火五越式牛肉粉專門店 (其昌樓)

營業中

休息中

好鍾意食越南野 因為好開胃 最鐘意食 蝦春卷 湯檬 香茅豬扒等等 今次嚟到佐敦 決定買外賣返屋企食1️⃣香茅美國黑毛豬扒撈檬 多粉 $56豬扒夠軟腍 有蘿蔔絲青瓜絲蒜頭 仲有唔少得嘅酸甜汁 檬粉夠爽口 鍾意食酸啲嘅我就會話好多酸甜汁 好開胃😎2️⃣法式咖喱豬頸肉撈檬 多粉 $58由於咖喱味道都夠所以唔使加酸甜汁 豬頸肉夠香口 同樣有唔少得蘿蔔絲同青瓜絲 好健康3️⃣蒜蓉牛油蝦球 $48蝦球好大粒 好香嘅蒜蓉牛油味4️⃣凍越南椰汁冰 $38唔少得非常之解渴㗎椰汁冰😛

今日放假同朋友做完gym之後黎左附近食野補充體力我地見呢間越式小店有下午茶餐，又唔洗加一，好似幾抵食咁！！！我地做完運動好肚餓，所以每人揀左一款茶餐之外，仲要左d小食一齊sharee每張檯都不齊各種醬汁醬料，十分方便朋友要左一份大蝦米紙卷$38一份有4件，沾上酸甜微辣既醬汁，十分醒胃跟住要左兩份炸物小食分別係蒜香雞翼$38同黃金蝦球$48兩款都惹味香，特別推薦個黃金蝦球，外脆肉彈又夠香我要左越式味十足既生牛肉湯河茶餐$40下午茶餐有4款，每款都係40蚊，仲包埋任選一杯飲品！！朋友要左偏向日式既吉列咖喱豬扒飯，飲越式三色冰兩款茶餐都份量十足，味道都唔差，我所飲既椰汁冰仲好清甜解渴，超抵食！！！！！

火五越式牛肉粉專門店🇻🇳🐮最近佐敦新開左一間越南牛肉粉！尋日一去到有好多人喺門口等緊堂食及外賣。尤其係外賣，因為有8折優惠😍 好彩我同朋友等咗一陣就入得啦🤩我哋兩個都叫咗全走🤣🤣大家都唔識蔥花同洋蔥😜芽菜好彩有分上，因為我哋都唔食🤣🤣🤣我就落咗大量辣椒🌶️！！正呀！We ordered...火五火車頭牛肉河粉 Hk$62 🌟🚂🐮(生牛肉，熟牛肉，和牛牛丸，扎肉)- 呢個火車頭牛肉粉十分推介🤩原來仲會有牛腩同牛筋，湯底濃郁同好多材料🥰- 十分推介佢啲個牛丸😍😍爆汁咖！必嗌💯火五生牛肉河粉 (+Hk$10 牛丸) Hk$52 🌟🐮- 呢個係朋友叫嘅，無影到相🤣 不過我哋都覺得湯底同牛丸都好食😋火五特色鳳爪 Hk$22 🌟- 小食真係物有所值！Hk$22有五隻酸辣鳳爪🤩🤩每隻都好大隻！我下次黎都一定會叫💯黃金炸魚皮 Hk32🐟🐟- 即叫即炸，十分香口！飲品就叫左 凍鹹檸梳打🍋 同 凍越南椰汁冰 (椰子水+椰肉🥥) 兩款特飲都係Hk$19，真空獨立包裝🙂另外店員服務都好好，好attentive! 上菜都幾快，又會留意你需要啲乜嘢❤️🤵🏻‍♀️👩🏻‍💼👩🏻‍🍳火五喺天后同太子都有分店！有興趣快啲去試吓

