灜鐵板燒

營業中

休息中

這間位於尖沙咀樓上的日式鐵板燒，全部座位均面向師傅，食客可細看著師傅全程舞動鐵鏟，即叫即製的過程，令人著迷。🍀牛油果豆腐沙律 $38色彩豐富，開胃醒神。🍀鐵板富貴蝦 $248龍蝦吃膩了，富貴蝦絕對是不二之選，肉質鮮嫩，鮮甜程度令人垂涎欲滴。🍀活鮑魚仔 $78鮑魚仔非常彈牙，鮮味十足，與咸鮮的三文魚籽相互輝映，充滿海洋風味。🍀日本薄燒A4和牛 $128和牛油花均勻，經過烹調迫出脂香，夾住海量香蔥炸蒜，入口油脂充斥整個口腔，令人難以忘懷。🍀日式炒野菜 $68野菜爽脆清甜，清一清味蕾，平衡口味。🍀鐵板櫻花蝦炒飯 $68師傅將櫻花蝦、高菜漬、雞蛋、香蔥加入炒飯，金黃色的飯粒粒粒分明，鍋氣十足，發著誘人的香氣。🍀味噌湯🍀焦糖多士

今日自己一個行街，經過見到呢間餐廳既餐牌，初頭以為睇錯，一個人食鐵板燒$198。諗咗陣決定入去試吓，因為自己一個人食鐵板燒好似有啲怪怪地😂😂但點都好都入咗去食叫咗佢最平嘅餐，$198頭盤係普通嘅沙律菜，仲有些少秋葵，仲有個麵豉湯質素都OK跟住煎咗三隻大蝦，同埋一塊三文魚，蝦好彈牙有蝦味，加埋佢臨尾淋上去嘅牛油煎得好香三文魚煎得啱啱好唔會過熟，加埋臨尾既牛油亦都係啱啱好👍🏻👍🏻跟住到豚肉燒，都係煎得岩岩好，非常唔錯👍🏻再黎就係櫻花蝦炒飯，同炒雜菜，都係唔錯既唯一係個甜品麻麻地，係雪米糍，如果整蕉糖麵包就一流呢個價錢可以咁樣享受，我真係無野可以投訴，性價比泥講係極高

進餐廳就一抬客，我們是第二抬客，一位男服務員很禮貌介紹菜式。點的是龍蝦套餐加鵝肝。兩個女的服務向另一抬客介紹飲料，沒給我們介紹，對我們沒有主動提供服務，全程站在我們後面聊天，不會主動倒茶水，我們要求，她們不情願；給另一抬碟子，不給我們，我們要求，她們還是不情願，跟她們說話，站得遠遠，不會走過來。賣單二千七百，食物質素可以，但跟同行比，價格相若，菜式比較少。服務質素太差，感覺被區別對待，不會再去了。

大家相約一個至好耐冇返香港，多年無見既中學同，食一餐非一般既 鐵 板 燒 😎餐廳環境舒適，完全不擠迫，洗手間乾淨，值得一讚。我哋一行四人有老闆安排，享用兩set二人餐，另加串燒，再啤一啤，與後期加入既老闆繼續happy hour，主廚很好，服務生很有禮貌，可以一齊傾吓計，打成一片，氣氛良好😙食物方面，超出預期，藝術品咁，香氣撲鼻，每道菜式都要影一影相作為紀念，當晚最常聽到「好香呀！」😂😂😂😂好朋友非常滿意，日後亦會介紹給外國朋友一試

