火五越式牛肉粉專門店 (清風街) (已結業)

🍜火五生牛肉粉💲42湯底唔係平時食開果啲口味，不過都別有一番風味😋👍🏼，牛肉好嫩滑好腍😋，份量都唔少，性價比都幾高。.🍜香茅美國黑毛豬扒撈檬💲56黑毛豬扒撈燒得好香，肉質好嫩滑仲有啲juicy 添😍，油脂位好香口好惹味😋，檬粉份量勁多，配埋魚露酸酸辣辣真係好開胃，不過多到食唔哂😝。.🦀手作炸軟殼蟹米紙卷（8件）💲76性價比極高既小食🤑，平時呢個價錢得4件或者6件，呢間餐廳有成8件，每件都包得好紮實，炸軟殼蟹包係入面都好香脆。.🥤凍青檸梳打💲19外賣手搖飲品杯做包裝，都幾大杯😁，青檸味真係超級突出，酸酸甜甜幾醒胃🤩。

天后新開超抵食越南菜！ 小食勁多choose炸蝦/魚皮/菜/米卷。。等等🥗🍤🍡🌭我特別鍾意食佢哋 🍤自家製帶子蝦春卷勁大條，而且即叫即炸ga，非常香口，蝦亦夠彈牙！🦐當中黃金炸魚皮，加入左鹹蛋黃!!! 即叫即炸，非常香口！🥠食越南嘢當然要叫 經典「越南火車頭湯河」有齊生熟牛肉🥩、牛粒、扎肉、牛丸等等，招牌「火五生牛肉粉」**都超級大碗🍖，尤其熱湯浸熟既生牛肉片非常嫩，牛肉夠厚有咬口，湯底加入芽菜青檸等都幾清甜🥬，味道都算唔錯！重點係價錢唔貴， 兩個人食一碗都得！牛肉是切得厚，而且份量十足🍜，比平時食既大碗得多！

依間越式餐廳位於天后清風街，食物夠多種類，價錢勁貼地。黎親越南嘢，都係鍾情撈檬系列，依度除咗一般正宗越南菜式外，還加人新派菜式元素。今次就嗌左個挪威煙三文魚撈檬試下，估唔到味道甘夾。煙三文魚味道好突出，加上其他配料同魚露汁，食落好開胃。之後就帶咗小食拼盤。依個係必食推介。佢既越式拼盤有齊六款小食，包括青木瓜沙律、大蝦米紙卷、扎肉米紙卷、炸大蝦、黃金炸魚皮同帶子蝦春卷，份量十足👍🏻扎肉米卷，除左大蝦同扎肉外，卷入邊包住好多新鮮嘅蔬菜絲，好爽口清新，再加入酸甜嘅魚露醬汁，真係相當開胃。黃金炸魚皮，加入左鹹蛋黃即叫即炸，非常香口！自家製炸春卷非常大條！，熱辣辣上枱，而且蝦肉夠彈牙，正。岩晒同朋友仔黎開心share食個拼盤😋

天后清風街出名多嘢食，今日比我發現到一間性價比超高嘅越南菜。呢度嘅價錢非常親民。幾十蚊就品嚐到正宗越南粉，好吸引呀！🐮火五火車頭牛肉湯河每次都會叫生牛肉湯河，呢個簡直係我至愛，今次就試個升級版，火五火車頭牛肉湯河。份量相當十足，比平時食既大碗得多。當中包括生牛肉，熟牛肉，牛丸同埋扎肉。熱湯浸熟既生牛肉片非常嫩滑，牛肉夠厚有咬口，湯底加入芽菜青檸同幾片九層塔都幾清甜，味道好唔錯！🍗蒜蓉牛油雞翼小食都好出色，雞翼脆卜卜，充滿牛油和蒜香，雖然邪惡，但都係忍不住一隻一隻放入口。凍越南三式冰，淡淡椰香，清香解渴👍🏻整體嚟講餐廳環境，氣氛，食物,價錢都好滿意，另外仲想讚嘅係服務態度都唔錯，老闆同員工都好好笑容，會主動為客人推介菜式👍🏻。