今個週末經過佐敦，見到有一間平民價錢嘅越南餐廳，又未試過就走入去試吓啦食物選擇都幾多，價錢方面人均大約$50-70店內雖然不大，但係都幾滿座，今次我地叫咗兩款小食+ 兩款湯面總數加埋都吾使$200！又化算又好食😆😆😆火五特色鳳爪 $22無骨鳳爪食落口幾爽口，醬汁微酸帶少少辣，特別清新仲要份量都吾少！火五和牛牛丸 + 扎肉 $48我最欣賞佢地嘅牛丸，彈牙得黎仲有好熱辣辣肉汁整體份量都好夠，扎肉都比好多，湯底雖然多咗少少油，不過又唔會話太鹹都幾清甜，有越南的風味。火五生牛肉粉$42牛肉份量正常同埋會係薄切，牛肉好新鮮，牛嘅鮮味混合埋埋越食越滋味香茅雞雞翼 $22$22有四隻雞翼，香得來又唔會話太多油，雞翼又吾會話整到好乾身，食落去特別滋味帶有肉汁

是日一個人晚餐喺佐敦附近食咩好呢行吓行吓又返嚟白加士街呢邊見到呢間越式牛肉粉都幾多人喺入邊就把心一橫入去試吓先坐咗入去睇吓餐廳介紹原來大有來頭香港仲有幾間分店！夠晒正宗舖頭入邊仲有好大部高清電視啱晒我一路食一路睇叫咗一碗火車頭粉轉咗檬粉冇揀河粉因為唔想太過油膩另外仲加多左個小食添！想試多啲佢啲特色嘢呢碗牛肉粉我就非常之喜歡牛腩同埋牛丸係我嘅最愛肉質柔軟之外牛丸係一咬就會爆汁！再食埋佢哋個米子卷增加埋膳食纖維～又健康又清爽又好食啱晒呢段回南天濕濕濟濟嘅時間

又到月尾，手頭梗係緊啲😂想搵啲經濟又實惠既餐廳醫下肚，所以就黎左呢間🙈✨火五火車頭牛肉粉（$62）呢款湯粉中、牛丸彈牙多汁、生牛肉片肥瘦得宜、牛腩同牛筋軟淋易咬，牛味十足🐮！仲有3片扎肉，食肉獸必食😂湯粉量多，湯底清甜不膩，再加上芽菜、青檸和九層塔，味道更越式😸✨香茅美國黑毛豬扒撈檬（$56）香茅黑毛豬扒肉味濃，肉質鬆化細滑🐽甜酸汁按需要自己加，撈埋炸蒜、紅蘿蔔絲🥕、青瓜絲同檬粉一齊食，惹味又開胃！✨越式炸蝦春卷（$28）見到枱枱都叫點可以執輸😂長春卷有三條，炸到香脆，蝦肉餡好爽口🦐如果有泰式辣醬或者沙律醬點會更好🤣✨特色鳳爪青木瓜沙律（48）木瓜絲沙律fill到成隻碗full曬🥗無骨白鳳爪完整無缺，隻隻爽脆頸道🤪不過有點過於入味，導致有點酸。✨凍越南椰汁冰（+$8）有點似水，但比水清涼，唔甜，食到小小椰肉，解渴不錯👍🏼✨凍青檸梳打（+$8）總括嚟講，食左咁多野都係2百幾，唔洗加一，真係糧尾恩物😀

火五火車頭牛肉粉（$6️⃣2️⃣）佢真係超大碗，拎上嚟嗰下嚇親我🤣。一睇就知份量好多，配料都唔算少。個湯底做得幾唔錯，好惹味，啲河粉都好滑，佢仲有自家製嘅XO醬😍，忍唔住撈埋啲河粉一齊食。火五炭燒鰻魚飯（$4️⃣8️⃣)估唔到越南鋪都有鰻魚食，仲要塊鰻魚都幾大塊同厚肉，味道都ok，48蚊真係幾抵😯，叫得過！不過佢啲飯唔係一般嘅多，細食嘅朋友可以叫少飯🤣，女仔應該食唔晒。黃金蝦球（$4️⃣8️⃣）佢一共有五隻蝦，每隻蝦都OK大隻，每隻炸蝦層炸粉都好平均咁沾上咗咸蛋黃醬，好好食呀，我覺得呢個可以encore❗️意大利黑醋汁蒜蓉牛油雞翼($4️⃣8️⃣）掙扎咗好耐應該叫香茅雞翼定係呢個，最後忍唔住叫咗呢款🤣，因為好好奇佢咩味。唔知係咪因為加咗黑醋汁嘅緣故，我覺得食落去冇咁漏，酸酸地，而佢啲蒜蓉本身都醃過，同平時食嘅蒜蓉牛油雞翼有啲唔同，幾有新意。而啲雞肉仲保留到肉汁，幾好。