香港鐵板燒餐廳多不勝數，但是這一家鐵板燒讓我跟朋友都非常難忘，非常愉快！（工作人員全部都性格非常Nice，有點賓至如歸的感覺！）就讓我帶大家一起去探索這家隱匿在商業大廈內的中日式鐵板燒吧！首先交通很方便，就在港鐵尖沙嘴站A1出口，步行2分鐘可抵達。店內裝潢整體風格和諧大氣，燈光恰到好處有情調，有三張大鐵板臺，可以容納30多人（氣氛氛圍非常好，是朋友聚餐、公司團建、情侶約會的好去處！）🌟日式野菜沙律這道菜可以做開胃前菜了，口感很好，清甜爽口，其中新鮮的沙律菜非常的美味了，再配上醬汁可謂是沙律菜中的佼佼者。🌟黑魚籽鵝肝蒸蛋最讓我意外的，也是我吃過最難忘得蒸蛋，大舊鵝肝，多黑魚籽（老闆一點都不吝嗇），先將煎香的鵝肝放入裏面一起蒸熟，口感超級嫩滑！🌟鐵板瀨尿蝦第一次食煎的瀨尿蝦，嘻嘻，師傅先在鐵板上將瀨尿蝦剝殼取肉，烹調海鮮的力度剛剛好的，掌握好了時間，將瀨尿蝦的鮮味和肉汁緊緊鎖住，入口鮮甜肉厚，彈牙多汁！🌟冷煮鵝肝超大件，超肥美的鵝肝，把鵝肝的香氣給鎖住，入口即化，再配上一杯日式清酒，那就更美味啦！🌟黑松露鮑魚鮑魚未煮前活潑到暈，有點可愛，煮之後它安靜了，配上濃郁的黑松露一起香煎，簡直到位，

平時食鐵板燒真心唔平，基本上都要400幾500蚊一個，但係依到最平嘅套餐只需要$168，而且就算咁平都好，都唔係隨隨便便求求其其煮比你食就算，真係會係你面前用心煮比你食唔好以為收你$168就冇好嘢食啊，除咗有食鐵板燒一定要食嘅牛肉之外，仲有蝦、三文魚等等，就算係比較大食嘅人士都夠飽。除咗$168之外，你想食豪也有其他選擇，一樣都係超高性價比，而且因為每一個套餐都有分別，所以同朋友/情人一齊去的話，可以分別叫唔同嘅套餐，咁就可以試多少少唔同嘅嘢。咁我當日同同行人士分別叫咗$168同$268嘅套餐，咁落完單之後好快就有樓面上咗麵豉湯、沙律同前菜，麵豉湯飲落去唔似係嗰啲沖劑麵豉湯，而係自己煮嘅麵豉湯，但係分別又唔算話好大，只不過係比較重味啲，但又唔係鹹味嗰種重味，不過整體嚟講係幾好飲，係少有我會飲晒嘅麵豉湯；咁沙律就冇咩特別，配嘅都係啲好常見嘅沙律汁，而且沙律菜都係新鮮嘅；咁前菜就係好普通嘅胡麻醬青瓜，則係將青瓜切粒之後，再加少少胡麻醬，食落去除咗會食到少少胡麻醬味之外，就係好明顯嘅青瓜味，可能係為咗清一清味蕾（？）所以先設計成咁淡，不過都係前菜唔食都唔緊要咁樣$168套餐先有三文魚同蝦，師

呢度可以近距離欣賞到師傅嘅手藝，絕對係值回票價！師傅燒製時間拿捏有道，唔會overcook👌🏻技巧純熟刀工精細，亦會同食客溝通，好加分！炸池魚仔一碟有好多條，做到外脆內軟嘅效果，非常香口，啲骨超軟可以放心食，不得不讚炸功一流🙌🏻帆立貝北海燒肉身肥大又鮮美，內裡鮮甜唔乾柴。烤得好香，掛上醬汁，好邪惡😈呢個太正食完唔夠喉忍唔住encore咗😆櫻花蝦高菜漬炒飯香氣撲鼻，有粉紅嘅櫻花蝦、碧綠嘅蔥、橄欖綠嘅高菜漬，三種顏色刺激視覺😍各種食材令每啖飯味道變幻無窮，尤其蝦味濃厚突出。飯有嚼勁，炒得夠乾身，入口彷彿米粒喺度跳動！