天后一向都集合左好多唔同嘅隱世餐廳~今次係清風街就搵到呢間新開嘅平民越式餐廳😋🍴火五火車頭牛肉粉($52)選擇困難嘅我揀左碗有幾款餸(生牛肉、熟牛肉、牛丸、扎肉)嘅等我可以試多幾樣😋一上枱好大碗唔係普通隻碗大真係超足料一個女仔未必食得曬🤣生牛肉比較嫩滑個人推薦牛丸同扎肉😋牛丸好重牛肉味😚🍴火五特式鳯爪撈檬($42)一向都好鍾意食泰式鳳爪所以就叫左黎試❤️調味都幾正唔會太酸如果再凍啲就更加好食😋撈埋本身枱面配嘅汁食涼涼地最啱而家嘅天氣食👍🏻🍴招牌小食拼盤($138)小食拼盤都好豐富包括有黃金脆魚皮、青木瓜沙律、炸蝦春卷、香草大蝦、大蝦米紙卷同扎肉米紙卷😚魚皮超脆表面鋪滿咸蛋黃超邪惡😋炸蝦同春卷都好香仲好彈牙😉米紙卷建議沾番撈檬粉嗰個汁酸酸甜甜幾好食~📍 火五越式牛肉粉專門店 (天后)天后清風街17號地舖

經過天后見到呢間新開張嘅火五，記得之前喺太子都食過佢嘅分店，就入去食個快lunch。-熟牛肉湯河勁多牛腩，河粉分量都好多，不過湯底就有啲淡，對於我來講清清地都幾好，不過鍾意重口味嘅可能要落啲調味料啦。-意大利雞翼竟然係越式餐廳有意大利雞翼原來係上面淋咗黑醋雞翼炸得香脆，配搭埋黑醋嘅組合都幾特別-無骨鳳爪同出邊嘅越南舖頭有少少唔同，比較硬身冇咁酸，有啲咬口，唔錯唔錯-青檸梳打佢係好似街邊飲珍珠奶茶咁樣外賣杯上，飲唔晒可以成杯拎走，唔使浪費。

要數香港嘅食街又點少得天后嘅清風街呢？短短嘅一條街，已經有成10幾間特色餐廳，所以今日嚟到，好多野都想食呀！不過見到呢間由太子開到過嚟天后，新開嘅火五越式牛肉粉專門店。呢度嘅價錢唔貴，幾10蚊就有一碗粉，好吸引呀！火五特色鳳爪餐牌話呢個鳳爪會有少少辣，但食落又唔覺喎。反而個醬汁有少少偏鹹。不過，因為冰冰凍凍咁，好開胃。手作大蝦米紙卷即叫即整，所以等得耐少少，米紙卷入面有檬粉絲、蘿蔔絲同青瓜絲，大蝦唔算大隻，但口感一流，加上魚露汁，好好味。香茅雞翼雞翼偏細隻，但勝在外皮夠香脆，而且香茅味濃郁。火五火車頭牛肉檬火五火車頭牛肉粉真係好抵食，材料超豐富，有生牛肉、熟牛肉、牛丸、扎肉等等。而湯底當然係食Pho嘅重中之中啦！試啖佢個湯，就感受到佢係加入咗大量牛骨同香料，味道濃香，但如果個湯可以再熱啲就更加高分。浸熟咗嘅生熟牛肉，好嫩滑呀！而粉底仲可以免費加底，好抵食。法式咖喱牛肋撈檬上枱真係哇一聲！牛肋嘅粉量超多！牛肋好軟腍，夠入味。而咖喱汁好多，每條檬粉都上晒汁，好味。（記住Like同Share畀朋友）By A姐M佬 玩樂日記 www.aandmdiary.com

今日午餐去咗天后食，係一間食越南粉麵既店舖，咁啱係午餐時段，所以2個人揀咗2份午餐食午市套餐：可以揀任何河粉 / 檬粉 / 油香飯 / 青木瓜沙律 配 越式飲品 +$10 / 港式飲品 +$8 / 其他飲品 +$6火五生熟牛肉粉🥩 $48生熟牛肉又厚身，多片牛肉，口感非常豐富，肉味濃，個湯底好濃郁好正。粉面唔會太冧。配 港式飲品-凍檸茶🥤 $82片檸檬，茶味濃香茅豬頸肉撈檬🍖 $48又厚身又大件既香茅豬頸肉，香脆既面層配嫩滑既肉質。爽口既檬粉配埋酸辣汁，帶有少少辣又好好味配 凍咸檸雪碧🥤 $10打碎既咸檸檬混合雪碧，冰涼透心揀咗兩份小食：黃金脆魚皮🐟 $32炸到黃金色又香脆既魚皮，面層搽上蛋黃醬，口感濃郁又特別D24 榴槤炸彈🥠(4粒) $484粒 D24濃郁炸榴槤，炸到黃金色，勁好味@火五越式牛肉粉專門店 天后清風街17號地舖

