火五越式牛肉粉專門店 (其昌樓)

營業中

休息中

今日約咗佐敦區朋友食飯，佢就話屋企附近有間越南嘢未食過，一於就陪佢試試啦！店子叫火五越式牛肉粉專門店，小小的走親民路線。同朋友一人食一碗麵、飲杯嘢，加埋個小食，夠哂～火五火車頭牛肉粉 $62去到新餐廳當然要叫招牌嘢，呢個有「火五」嘅名，即叫！有生牛肉、熟牛肉、和牛牛丸和扎肉，一上桌就已經大大碗，湯底加入大量牛肉同白料，一飲就飲到濃香的味道。和牛牛丸有驚喜，彈牙又有牛味；牛肉大大舊但一啲都唔韌，仲好好味，其他配料一都唔失色，食完真係好飽。越式花膠老火雞湯河 $56同火車頭牛肉粉一樣好大碗，湯底清甜，仲有雞肉、花膠、魚肚等，好滋味，而且河粉份量真係好多，屬於飽肚系列！星洲黃金蝦球 $48金黃色嘅外表好吸引，外面鹹蛋黃味十足又唔會蓋哂蝦味，蝦肉亦都好彈牙。凍越南三式冰（左）、凍越南椰汁冰（右） 午市所有飲品跟餐半價 $10@前者的椰奶好香濃，仲有綠豆和啫喱增加咬口；後者係椰子水加椰肉，好清爽。一路食除咗愈來愈多人堂食，仲有好多人外賣，以咁嘅價錢嚟講真係抵食又大份！

今次試吓越式湯粉，呢間係我第一次試嘅餐廳，同朋友兩個人點左兩個湯粉，再加一啲小食。食物嚟嘅時候我哋兩個都嚇一跳，原因係佢哋嘅湯粉真係超級超級大碗，係唔單止個碗大，連份量裏便嘅粉面都有好多，覺得一碗都夠兩個人食🤣🤣❤️係抵嘅！湯底比較濃味但食完之後冇口渴嘅感覺，感覺冇乜味精，最鍾意食佢嘅小食炸大蝦球沙律，啲蝦炸到脆卜卜又大隻又彈口，我最鍾意！準睇食物來得好快另外餐廳職員態度都唔錯，所以呢間餐廳我都推薦，平時家常便飯有得而且價錢親民。

佐敦呢間越南菜新咗無耐已經人氣高企，夜晚時段排曬隊等候入座，因為太旺人，所以最後都係打包返屋企歎下算啦，叫咗5樣嘢。手作挪威煙三文魚米紙卷，炸軟殼蟹青木瓜沙律，火五生牛肉粉，越式炸蝦春卷撈檬，手作大蝦米紙卷。每一款都好足料，手續挪威英三文魚魚肉好大塊，原來西式都可以同越南cross over,炸軟殼蟹非常之香脆，即叫即炸。入邊仲有糕，超級大滿足。生牛肉粉嘅河粉非常之爽滑，配埋生牛肉鮮甜可口。炸蝦春卷撈檬好豐富，美味又飽肚。大蝦米紙卷嘅蝦仁非常之大粒，好新鮮。店員熱情親切，環境好新淨衛生，下一次不妨堂食試下先！

今日去佐敦，行過見到，我諗應該係新開嘅，食咗依間牛五越南河。今日試了生牛肉河，鹹菜腐竹胡椒豬肚河，炸蝦春卷，香茅雞翼，香草大蝦青木瓜沙律。 越南牛肉河，春卷尚可。其他嘢就真係普普通通，木瓜沙律無味，江湖椒豬肚亦都好普通，不過性價比尚算可以。