⭐️鐵板賴尿蝦喺燒緊嘅時候香味已經不斷咁飄過嚟，令人垂涎三尺🤤睇得出師傅經驗老到，火候控制掌握得非常之好。只係簡單調味，已經係人間美食！肉質新鮮肥美，口感爽口彈牙，食落蝦味濃郁帶少許牛油香氣😋👍🏻⭐️馬友魚以即場鹽焗嘅方式烹調，保留到佢特有嘅鮮味。師傅功力深厚，做到皮脆金黃但魚肉又保持嫩滑。魚油豐腴，食完齒頰留香🤤⭐️帆立貝北海燒燒完都仲好大粒😍質地厚實，纖維綿密。幾有嚼勁，配上醒胃嘅醬汁，非常滋味！⭐️櫻花蝦高菜漬炒飯師傅三兩下就炒好睇到我目定口呆😱炒得好夠鑊氣🔥火候控制得啱啱好，唔會太乾、太濕或太油。材料豐富，櫻花蝦徹底爆香入味，好出色！

心血來潮想食鐵板燒，即刻OpenRice search下附近有冇高汁餐廳可以滿足到我，就俾我搵到呢間叫灜嘅鐵板燒，評價都唔錯，一於就試吓😋😋1️⃣辣汁魔鬼魚魔鬼魚比較少見，所以二話不說就叫咗，結果一試愛上😍以秘製醬汁烹煮，調味到位，頗有辣勁，令我一啖接一啖咁食。肉質嫩滑，魚味香濃。越嚼越香，一啖魚一啖啤酒🍺簡直係一大樂事，令人回味無窮！2️⃣鹽焗馬友魚魚肉分層猶如千層糕，中間有塊銀杏葉增添層次感。馬友鮮味充沛，魚肉香滑唔會乾爭爭。比平時食開用豉油蒸嘅更突顯鹹鮮風味👍🏻3️⃣帆立貝北海燒面頭鋪滿creamy焦香嘅醬汁，帆立貝大大粒肉厚彈牙。甘甜於口中蔓延，滋味滿溢🤤

一入到去已座無虛席，但冇我想像中咁大油煙味，睇嚟餐廳抽風系統做得幾好👍🏻環境衛生企理，空間感大且夠光猛。酒櫃可見提供各款酒類包括清酒、啤酒、紅酒、白酒同香檳，加上現場氣氛熱鬧，好有日本居酒屋感覺，最適合同朋友聚餐碰碰杯🍻鹽焗日本銀杏（時令）啱啱結果兩三個月，可謂最好當造。第一次食銀杏，亦即係我哋平時叫嘅「白果」，比我想像中好食😋質感軟糯且十分可口，絕對係下酒良伴🍺辣汁魔鬼魚有兩大舊，骨肉可輕易分離👍🏻肉質細膩，富有彈性。師傅喺調味方面毫無手軟，包括蔥、蒜、辣椒同特製辣汁🌶️重口味得嚟又唔會有搶味嘅情況出現，辣辣哋越食越上癮！

🍚櫻花蝦高菜漬炒飯師傅以快炒爆香方式激發香味，有蛋、蔥花、高菜漬同櫻花蝦，做到色香味俱全💯飯粒晶凝通透，粒粒分明又入味。落咗好多櫻花蝦，啖啖都有咬口。高菜漬酸酸哋好開胃，全部配料都融合得好好，滿口海洋珍味😋🐟黃金銀鱈魚（必食）配搭好新穎，超大片鹹蛋黃覆蓋晒成條魚，再加以火炙😍魚身汁水飽滿，鮮味十足。面頭嗰層鹹蛋黃鹹香惹味，而底部竟然做到酥脆香口😱口感極有層次！🐟鹽焗馬友魚用上蛋白鹽，即場鹽焗。馬友魚同蛋白鹽中間隔咗塊銀杏葉，呢個組合好新鮮🤩魚味濃厚，銀杏葉清香，海鹽又鹹又脆，成個味道非常豐富。

