灣景廳

一班同事柴嘩嘩話好耐冇食過自助餐，其中一個自助餐專家話最近有間酒店做緊promote,而且生蠔任食，聽到可以”蠔”食，個個都即刻留晒口水。到酒店搵到位後，二話不說先攞幾隻蠔爽下先，生蠔偏細隻，不過幾肥美，而且腥味唔重，幾好食。依兩隻是送的，每個人都有一碟，依兩隻同外面任食既好唔同，好肥美，爽口，而且完全唔腥，一試難忘。其他野食仲有片皮鴨，羊架，鵝肝，牛肉及其他熟食等等。老實說，食物質素真的很一般，不是很好食，不過一分錢一分貨，所以去食個陣都沒有抱住好大期望。由於本人好中意食甜品，所以每次都會留肚試均晒啲甜品佢，結果又係令人好失望，無論是奶凍又好，啫喱又好，都是很膠很硬，唯一好食既係一款叫做血橙雪糕酒煮pancake, 古唔到血橙雪糕同酒既味道相當夾，值得一試。

早排收工適逢星期五夜晚小編就約咗舊同事食飯就嚟到呢一間自助餐餐廳環境都幾正座位與座位之間都幾闊落，小編同朋友呢一晚都可以話係暢所欲言由6:30開始食到9:30員工服務態度好好，小編最欣賞嘅就係呢間自助餐餐廳提供嘅片皮鴨，片皮鴨皮脆肉嫩，絕對值得推薦，而熟食同刺身方面都不過不失，不過略嫌refill得比較慢，不過都係一個食嘢同埋聚會嘅好地方嚟㗎，順帶一提，小編見到網上，好似有得買團購，價錢都幾實惠。

無意中見到 “蠔，燕” 盛薈自助晚餐， 覺得好吸引，加上有一段時間冇食自助餐，所以係時候要去見識下啦。🎈環境🎈餐廳喺入境事務大樓附近，去到搭lift上一樓就係啦。地方唔算好大，但每枱都唔算太迫，相比起去食放題，地方算闊落了。🍑食物🍑每位客人都有一客法國Special Jade 生蠔同埋日本室津生蠔各一隻。左邊是法國，右邊是日本，好新鮮好味道 柚子生蠔杯，好滑任食生蠔，左邊美國，右邊紐西蘭 燒牛肉，蒸魚好滑片皮鴨，包不夠熱，皮也不是太脆羊架好味 黑松露芝士蛋糕，幾特別，幾好味其實有好多都冇食過，因為quota真係有限，所以都只可以揀自己鍾意嘅先去食。💁🏻‍♀️服務💁🏻‍♀️服務員收碟速度都幾快，又會自動浸水，加上有笑容，整體來說幾好。💰價錢💰有生蠔，有海鮮，有鵝肝，沒有限時，每位$500令，性價比不錯。

2019年8月7日早上11:03, 餐廳男接線員工(自稱高層)態度極差! 問佢晚餐自助餐用咩信用卡有優惠，佢話唔駛信用卡。我問你咁講係咩意思，是否收現金同信用卡是一樣？ 佢仍然一直話唔駛信用卡。我問咁即點呀！咁房客有無折? 佢叫我打去訂房部。我話問你房客去餐廳有無折呀！先答7折。兩分鐘的對話, 一直比佢耍...態度很差。好似唔歡迎客人去食野咁!

我們兩隻蠔怪經常到處食蠔，今次The Harbourview灣景廳推出了「蠔．燕」盛薈自助晚餐，引入多款法國、日本、美國及新西蘭生蠔，以不同做法炮製；另會同場加演女生最愛的燕窩美饌及甜品，實在令人忍不住要到來舞動味蕾！為打開自助晚餐的序幕，有禮的服務員會送上每位1客的法國Special Jade生蠔及日本室津生蠔，法國的清甜甘香，日本的則軟滑細膩，齒頰四溢。接著便可細嚐每次到來都必食的加拿大雪花蟹腳、鮮蜆、鮮蝦等冰鎮海鮮，以及新鮮美味的三文魚、八爪魚、甜蝦、帶子等刺身。魚生、刺身過後，可來碗由日本及本地鮮蠔打造的煙肉鮮蠔周打湯，蠔湯暖烘烘，滿載鮮蠔肉及雜菜，蠔香濃濃，口感厚而不膩，回味無窮。滿足蠔意後，便要享受燕窩之味啦！燕窩竹笙露筍撻，以雞湯燴煮過，伴以清爽的竹笙及露筍，賣相精美可愛，一口一件，口感清爽香口。海皇燕窩翠塘蛋白，賣相猶如一幅彩圖，厚厚的養顏燕窩鋪在入口嫩滑的豆腐蒸蛋上，清香中帶有海鮮味，跟面層的帶子、鮮蝦、蚌粒等相暉映。一向愛食粥，但知道煲粥要又綿又滑實在功夫不少，今次這煲燕窩蟹肉砂窩粥，內有肥美的高蟹肉，與鮮甜的蝦粒及碎魚肉一拼熬製，再加入晶瑩的燕窩，矜貴、滋味、濃郁

