火五越式牛肉粉專門店 (其昌樓)

營業中

休息中

朋友喺佐敦嗰頭返工，佢介紹我食一間越式牛肉河粉專門店，佢同我講話覺得好好食，味道好正宗。我今日經過佐敦，就一於試吓佢啦！火五火車頭牛肉粉呢碗牛肉粉嘅份量好多絕不馬虎，湯頭好鮮又有濃郁嘅牛肉味，入面有生牛肉、牛丸、扎肉等材料，牛丸好彈牙又充滿肉汁，非常有驚喜，黎到一定要試下！越式炸蝦春卷炸得香脆可口，食到啖啖嘅蝦肉，好食！蠔油唐生菜唐生菜鮮美爽口，點埋蠔油真心唔錯。凍越式香滑濃咖啡咖啡味道香濃，不會太苦，好飲！凍白桃梳打果味好濃郁，味道清新又夠氣，正啊！

接近收工時間，又諗吓今晚食乜好，打開OpenRice ，搵到呢間食評語錯，又近地鐵站好方便👏火五火車頭牛肉檬粉配料豐富：多汁彈牙的和牛牛丸😍有咬口又唔柴的熟牛肉，軟冧牛筋及紥肉。牛肉湯底好香濃，飲完唔會口渴，感覺真材實料，而且熱湯另外分開盛載，夠細心，大愛👍手作炸軟殼蟹米紙軟殼蟹炸得香脆可口，唔油膩，加埋青瓜絲紅蘿蔔絲同檬粉捲起，點埋酸酸甜甜嘅醬汁⋯⋯水蘸汁，Perfect😘呢款小食1份有8件，除咗可以開心share ，亦可以當主食。火五炭燒鰻魚飯一開盒就聞到好香木魚味😄。除咗嫩滑嘅鰻魚，旁邊還有漬菜大根、味噌青瓜及紫菜，鬆軟白飯淋上濃濃的鰻魚汁，每一口都知味無窮😋

今日同朋友去完行街 經過白加士街嘅呢間火五越南餐廳 見到都幾多人喺入面食喎 於是就梗係食下啦餐廳嘅座位都幾擠迫 不過勝在冷氣夠凍 將就下啦意大利黑醋汁蒜蓉牛油雞翼 炸皮炸得非常香脆 外面好香嘅蒜蓉牛油香味 上面加上酸酸甜甜嘅黑醋汁一啲都唔油膩 雞翼夠曬大大隻 入面非常嫩滑多汁法式咖哩牛肋條油香飯 咖哩汁唔太辣老人家細路都啱食 牛肋條炆得幾冧 送飯唔錯呀 仲有得免費加飯真係男士恩物越式鹹菜腐竹胡椒豬肚湯油香粉 天氣熱辣辣就會想食濕濕地嘅湯粉 湯底味道幾香胡椒味豬肚煲得夠淋越南椰汁冰 解渴之選 夠曬冰凍又清甜 夏天必飲呀

抵食佐敦街坊小店夏日炎炎，食慾大減，想起坐落於佐敦白加士街的火五越南餐廳，這兒的檬粉是我的至愛。店舖佔地不大，我們在門口等了一會兒才可以安排入座。我們二話不說點了，雞翼撈檬，越式生牛肉檬粉，香茅雞翼，黑豚豬扒及無骨鳳爪。雞翼撈檬，生牛肉檬粉同樣都是42元，十分抵吃。生牛肉很滑，份量也很多，配上越南香葉及芽菜，整個檬粉變得爽口好吃。雞翼撈檬，勝在大碟，抵吃，有四隻雞中翼，檬粉份量很多、很多，超贊。小食一般是$22起，我們點了香茅雞翼及無骨鳳爪同樣都是22元正。無骨鳳爪份量超多，爽口好吃，味道亦非常好，十分滿意。這兒還有下午茶餐供應，下午茶40元，包飲品。可供選擇的有各式飯類，真是疫市恩物啊！

