灣景廳

慶祝生日想食Buffet,見到openrice port左優惠出來，訂位可以$448位(星期六價)，果個月生日每位減$30，於是就黎左食。其實，灣仔區有呢個價錢既Buffet仲要有生蠔食，已經對佢要求唔高，但當我食佢既時候，就發覺D野味道都唔錯，凍熱檸茶仲可以自己任冲任飲，都算值回票價🤣🤣

今晚係為家中嘅大當家~父親大人嘅生日晚餐。 其實呢間酒店餐廳不論家庭聚會或二人世界，平均一年差不多都幫襯十次或以上，甚至今年農曆年前嘅團年飯都係喺度食！ 講番今晚嘅主題就係「蟹」！有好多用蟹入饌嘅食物，凍食海鮮都係一般應有盡有~ 生蠔、蟹腳、青口、沙白、當然加埋配合主題嘅麵包蟹，真係夠曬選擇。小弟自己覺得生蠔較為可取， 可能只得半場食客關係，餐廳又refill得快，所以生蠔源源不絕供應，而且就如相片中所顯出又大隻夠肥美 另外推薦嘅就係刺身部分，其實最基本供應四款~ 三文魚、吞拿魚、甜蝦、同埋由七點半先供應嘅鮮帶子。各款刺身都好新鮮，我覺得食鮮帶子簡直係回本，形狀可以話大個一個五蚊銀，甜蝦都唔會吝嗇，一次過畀一執:約有十隻以上。燒肉類有燒牛肉同羊架，兩款都皮香肉嫩及帶少許脂肪(肥膏)， 又係抵食回本之作，其他如黑松露蟹肉蛋沙律配麵包、炸蟹餅、黃金軟殼蟹、仲有好多以蟹肉入饌嘅食物不作陳述。每人一客嘅梳乎厘龍蝦湯算係「中亭」， 特別甜品有一Round係要打鐘通知食客嘅十勝紅豆抹茶pancake 都唔錯， 飲品都頗多，汽水有可樂及雪碧、鮮橙汁、凍茶、凍啡。熱飲就咖啡機、檸茶， 六位以上送一渣啤

見尼幾日多左d涼意，當然要捉緊時機，嘆蟹宴！前果排，同朋友仔去左灣仔 灣景國際灣景廳，嘆「蟹」之風味宴自助晚餐，尼餐絕對令人回味無窮！尼度嘅自助晚餐係由六半開始，估唔到咁早已經食客滿滿，今次係衝住一系列唔同風味嘅蟹品菜式而嚟。一切由熱辣辣嘅【梳乎厘焗羊肚菌及加菲蟹濃湯酥皮焗濃湯】開始，打開面頭嘅酥皮，即時傳黎香噴噴嘅濃湯味，排隊拎果時，個waiter哥哥話個湯頭係用蟹殼連蟹黃熬成！入面真係有大大塊嘅加菲蟹肉、羊肚菌，個湯入口好香滑，啖啖都有蟹肉嘅鮮甜，梳乎厘口感輕盈，大家記得一坐低就嘆番盎暖下身先！最吸引眼球嘅係【花雕蛋白蒸雪花蟹鉗】，用我最鍾意嘅花雕酒、蛋白混合再蒸煮，而頭再鋪上雪花蟹鉗，食落蛋白好嫩滑，重有淡淡酒香!蟹鉗肉鮮甜、嫩滑，同蛋白嘅味道好Match!重有【阿拉斯加蟹肉芝士撻】，芝士撻上層烤至微蕉，濃濃嘅芝士，又香又滑，再加上絲絲嘅阿拉斯加蟹肉，正呀！【牛油果蟹肉鍋巴】好啱女仔食，香口又健康，面頭D牛油果同蟹肉好match，牛油果入口好軟滑，味道鮮明，加埋底層嘅鍋巴，香脆可口!【香芒蟹餅】外層係炸到金黃色嘅麵包糠，咬落去外脆，內裡有甜中帶酸嘅果茸味。除左一系列嘅蟹品菜式外，