今日去咗天后探朋友 而家放假嘅機會多咗 見朋友嘅次數都會多咗 去咗佢屋企附近食 火五越式牛肉粉專門店 裝修好新淨 乾淨企理 點菜模式係自己剔 想食咩就畫咩好方便又清析 小食 沙律 主菜 樣樣有啲 價錢仲好抵食 樣樣都大大碟 見到人哋食小食拼盤都想叫但我哋得兩丁友就食唔曬 所以就揀咗以下嘢食啦火五生熟牛肉粉 $48食越南粉必選生熟牛肉河 湯底唔錯 就算飲曬碗湯都唔會口渴 生牛肉係半熟狀態 慢慢用湯浸熟佢 即刻入口又嫩又滑 河粉夠滑溜 大大碗食曬都好飽香茅美國黑毛豬撈檬 $56夏天嚟講 撈檬都係一個好選擇 香茅豬好好味 同一般豬扒味道唔同豬味會重啲 肉質比較有彈性越式炸春捲 $28長形春捲 蝦肉餡 炸得夠曬香脆手作大蝦米紙卷 $38一碟有四件 有主打嘅大蝦 配菜有米粉青瓜蘿蔔絲甘筍絲 味道幾好夏天必叫凍飲越式香滑濃咖啡 $19凍越南三色冰$19椰香味濃 就算 杯嘢飲入面好多冰都唔會淡曬今日開心又愉快 可以見到好友 又可以食到好味越南菜 除咗堂食之外店餐廳仲做好多外賣 同店員傾計一問之下原來九龍都有分店 天后店係新開 下次再食唔使過海啦

/越南既餐廳越開越多，天氣好熱會越黎越想食啲酸酸甜甜☺️開胃既野食😜甘岩附近有一間新開既越南餐廳🇻🇳裝修好簡單，乾淨☺️企理.🍲火五火車頭牛肉粉 $52大集匯呀🙈要咩有咩😚有生牛肉、熟牛肉、牛札等等😚個湯都好濃既牛肉味🤩唔算好肥🥰札肉好重黑椒味‼️好岩黑椒控😇啲牛肉好淋同好入味💯.🐷香茅豬頸肉撈檬 $48岩岩煎好既豬頸肉配上越式甜酸醬❗️鐘意落幾多都可以落🤣隨自己中意既口味😇.🦀手作炸軟殼蟹米紙卷 $78個軟殼蟹仲係岩岩炸好架♨️唔想食甘熱氣/想減肥既人可以食其他味，最基本扎肉佢都有😚

見到此店新開張便來試試。軟殼蟹沙律，軟殼蟹一只在一堆青木瓜沙律上面，沙律沒有任何特色，而且味道真的十分普通。火車頭河粉，內有生牛肉，熟牛肉，扎肉和牛丸，生牛肉頗新鮮，熟牛肉也算較腍易咬及有牛味，扎肉和牛丸就沒什麽特別，值得一提是可選擇免費加大河粉的，而且份量相當大，不過美中不足的湯底沒有像其他越南餐廳的濃香和有那種獨特的牛騷味，相信可能湯底乃全新製造，故沒有放大量的牛骨、牛髓花時間去熬製，使此湯變得十分清淡乏味，令整碗河粉在味道上扣分不少。由於此店是新開的關係，故相信仍需要繼續努力烹調出更進步和更美味的佳餚才行。

天后新開越南菜！天時熱最好食碗粉加杯凍飲 醫肚兼消暑喺太子食過呢間小店 依家天后開分店 街坊有口福！-🍤大蝦米紙卷 (4件 $38）鍾意米紙卷嗰種通透感 材料一目了然 越南蝦爽口粉絲有嚼勁 薄荷葉清涼 口味清新 做開胃頭盤最理想-🦀🥗炸軟殼蟹青木瓜沙律 ($68）炸軟殼蟹做得非常出色 外層酥脆 軟殼蟹膏飽滿青木瓜絲加紅蘿蔔絲同紫椰菜絲 色彩繽紛奪目食落嗦嗦聲過足口癮-🐂🍜火車頭牛肉粉 ($52）材料大堆頭 牛肉份量足 肉味濃厚 湯頭清澈帶少甜-🍜越式鹹菜腐竹胡椒豬肚湯檬 ($49）多數喺潮州店飲呢個湯 將佢變上湯加檬粉 有創意耐不耐食到啲黑椒味 辣度小易接受-🥓香茅豬頸肉 ($28）豬頸肉外層煎得帶微焦 變得更香口 再點啲甜酸醬食 鹹鹹脆脆酸酸甜甜 好惹味

