灣景廳

想平平哋去酒店吃個下午茶？我有個好介紹！灣景國際酒店最近推出「甜蜜時光！花聚下午茶套餐」，本身價錢已不貴 (閒日輕怡版$268/兩位，周末及公假$388/兩位)，現在惠顧還有七折優惠，每人百多元就可以和情人輕鬆共度三小時，真划算！下午茶分為完整版及輕怡版，前者只周末及公假供應，後者則每天都有，這天我們周六來到，想叫哪一款都可以。先看完整版的餐單吧：<甜蜜時光！花聚下午茶套餐> - 意大利巴馬火腿配玫瑰香檳啫喱- 煙三文魚玫瑰花配青瓜醬- 楓糖玫瑰香辣燒雞串- 芝麻蝦多士伴玫瑰蛋黃醬- 玫瑰荔枝慕絲蛋糕- 玫瑰抹茶芝士卷- 草莓玫瑰果凍- 玫瑰藍莓馬卡龍個人較喜歡吃鹹點，尤其「楓糖玫瑰香辣燒雞串」，有點像韓式炸雞，甜甜脆脆的；朋友們則更愛心形的「芝麻蝦多士伴玫瑰蛋黃醬」，香脆而不油膩。餐單加入了很多玫瑰元素，十分浪漫，而且還有乾冰杯子上桌，仙氣十足，下個月就是情人節，我覺得和情人來都不錯呢。在座有朋友則點選了輕怡版，食物少一些，但價錢更相宜：<甜蜜時光！花聚下午茶套餐 - 輕怡之選> - 意大利巴馬火腿玫瑰香檳啫喱- 煙三文魚玫瑰花配青瓜醬- 金箔黑松露葡

踏入秋冬，又係食蟹好時候，灣景國際灣景廳新出Buffet「蟹」季盛「燕」自助晚餐，除咗有時令螃蟹嘅各式美饌，仲配埋多款滋潤燕窩佳餚添，作為常客，上星期就享受了！♥ 冰鎮海鮮 ♥藍青口、加拿大雪花蟹腳、新西蘭生蠔等輪流供應。蟹膏之王麵包蟹，膏黃豐富、肉質扎實、鮮味！♥ 各式刺身 ♥吞拿魚、八爪魚、鯛魚等8款新鮮刺身源源推出。北海道帶子、三文魚刺身厚身肥美，鮮甜，必食！♥ 酥炸軟殼蟹伴木瓜沙律 ♥原隻越南軟殼蟹，炸得外脆內軟，配上酸味味木瓜沙律，特別醒胃！ ♥ 日式高湯蟹肉海藻沙律 ♥賣相好亮眼，鰹魚高湯啫喱包住日本鱈場蟹鉗及昆布沙律，彈牙！♥ 杏香百花炸蟹鉗 ♥杏仁片外層+混入蟹肉嘅蝦膠，酥香鬆脆，鮮味全湧，色香味俱全！♥ 香煎蟹肉琵琶豆腐 ♥蟹肉、冬菇、蝦米等先蒸後煎，芳香、鮮味、將傳統粵菜昇華！♥ 醬皇年糕炒蟹 ♥大大隻菲律賓肉蟹，鑊氣十足，蟹肉沾滿醬汁，份外甜濃惹味，加埋煙韌年糕，簡直停唔到口！♥ 燕窩蟹肉炆伊麵 ♥矜貴嘅燕窩配通一梳梳嘅蟹肉，令整個蟹湯伊麵入口濃郁味美！♥ 燕窩海皇瑤柱羹 ♥ 晶瑩嘅燕窩及甘香嘅蟹黃配合珊瑚蚌、貴妃蚌、瑤柱、帶子及鮮蝦等豐富海鮮，入口順滑貴氣，潤肺

之前見到廣告做promotion有任食生蠔buffet做節所以去試下，埋得三百幾蚊，抵！ 有分兩種生蠔一種係美國一種係澳洲，自己本人鍾意食澳洲，雖然細隻啲，但係味道鮮甜點。之後佢會每人再送上兩隻法國生蠔！呢兩隻生蠔係特別鮮甜特別好味而且賣相都非常吸引！至於熱食方面其實種類不是太多，但都有鵝肝牛扒羊架等等至於甜品方面，有生果，cheesecake 有涼粉添，而雪糕係movenpick ~