識食一定要食「時令」，秋風起，蟹兒肥，上月尾就跟最愛到灣仔灣景國際【灣景廳】嚐了一餐豐富的「蟹」之風味宴自助晚餐，仲締造了一場回味無窮的金秋「蟹」逅添！ 幸好6:30pm準時到場，原來已有人在門口排隊等入場。今次主廚精選了多款時令螃蟹入饌，讓人一次過可品嚐一系列不同風味的蟹品菜式。場內多款冰鎮海鮮輪流供應，如鮮蜆、鮮蝦、新西蘭青口。 新西蘭生蠔大大隻，啖啖肉，新鮮又肥美。 冰鎮加拿大雪花蟹腳多肉又鮮甜。麵包蟹肉質嫩滑，蟹膏味道又鮮又濃。 刺身同樣會輪流供應，當中最愛肥美的三文魚及北海道帶子。 梳乎厘焗羊肚菌及加菲蟹濃湯 (每客1盅) 正當準備進攻熟食時，有禮的服務員便送上熱辣辣、脹卜卜的梳乎厘濃湯，最初以為是甜品，但原來是啖啖蟹肉的濃湯，很暖胃呢…. 飲完湯，繼續蟹、蟹、蟹！進攻熱葷！ 阿拉斯加蟹肉芝士撻芝士撻一口一個，蟹肉清甜，混入芝士內，口感豐富。 牛油果蟹肉鍋巴蟹肉跟牛油果混合於在爆脆鍋巴上，一軟一脆，特別！ 花雕蛋白蒸雪花蟹鉗 蛋白有微微酒香，蟹鉗肉嫩，味道很夾。 雪花蟹鉗杯 香芒蟹餅 炸蟹餅沾上酸甜芒果茸，即中和罪惡的肥膩感！ 黑松露滑蛋蟹肉布里歐 黃金軟殼蟹 以黃金蝦原理改

踏入蟹季時節，十月蟹肥正飄香，在剛過去的十一假期，我就來到位於灣仔的灣景國際The Harbourview 灣景廳品嚐「蟹」之風味宴自助晚餐，來一頓鮮味無窮的豐盛蟹宴。餐廳環境寬敞，座位之間不會排得太擠，店員勤快收碟執拾，坐得舒服自在。自助餐勝在花款多，同枱食飯也可各自「修行」，香港人吃buffet 最在意就是要吃到回本，這裡的海鮮吧款式夠多，回本之餘又可食盡海上鮮。集合各種優質的海產如生蠔、雪花蟹腳、麵包蟹等，海鮮控必能大飽口福。冰鎮加拿大雪花蟹腳碩大肥美，蟹肉雪白細膩，鎖住原始鮮甜海味。生蠔肉身非常肥美，肉質厚實爽滑，海水味濃烈，蠔味留在口腔久久不散。魚生夠鮮美，肉質油潤而軟滑，帶出鮮甜的魚味。梳乎厘焗羊肚菌及加菲蟹濃湯酥皮湯平時就喝得多了，但將梳乎厘配濃湯就很罕見，創意十足，每位只限一盅，即叫即製熱辣辣送上，烤完後膨得高高，相機食先後就要趕快趁熱吃，吃下去軟綿綿富蛋香。濃湯內有加菲蟹拆肉，鮮黃的湯頭入口鮮甜黏口，相當香滑。雪花蟹鉗杯賣相精緻的凍湯，帶有蕃茄酸香，作為開胃前菜就是最好不過。熱盤亦有不同風味的蟹品菜式，滿足蟹迷的口腹之欲。牛油果蟹肉鍋巴將蟹肉、牛油果等材料打成軟滑的果

係OpenRice 睇到灣景廳有「鮑參肚燕」已經好吸引，成功訂位當日起三天內預繳每位$100訂金可享優惠，我揀星期五，所以成人$448免加一，咁當然吸引我去試。冷盤海鮮都唔少，有冰鎮蝦、翡翠螺、青口、蟹腳、沙白蜆和生蠔等。不過生蠔refill比較耐，而且當日生蠔唔夠肥美。前菜和沙律都不錯，煙三文魚和意大利風乾火腿配蜜瓜都是我喜歡食的食物沙律菜好新鮮，沙律醬汁亦有4款選擇，我就選擇左丘比沙律汁，酸酸甜甜好開胃。每人都有姫松茸鮑魚海參花膠燉湯一盅，燉湯好夠火喉和鐵板鮑魚一隻。甜品種類亦好多，花膠燉糖冬瓜糖水非常潤喉，燕窩蕉糖燉蛋和萄撻都好香蛋味，火焰車厘子就麻麻，紅酒啫喱帶少許紅酒味又唔太甜，唔識飲酒都可以食，記得要食movenpick雪糕，咁就更加快回本😂✌️又有我喜歡食既北京片皮鴨，皮脆油香牛排及羊排都唔錯，薑醋夠入味，熟食其實都唔少，介紹唔到咁多，如果有興趣就去試一試