天后站一出嘅電氣道有好多嘢食就好多人都知，行多幾步轉入去清風街，啱啱開咗間新嘅越南餐廳。經過門口見到好多人嗌左外賣，望入去間鋪坐嘅位置都幾舒服，而且價錢唔貴，所以決定今日晚餐喺度解決！😝➡️ 火五火車頭牛肉湯檬🍲($52)話明越南餐廳，當然要試吓地道菜式PHO。碗嘢一擺咗喺我面前，已經聞到好香嘅牛肉香味，個碗仲要勁大、勁多料。呢碗PHO當中包括生牛肉，熟牛肉，牛丸同埋扎肉。牛肉食落口都唔會韌，連埋啲湯同埋檸粉一齊食，真係非常夾！推介！➡️ 法式咖喱豬頸肉撈檬 ($48)平時嘅越南餐廳會比較少啲有咖喱撈檬，喺呢度就可以食到啦。上菜嘅時候已經聞到咖喱味，咖喱、豬頸肉同埋粉嘅份量都好多，啲咖哩汁都足夠撈曬啲檬粉。撈檬入面亦都有其他配料，例如蘿蔔同埋青瓜，所有嘢加埋一齊食落好fresh，因為唔會淨係食肉，有d菜一齊都冇咁熱氣！➡️ 越式炸蝦春卷 (3件) ($28)春卷超長，炸得好香脆，蝦肉都幾彈牙！➡️ 意大利黑醋汁蒜蓉牛油雞翼 (5件) ($38)越南餐廳有呢個意大利黑醋雞翼真係好特別，黑醋汁再配上好香嘅蒜蓉同埋牛油，味道好獨特，第二度係食唔到嘅。➡️ 凍咸檸梳打 ($19) + 凍青檸梳打 ($1

同朋友修完手甲扮觀靚，好肚餓，路經呢間「火五越式牛肉粉專門店」，似新開的，店員熱情，招呼周到。因為肚餓，所以好快就點好食物，哈哈😆。我好鍾意食花膠同埋雞絲湯河，所以我見到呢個「越式老火花膠雞湯河$56」，即刻點咗，湯頭都幾清甜，配以洋蔥、九層塔、紅辣椒、芽菜、青檸，味道帶點請爽，仲有4-5小件花膠，好開心。朋友就點咗「火五火車頭牛肉粉$52」份量相當大碗，一上枱佢即刻飲幾啖湯，有牛肉清香，配菜亦同樣多；湯粉裏面有牛腩、牛肉、扎肉、牛肉丸，其中牛腩同牛肉煮得好焾，非常好味。配埋佢杯「凍越南三式冰$19」，炎炎夏日解暑妙品。另外點咗兩個小食一齊share：手作大蝦米紙卷$38米紙卷一客4件，米紙裡面包著生菜、蝦、紅蘿葡絲等，伴以酸甜嘅魚露醬汁，感覺清新健康。香茅豬頭肉$28十分香口惹味的小食，口感都幾彈牙爽口。湯粉份量好大，我哋倆個食到好飽，開心大滿足，每人$97，幾抵食。

火五越式牛肉粉專門店 Pho 5+越南菜+粉麵+越式河粉，檬粉同油香飯為主+性價比高🏠環境:+ 新裝修 環境企理 夠光猛+ 不過座位有少許窄 腳長嘅我有少少辛苦‼️ 火五車頭牛肉粉 $52好食指數：⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️⭐️抵食指數：⭐️⭐️⭐️⭐️⭐️✅ 免費加底 可以食到飽到傻✅ 濃郁嘅牛肉 口感鮮嫩 唔韌 有牛骨香味✅五十幾蚊有生牛肉、熟牛肉、牛丸、扎肉 好抵玩湯底味道屬於淡口❗️手作大蝦米紙卷 $38好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 皮薄餡靚 口感層次豐富 值得一叫✅ 有大半份係蝦 好好食😳 食物建議加旁邊的醬汁❗️凍咸檸梳打 $19好食指數：⭐️⭐️⭐️打卡指數：⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️✅ 獨立包裝 可以原封不動咁拎走✅ 大大杯 好似出面D 手搖飲品😳有別於坊間一粒咸檸 佢係咸檸蓉📍天后清風街17號地舖G/F, 17 Tsing Fung Street, Tin Hau⏰星期一至日 11:30 - 21:30☎️ 電話號碼 25630038📩喜歡我的文章，可以關注我及讚好以作鼓勵