唔出街，無得晚餐堂食，只好回顧7月頭去食好西嘅美好回憶囉～😭前陣子，朋友話灣景廳推出咗新嘅自助餐餐單，主打「和牛」及「蠔」！😍兩樣都係我至愛！於是二話不說就出動了！🙈基本上呢度「和牛」及「蠔」嘅料理，選擇都幾多。和牛系列🐂好似和牛，佢哋就採用肉質鮮嫩嘅澳洲和牛，主打菜有香蒜和牛舌沙律、吉列和牛牛肝菌可樂餅、三蔥鬼馬炒和牛、台式燘燒和牛面頰...唔會話好悶一味煎扒，運用唔同國家嘅烹調手法，令人食到唔同嘅和牛菜式變奏，感覺幾驚喜！其中，我最鍾意吉列和牛牛肝菌可樂餅，用美國免治和牛、牛肝菌及薯蓉混和炸成，食時「卡滋卡滋」聲，好酥脆，且肉汁豐富。😍​另外，三蔥鬼馬炒和牛都唔錯，使用澳洲和牛嘅橫膈膜肉，肉質特別彈牙爽口，加埋洋蔥、京蔥、大蒜、馬蹄及油條快炒，鑊氣十足！​​冰鎮海鮮系列🦞​至於蠔，佢哋無論生食定熟食都有提供，生蠔有得揀法國Fine de Claire生蠔、日本室津生蠔、鎮美國生蠔及新西蘭生蠔等，熟食則有芝士龍蝦汁焗蠔及黃金砵仔焗蠔～一次過食晒唔同產區嘅肥蠔，作為蠔怪嘅我表示好滿足（雖然無好好數過，但我當晚應該啪咗至少20隻...😂）！😍💕一坐低，待應就送上法國Fine de Cla

今日同朋友去左灣仔灣景廳食buffet,因為呢度食過幾之都有質素，所以都一直係支持者，仲要不定時更新主題，所以唔會次次都食相同既野。今次係蠔做主題，除左出邊有兩款蠔可以選擇，另外每位客人都有一份兩款蠔送返比客人。蠔非常新鮮，質素唔錯，其他海鮮都十分鮮味，刺身選擇比較少，仲有可樂、橙汁同咖啡可以任飲。另外限時會有鵝肝供應，熱盤選擇不多，但味道唔錯。甜品款式選擇很多，中式西式，雪糕也有6款選擇，對於鍾意食甜品既我，非常推介。用左oki book有折，晚餐人均消費都係$330，有人蠔同有質素晚buffet。

今日去灣景廳食(生蠔 buffet) 平時出面食都要成$5xx-$6xx 蚊。今次佢地有優惠價$338 食到呢到既晚市buffet, 真係好抵食呀！😊呢到主要係來自美國生蠔同埋新西蘭生蠔，兩款同樣好鮮甜，美國生蠔每隻都比較肥大！我最少食左十五隻🤫有驚喜，服務員送了我地每人一碟生蠔，是來自日本及法國的.....呢兩隻係全個buffet 最好食既生蠔，超級鮮甜同大件！仲有鵝肝，羊架，蜆，蝦球....數之不盡....只要你排隊就會食到.....食到飽飽地，當然要食下甜品啦⋯⋯八點鐘會有棉花糖燉蛋出爐，上面棉花糖脆脆地，整體食落去不太甜，幾好食既甜品！仲有可幫助消化既西爪，菠蘿....食下.....多種味道既雪糕，我就食左朱古力，士多啤梨同薄荷味.....