已經嚟過呢度好多次了，坦白講就因為呢度價錢平，食物質素都keep得吾錯，除了早兩年曾經退歩了，現在呢兩年都保持水準。星期六日Lunch分兩個時段，我們食早11:30am-2:00pm,早了到達，嘩好多人........，可能平時食同星期六會小D人，今天星期日較嘈😔。開始進食了，首先必食我在此店的favorite鮮菓蝦沙律、三文魚刺身再加魚生飯❤️，冷盤有蝦、青口、蜆（蜆肉細細隻吾錯，最重要係無沙）熱盤我試了肉丸意粉，好味，京都骨、雞扒同鴨胸都ok.最意外係忌廉汁青口好正啊👍🏻:甜品賣相較以前退歩了，選擇少我只食了雪糕、豆腐花同窩夫，再飲了咖啡後好滿足了，坐了一個記得未食車仔麵，要試，因為有豬紅同咖哩魚蛋，一定要食，因為豬紅好好味呀。

呢排好想食生蠔，但係出去食單點又好貴，所以就上網睇吓有冇自助餐有得任食生蠔，結果俾我搵到呢間超級抵食嘅buffet！雖然要預繳每位$100訂金，不過星期一至四晚市只係$378一位咋(已包加一)，有得「蠔」食Buffet，真係非常抵食🤤我哋首先試食兩種放係出面任食嘅生蠔，分別係美國同新西蘭，味道一般，唔太新鮮，某幾隻食落仲有輕微嘅苦味😣放喺生蠔旁邊有廣島生蠔柚子杯，由於太受歡迎嘅關係，我哋見都冇見過，非常可惜，希望可以refill得快啲！(利申，我地7點到)正所謂先苦後甜，先食完一輪任食嘅生蠔之後，梗係要試吓呢兩款每位限定各一隻嘅法國Special Jade生蠔(左邊嗰隻，配青檸)同日本室津生蠔(右邊嗰隻)個人比較鍾意日本室津生蠔，非常creamy，兩款都非常新鮮，食完之後翻唔到轉頭呀🙈刺身有四款，甜蝦、帶子、三文魚、八爪魚，四款都還可以，正正常常甜蝦冇剝殼，食起上嚟有啲唔方便，恕我孤陋寡聞，我食過咁多間日本餐廳，都未見過甜蝦係唔剝殼😂熟食方面，羊架唔會煎得太熟，都唔會太鞋身，不過冇薄荷醬就爭啲鵝肝多士都推薦！鵝肝入口即溶，好似食咗空氣咁，適合啲鍾意食油膩野嘅人，至於塊多士用咗麥包去做，

睇團購見到有優惠 即刻上網search下咩料先 睇下會吾會中伏 搵完又好似幾好甘 就買左3張試下啦我地6:30左右到 原來有前門同後門 我地係後門入 去到見到冇人既 奇怪等左幾分鐘 以為未夠中吾俾入😂 原來吾係 我地行錯路姐 入到去見到有幾台客 吾多人 可能係平日我地安排左一張圓台 近攞野食位👍🏻👍🏻方便一行出去就攞到 贊👍🏻 地方吾會好逼 坐得幾舒服 因未夠中 我就影下相先 行左一圈 攞野食位吾係好大 一夠中 我地即刻沖出去攞生蠔 入黎果陣睇到流晒口水😍 好快已經俾人攞晒一轉 但佢地refill速度都好快 贊👍🏻 食完野 佢地收盤都好快 贊👍🏻 熟食種類吾係太多8-10左右 基本既都有 呢餐呢個價 呢個質素 呢個環境 都還可以