👣 火五越式牛肉粉專門店 Pho5 👣🇻🇳🇻🇳🇻🇳🇻🇳🇻🇳🇻🇳🇻🇳🇻🇳🇻🇳🇻🇳🇻🇳🇻🇳🇻🇳🇻🇳🇻🇳🇻🇳火五最近在佐敦白加士街再設新分店🏬餐廳雖然面積不大但環境舒適 😙佢哋主打越南菜式同小食🇻🇳食物選擇超級多😎食物菜式亦以份量大 價錢親民見稱真係可以食到好飽！可以說是CP值極高😜另外都想提一提當日店員都非常有禮貌🤪⭐️⭐️火五火車頭牛肉河粉 HKD$62⭐️⭐️大大碗火車頭牛肉河粉 🤩有生熟牛🥩和牛牛丸 扎肉同埋牛坑腩一個人食應該食唔晒🤣牛肉片唔太諧霎霎😌牛坑腩好滑好嫩 😆牛丸勁juicy 彈牙😙扎肉唔會太扎實🤪 河粉滑身 唔會一夾就斷😎牛骨湯底帶有少少胡椒味 唔算好濃 但唔會淡到無味超飽肚之選👍🏻味道：🌕🌕🌕🌕🌑價錢：💰💰⭐️⭐️黃金蝦球 HKD$48⭐️⭐️咸蛋黃醬唔係太咸 個人覺得可以咸多少少😛咸蛋黃醬包住每一粒蝦球😋食到少少蛋黃沙沙地既質感 🤤幾好食！蝦球仲要炸得好脆口🤩味道：🌕🌕🌕🌕🌑價錢：💰💰 💰⭐️⭐️手作大蝦米紙卷 HKD$38⭐️⭐️每一舊都勁足料 又整得扎實😜米紙卷包裏住青瓜絲 🥒蘿蔔絲🥕檬粉 鮮蝦🦐同脆片沾上酸辣汁更惹味🤤🤤🍤味道：🌕🌕🌕🌑🌑價錢：💰💰⭐️⭐️炸軟殼蟹撈檬檬 HKD$

.#哈比四圍食🦀 炸軟殼蟹撈檬 $68即叫即炸 熱辣辣脆卜卜嘅軟殼蟹，都幾大隻！檬粉嘅份量都好夠，撈埋酸酸甜甜嘅汁，爽埋啲青瓜絲一齊食，成個感覺好清新好開胃，天氣熱時食呢個就最啱😋🦐 越式炸蝦春卷 $28抵食下午茶之選，20幾蚊就有三條長長嘅蝦春卷，又係熱辣辣啱啱炸起，入面餡啲蝦肉仲好爽口，朋友食唔停口😆🦐 黃金蝦球鹹蛋黃嘅脆皮包住爽口嘅蝦肉🤤熱氣到生瘡都要食丫🤤🤣呢個如果有埋啤酒真係一齊丫👍🏻.

新開，試左佢個火車頭，和牛牛丸好食，牛肉滑，個蘿蔔好味又淋又甜，個湯底都幾好，價錢六十零蚊都幾抵食，因為仲有野飲同油菜。油菜係茶餐廳都10幾蚊碟啦。最欣賞佢個火車頭有和牛牛丸，比普通火車頭係出色一點。

呢間買外賣好平‼️自取有八折添‼️行過見到幾個人喺門口等緊外賣, 所以就睇下啦, 發現都幾平就決定試下～ 外賣又唔係等咗好耐, 大概十分鐘～ ▶️越式炸蝦春卷撈檬 HK$35 外賣自取幼春卷, 超多檬粉, 份量真係多到一個人未必食得曬, 汁另上～▶️香茅美國黑毛豬豬扒 HK$35 外賣自取切件上, 食得出係黑毛豬豬扒, 因為同普通豬扒嘅肉質唔同, 呢個價錢絕對抵食👍🏼▶️越式香茅豬頸肉青木瓜沙律 HK$48 外賣自取又係超大份量, 汁另上, 除咗青木瓜絲仲有紫椰菜絲, 超健康～ ▶️法式咖哩牛肋油香飯 HK$48 外賣自取呢個飯超級有驚喜, 因為牛肋肉好大嚿, 直情成塊扒咁😲仲要有幾件添～可以話係餸仲多過飯🤣🔺港式奶茶 (熱) HK$12 外賣自取🔺檸茶 (熱) HK$12 外賣自取Pack得好好, 用咗兩層保鮮紙, 就算隻手拎住好多嘢d茶返屋企都冇倒瀉過‼️🔺🔺🔺🔺🔺🔺🔺🔺🔺🔺🔺🔺🔺

早前也吃過太子分店，今天剛剛行過佐敦覓食，發現原來這邊也開了分店，所以便跟朋友進店吃吃!這裡是自行在點餐紙落單，都很方便!火五火車頭牛肉粉，這款火車頭有生牛肉、熟牛肉、和牛牛丸和扎肉，湯底清甜，帶點黑椒的辣味，生牛肉不會很肥，牛肉味都幾濃，熟牛肉是牛腩，牛腩入味鬆軟，和牛牛丸想不到很juicy而且有香濃的牛味!河粉份量很多，很飽肚!餐廳亦附有青檸、芽菜、九層塔，令牛肉粉味道更香!越式魚翅花膠雞湯飯，湯底味道很鮮甜，帶有微微的黑椒辣味，也有生洋蔥的味道!湯內有雞件、花膠和魚翅，十分滋潤!而湯和飯是分開上的，這裡選用了油飯，跟平時在出面吃到的不同，所以更有雞油的香味!火五特式鳳爪，這款小食也很出名而且性價比高，鳳爪沒有骨，口感亦不會太硬，味道酸酸辣辣，十分開胃!手作大蝦米紙卷，這裡的紙卷算是大份，內裡有蝦肉、生菜、青瓜絲、酸蘿蔔絲和粉絲，紙卷再點上酸辣汁，酸酸辣辣，十分開胃!凍越南椰汁冰，這款椰汁冰其實是椰青水加入了椰肉，味道清甜而且也不會很甜，椰肉爽口，是一款解渴的飲品!