今日中午諗住去呢間「火五」試吓，由於無位，個姐姐就叫我等一陣間。我就企係門口等，等左十零分鐘，有人起身離枱，咁應該輪到我手 點知我正想入去，佢哋竟然俾左張枱人，話網上訂咗😡俾佢哋先。其實，俾網上訂位客先，我覺得如果間鋪個規矩係咁，冇問題，但佢哋應該同現場等緊嘅客講聲，等個客有心理準備，或叫個客即時上網訂位攞飛。而唔係到有位俾客先同人講！俾著你空歡喜一場都食得唔開心，又嘥個客時間，呢啲咩服務？印以呢間嘢啲粉幾好食都好，我唔會再幫襯。

同朋友係尖沙咀行完街, 去佐敦食下平野, 呢間真係好大份, 又幾抵食!火車頭牛肉河粉 $62d牛好好食, 牛肉幾多, 而且幾淋!個人好鐘意佢既牛丸, 好彈牙, 而且好有牛味, 好少食到禁重牛味既牛丸!另外可以免費加粉, 無諗到免費加粉既份量多得驚人!好似食緊2碗河粉既份量!!法式咖哩牛肋油香飯 $58咖哩唔辣, 幾惹味!原本以為牛肋係牛肋骨個種, 原來係牛腩牛筋, 同樣好淋幾好食!油香飯會比較濕, 同樣地免費加左飯, d飯多到好似平時既3碗飯既份量, 如果3個人都可以share食!炸蝦春卷 $28看似普通, 但味道幾OK!有少少蒜香味, 春卷入面只有蝦, 無其他材料, 可以食到啖啖蝦肉!香茅雞翼 $22香茅雞翼正正常常, 會配有青檸, 會更加好食!大蝦米紙卷  $38好大件好足料, 都算抵食!夏天食好岩胃口!

火五越式食店，又來幫襯一下，今次食下午茶，覺得真係幾抵食！ 湯粉，撈檬，咖喱，小食，店鋪小小，但種類也算不少。可以來多幾次😄今次選擇了炸蝦春卷撈檬，加柸飲品都只係$40。抵食又好味！ 炸蝦係即炸的，夠熱夠脆！👍 再叫多個炸軟殼蟹青木瓜沙律， 黑醋汁蒜蓉牛油雞翼。 對於喜歡食炸野的我，係覺得滿意的！整隻軟殼蟹，足料！飲品方面，我們選了咸檸檬梳打及荔枝紅茶。夠冰涼，夠解喝，不太甜！下次仲想試咖喱飯，見住店員不停地包裝外賣訂單，應該真係不錯！

火五越式牛肉粉👻星期六又放假去睇戲之前黎佐敦食下野先見到好耐無食既越南粉就入咗去😚位置唔算多不過坐得夠舒服Keep住都有人等位咁不過好快就入得🤣.🔅火五火車頭牛肉粉 HKD 62好豐富既火車頭除咗生熟牛肉仲有和牛牛丸個牛丸食落真係多啲油脂好juicy咁好好食仲配有啲扎肉調味調得好好既越南粉🥰🥰🔅香茅豬頸肉撈檬 HKD 58大大碗既撈檬豬頸肉又夠多可以跟自己喜好加酸甜汁慣咗落少少就夠落太多反而仲重口味🔅手作大蝦米紙卷 HKD 38好多生菜包住既米紙卷本身想一啖一舊不過真係大舊咗啲一定要咬開佢🤣啲蝦都夠彈牙～🔅凍越南三色冰 HKD 10 (跟餐)最鍾意佢唔會太甜主要係有椰汁同埋越南既三色冰🔅荔枝紅茶 HKD 10(跟餐)又係唔太甜既紅茶可以解下渴咁好正🥰.整體黎講：正宗越南 好味抵食😚.🎈火五越式牛肉粉專門店 (佐敦店) (佐敦)佐敦白加士街55號其昌樓地舖

今日同同事喺佐敦做完嘢 於是就搵間餐廳食個晚飯啦呢間越南餐廳火五越式牛肉粉專門店 門口好多外賣哥哥喺度等緊 諗住即刻質素有保證 於是就入去食下啦黃金蝦球 外面炸得脆卜卜 再包上極度香濃嘅鹹蛋黃醬 入面係爽口彈牙嘅大蝦 成個配搭超級邪惡招牌火五火車頭牛肉粉 入面材料非常豐富 有生牛肉 熟牛肉 和牛牛丸同扎肉 生牛肉同熟牛肉係兩種截然不同嘅口感 牛肉味都唔錯 值得一讚嘅係和牛牛丸超級彈牙 而且油份十足 扎肉充滿越南風味 越南河粉煮得軟硬適中 非常冧滑 最正係索曬湯底嘅味道挪威煙三文魚撈芒 煙三文魚偏鹹 撈檬嘅酸甜汁係自己落 香料味道都唔錯 幾適合夏天食呀咸檸梳打 鹹鹹甜甜 非常解渴