生蠔是自助餐必食的回本菜，灣景國際灣景廳剛於今個暑假推出「蠔．燕」盛薈自助晚餐，所以我就帶了家中的蠔痴來享受一頓「蠔」門夜「燕」。餐廳環境寬敞，座位排得鬆動，充滿空間感，店員態度親切友善，勤快收碟執拾，坐得舒服自在，食物refill 速度亦夠快。香港人吃buffet 最在意就是要吃到回本，這裡的海鮮吧款式夠多，回本之餘又可食盡海上鮮，海鮮控必能大飽口福。看到這座如此澎湃的蟹腳山，就知道供應量源源不絕，全晚無限refill。食buffet的十居其九都是衝著海鮮而去，這裡集合各種優質的冰鎮海鮮如加拿大雪花蟹腳、美國生蠔、新西蘭生蠔、翡翠螺、鮮蜆、鮮蝦、新西蘭青口等。今晚的主角是生蠔，就由每位只限1客、總廚特選的法國Special Jade生蠔及日本室津生蠔揭開「蠔」門宴序幕吧！法國生蠔一向備受追捧，以海水味濃取勝，一入口先是海水的鹹，清冽得不帶一絲澀味，純粹自然，肉質肥美結實，口感充滿彈性嚼勁，蠔味留在口腔久久不散。另一款則是日本室津生蠔，肉質肥厚，蠔味相對較清，擁有嫩滑清新的口感，微微的海水加上蠔身的鮮甜味道，在口腔內散發著奇妙的海洋氣息。假如吃完兩隻上品生蠔仍未夠盡興，另有冰鎮美國生蠔

老細萬歲請食lunch 選址灣景廳一行八個人 座得都好闊落 唔洗人逼人咁食事前無咩做功課 唔知有咩必食去到反而幾有驚喜海鮮區午餐都預左唔多海鮮 都係一般蝦、青口同蜆凍盆區各類火腿 沙律都有 仲有唔同種類既cheese刺身壽司區有較特別既腐皮壽司同卷物隔離仲有盆壽司飯 都幾好味架熟食區竟然有豬腳薑 超開心甜品區啲甜品不過不失 當中焦糖布丁最好味可惜得一盆 之後無再出了另外仲有啲中式甜點同糖水同埋有即製雞蛋仔 不埋雪糕一齊食就一流埋單除開每人大概$160呢個價錢響灣仔食到buffet都算抵 推介

工作了一星期，週末放假就想食餐好。瞓到自然醒，酒店Brunch會係一個好選擇。因為要陪人換新智能身份證，在灣仔換領中心旁的灣景國際酒店是不二之選！星期六、日、公眾假期11:30am-2pm踏入餐廳，被一大片落地窗吸引著😊雪糕櫃有專人負責，確保衞生👍👍👍冷、熱盤都有很多選擇：凍蝦🦐青口、蜆、刺身、壽司🍣、沙律🥗熱盤：燒牛扒😋、肉醬意粉、焗甜薯、羅漢齋👍、燒豬仔骨👍、即製蘿蔔糕炒腸粉（腸粉好味😋蘿蔔糕硬過石頭，唔轉供應商嘅話不如唔好做😡）、燒靖魚薄餅、燴牛仔肉甜豆😩冇處理過，食到成口絲👎燒豬頸肉😋燶邊豬腳薑👎味係ok嘅，但個醋溝稀咗，冇晒骨膠原😒掦州炒飯👍粒粒分明甜品：迷你葡撻、即制窩夫都新鮮脆口，好味🤤。冷、熱咖啡☕️奶茶、橙汁無限供應。仲有我至愛嘅Movenpick雪糕員工有禮，服務周到，收碟快食物：唔係唔好食，但絕對有進步空間（比我上次食係退步咗）會回頭，希望下次質素會回升啦！加油💪

今次係第二次嚟，上一次係七年前喇，價錢無點加，一樣有蠔，食物種類更多，服務更好，當然客人亦多好多。今次係上網訂枱，每位$100訂金，埋單比埋尾數$248，三百幾有齊蠔，海鮮，刺身，鵝肝，熱葷款式多而且質素唔錯，甜品亦絕不馬夫，職員人手充足又有禮。咁嘅價錢，性價比超高，真係想食多幾次。蠔唔係即開當然無即開咁新鮮，入口係比較Creamy，係我鐘意嘅口感，我覺得唔錯，而且不停Refill，無一刻係無蠔。每人會送一客和牛，油脂充足好好味。蝦都可以，螺同蟹無咩味。青口，藍青口都幾，蟹腳一般，沙白好新鮮又無沙。刺身好新鮮，帶子同有頭甜蝦都有。壽司種類都多，我影嘅時候係尾聲，右下邊係壽司飯。煙三文魚唔錯。仲有即切片皮鴨。焗蠔隻隻都脹卜卜，燴牛膝睇落大件，入口肉質鬆軟唔黐牙，兩樣都好味。吉列流心豬扒鞋同乾咗啲，燒牛肉夠厚但唔夠嫩，羊架肥瘦適中，顏色粉嫩，仲帶少少騷味，入口帶少少爽，好吸引呀。湯有三款：西蘭花忌廉湯，人參雞湯同中湯。七點半開始有煎鵝肝，唔夠油潤，都唔錯。即焗梳乎厘不停供應。甜品款式都幾多幾精緻，蛋撻仔，煎推，即烘窩夫，綠茶木糠布甸，蛋捲，啫喱，Mousse等等，全部都唔會太甜。另外凉粉，