在香港試過好多越式牛肉河Pho店，有無加添師傅(味精) 唔敢講，但很多湯頭唔夠熱就係事實。呢家店我都係第一次幫襯就發現原來屬於人氣長龍店，堂食和外賣在 off peak hour 都好多人，好在我地行快一步才有位😙是日我order左火車頭牛肉湯檬粉，湯頭不算濃郁但夠熱夠清甜；老公則order下午茶餐的生牛肉粉，湯頭🈶️生牛肉所以清甜帶肥膩，個人覺得生牛肉粉更好食因為好多牛肉😋屬於大件夾抵食，跟餐仲有大大杯飲品。辣椒任你加，絕對能滿足嗜辣的你。

好耐無食越南菜，今日行佐敦，見到新開左間火五越式牛肉粉專門店，環境乾淨企理，裝潢簡潔明亮，一於試下先。火五火車頭牛肉粉有齊生牛肉、熟牛肉、和牛牛丸同扎肉，一上枱好大碗，賣相相當吸引!生牛肉牛味濃郁，軟嫩滑順；熟牛肉即牛腩，Q彈多汁好juicy；和牛牛丸彈牙爽口，牛味特別香濃；扎肉香軟煙韌，加上湯底清甜、檬粉份量超多，滑溜又索湯，正。越式鹹菜腐竹胡椒豬肚湯油香飯加入腐竹味道特別香濃，豬肚口感爽脆，配以鹹菜、胡椒，惹味又可以驅胃寒。油香飯粒粒分明夠Q彈。火五特式鳳爪鳳爪已去骨，方便食用，富含膠質又有嚼勁，混合甜酸辣幾種味道好開胃。越式香茅雞翼外脆內鮮嫩多汁，越式風味滿分~越式炸蝦春卷長長越式春卷炸得香脆惹味，咬開有彈牙蝦膠，蝦味十足~午餐可以優惠價加配飲品，揀左西洋菜蜜同烏龍茶，大大杯菜蜜甜度適中，唔錯。

Lunch見新開排隊入座四個人叫左四份主食+一份沙律牛河：湯冇牛味，連味精嘅牛味都冇面頭大量黑椒碎食落似係加左黑椒嘅雞湯多過越式牛湯餸就正常咖哩油飯：咖哩冇任何特色/香料味油飯竟然係蔥油撈飯望落好黃但冇黃薑味似係色素+蔥油咁撈而且好咸......豬頸肉青木瓜沙律：青木瓜冇任何調味，只係得炸蒜鋪面加埋椰菜絲，應該係全場最難食豬頸肉冇任何燒烤嘅味道/質感略韌椰汁杯：送都唔飲，不予置評仲要加10蚊總結都冇咩好總結冇樣野係正常水平全部都非一般難食連附近嗰間算差嘅老趙都比佢好非常多喱種質素都可以開三間鋪+大量正評OpenRice真係一個好神奇嘅地方

今日品嚐到正宗越南粉，令人滿足! 火五用心秘製3️⃣款越式醬，包括河內沙爹XO醬(啡色)，越北拉差醬(紅色)，越式海鮮醬(黑色)，仲有點撈檬嘅酸辣汁，可拌越南粉、飯或小食，特別惹味!🥢越式魚翅花膠雞湯河🐟 $59魚翅同埋花膠，大塊夾爽口喺真材實料👍🏻，有青檸🍋、芽菜、九層塔、黑椒，🐔雞湯濃郁鮮甜，河粉滑嫩，好味道🥢香茅美國黑毛豬扒撈檬🐽 $56大塊香茅豬扒，香濃豬肉味而且肉質嫩滑，檬粉有嚼口，配埋酸辣汁，好惹味小食：🥢手作大蝦米子卷🍤 $38賣相吸引，米卷有嚼口，大蝦爽口彈牙，有生菜、青瓜絲同埋粉絲，口感豐富🥢D24 榴槤炸彈💣 (4粒) $48外皮香脆炸到金黃色，內裡口感煙韌，勁濃郁嘅榴槤香味，用以朱古力醬、星星同珍珠型狀朱古力🍫碎粒做點綴，好靚同有心思💕火五越式牛肉粉專門店📍佐敦白加士街55號其昌樓地舖