1）廣告內容被過份誇大，除了每人限量一隻鐵板鮮鮑魚和一客的姬松茸鮑魚海參花膠燉湯外，其他菜式根本就找不到「鮑參肚燕」，與主題不能互相配合！2）食物殘渣公開外露，嚴重影響顧客食慾！3）更不能接受的，員工會從顧客食剩的殘渣中挑選鮑魚外殼，以方便廚房循環使用？與酒店的質數來比較，算是非常之差，同等價錢，可以有更好選擇，不會再光顧第二次！

慶祝同事升職，一行16人出去覓食。人多選擇不多，食BUFFET最就得人!精心挑選之下一班九龍人去了位於灣仔稅務大樓後面的灣景國際酒店---灣景廳如果單純以食物款式和食物質素黎比較，絕對不會選這家，可是如果以港島區3百幾蚊自助餐黎講，算是可以一試!有7-8款刺身、生蠔、任食Movepick雪糕、片皮鴨等，仲有一人一碗鮑魚海參湯添。不是即場開的生蠔，難免令水份流失，肥美程度不過不失，可是refill得快，而且沒有蠔殼碎。本人最愛的片皮鴨呢度竟然有!!!!! wow!皮和肉比例得宜，皮脆而有鴨油香，可是太咸了，只食過一次就沒再添了。海參鮑魚湯一人一份，同事們話呢個湯好好，夠濃郁。對於自助餐贈品來說，的確味道算中上了，湯頭鮮甜足料提供，有鮑魚、海參、瑤柱、香茹，每樣細細舊但齊全。另一樣送的是鐵板醬汁鮑魚這個就.........味道認真麻麻，就是燒九孔，基本上鮑魚沒有味道，主要是靠醬汁，可是這醬汁像是是調味精合成的，只有咸味。晚上8點，就會有職員響鐘提醒各位客人甜品時間~由師傅即場烹煮「火焰車厘子」預先浸泡車厘子，下鑊煮的時候加上白酒，立刻做出火焰效果。每人分到3粒，之後便可以在旁邊的雪糕櫃點你

呢間餐廳會不斷會推出唔同嘅主題優惠， 今期佢哋推出左自助晚餐， 所以就你睇下係咪真係咁好食， 今次第二次食呢間餐廳。原價一人約418hkd， 不過呢個月份生日有特別優惠，平多30蚊， 免加一，一人388hkd , 首先要打電話去預約， 跟住去恆生櫃員機入數一日入100蚊。 今次同朋友兩個人食一共要入200蚊 落訂。 最後係fax番畀餐廳同佢講你入咗數， 先用到平30蚊呢個優惠。雖然餐廳話 promote到月尾，不過其實冇停過promotion鮑參肚燕嘅食物(eg. 海參湯/鮑魚 等) 其實就唔係自助餐而係 按人頭限數量雖然鮑參肚燕限量但因此而變得食物好有質素， 所有食物都好新鮮，夠鮮味。 其他食物就冇限量。生蠔， 甜品 雖然係自助餐形式冇限數量但係職員refill 得好慢， 少左選擇希望下次再去嘅時候會有改善

朋友介紹, 之後都有來幾次, 驚喜e道有任食Movenpick 雪糕, 次次來起碼食2,3杯雙球雪糕, 雲呢拿同法式燉蛋好香好滑, 好好味 灣景廳d魚生同熟食都幾鮮, 款式亦唔少, buffet來講, 味道算幾好!

