火水爐冰室火鍋

營業中

休息中

話說同朋友book咗呢間食晚飯打邊爐，一開始都冇問題，職員都會介紹下食物呀正正常常，去到最後5分鐘左右，有人走埋來叫我哋埋單，咁我哋先發覺原來就夠鐘，但仲有成碟牛未食咪快手快腳倒曬落個煲度諗住唔好浪費，快啲食埋。點知有條友過來冇講嘢就熄咗我哋個爐趕我哋走，嘩，我嗰下真係呆咗，我未見過個客仲碌緊嘢，會有人走來熄你個爐逼你走，其實你講一句：唔好意思我哋要交台俾下一轉客人我哋點都明，仲要話自己係惜食餐廳，啲嘢落咗煲度都逼你即刻起身。

又趕人走 又嘈 地方又細明明沒人等位 係咁迫人走又摧落單 真係有病 食得好唔開心播d 歌 又煩 又大聲d 野食又普通 90分鐘食野係沒問題但講都唔講就收哂d 野 咁唔想做生意 大家入前考慮下

適逢屋企人生日🎂，佢話想食打邊爐，見呢間野都好多好評，而且舖頭名好特別，所以就膽粗粗黎試吓😆😆餐廳既設計好有特色，係舊式嘅百餐廳設計🥰🥰我哋order左濃厚花膠雞煲🍵，果然冇呃人，舊花膠真係好大好厚😍😍，而且有5-6塊，絕不取巧，呢個係我意想不到的🤩🤩，花膠亦炆得好淋😋肥牛方面，有四款選擇，我哋每款都叫咗好多碟，好滿足😚店內雖然座無虛席，職員們都好忙，但係全部都好有禮貌👍👍

有正既食材既任食火鍋真係要搵，呢度咁既價錢底下係我食過最靚既牛，真係物超所值。一坐底好貼心咁上左d小食，有炸燒賣同魚蛋，同樣都係任食既menu上面可以再點。湯底揀咗特選濃厚花膠雞湯鍋，全奶白色白到睇唔到裡面有咩料，非常濃烈既雞湯味，裡面既雞好似點煮都唔會老咁，好嫩滑。我地叫左最貴$279既套餐，有齊三款牛揀，分別係牛板腱，牛頸脊同埋牛小排，全部睇落都好紅無雪死到，牛小排相對肥d，牛味最濃，我自己最鍾意牛頸脊，肥瘦分佈均勻d，唔會感覺肥膩同時又夠軟滑，另外牛板腱都唔錯，雖然少d肥，但牛味一樣濃，仲有一份彈牙爽脆既感覺。紫菜響鈴係估唔到係任食度有，多左紫菜既味道好似少左響鈴既油炸味。水餃同雲吞都有試到，兩隻個皮都好薄，雲吞個皮有更飄逸既感覺，同埋個粒蝦好大粒，好彈牙，而水餃就有埋木耳，口感豐富d。牛丸好彈牙，裡面有肉汁，好香濃既牛味。芝心丸裡面好似有湯汁咁，似溶左既芝士咁。埋單都係三百零蚊一個人，有咁多嘢食2個人自己買返屋企食都差唔多啦。

我從來都唔會寫食評，因為唔會太介懷，亦都唔想破壞人哋嘅聲譽，但今次因為太過不愉快，真心希望他們有改善嘅空間。話説朋友聚會，見到好評咁多，唸住試吓！點知去到一肚氣。90分鐘限時已經唔好受，價錢又唔係平喎但食物質素一般。湯底又淡，調味淨係得豉油。花膠好大塊，但係谈已無味，因為個湯底根本都冇味。全店侍應態度真係冇一個好，唯一最值得欣賞，就係佢哋幫你執枱或者比壓力你離開就最有效率。最好彩就坐正隔離有班阿叔喺度玩大話骰，嘈到佢一個點，唔知仲以為去咗酒吧，唔係去咗打邊爐。但係又冇員工請佢地食完帶返口罩先玩，而佢哋亦都不是在90分鐘來走，因為佢哋仲早過我哋係到。總之呢一間就一定唔會再去，唔推介亦吾明啲好評喺係怎樣得來🥲