首先不得不讚師傅嘅專業，既可同時烹調多樣食材，又可兼顧食客作互動👍🏻成餐飯就好似睇表演咁，尤其炒飯功架十足，睇住由白雪雪嘅米飯炒成晶凝通透醬香四溢真係好治癒。流晒口水好想食，可惜最近食得過份咗晚餐戒緊澱粉，唯有下次午市嚟食補償返🥹炸池魚仔細細條但脹卜卜，炸得非常香脆唔厚粉👍🏻魚肉軟嫩，連骨食埋都得。根本食唔停口，係我最愛嘅佐酒小食😍鐵板賴尿蝦夠大隻，背脊節節分明😍師傅已細心拆殼起肉，肉質鮮甜非常彈牙！總括而言呢間鐵板燒環境寬敞，座位舒適。食物高質，要歸功師傅處理得好👏🏻

日本銀杏炒得香甜鮮美，連殼大大粒唔會過老。食落又軟又糯，竟然冇印象中嗰浸苦澀味😳🌟鐵板賴尿蝦夠晒粗身，有成隻碟咁長😍食落鮮甜多汁，最重要係有膏，好滿足！味道有少少似中式嘅椒鹽瀨尿蝦。🌟黑松露南非鮑魚好多人會以為黑松露嘅味道會蓋過鮑魚嘅鮮甜，但其實黑松露以鐵板燒形式燒一燒，味道會較溫和冇咁霸道，同鮑魚相輔相成👏🏻👏🏻🌟鹽焗馬友魚略帶鹹味，用咗蛋白鹽較為清新，亦令魚肉鮮味更突出。皮香肉滑，魚油豐富😋😋全部都好好味，調味香濃得嚟又冇掩蓋食物嘅鮮味👍🏻今次食呢間鐵板燒可能係我食過最好食嘅！

A5佐賀和牛燒嘅時候滋滋作響，油香四溢，肉質異常柔軟，細膩且平均嘅雪花脂肪清晰可見😍師傅超級細緻咁逐面慢慢燒，生熟程度啱啱好。並切成一口size，一啖一粒非常滿足🥰有入口即溶嘅感覺，牛香滿佈口腔。夾埋少少炸蒜一齊食有助增強口感同香氣。點沙律醬食就提鮮解膩，別有一番風味。黃金海虎蝦分段式加入咸蛋黃，好足料，係沾滿晒成隻蝦😍虎蝦肉質肥厚，鮮甜juicy。咸蛋黃獨有嘅沙沙口感以及咸味又唔會搶過主角虎蝦嘅風頭，反而係昇華咗佢自身嘅鮮味。兩者好夾，直接衝擊味蕾，連埋蝦殼啜真係過足口癮！🤤🤤

一入到去就聞到好香嘅鐵板燒味，師傅烹調得十分認真，大火下仍能做到外焦內嫩，除大飽眼福外更加係真心佩服🙌🏻🍽辣汁魔鬼魚熱氣騰騰香氣撲鼻令人食指大動🤤濃郁香氣歷久不散，魚皮燒得焦香脆口。輕輕一拉就可以輕鬆咁將魚肉一絲絲咁撕開，魚肉滑身好軟熟。辣汁好香唔係死辣，辣度算係小辣，唔會太過刺激。🍽燒甘鯛連魚鱗一同烹煮，從而令其做到層層立起嘅效果😍魚鱗口感好得意，酥香可口，魚肉柔軟細滑。🍽黃金銀鱈魚鋪咗一層厚厚嘅鹹蛋黃，而唔係就咁薄薄嘅粉粒。臨享用前師傅仲燒咗一下表面，令鹹蛋黃更能滲入銀鱈魚肉身。魚肉厚實，完全冇雪藏味，鹹蛋黃嘅惹味衝擊過後係銀鱈魚嘅甘甜奶香😋