Vietnamese snacks platter 招牌小食拼盤 $138入面有黃金脆魚皮、青木瓜沙律🥗、香草大蝦四件🍤、手作大蝦米春卷四件🌯、蝦春卷四件🦐同埋四件手作扎肉米紙卷，全部小食都好有越南風味啊😍唔同嘅炸物都熱辣辣，香脆可口，食物嘅擺盤仲好靚添，職員嘅服務態度都好好👍🏻整體來講值得推介！Lemongrass chicken wings with cold vermicelli 🍗香茅雞翼撈檬 $42雞翼揸到卜卜脆勁吸引🥰金黃色嘅雞翼配埋好足料嘅青瓜絲同紅蘿蔔絲🥒🥕，可以中和雞翼嘅油膩感，影相出嚟仲五顏六色打卡超級靚✨而檬粉嘅口感又唔會太過硬或者軟身，質地啱啱好，性價比高之餘食完又好飽肚啊

檯面有五款醬料，包括有辣椒粒、河內沙爹XO醬、撈檬酸辣汁、越式海鮮醬、越北是拉差醬，可以按照個人口味喜好，加入適量醬料配搭食物。多粉炸軟殼蟹撈檬，軟殼蟹肉質肥美，口感酥脆，好足料，表面鋪滿青瓜絲、紅蘿蔔絲、炸蒜，檬粉口感爽滑，容易掛汁。香草大蝦青木瓜沙律，炸蝦口感外香脆內彈牙，味道鮮甜；青木瓜、紫椰菜絲、紅蘿蔔絲口感爽脆，味道清甜。一口芝士年糕，表面鋪有朱古力醬，口感煙韌，內有大量芝士，味道咸香。凍青檸梳打，味道酸甜，飲落好清爽。烏龍茶，茶味濃香。

雖然無得去越南，都可以去佐敦食碗越南粉😆💚火五火車頭牛肉粉據聞(枱面寫住)湯底用咗牛骨同16種香料低溫煲煮超過8個鐘而成，飲落清甜得嚟又啲香料味，配料有生牛肉、熟牛肉、扎肉同埋令我最斯待嘅和牛牛丸!!!! 牛丸好濃味而且彈牙，咬開一半仲見到嘅透明嘅筋，係咪和牛我就食唔出，但絕對係好味。粉嘅份量超多，大胃王仲可以喺落單嘅時候免費揀多粉添呀!!!💚法式咖喱牛腩肉油香飯咖喱唔辣但算幾香，上枱嘅時候見到得三舊牛肉有啲失望，點知只係因為咖喱汁太多遮蓋咗啲牛肉，牛肉同牛筋大約各有3-4舊，咖喱汁多到”氾濫”，鐘意用汁撈飯嘅人一定會鐘意。💚手作大蝦米紙卷一碟四件，個皮煙煙韌韌，每件入面都有粒蝦，蝦肉爽口但唔算好甜，但配埋入面嘅青瓜絲、木瓜絲、檬粉、生菜同炸蒜，點埋枱面上嘅魚露，好light好refreshing，啱晒夏天熱到食唔落嘅時候食!!味道: 🌕🌕🌕🌗🌑服務: 🌕🌕🌕🌕🌑環境: 🌕🌕🌕🌖🌑價錢: 🌕🌕🌕🌕🌑－－－－－－－－－－－－📍 火五越式牛肉粉專門店 (佐敦店) (佐敦)佐敦白加士街55號其昌樓地舖－－－－－－－－－－－－