Arrived to an empty restaurant at 3pm on a Friday. There is a good value afternoon tea set available 14.30~18.00, which includes a noodle/rice dish with a drink (hot or cold, bo extra charge), for $40. What a bargain!The atmosphere is friendly, and the waitress is casual and chatty, showing me where to choose the afternoon tea. Throughout my meal, the staff are chatting pleasantly with each other, and the place has a lot of positive energy.I order the Beef Pho with an iced milk tea. The milk tea

知道火五好評如潮，佐敦開左分店就專誠嚟試吓！叫左火五火車頭牛肉粉，嚟到先發覺大懵唔記得走蔥😂 個Pho嘅湯底牛味好濃，甜甜地唔算好油，仲有少少黑椒味！雖然都係覺得係越南嘅pho湯底味道再鮮，但係香港嚟講係唔錯唔錯！生牛肉薄薄一片片好滑、仲有熟牛肉、牛筋同扎肉，值得一提嘅係和牛牛丸，Juicy兼彈牙。碗Pho份量好多，食一碗飽晒！另外order左香茅雞翼，雞翼唔係醃得好入味，有d失色。同場加映附近藥房嘅鎮店貓～

今日去咗佐敦做嘢加士街附近都好多唔同嘅食店 見到呢間火五越式牛肉粉專門店 門口勁多人等緊就去食下啦餐廳地方唔大 大約只有十張枱 兩個人都坐四人枱 十分闊落坐得舒服火五火車頭牛肉粉 超級大碗 入面已經有紮肉 生牛肉 牛腩 牛丸等等 個人最喜歡牛腩 唔好睇佢咁大嚿 炆得超冧超入味 湯底用咗好多牛骨煲 牛肉味濃郁 牛魔王必點香茅豬頸肉撈檬 豬頸肉已經切片 好爽口 檬粉嘅酸甜汁係自己落 食落清爽唔油膩香茅雞翼 炸得香脆 外皮脆卜卜 入面仲有肉汁 而且好香香茅嘅味道香茅黑毛豬扒 豬扒幾厚切 入面仲保持到肉汁同香茅味 上面加上炸乾蔥同蔥油 用嚟送飯一流越南三色冰 椰汁加上椰子啫喱 椰肉等等 飲落口感豐富 椰香十足越南椰子冰 入面係椰子水加椰肉 比較清甜 好解渴

睇緊食乜嘢之際，原來火五係佐敦呢度開咗間分店，咁啱經過又入去踩吓場先😂呢度嘅生牛肉粉好出名，而我就最愛魚翅花膠，我仲👌鍾意食佢呢度嘅自家製XO醬，足料超好食又惹味，仲係啖啖瑤柱落口，正😋👍————————-🟫火五生🐂牛肉粉：滑滑嫩嫩的生牛肉、片片鮮甜肉質，配料洋葱🧅、新鮮黑胡椒、蔥、香茅的配合⋯⋯甜甜的湯底，吃出一碗又鮮又甜的火五生牛肉粉😋—————————🟨越式魚翅花膠雞🐔湯河：花膠魚翅，女人至愛，魚翅都好有口感，有咬口、雞肉滑，湯夠甜⋯⋯————————-🟥香茅美國黑毛豬扒：黑毛豬扒，炸得唔錯⋯越式做法，香茅夠香，加埋佢地自家製的XO醬食😋😋———————-🟧香茅雞翼：越式香茅雞翼，又香又惹味———————-一🟪飲品：越南三式冰：獨立包裝、乾淨衞生、椰汁🥥香又不會太甜，三色啫喱滑溜溜—————————-🟩越南椰汁冰：冰冰凍凍的椰子🥥水，解喝透過心涼————————-好鍾意佢哋飲品隻杯嘅金句「照顧好自己，遇見更好的未來」食返個下午茶餐開心🥳⋯⋯就係咁簡單