收到風灣仔灣景國際(The Harbourview) 做緊優惠，只要憑你既名片（灣仔/金鐘地址）就可以以超優惠價錢$158（已包括加一服務費），享受一餐豐富的自助餐午餐。雖然地點離地鐵站較遠，由灣仔地鐵站到灣景步行約要10min。如果同3個朋友一齊坐的士來回，除番開來回一人食埋飯都係$200，計落都仲好抵食。到達後會見到兩部電梯，接1字便可到達。今次我地大圍去食，給了我們一張長枱（有景睇添呀），真係唔係咁想下午再回去上班。（注意一張卡片最多可以8個人，如果10個人食就準備定2張卡片啦）唔好睇佢咁便宜就以為沒有什麼東西可以吃，其實都有不少食物可選擇。燒牛，薄餅當然不可缺小。壽司飯，壽司盤，另還有三文魚刺身可供拎取。藍青口、冰鎮沙白、冰鎮蝦、青口（食過都好新鮮，咸咸地有海水味）甜品區都有不少選擇，朱古力噴泉、蛋糕、豆腐花、雪糕等等...飲品就可以自行調製（咖啡、奶茶、檸檬、橙汁等等...）不限次數第一轉食生食物，再食熟食加杯咖啡然後就再食個沙津.........真係慢慢食，食到唔想下午再去上班。

公司同事生日，壽星提議到辦公室附近的灣景酒店食自助餐享用優惠，酒店正進行午市自助餐推廣，出示印有金鐘或灣仔地址的公司卡片可享有$158(已加一) 優惠。酒店位於演藝和會展附近，十分便利，有不少到會展出席活動的外籍人士到來。午市自助餐種類不算太多，以熱盤為主。凍海鮮有鮮蝦、沙白和青口，鮮蝦比想像新鮮，肉質彈牙；日式刺身有三文魚和鱲魚兩款，另有手握壽司和魚生飯。熱盤有即炒腸粉、豬手等，特別推介椒鹽魷魚，香口美味。甜品以蛋糕為主，特別在朱古力噴泉可以選擇棉花糖和馬仔，個人覺得還是棉花糖比較好；自助餐餐飲橙汁和咖啡，自助續杯。雖然食物種類不多，但都十分飽肚，以這個價錢的自助餐而言算是差不多了。

今次走訪位於灣仔會展附近的酒店自助餐灣景國際酒店 灣景廳網上預訂低至$348起！4月-6月底推出以日韓美食的主題自助餐每位一客鹿兒島A4和牛,油花漂亮吸引煎至半熟,肉質嫩滑甘香鬆化,肉味濃郁每位用卷於鐵板區換取我個人認為佢既海鮮陣的確強勁有生蠔,青口,冰鎮大蝦,翡翠螺冰鎮北海道栗毛蟹 青口,蟹腳,沙白(幾大隻!)蟹腳,肉質都唔錯!沙白,都幾大隻!肉都飽滿亦夠鮮味! 蟹腳以外,仲有生蠔~聽聞最誇張有人食左50隻!蠔肉味濃濃郁,salty &Cucumdery 刺身有6款希靈,甜蝦,八爪魚,吞魚,三文,北海道帶子刺身質素相當有水準夠肥美,甜蝦帶子都鮮甜另外有8款壽司供應仲有一盤壽司飯供應可以取刺身再拎飯自己配搭也OK 冷盤凍肉幾款,仲有蜜瓜片配搭來吃淺嚐就好了,好多美食要留胃呢！ 自助沙律吧新鮮沙律菜，小番茄，粟米，豆，煙肉碎等～ 有２款OLIVE OIL 和4款醬汁千島/凱撒/芝麻醬/和風沙律汁另外仲有青瓜絲,紅蘿蔔絲 中華沙律,陳醋木耳蟹籽薯仔沙律,泡菜一些開胃小菜,個人推薦薯仔沙律呢!陳醋木耳也不錯,很爽脆開胃 海帶,醃芽菜,三文魚,3款芝士 熱食類豬腳薑/韓式肥牛炒粉絲/生炒牛肉飯