今日同家人去灣景廳食lunch buffet，有被騙的感覺。原因2020年5月17日於booking app訂位時，自助午餐標明$218的八折，怎知按預約日期6月14日來吃，付款時才知係$228八折再加一。唔計加一，標價相差每位十元，雖相差不多，但真係有被騙的感覺，同職員表達，佢話一早通知了booking app，但佢app冇改價錢，佢都冇法。咁如果你話貴$100一位，唔通我都要照比。打死狗講價一樣，內心不開心，另外食物種類又小，冇生蠔，海鮮冷盤只有三種，蝦，蜆和螺，好細隻，魚生得兩款，甜品種類好小，得麵包布丁好食小小，食完好多都冇refill，食物質素一款喇，我地在心有不甘下照佢地話的格價埋單，$820四位，唔算抵食，仲有咁嘅經歴，真係勸大家去之前要唸清楚。我心唸，好想去消費者委員會投訴呢！

灣景夠平。這裡的自助餐，性價比極高。所以我和同事很常到，一個月一次左右。專挑週末下午茶時段，吃了連晚餐也可以省掉。首先，出擊沙拉吧! 我愛死灣景的沙拉，南瓜提子、薯仔、柚子這些已拌好的沙拉都超好味，一於放開懐抱大吃幾碟。如果你不喜愛預拌的mixed salad，枱上也有不少沙拉菜及醬汁，任由你發揮大廚師的本領，好好表演。跟著吃冷盤，蝦是最受歡迎的，而且從不令你失望。鮮甜、爽嫰、結實…只是有時候溶雪不足。青口和蜆都只是陪襯，我很少吃。刺身選擇不多，但三文魚頗新鮮肥美，一、兩轉是少不了的。超肥人的壽司飯，滋味好到叫人失控，扔掉哪適可而止的飲食格言。此店熱葷一向麻麻，重點在哪不停refill的豬腳薑，算是鎮店之寶；亦是回本所在。醋汁既酸又甜，豐腴肥美的豬腳色澤鮮明，皮肉甘香，而且都是好料，並非下欄；雞蛋沾上薑醋，原本乏味的蛋黃、蛋白都變得同樣出色。誰人還管這薑的事?這家店小，卻有中湯、西湯供選擇。還有普普通通的燒牛肉。點心的魚肉燒賣，也可一嚐。甜品有西式糕點、奶凍、糖水、班㦸、豆腐花、薑汁糕、雪糕…其中的德國芝士餅、布朗尼都不俗。全場有飲料提供，咖啡/茶/檸外，有果汁。另外，尚有芝士、麵包、

平時有得任食生蠔自助餐動輒都要五六百元，不過趁著最近不少酒店推出自助餐優惠，例如灣景國際灣景廳於5 - 6月期間呈獻「鮮蠔．虎蝦」二重奏 自助晚餐，網上預訂、免付加一優惠低至只需成人每位$338，就可瘋狂任食生蠔！餐廳環境寬敞，座位排得鬆動，充滿空間感，店員勤快收碟執拾，坐得舒服自在，食物refill 速度亦夠快。進入酒店時會有員工替賓客量度體溫，所有餐廳員工及客人自取食物時均會配戴口罩，冷盤及熱葷區設置透明屏障，減低飛沫傳播機會，共用餐具每半小時更換1次，讓食客吃得更安心。全晚冰鎮海鮮源源不絕地供應，款式包括加拿大雪花蟹腳、美國生蠔、新西蘭生蠔、鮮蝦、鮮蜆、藍青口及東風螺等。我自己尤其喜歡蟹腳，爽彈蟹肉雪白細膩，絲絲分明，鎖住原始鮮甜海味。魚生刺身夠鮮美，款式多達8種，包括三文魚、八爪魚、鯛魚、北海道帶子、希靈魚、甜蝦、北寄貝及吞拿魚。法國Fine de Claire生蠔及日本室津生蠔 (每位只限1客)法國生蠔一向備受追捧，以海水味濃取勝，一入口先是海水的鹹，清冽得不帶一絲澀味，純粹自然，肉質肥美結實，口感充滿彈性嚼勁，蠔味留在口腔久久不散。另一款日本室津生蠔肉質肥厚，蠔味相對較清，