之前係太子返工，食過太子既火五越式牛肉粉分店覺得質素唔錯而且價錢唔貴，好食嘅嘢就係多人食，能夠喺逆市期間開分店，即係證明店舖有一定嘅客量支持最近成日都要去佐敦探朋友，亦都晚市堂食難得地開返，就上網查下有咩食，先發現原來佐敦開咗呢間分店，就決定食返以前食開嘅野火五生牛肉湯檬粉 $42牛肉半生熟，肉質軟身嫩口而且牛肉份量偏多，而且都好大塊💥注意牛肉唔好放太耐先食，因為會浸到熟哂湯底係牛骨湯底，牛骨湯入口鮮甜再配洋蔥、芽菜、青檸、黑胡椒等配料，令檬粉完全吸收湯底嘅精華，每一口檬粉都好入味越式花膠老火雞湯河 $56呢個真係不得了，幾十蚊又有花膠又有雞件，份量都係好多，真係性價比好高，而且雞湯清甜令河粉好入味意大利黑醋汁蒜蓉牛油雞翼 $38雞翼有五隻，隻隻都炸到卜卜脆再配特式既黑醋汁，食落唔會覺得好油膩越式炸蝦春卷 $28長長既春卷入面包住長長既蝦肉再配酸甜醬汁，我哋食到都覺得又脆又好味青檸檬梳打$19酸甜度剛剛好，入口好清新既感覺越南椰汁冰$19椰子味重，清甜解渴🥢份量足，而且服務態度好好

價錢非常大眾化，下午茶餐超抵食！越式魚翅花膠雞湯飯($59)湯頭清甜唔油膩，花膠算幾軟滑，呢個價錢食到花膠當然收貨啦，而雞肉都煲到好軟腍香茅豬頸肉撈檬($58)檬粉份量多到絕對夠兩個女仔share食，男仔大食仲可以免費多粉，撈埋青瓜絲同蘿蔔絲一齊食口感非常豐富，豬頸肉質感厚身，入口爽脆彈牙，都有成六、七塊咁多㗎越式炸蝦春卷($28)炸得好香脆，內裏蝦肉都好爽口彈牙，我食到停唔到口，非常推薦香茅雞翼($22)加咗薑蔥好特別，估唔到同香茅又幾夾

今日路經佐敦白加士街，忽然眼前一亮，見到一間舖頭，黃色舖面，藍色logo，紅色招牌，十分搶眼，而且熟口熟面。此店正是小弟信心之選，火五越式牛肉粉專門店。火五係太子和天后都有分店，食過味道唔錯，所以對佢都好有信心，估唔到甘快又係佐敦開分店。既然係信心之選，當然不能錯過。佐敦店雖然面積不大，勝在佈置簡簡單單，環境舒適。食物方面，除了主打的牛肉粉外，另有多款扎肉/牛丸粉、越式花膠老火雞湯河、越式胡椒豬肚河等，還有各式檬粉、米紙卷、小食、沙律和越式油香飯等，而且都是街坊價，經濟實惠。係火五，當然要食火五火車頭牛肉粉。火車頭牛肉粉超大碗，而且材料豐富，有生牛肉、熟牛肉、牛丸和扎肉。生牛肉嫩滑，厚切熟牛肉，牛味濃郁，牛丸和扎肉肉質彈牙，湯底清甜，河粉幼滑，保持水準。法式咖哩豬頸肉油香飯size都唔弱，味道不太濃烈的法式咖哩，配上厚身嫩滑豬頸肉和油飯，口味新鮮。小食黃金蝦球，一客有5件，蝦球炸得很鬆化，外層披上黃金戰衣 ，入口鹹蛋黃香味充沛，食落脆卜卜，好吃。香茅雞翼size大大隻，一客有4隻，雞翼烹調入味，加上面層舖滿炸蒜和香蔥，更加惹味。凍飲咸檸梳打，製作細心，先把咸檸打成碎粒，經飲筒輕輕啜入粒

