影片
更多
2021-08-05
1182 瀏覽
死佬飯局無搞咗兩、三年，依家都喺間唔時搵其中一個、兩個死佬短聚，今晚就約咗個堅幾年無見過面嘅死佬出嚟食飯，平常大家whatsapp有聯繫，但出嚟見就真喺無。就大家方便，揀咗出嚟佐敦區，晌白加士街一帶非常多食肆，揀咗「火五」食越南粉，貪其食湯粉濕濕哋，而且，路過望到有唔少人幫襯，心態上會覺得衰極有個譜，中伏機會細。晌門口都望到入去，餐廳屬小店格局，簡單裝修，一室潔白，無明顯嘅越南掛飾或相關工藝品，但最緊要喺乾淨企理啫，再者，地方夠光猛，人都醒神啲。 枱上放好晒餐具、調味料，自由取用。 夠特色喺隨後會送上一「小杯」配料：香草、銀芽及青檸，喺食湯粉嘅拍檔，讓客人再稍作調味。 而餐牌就喺放晌枱旁嘅點菜紙，有各式越南河粉、檬粉、越式油香飯，仲有米紙卷、小食、沙律……等等，當然，越式特飲就梗喺唔少得啦，價錢幾經濟實惠，無怪乎咁多人幫襯。 晌等候期間，仲留意到枱上一張宣傳單張，介紹佢哋嘅湯底喺以牛骨加埋16種香料低溫慢煮8個鐘而成， 真喺滴滴精華。此外，更留意到話可以免費加粉，不過，基本上佢哋嘅湯粉本身已好大份量，一般人嘅食量已無需加粉。 手作大蝦紙米卷 $38 真喺有少少偏好，食越南菜好多時都會
晌門口都望到入去，餐廳屬小店格局，簡單裝修，一室潔白，無明顯嘅越南掛飾或相關工藝品，但最緊要喺乾淨企理啫，再者，地方夠光猛，人都醒神啲。
枱上放好晒餐具、調味料，自由取用。
夠特色喺隨後會送上一「小杯」配料：香草、銀芽及青檸，喺食湯粉嘅拍檔，讓客人再稍作調味。
而餐牌就喺放晌枱旁嘅點菜紙，有各式越南河粉、檬粉、越式油香飯，仲有米紙卷、小食、沙律……等等，當然，越式特飲就梗喺唔少得啦，價錢幾經濟實惠，無怪乎咁多人幫襯。
晌等候期間，仲留意到枱上一張宣傳單張，介紹佢哋嘅湯底喺以牛骨加埋16種香料低溫慢煮8個鐘而成， 真喺滴滴精華。此外，更留意到話可以免費加粉，不過，基本上佢哋嘅湯粉本身已好大份量，一般人嘅食量已無需加粉。
手作大蝦紙米卷 $38 真喺有少少偏好，食越南菜好多時都會揀客米紙卷試試，尤其夏天，貪佢入口清新。 米紙卷十分薄透，口感煙韌清爽，捲住生菜、米粉、青瓜、甘筍同大蝦，口感豐富，再沾少少魚露，添加少少鹹香味就更正。
越式花膠老火雞湯檬 $56 無花無假，個檬粉裡面堅有少少花膠，雖然唔多，亦估計未必喺咩貴嘢，但老友話幾好食，柔滑軟腍；而啲雞件份量唔少，肉質都幾嫩滑，有雞肉味，唔喺雪藏貨色，檬粉好爽身，份量多到好似食極都有咁。
越式花膠老火雞湯檬
$56
7 瀏覽
0 讚好
0 留言
小弟都算喺多心嘅人，所以，揀咗「火車頭」，一碗粉有齊生牛肉、熟牛肉、和牛牛丸、札肉，唔只咁，嚟到實際上仲醒少少牛筋俾你，大大碗，餸料多。
火五火車頭牛肉湯河
$62
5 瀏覽
0 讚好
0 留言
基本上啲生牛肉浸兩浸，嚟到都變咗熟牛肉，不過，熟得啱啱好，入口肉質非常嫩滑細緻。
熟牛肉喺指件牛坑腩，大大嚿，咬落鬆化軟腍，又有肉香，少少油脂位，多幾分羶香，真喺幾正。
同場加映嘅牛筋，咪睇佢色澤有啲淺色，質感軟滑卻柔韌有彈性，可惜只得一嚿仔。
和牛牛丸好有驚喜，加上「和牛」就加咗分啦，口感如一般牛丸咁爽口彈牙，但細嚼後會多咗份油香。
札肉，穩打穩紮咁啦，食落爽口，感覺唔會喺溝粉啲平價貨。
揀河粉鍾意其滑溜感，越式嘅河粉比我哋粵式嘅幼身啲，但同樣咁滑溜，瀡一聲就滑落喉嚨，又有米香，份量仲非常十足，食晒碗粉真喺撐住肚皮走。
凍越南三式冰 $19老友就要咗杯三色冰，基本上喺椰奶再加上一啲三色粉條，佢話個椰奶底勁濃郁椰香，質感又唔會好水，味道非常清甜。
凍越式香滑濃咖啡 $19 小弟就鍾情少少咖啡，但今次就唔喺越式嘅滴溜咖啡，改飲凍嘅，咖啡的確夠冰凍，而且，咖啡味勁濃，同埋喺加咗煉奶，跟落牛奶或花奶嗰入奶味嘅感覺喺有少少唔同，口感亦夠滑。
東南亞菜，越南、泰國、星馬菜都鍾意食，因為覺得呢幾個地方嘅菜式都較有特色，而且，晌香港都好容易搵到佢哋嘅蹤影。今晚「火五」嘅出品，都好有水準，所以，真喺唔好睇少呢啲小店，收銀位裝咗多部網送外賣機，再稍稍留意到不停出外賣，就知有幾「火」。
張貼