今日去演藝開會，順便到附近酒店食 lunch buffet. 點知係惡夢的開始。。。冷盤有蝦、青口、蜆，除了青口外，其他冷盤都可以用微型來形容，蝦似蝦毛，蜆（連殼）有我手指尾甘細。如果你減肥就好啱食。牛扒好韌，肉質又粗糙，不值一試。吉列豬扒 overcook, 好很熱氣。泰式沙律，可接受。睇下條菜，焗過籠，黃晒，大倒胃口。炒蘿白糕腸粉，後悔沒有要求即叫即炒，唔夠熱而近乎凍。餐廳環境裝潢可以，但太嘈太吵鬧，慘過去街市，這是一趟難忘的慘痛經歷。

想食得矜貴，以前一定是「鮑參翅肚」，近年大家開始注重保育，減少吃魚翅。事實上，魚翅本身沒有甚麼味道，取得魚翅的過程也殘忍，不吃也罷。所以今次到The Harbourview吃自助晚餐，他們就將魚翅剔除了，除而代之是「鮑參肚燕」，即加入了燕窩，一樣矜貴，而且價錢只在四百頭，夾到生日優惠，全枱每人減$30，更加抵食！ The Harbourview位於灣仔，交通便利，自助晚餐的客人當中，不少都是剛下班的白領人士，都是斯文客。 鮑魚青木瓜沙律 鮑魚海參野菌酥皮盒 鐵板京蔥海參炒麵 燕窩茶碗蒸 鮑魚海參花膠燴海鮮意大利麵 白汁莧菜焗鮑魚 鮑魚、海參、花膠、燕窩都身價不菲，要回本實在不難。以上各款你最喜歡哪一樣？我就最愛冷盤「鮑魚青木瓜沙律」，大廚先將鮑魚及青木瓜切絲，再用魚露、椰糖、香茅、金不換、薄荷葉、青檸汁、花生及辣椒等調製而成的汁料拌勻，味道酸中帶微辣，夏天吃夠清爽。 海參炒麵也不錯，每碟都是現場即炒，只見師傅加入白椰菜及海參後，再以味醂及日本醬油調味，最後加入京蔥，新鮮熱辣，香氣四溢。 鐵板鮑魚 (每人一隻) 姬松茸鮑魚海參花膠燉湯 (每人一盅) 除自助任取的菜式

幾年都冇來呢度食，因為交通唔算方便，食物一般，今次因為有優惠，所以再來呢度食！沙律🥗一般，但都算多！熱盤🥘少，湯都ok，但食一轉已足夠，因為冇咩可揀😆壽司🍣ok 魚生冇食，賣相唔吸引！海鮮🦐🐚～雖然有蝦、青口、貝殼但冇鮮味！甜品除了雪糕，其他D🍰🥧款式又少唔掂！飲品自取，有即磨咖啡、檸檬茶、果汁任飲👍最後員工服務好好，值得一讚👍埋單$170 左右一位（用綱上訂位優惠）不過咁嘅價錢，係抵食，唔算差！

其實食過灣景廳好多次，只要有朋友叫我推仲中價位的自助餐都必定諗起呢度如果同生日的朋友食，每人可以$400有找而且有生蠔、長腳蟹、帶刺身、鴨肝等等，真心好抵食今次訂左母親節正日食，當日仲每位母親送一條珍珠頸鍊因為已經食左好多次，唔係影左好多相餐廳做馬黑毛豬同海膽主題每人送一板海膽同半隻龍蝦海膽雖然唔係最鮮甜果隻，但影相好靚，呃like一流當晚另有其他海膽同黑毛豬既菜色，餐廳每隔一期都轉款，所以唔會食厭！海鮮種類一啲都唔少，生蠔長腳蟹refill得好快，好值得欣賞！食到最後呢個燕窩奶凍甜哈令我好impressed! 上面好多燕窩好正真心推介灣景廳，整體平均水準高，如果唔想比六七百食一餐，又想坐得舒服一定要黎灣景廳！

黎既主要環節是有提供任食生蠔、蟹、刺身，可惜每樣都不夠凍及新鮮，不算美味，質素一般，食過條魚煮得太熟，唯一覺得好食係鴨肝及甜品區，這價錢可以食到好多好食既buffet