3月頭同媽媽慶祝生日，請啊媽食自助餐，個陣有抗疫優惠，提早online book位每個人只要$300就食到夜晚buffet😋有好多選擇，刺身幾正👍🏻一嚟就送左2杯紅酒🤣仲有鮮蝦，生蠔等等～每一輪嘅生蠔攞出嚟就即刻比人攞曬🤣十分之受歡迎👍🏻3月做緊黑毛豬盛宴，啲黑豚肉都幾好味😋仲有羊架，牛仔骨等等，都好juicy😋同埋有好多甜品選擇，好似朱古力噴泉，唔同款嘅蛋糕，仲有格仔餅等等😋因為啊媽生日，提早order朱古力生日牌，成餐食得好飽😋

疫情關係，連月來都好少外出食飯。今次出動，全因 灣景國際 灣景廳 的「鮮蠔．虎蝦」二重奏自助晚餐。主廚用上鮮蠔、虎蝦泡製多款菜式，帶來無限味覺驚喜！法國Fine de Claire生蠔 (右) + 日本室津生蠔 (左) (每位1客，各1隻)日本生蠔大大隻、蠔味澎湃，柔滑彈牙，伴以清新西柚汁及三文魚籽，回味無窮。法國生蠔肥美多汁，滲出淡淡榛果香，一試難忘，正好為今餐Buffet展開序幕！ 冰鎮美國生蠔 + 新西蘭生蠔場內源源供應，鮮味滿載，蠔味無窮！ 冰鎮海鮮 + 刺身多款輪流供應，當中推介爽口希靈魚、鮮甜甜蝦、肥美三文魚及北海道帶子。黑松露虎蝦鍋巴脆卜卜的蝸巴上放滿香氣馥郁的松露、爽口彈牙的虎蝦，及清甜的黃金梨絲，味道層次豐富。 香酥吐司虎蝦丸外層酥脆、內藏彈牙蝦膠、唐芹、咸香蝦乾粒等，極具口感。 新加坡麥皮虎蝦虎蝦外層被香氣迫人的麥皮、指天椒、咖喱葉包圍著，咬出啖啖甜香嫩肉，爽彈而不膩，充滿新加坡風味。芝士龍蝦汁焗蠔金黃色香噴噴的肥美焗蠔，醬汁香濃，底層仲有微蒜香氣的菠菜，齒頰留香。 黃金砵仔焗蠔鮮蠔、油炸鬼、雞蛋、芫茜拼揍出表面香脆、鮮香綿滑的焗蠔，超正！ 驚喜一浪接一浪，Buff

如果你唔怕死🙊而家就係去各大酒店食自助餐既最好時機❗️不過呢間酒店都算唔錯 除左食之前例牌要量體溫之外 會梅花間竹咁安排啲檯 所以唔會坐到爆哂🤔🤔同埋有多加左塊透明膠係啲野食上面 所以感覺都安全 ge-海鮮有生蠔、蟹腳、麵包蟹、青口同螺等等 都幾多選擇☺️☺️而家做緊「黑毛豬．帶子」主題 所以有好多熱食都有帶子、慢煮黑毛豬之類既菜式❤️我最鐘意食每檯都會送一客既 香酥荔茸帶子 同埋黑松露焗珍寶扇貝🥺🥺！其他比較特別既熱食仲有 片皮鴨、鵝肝、煎三文魚...-甜品方面～有movenpick雪糕必食😈😈香蕉核桃蛋糕同brownie都唔錯🥰🥰❤️