炎炎夏日，想食下東南亞風味的食物，越式菜就岩晒小編🥰火五火車頭牛肉粉 $62有河粉和檬粉2款選擇，小編揀了檬粉😋 材料非常豐富，有生牛肉、熟牛肉、和牛牛丸和扎肉～ 牛肉不會太肥，扎肉有好多片好滿足～ 蘸埋店內的秘製醬汁-越北士拉差醬 / 越式海鮮醬，味道更多層次😍 店員很貼心準備了專放醬料的小碟子，十分方便～ 湯底很清很少油，但飲出陣陣的牛肉味👍🏻香茅美國黑毛豬扒撈檬 $56嘩，又係好大碗份量十足！配料有切了絲的青瓜和紅蘿蔔🥕，沒有草青味👍🏻 配料與檬粉、甜酸汁混合在一起，清新開胃💕 豬扒很瘦，切了件很方便進食，又可以蘸秘製醬汁～蒜蓉牛油蝦球 $48/5件很喜歡這款小食😆 炸漿很薄，每個蝦球都有原隻蝦肉👍🏻👍🏻 而且即叫即炸，食炸物最緊要熱辣辣夠脆😊 凍越式香滑濃咖啡、凍鹹檸梳打 $19/杯這間店的飲品包裝似台式飲品，夏天飲凍飲很消暑，咖啡味好濃，偏甘香，鹹檸梳打酸酸甜甜，十分解渴～

兩個人星期五晚上7點來到，見到小店已經坐滿哂～本身仲擔心要等好耐，不過待應都nice同我地講好快下張台就到我地了兩個人嗌咗1 火車頭牛肉河超級大碗～牛肉湯清清地好正😚😚😚有三大塊扎肉🤪多汁好味嘅和牛牛丸同生熟牛肉😜份量多到同台嘅男朋友都食唔哂🥲🥲仲可以免費再多河粉⋯但下次食應該要少河粉先得😂😂2花膠魚翅雞湯河好多塊花膠魚翅仲有好多雞塊！！花膠幾大塊幾軟🥳🥳雞湯都好清甜美味 重點係河粉好嗦湯加埋好夠味😚3生菜🥬 大蝦米紙卷🍤 好好食！！！有四大舊！！！配埋台邊醬料可以自己倒嘅魚露一齊食～超級FRESH又美味🥺同椰汁冰幾解渴🤪膠杯裝仲封埋口萬一飲唔哂仲可以扲走超方便☺️☺️5樣野食 兩個河粉兩個小食仲有杯野飲加埋都係200蚊有找😚😚😚超級正又抵食嘅夜晚🥳🥳真心之後黎佐敦諗唔到食咩都會食翻呢間！！！清清地又不會太油膩🤓🤓🤓價錢又適中🤪值得再幫襯👍🏻

今晚來到佐敦呢邊搵朋友食飯❣️佢帶咗我來呢間越式餐廳✨佢話之前同第二個朋友食過呢間餐廳，覺得價廉物美，所以一定要帶我來試吓wo☺️小店唔算好大間，但每張枱都有辣椒➕3款自家秘製醬料💕🌟越式海鮮醬🌟河內沙嗲XO醬🌟越北是拉差醬📌3款醬料係用嚟配搭牛肉麵，以提升牛肉粉嘅風味同埋層次感❗️呢度嘢食唔貴，小食都算係平價👍🏻嘢飲都好抵，平過茶記🙈連特飲都係 $19 杯🤩火五火車頭牛肉粉 $62估唔到咁大碗🤭 我親愛嘅朋友竟然冇同我講原來係咁大碗🙈聞落有好少肉骨茶嗰種藥材味，仲有好大陣嘅牛肉香味😍 大碗得來仲超多餸❗️有生牛肉、熟牛肉、牛丸同埋扎肉💕牛丸彈牙多汁🌟扎肉香料味都好足，同牛肉湯味好夾❣️其實淨係食呢一碗都夠飽🤪法式咖喱牛肋油香飯 $58有啲炸蒜、蘿蔔絲➕生菜🥬好有撈檬feel 😜咖喱辣度啱啱好，唔會太辣👍🏻牛肋骨煮得夠腍，口感唔錯🉐整體份量都好多，我朋友根本食唔晒🙈黃金蝦球（5件）$48鹹蛋黃外層炸得好鬆脆✨蝦肉新鮮彈牙😍兩者配合起上來口感好豐富❣️食起上來超香口，一啲都唔覺得熱氣☺️飲品：凍青檸梳打 $19熱西洋菜蜜 $16