呢間越式牛肉粉專門店最近係佐敦開左新分店，餐廳主食方面係食牛肉湯河或者撈檬，唔想食麵嘅話都可以揀越式油香飯，另外仲有唔同嘅越南小食同埋青木瓜沙律🥗**********<火五火車頭牛肉粉> $62黎到緊係要叫返一碗牛肉粉，今次叫左火車頭牛肉粉，即係有齊所有餸，包括生牛肉、熟牛肉、和牛牛丸同埋扎肉！碗粉嘅份量超級足料，男仔食嘅話都好飽，如果係好食得嘅話，仲可以免費加底嫁🙈最值得推介係和牛牛丸，一咬落去勁香牛油味，仲有爆汁嘅感覺，如果鍾意食牛丸嘅話真係要去試下😍**********<香茅豬頸肉撈檬> $58另外仲叫左碗撈檬，檬粉、青瓜紅蘿蔔絲同埋豬頸肉嘅份量都好多，最重要係加埋魚露酸辣汁！**********<手作大蝦米紙卷> $38<火五特式鳳爪> $22每舊米子卷都好飽滿，起碼食幾啖先食得曬，幾鍾意塊米紙好煙韌嘅口感🥒米紙卷同埋鳳爪額外再點下枱面嘅魚露酸辣汁，味道會更加出🙌🏻

今日行經佐敦，見有間新開越式粉麵專門店，見價錢又幾實惠😍於是就試吓😋 餐廳新淨，坐位闊落，感覺都幾舒適😌下午茶係最最最吸引🤩 $40有碗飯麵，仲包左杯特飲🍹 我地叫咗兩個下午茶，再加啲小食😋🥓火五生牛肉粉 ($40)湯粉上枱時仲係熱到出煙，呢個時候淥生牛肉就啱哂😙 湯底夠濃🤤 河粉夠滑溜，又吸哂啲湯，好夠味😋😋🫔越式炸蝦春卷撈檬 ($40)同樣都係大大碗😆 春卷係幼身嘅越式春卷，好脆蝦味又出😌 檬粉撈埋個汁，酸酸地好開胃😆😆🦐手作大蝦米紙卷 ($38)米紙卷又大又扎實，餡料勁多，蝦又大又爽👍🏼 唯一缺點米紙較韌😉🧄意大利黑醋汁蒜蓉牛油雞翼 ($38)雞翼大大舊，驟眼望落仲以為係炸蠔😂 炸粉偏厚，但勝在炸得香脆，熱辣辣😋大大pat蒜蓉好惹味，黑醋又可以減油膩感，不錯😛🥗火五特式鳯爪 ($22)超值之選🤣 又平量又多，鳯爪已去骨，爽彈有咬口，酸酸辣辣，幾清新😆

【火五越式牛肉粉專門店】主打越南菜式，走大眾化路線，向來以份量大，價錢親民見稱。繼天后及太子後，最近在佐敦白加士街再設分店。上星期與家人到佐敦辦年貨，便來嚐嚐。見到比較少有的"越式魚翅花膠雞湯河"，當然不能錯過。甫上枱便聞到濃郁香氣，湯底清甜不會過鹹，花膠和魚翅份量不少，滿滿骨膠原感覺滋補。雞肉軟腍，河粉滑溜，還可免費加底， 2個女士分享也吃得飽飽。下午茶餐共4款選擇，有湯粉、撈檬及飯類，還可免費選配越式特飲，非常超值。"越式炸蝦春卷撈檬"有4條長春卷，內餡蝦肉爽口彈牙。檬粉配上甘筍絲、青瓜絲及炸蒜，澆上魚露甜酸汁，令人食慾大增。父親點了"火五咖喱吉列豬扒飯"，吉列豬扒厚切，入口很脆且不油膩。咖喱汁偏向日式風味，香口微辣。配菜有大量日式漬物如醃黃蘿蔔、福神漬及壽司薑片，加上切絲紫菜，色彩與口感都非常豐富。小食點了"星洲黃金蝦球"，一客共有5隻，去殼大蝦表面均勻地沾滿咸蛋黃，色澤金黃誘人。趁熱享用，外皮香脆帶沙沙口感，內裡蝦肉爽彈，富蛋黃香。飲品如台式手搖飲品以塑膠膜封口，雖說不上環保，但在疫情肆瘧下，倒也安心。"越南椰汁冰"用上椰青水，內有粒粒椰肉飄浮，賣相治癒，味道清新。