 2個月無同老公出動去食Buffet啦！上網見到常去的灣仔灣景廳推出咗超抵的「黑毛豬．帶子」自助晚餐，仲實施了一系列貼心的安全措施：如入座時，食客均需量度體温、每枱之間有1米或1枱之距離、自助餐區更加設透明屏障保護食物、減低飛沫傳播的機會，確保衛生等……見如此吸引及安全，就即刻訂位！  冰鎮海鮮 + 各式刺身每次都必會勁食肥美生蠔、雪花蟹腳、三文魚及帶子，今次的水準依然咁高！  香酥荔茸北海道帶子 (每位1客)外層鬆化、內有香軟的荔茸及清甜帶子。黑松露焗珍寶扇貝 (每位1客)扇貝大大隻、嫩滑爽口，配上蛋黃醬跟香濃的黑松露醬，味道叫人回味無窮！  北海道帶子魚生飯肥美帶子、爽口三文魚子配搭蘊含飛魚子及魚生粒的魚生飯，1-2口的份量，滿足多滋味！ 青木瓜金柚沙律配帶子煎至兩面焦香的帶子，外脆內軟，配搭泰式醬汁、金柚、甘筍絲等，泰味十足，相當醒胃！  北京片皮鴨每次嚐過開胃菜，都會食一件充滿京式風味的片皮鴨，今次都唔例外！外皮夠薄軟，鴨肉肥美又多汁，正！  金絲百花釀帶子炸至脆卜卜的金絲內藏寶中寶，先有彈牙蝦膠，再有軟滑帶子，沾少少甜酸汁，口感更具層次。  蒜蓉粉絲蒸帶子大大隻扇貝上放有鮮甜

情人節真係好難book位周圍都好full, 今次特登早成個月就book定先睇完啲comment 質素都幾令人期待因為情人節，周圍都放左啲🎈幾有節目氣氛每個台上都放有小禮物，係彩色既玫瑰花好窩心氹到女朋友們心心眼時段係1830-2130， 夠哂時間食一開始starter就主攻seafood bar,生蠔好新鮮，有美國同新西蘭兩款個都refill得好快，基本上無乜時間無空既個人比較喜歡新西蘭蠔，小隻少少，無美國蠔咁肥美但都好鮮甜仲有啲蟹腳、麵包、蜆蟹etc凍盤都好新鮮，唔會好重雪味鮑魚就每人會派卷有一隻都煮得幾林、入味！Waiter都會自動拎一碟帶子兩食比每位客人芝士波菜帶子個cream酸甜開胃炸個個帶子就好鬆脆、有少少芋頭蓉一齊炸Sushi bar當然唔少得三文魚、帶子、吞拿魚、希靈魚、北寄貝刺身新鮮！無冰無雪味之餘又夠凍7:30之後就會供應 煎鵝肝多士煎得好香口、充滿油香08:30開始充供應斑蘭梳乎厘好香、又熱又軟、甜而不膩甜品中規中矩、紅莓個舊酸酸甜甜比較好食又足開胃唔會好膩整體來講好好好滿意加上侍應收碟、refill速度都好有效率！衛生情況都好滿意！乾淨企理！抵食高汁buffetの

春回大地，百花盛開，灣景國際灣景廳以初春繁花盛放為靈感，將春天之味搬上餐桌，於2 - 3月期間呈獻「黑毛豬．帶子」自助晚餐，今年我倆也在這裡度過剛過去的情人節，細嚐花饌的詩意畫意。餐廳環境寬敞，座位排得鬆動，充滿空間感，店員態度親切友善，勤快收碟執拾，坐得舒服自在，食物refill 速度亦夠快。進入酒店時會有員工替賓客量度體溫，所有餐廳員工均會配戴口罩，冷盤及熱葷區設置透明屏障，減低飛沫傳播機會，讓食客吃得更安心。全晚冰鎮海鮮源源不絕地供應，款式包括加拿大雪花蟹腳、新西蘭生蠔、鮮蝦、鮮蜆、藍青口、東風螺及麵包蟹等。多數人食buffet講究性價比，麵包蟹可說是回本首選，儲滿豐富的蟹膏，甘香軟滑。生蠔肉身非常肥美，肉質厚實爽滑，海水味濃烈，蠔味留在口腔久久不散。我自己尤其推介蟹腳，來貨夠新鮮，爽彈蟹肉雪白細膩，絲絲分明，拆開時亦不會黏殼，鎖住原始鮮甜海味。魚生刺身夠鮮美，款式多達8種，包括三文魚、八爪魚、鯛魚、北海道帶子、希靈魚、甜蝦、北寄貝及吞拿魚。北海道帶子魚生飯帶子肉身光滑細緻，珍珠米拌入壽司醋、飛魚子及魚生粒，更特別加入菊花碎於其中，為清純的鮮甜味添上花香。青木瓜金柚沙律配帶子微辣