成個星期都好想打邊爐，咁啱約開朋友食飯就一於打邊爐啦，想搵間未食過既火鍋店，見衣間裝修幾有特色，就試試佢環境：由樓下門面到樓上餐廳內部裝修及佈置都充滿懷舊氣息，亦都會俾你有喺乾淨既大排檔食飯既感覺，地方都乾淨企理食物：佢有3個任食menu揀，任飲任食90分鐘，睇你係唔係牛魔王想試哂3款牛，我哋就揀左中間價位$288/位既餐，而貴啲嗰個係多左安格斯牛小排，下面喺我揀既餐既menu，都算幾多選擇餐前小食餐廳會按人數自動提供，可以先唔洗用落單紙點，但餐前小食就有啲失望😥，除咗炸燒賣同炸陳皮魚蛋正常之外，其他涼拌既都好難食，同朋友都覺得有陣怪味🤢，最後幾乎成碟都冇食過火鍋湯底及配料湯底叫左花膠雞湯，但湯感覺到好重味精，食完後感覺好口乾，返到屋企要不斷飲水牛 - 牛頸脊同牛板腱同朋友都覺得兩者口感不大，可能係切得太簿，所以建議食時最好唔好淥咁耐，會好韌其他配料都係正常冇咩可圈可點但紫菜響鈴可以一試服務：店員會主動介紹餐牌同新湯底，態度親切有禮貌總結：整體都可以，但湯底略嫌味精多咗啲

今日生日嚟呢度打邊爐，估唔到得到嘅係一個如此差嘅體驗。 唔知係咪因為我同朋友年紀比較細，兩個個樣就係一副勁易俾人昆嘅樣。啱啱行到火水爐樓下，樓下就已經有員工喺度招客，態度都尚算唔錯，上到去坐低都還好。 坐低店員就行過嚟問我哋要食乜嘢，我同朋友飯錢都唔多，係生日先儲錢一齊打邊爐，自然係揀最平嗰個餐（雖然個餐嘅錢連埋$14醬油費再加一都要$266）我哋講咗要最平嗰個餐，但個店員不停游說我哋揀貴啲嘅，我哋堅持要最平嗰個餐，店員最後妥協但係唔知係我敏感定點店員開始有啲黑面，我同朋友都尚算覺得ok。 之後開始食嘢，個火鍋都等咗差唔多10分鐘先到，之後交落單紙，店員都有啲西。等咗一陣，啲嘢食嚟到，漏咗幾樣，唔知係有心定特登，豬肚滑雞豬紅都冇上到，但係丸類/魚皮/菇嗰啲就上齊咗。 我哋一路食，唔知係唔係因為全場食客年紀都偏大，電視機播緊足球，我哋坐喺可以望到電視機嘅枱，會阻住佢哋做生意（雖然其實成個場都唔算多人，而佢哋一開始都冇叫我哋坐第二啲枱，甚至係佢哋安排我哋坐嗰度）有啲店員就以一個唔太友善嘅眼神望住我哋，令我哋唔太舒服，但係自問我同朋友講嘢完全唔算大聲，音樂仲大聲過我哋好多😂 食未夠一

火水爐冰室裝修以懷舊為主題，營造到成個環境好似六、七十年代舊式大排檔。店內放左好多舊式既火水爐，牆上又貼滿香港舊電影海報。佢地既任食火鍋限時90分鐘，逢星期一至四食安格斯牛小排火鍋同特選牛頸脊花膠火鍋餐仲有85折優惠🥢濃厚花膠雞湯鍋🐔總共有八款湯底選擇，我地揀左唔辣既濃厚花膠雞湯鍋。湯底色澤金黃，花膠有4件，每件都好大塊，仲有半隻雞，肉質都嫩滑。滾左飲啖湯先打邊爐最正🥢特選牛頸脊花膠火鍋🐮我地揀左特選牛頸脊花膠火鍋餐，有四款任食肉類包括特選牛頸脊、穀飼牛板腱、美國肥牛同黑毛豬。最好食係牛頸脊，肉味重得黎脂肪又唔會多。其他免費火鍋配料有超過六十款，雲吞水餃係手包，所以都推薦🥢飲品及餐前小食🍢除左一般汽水，仲有楊協成系列飲品，但係好似我唔鍾意有糖飲料既，其實係冇選擇，除左加$13要支烏龍茶。餐前小食係一叫完個餐就會上，有炸燒賣、炸陳皮魚蛋、涼拌青瓜雲耳皮蛋，呢幾款都正正常常

第二次光顧此餐廳，今次點選了溏心蛋葱油豬扒飯，今次餐廳終於有幫我豬扒碎上啦，食得方便，口感一流，加上配料夠惹味，溶入豬扒內，簡直一試難忘，溏心蛋夠味，不會蒸得過熟，一流，一定會再光顧。

花膠湯底聽聞好出名但係食落淡茂茂 嗰舊花膠唔似花膠牛肉有驚喜嘅 唔係點會收你288一位啲音樂好大聲 好似落左吧咁一夠鐘就即刻講你走 唔夠時間食呢間野食環境嘅啫 冇下次 貼錢買難受😣

