，同埋蟹膏海鮮炒飯。首先個忌廉薯餅外脆內軟，口感好滑。隻蠔夠鮮甜多汁，配上燒到金黃色嘅芝士真係不得了。平時炸豬大腸已經好正，今次燒大腸好香脆配上wasabi 就更加正斗。燒雞軟骨加埋咸蛋黃好香口惹味，串牛舌亦燒得恰到好處。最後嘆埋個炒到好香口嘅炒飯，成餐飯真係好完美！

就咁講荃灣陂坊，可能唔知喺邊度。其實荃灣4個陂坊(大/二/三/四)正正就係全區最旺嘅眾安街同沙咀道十字路口交界所𠝹開嘅4個內街區域。位於四陂坊嘅火狐爐端燒亦好易搵，喺千色匯二期一出，最受街坊喜愛超人氣米線店隔離就係。同日本爐端燒/居酒屋一樣，店外同舖內牆身都有店家嘅當日推介，部分美食係menu冇嘅。所以除咗睇手上本menu，記得都望吓載有重要訊息嘅牆啊。店舖裝修走日式居酒屋風格，牆上貼有多幅井上雄彥嘅浪客行宮本武藏海報，唔通老闆係fans！？忌廉薯餅一份2件。新鮮炸出唻外皮香脆，唔會太油，入面忌廉薯蓉幼滑唔鹹。牛舌根本上係爐端燒必點食品。最簡單唻分，近舌尖部份會相對有咬口，近舌根部份就淋啲(少少似午餐肉)。火狐提供嘅係前者，一串有4片。牛舌質量不錯，簡單用黑椒同鹹調味已經超好味，燒完熱辣辣但又唔會乾身，有咬口得唻又有肉汁，必食推介。黑豚五花腩，一樣一串有4片，燒過嘅五花腩保留到香味，肥膏部部燒完出咗油，感覺唔膩口，咬落亦唔會淋滋滋，好味。雞軟骨黃金燒。口痕必點雞軟骨，用咗大熱不衰嘅鹹蛋黃做醬，都唔錯。廣島蠔芝士燒，一份2隻。鮮甜嘅廣島蠔舖面鋪滿燒到略融嘅芝士，望見都治癒。火候控制得幾好

同朋友經過荃灣突然想食啲熱氣野，聞到門口香噴噴，就走左入黎呢間餐廳。豆腐好好味 金黃色既外表睇到都流口水 師傅炸到佢外脆內軟 冇得頂！串燒一定要食燒雞翼， 一開二方便食，加上調味料真係得呢間咁惹味！不得不提個烤菇，面頭放一塊大芝士，燒到熔夠哂邪惡，烤出黎一啲都唔乾，夠哂juicy！蟹膏海鮮炒飯就更利害，帶子同蝦等等海鮮超鮮甜，米飯又炒到粒粒分明剛好，食完仲想再encore !整體而言絕對會encore 既好餐廳

在荃灣行完街在附近覓食，發現在後巷有一間日本餐廳，店內只有十多個座位不是很大，主打吃日式串燒及小食，而且價錢大眾化。汁燒墨魚咀 - 日式醬汁跟墨魚咀十分配。牛舌 - 肉汁鮮嫩。雞翼 - 雞皮夠脆，還細心弄了單骨。大啡菇芝士燒 - 香濃燒芝士配合切開後的大意想不到很juicy，而且充滿菇汁，完全不會太乾，大讚！豆腐唐揚 - 外脆內滑，加上自製醬汁的精華，很有驚喜！蟹膏海鮮炒飯 - 海鮮豐富有蝦、帶子和魷魚，而且每一粒飯也充滿蟹膏的味道，很滿足。

今日同朋友仔去咗荃灣呢間日式串燒店食串燒入到去見到裝修好有日式風格而且仲有電視睇喎我哋叫咗幾樣串燒包括係黑豚肉五花腩，雞軟骨黃金燒同埋牛舌串燒上面都落咗黑椒味道好足，而且燒得啱啱好，真係好似日本嘅串燒居酒屋一樣豬大腸山葵燒上面仲落咗芥辣味道好夾豬大腸仲好爽口添cream potato 裹面好特別，食落去口感外脆內軟好creamy,不過要趁熱食值得一讚嘅係蟹膏海鮮炒飯，用左珍珠米食落去好甘香有鍋氣2個人都係食左唔洗$300抵

今晚朋友介紹左來呢間日式串燒店，可見店外到內都好有日式風格，進入店內又有水吧位，牆身都同樣是日系。今晚下起大雨、但店內仍坐著八成客人，相信都是不錯的店鋪。兩女生未能食到很多食物，不過一定點串燒食先來個雞軟骨及牛舌，雞軟骨不用點醬汁已夠味，牛舌燒得剛好不會過硬，真的鹽燒已好食。接著有個籃仔放上忌廉薯餅，外身不會很厚炸粉，感覺很輕巧，完全食到大部分忌廉職員建議我地試豚大腸山葵燒，其實是芥末醬，但味道不錯 日之風味🤗此芝士蠔我大愛呀，佢好有口感，賬卜卜好好食最後蟹膏海鮮炒飯，內有帶子的，香口惹味，仲有好多蝦件食添yummy

今日在荃灣覓食， 路經四坡坊， 突然見到有間爐端燒， 不如今天就是一試啦 小店內仿日式的風格， 貼上日式海報， 真的以為自己身處日本叫了 鹽燒雞軟骨， 忌廉薯餅 ， 炒飯， 牛舌， 燒芥末大腸， 芝士蠔， 第一客先上忌廉薯餅 外脆內軟的口感， 內裏很creamy 很好食， 之後上了串燒 雞軟骨 ，牛舌， 燒大腸， 和朋友邊吃邊吹水， 真是快樂不知時日過 之後再食芝士焗蠔 充滿芝士味， 但蠔很飽滿沒有縮水 最後吃完炒飯就完結了今餐 這個地方真是很適合和朋友聚會， 吃吃喝喝

我哋一大班朋友要想搵個地方慢慢傾下偈，可以試下四陂坊呢世火狐爐端燒。呢間鋪面雖然唔咪好顯眼，入面裝修以簡約為主，暫時抽離一下忙碌的生活都幾寫意。入得黎記住一定要適當地調節一下心情，品嚐一下慢工出細貨的爐端燒！我哋先叫前菜，雞翼一上枱已經轉黎陣陣既咸香，一開為二既雞翼，外皮燒得既香且脆，但雞肉仍然保持到雞翼應有既嫩滑，食得出絕對係即叫即燒。貴妃蚌牛油燒，一上臺就聞到陣陣牛油香，隻蚌好似喺啲牛油度游水咁，但食落又唔會冚咗貴妃蚌個鮮味，好爽身彈牙好好食讚!!!好新鮮下次繼續。

今晚約了一個朋友傾計，專程去荃灣就佢。我已經吃了晚餐，所以就打算去居酒屋食一兩串串燒就算，只要想有個地方可以聊天。.經過依家「火狐」，感覺隱世，我去到九點時人流不算多，餐廳不算大但格調適合聊天。.【大啡菇芝士燒】賣相已經很吸引，芝士燒得剛好，大啡菇鎖到水分，啖啖「肉」又夾有芝士味，不錯。【豆腐唐揚】好似一塊豆腐浸緊溫泉咁，卡娃依呢！【牛舌】及【燒汁墨魚咀】我哋每款只叫一串，但餐廳都好有心思分開碟上，可能因為賣相好睇或者係唔想溝到啲醬汁，無論如何都係很花心思嘅表現。墨魚咀有咬口，而牛舌就用簡單嘅鹽及黑椒帶出牛嘅香味，兩者都不錯。【雞翼】皮燒得很脆，上菜時仍是熱辣辣的。而且他把一個雞翼，分開單骨，方便我們食，很細心。【蟹膏海鮮炒飯】雖然已經吃了晚飯，但是這個炒飯炒得很香，所以我也不禁吃了幾口。

叫了很多串燒，例如豬頸肉，雞皮，雞軟骨，燒蠔，以及幔魚飯，元貝。飲了茶，埋單300幾內燒得很正，隻燒蠔簡單係上咗天上人間，燒嘅嘢食很有煙燻味，燒法精煉，鎖住了很多肉汁

之前經過四陂坊都有留意到呢間日式餐廳 裝修和風幾別緻已經想試 今晚終於去左一嚐佢地既爐端燒啦🤩 入面座位唔多 建議想食既朋友記得book位😉前菜小食我地就先試左豆腐唐揚同忌廉薯餅 小食既賣相好精緻😍 越簡單既菜式要做得好先最難 炸豆腐睇落平平無其 但係炸到外脆內軟 點埋d醬汁一齊食真係好正🤤 而忌廉薯餅當然都係即炸啦 忌廉滿滿的 咬落好滿足👅爐端燒方面我地就叫左大啡菇芝士燒 牛舌 黑豚五花腩 同埋雞翼啦😆 大啡菇用刀切落去d汁已經流緊出來 燒到剛好仲勁juicy 配埋面頭燒溶左既芝士 好perfect 👍🏻 牛舌同五花腩都用上黑椒做調味 火候掌控得好好 唔會過老又好夠味😋 雞翼表皮都燒到金黃色 皮脆肉嫩 好食😛淨係食串燒始終唔夠既 所以我地叫多左個蟹膏海鮮炒飯食 超足料地入面有3隻大蝦 2隻帶子同2隻墨魚🦑 大蝦仲係非常彈牙 炒飯粒粒分別夠乾身 仲勁香蟹膏味 食到停唔到口🌟

住開綠色線嘅我好少同男朋友去開紅色線話說今日黎開美食天堂荃灣想搵少少日式嘢食之前都試過拉麵嗰啲但係今次想食下串燒唔知呢度有冇見呢度有人推介一間隱世嘅高質居酒屋而且又近千色附近我哋即刻快快腳咁行去試吓一入到去已經聞到好香嘅串燒味所以我哋就要左三串串燒雞翼墨魚咀黑豚五花腩佢哋三串都燒得啱啱好五花腩仲搵左黑椒放面 好香好香我ji 左 小小檸檬汁上去 帶埋d 味上黎而且仲好juicy 墨魚咀我之前食開炸既估唔到汁燒都幾好食燒汁好有日式風味咁之後男朋友無啦啦就想話叫多個玉子燒嚟試吓見到佢一上菜嘅時候就好鍾意啦因為佢煎得好靚 外面仲有小小蛋汁完全無燶到切開中間 勁濃蛋味 好岩我呢d 勁鍾意食蛋既人!!!食完呢幾日我哋都覺得唔夠喉男朋友叫咗個和牛蘆筍炒飯首先第一次食用珍珠米嘅炒飯覺得好新鮮呀珍珠米嘅質地比較冇咁粘身原來都幾適合炒飯配合埋好多嘅牛肉粒 都好香最後要推介下我自己嗌嘅另外一個甜品炸番薯條配曲奇雪糕首先呢個方法我之前喺其他鋪頭都未試過着返薯條點一點雪糕嚟食係甜甜地都幾過癮用嚟打卡都好正

前排食粥偶爾見到旁邊有呢間日式爐端燒小店，之前竟然完全無發現，所以呢晚搵埋阿哥一齊去食串燒！食完就有相逢恨晚既感覺，因為真係好食好高質，如果早d知道就好喇～🥺我地大概每個category都叫左1樣野試，全部都好食而且有d仲好有驚喜添😋🥢 豆腐唐揚 $30呢個有驚喜！外脆內滑，好好味。豆腐上面係蘿蔔泥同辣椒絲，店員細心提我地可能有少少辣，對我黎講就唔覺辣既，不過如果真係擔心可以咬少少試下先～🥢 芝士年糕 $35有2件，同平時日式放題既完全唔同，呢個真係好もちもち好煙韌！個芝士味已經好香～再加上燒過表面，真係香上加香！🤤🥢 雞翼 $25有2隻，開晒邊，食起上黎好方便～ 燒得都好香^_^🥢 明太子雞翼 $22（2份）呢度係2份黎既～一人一隻😎 望落去已經好飽滿，咬開就見到真係好足料！呢款明太子係辣味個隻，所以再香d再惹味d😍🥢 黑豚五花腩 $28五花腩肉好好食，一d都唔韌！🥢 大啡菇芝士燒 $38榮登我既Dish of the day！個菇好juicy好正！加埋燒芝士溶溶地既香味，一絕❤️🥢 牛舌 $40佢係屬於厚切的！但完全唔會咬唔開！牛舌愛好者表示十分滿足😆🥢 廣島蠔 <2件

老公想試新嘢...9pm鋪面只有三，四枱客，每枱只有兩人，並非爆滿！竟然話做唔切無位,去過咁多餐廳今次真係第一次，好在附近好多選擇，否則白行一趟！不過都唔會再試