呢間火鍋店第俾我嘅第一個感覺係…室內版大排檔🤣————————————————————————————🍽餐廳：火水爐冰室火鍋 🇭🇰位置：旺角煙廠街33號朗廷軒1樓😋食物：7/10💰價錢：✅安格斯牛小排花膠火鍋🍲$325/1位🔘90分鐘任食🔘平日有折‼️假日除外🔘任食5種精選靚肉🥩🔘任點多款配料及飲品🧃🔘任食多款熟食🍢——————————————————————————4人⭕️是次人均消費：$376—————————————————————————————✔️湯底真材實料✔️熟食不hea場✔️大比數肉類都中上水平✔️配料基本上滿意✔️店員殷勤有禮✖️時間有點兒趕✖️肥牛脂肪較多—————————————————————————————雖然話係室內版大排檔但通風系統做得好好唔會覺得污煙漳氣上菜效率亦高火鍋配料到之前店員都會推薦下熟食等我哋可以食住等👍🏻———————————————————————————

我地今日叫左個花膠雞湯底，超好味，飮左兩碗湯先開始打邊爐，d牛肉好味，食唔停，丸又有好多款，推薦粟米貢丸，好彈牙，另外叫左叫左炸魚皮同嚮鈴，歺廳重送左歺前小食，炸燒賣同魚蛋，魚蛋好好味，最后叫左d金菇同菜

呢間hot pot 裝修好得意， 好有 70 80年代， 街邊打邊爐feel. $300 一位左右 all you can eat and drink. 唔係超平，但係絕對有質素。食具都有 heart, 襯好一set. 醬料乾淨整齊。 我哋叫咗花膠雞湯， 花膠超大塊。 啲花膠size 大同埋多到其實食晒啲花膠已經飽。 呢間主要係唔同部份嘅牛肉。 質素都真係幾高。 油花均勻，有牛味，雖然未至於入口即溶，但軟綿順滑。其他火鍋配料都樣樣齊備。 蔬菜新鮮爽脆。

餐廳入面播音樂勁大聲，打對面傾計完全聽唔到對方講野。 叫店員較細聲啲，但無人理。 完全唔想比你安安靜靜食野。叫咗245蚊個餐，個湯得味精味，又淡。所有野烚完都無乜味。 啲肉無牛味無豬味，仲要好難吞嚥，次次都差啲啃死咁食（4款肉只叫了每款一碟共16塊）。湯底問題連金菇都好難食。跟住用餐時間短，只有90分鐘。食咗60分鐘就催你埋單。趕客咁款。所有體驗都好差，極不推薦，埋單加加埋埋成289蚊一個人，超唔抵食。

今次🧜🏻‍♀️同朋友就試左呢間裝修好有80年代風嘅雞煲火鍋😚入到去已經好有feel 播嘅歌就好似去左酒吧咁🤣同朋友聚會都好岩去👅-🍴特選牛頸脊花膠火鍋 HKD288/person (任飲任食90分鐘)🌶️ 招牌麻辣花膠雞煲(小辣)其實仲有好多湯底揀😚不過呢個係招牌🧜🏻‍♀️就緊係揀呢個啦🙈小辣黎講辣度都合格🤣同埋一路食都覺得好香香料味👍🏻雞件唔多 4個人食完全唔夠 不過肉質好嫩滑入味🥰重點就係啲花膠 有成4 5件 件件都係超大片 骨膠原滿滿😍🧜🏻‍♀️有時好怕花膠嘅腥味 但麻辣花膠完全無呢個問題仲好好食添😋如果想再食多啲花膠 就要另外加錢啦🙈🌶️食完雞煲就緊係要打邊爐🤪 🧜🏻‍♀️今次個餐就無包埋牛小排 因為覺得3款牛肉都夠啦🙊呢個餐就有牛頸脊 牛板腱 肥牛同豬肉😼最好食當然係牛頸脊 好重牛味同埋一啲都唔韌😚而肥牛就真係太太太肥唔太建議多叫啦🧐另外仲有好多配料任食 私心推薦炸魚皮好酥脆🤩 (餐紙有價錢需另外收費 唔包任食)🌶️另外仲有幾款熟食 飲品都有好多款 除左汽水仲有水果梳打 珍珠奶茶等等 味道都唔錯☺️-🌼店員態度非常好 大家都有講有笑🤪✾味道覺醒指數: 4/5 抵食指數: 3.7/5服務指數: