灜鐵板燒

營業中

休息中

第一次試這間的鐵板燒午餐：由新鮮沙律，熱湯，前菜麻醬青瓜，主菜-$168海中蝦（彈牙好味）配三文魚（香滑美味），薄燒牛肉（蔥蒜香口），炒飯炒什菜，全部都十分豐富可口，另一主菜$128油甘魚鮫也很出色（份量十足，味道很好），師傅調味剛好，服務員也很盡力（不停收碟加水），各樣都令我哋很滿意，到埋單前還送上甜品（一點都唔馬虎），還有生日驚喜（完全無想過的，十分意外，也令我哋好開心）整體確實唔錯！謝謝😃

好耐無食過鐵板燒 經朋友介紹之下黎左試尖沙咀呢間鐵板燒午市 餐廳環境幾大同好開揚 間隔好足完全吾會覺得逼👍🏻我最中意坐高枱位可以望住師傅煮出每一道菜 😍可能通風做得好 所以吾會有好’’大油煙’’個感覺👍🏻👍🏻整體黎講 食物質素都令我有驚喜🌟🌟🌟🌟個人好推介鮑魚, 蒸蛋, 牛肉, 口感好好煮得岩岩好 個甜品都幾有特色同好味食左好豐富同滿足既一餐價錢上雖然小貴 但係環境同食物整體都值得 CP值都算高 有機會一定會再黎多次 下次想試下dinner

之前有朋友於午市時段去過呢間，大讚好食，今次我就係佢晚市時段黎試下😋.當日我哋book咗6點，如果天氣好，其實係餐內可以望到不錯嘅景觀(可惜當日落雨)，另外餐廳所有地方都好乾淨，唔會油笠笠，坐得幾舒服㗎～當晚由師傅Ken主理，除咗廚藝了得，仲好健談，原來佢仲係攝影高手！.- 蟹之鐵板燒套餐 $1588（二人前） *另收加一服務費.首先食咗沙律後就上埋刺身，有吞拿魚、海膽及黃金魷魚，3款正常冇特別；我哋呢個蟹套餐原本係有鱈場蟹腳，但當日冇就轉咗隻膏蟹比我哋😻鍾意膏蟹嘅我表示好好食，肉白鮮美，膏黃金香，有啲似咸蛋黃咁，成隻蟹蓋幾乎都係膏黎(✽´ཫ`✽)冇得彈呀.我哋揀咗照燒汁南非活鮑魚，除咗口感幾煙韌外，味道鮮甜而且鮑味濃郁，配上大廚Ken精心調製照燒汁甜鹹得宜，而且有埋三文魚籽，雖然同行友人話有啲啲咸，但我就覺得好好食喇😋.安格斯厚燒牛粒都好香，我哋叫咗5成熟，大廚亦煮得啱啱好🤤不過活蚌湯嘅蚌肉如果再新鮮少少更好，其中一兩片有啲苦澀味，但整碗湯係鮮甜嘅.臨近尾聲，送上一大碗香氣撲鼻嘅櫻花蝦炒飯，炒飯粒粒分明夠乾身，好啱我胃口😻接住上埋炒野菜及味增湯，其實由上炒飯個陣，我哋已經飽到不得了🙈

餐廳環境大，枱面同櫈都冇因為啲油煙而癡立立！可以望到師傅煮野食嘅過程🥳都幾正我就嗌咗個268嘅set lunch😚仲有沙律同味增湯！味道都正常，啲沙律菜都好新鮮！鐵板燒嚟講呢間都算幾平，cp值幾高！其他鐵板燒多數都around 1000蚊到！跟住就嚟咗大虎蝦活鮑魚，鮑魚同大虎蝦都拆晒出嚟，食落淡淡都係肉好滿足🥰大虎蝦係用黑椒同鹽調味，煎得好香但係略嫌大虎蝦煮得有啲老，煮耐咗少少，鮑魚有用黑松露醬調味，鮑魚煮得啱啱好🥳跟住就嚟咗我揀嘅鵝肝🥰鵝肝都幾大塊，入口即溶，配埋黑醋汁同埋隔離嘅紅酒煮梨，balance返鵝肝嘅油膩感😋跟住係櫻花蝦炒飯，炒得好有鑊氣，啲飯粒粒分明，又係用咗黑椒同鹽調味，鹹度啱啱好，啲櫻花蝦好香，令個炒飯更香更好食🥳甜品係黃豆粉蕨餅，口感煙韌，都幾得意🤣食咗啖朋友嘅安格斯冰鮮牛柳粒😜肉質好鮮嫩，好好食！完全冇冰鮮嘅雪味，加埋個蒜片一齊食，好好食🥰建議大家揀安格斯牛柳粒！如果揀鵝肝嘅話可能會唔夠飽🤣呢間幾啱想食鐵板燒過吓癮嘅人🤣以咁嘅價錢嚟講，材料絕對係用得好好！lunch time可以去食下🥰同朋友一邊吹吓水一邊食，嗰度都有啲小朋友慶祝生日，氣氛都幾好！大家可以一試！人

相信老闆請食飯係人之常情既事，但估唔到係請我食鐵板燒🥺🥺 話要慰勞下我呢啲old seafood 咁喎😂😵‍💫 BTW 但今日食鐵板燒真係喜出望外，仲要係飽到食唔落😋😋😋由個前菜已經好正，有我鐘意食既海膽🤤🤤入口即溶係基本，仲要齒頰留香真係好過份😍😍 第二道係黑松露蒸蛋🥚 有冇人同我一樣都係好鐘意食蛋味道啱啱好，蛋香加黑松露絕對，絕無搶薑既部分😙😙 接下來，鮑魚，長腳蟹樣樣都咁出色😎😎 其實食到呢到都已經飽飽地😆😆 但不得不提係，個炒飯真係要食！真係要食！真係要食！因為真係好好食🤤🤤所以要講3️⃣次🥰🥰🥰 呢一餐真係好好味，服務態度非常之好，仲要好nice添，扭轉左我一次鐵板燒唔好既經驗真❤️真摯推介🙌🏻 ，一定要帶屋企人，另一伴，好兄弟姊妹👭👨🏼‍🤝‍👨🏻，全部一齊黎🥳🥳🥳P.S 個鐵板燒師傅Ken哥 好nice嫁😆😆😆 仲好好玩添🤣🤣🤣 ，偷偷告訴你一個秘密㊙️🤫，鐘意飲買酒既朋友呢到都有好多清酒🍶同生啤🍺 都時一齊飲反杯先再食啦，講咁多，飲啦😌🤣😝😘

經朋友介紹，黎左呢度同朋友慶祝生日估唔到咁有驚喜，服務員每度菜式都用心介紹，廚師用心煮理，我地叫左龍蝦，鮑魚，鵝肝….龍蝦鮑魚啱啱好，加左黑松露同鮑魚好夾鵝肝外脆內軟，非常出色最後服務員知道我地係慶祝生日，有生日甜品送，真係好細心全晚都好開心，一定會再去幫襯

兩星期前已經訂位，一心諗住三代同堂十幾人慶祝生日。結果收到以下「款」待- 女接待員對老人家態度奇差- 座位安排失當，唔想老人家換位- 落單時黑臉，態度惡劣，又落錯單- 一位帥傅主理三枱客人，分別有5，6，13人！食物粗制濫造但係餐廳有其他師傅- 倒凍sake落個壼後又唔用冰鎮住- 突然話set lunch無甜品，改送罐裝汽水- 訂位時同意免一支開瓶費，埋單時突然失憶雖然食物味道唔算差，但係仍然完全諗唔到理由會再去幫襯

四人約去食生日飯，想食日本野，地點尖沙咀區，不過價錢唔想太貴，見到OpenRice 食評，所以決定去試 灜鐵板燒。有人想食大蝦，鵝肝，有人想食鮑魚，蟹腳，最後決定叫兩份一人餐。、一份二人蟹餐。沙律，黑魚籽蒸蛋，剌身頭盤，炒飯等，雖然無驚喜，但都係好食嘅；要讚佢地嘅海鮮類，性價比高，我會推薦大家食大蝦，鮑魚，鵝肝，紫菜蚌湯，蟹腳吾係吾好，不過比大蝦，鮑魚贏咗囉😅地方環境濶落，清潔，服務員親切，如果想食一餐輕鬆自在日本餐，$800以下海鮮鐵板餐係值得一試👍🏻

去了一間很有日本特色佈置的鐵板燒餐廳吃飯，可以當去了日本自我療癒一番。「灜の越」前菜、特色沙律、大海虎蝦(L)、活鮑魚仔、安格斯牛柳、櫻花蝦炒飯、炒野菜、味噌湯「灜の優」前菜、特色沙律、海中蝦、挪威三文魚、美國安格斯薄燒牛肉、櫻花蝦炒飯、炒野菜、味噌湯點了兩款餐這個大海虎蝦非常爽脆彈牙，而活鮑魚仔鮮甜嫩肉。海中蝦、挪威三文魚，蝦煎得香脆三文魚味鮮肉厚。美國安格斯薄燒牛肉，師傅控制火候啱啱好薄燒牛肉加蔥花卷埋一齊很夾好惹味。安格斯牛柳，煎封四邊鎖住肉汁加埋蒜片一起吃絕配。櫻花蝦炒飯，炒飯粒粒分明夠爽口。吃埋甜品非常滿足。

勁正鐵板燒！！抵食又多野食揀地方環境乾淨舒服 廚師又識搞氣氛🤣傾開 原來除左餐單上面既野有驚喜！呢個好入味得黎又鮮！推！呢個價錢食到呢種質素抵到爆一定會密密黎 ps: 已經介紹左幾個朋友黎

前排在公司忙著攪Project忙到一頭煙，終於完成了可以休息半天，即刻走去搵間餐廳放鬆一下先。這裡裝修佈置很日式feel，坐下食個鐵板燒輕鬆下。 {灜の殿} 前菜 特色沙律 海苔汁帆立貝 銀鱈魚黃金燒 安格斯牛柳 炒烏冬 炒野菜 味噌湯首先來味噌湯、前菜同特色沙律🥗望住師傅鐵板燒很吸睛，帆立貝很大隻非常鮮甜，醬汁鮮味足配帶子很夾，銀鱈魚黃金燒，平時銀鱈魚食法多數香煎點沙律醬，但這裡用上蛋黃做黃金燒，味道很濃郁惹味，令銀鱈魚更香更甜更鮮。安格斯牛柳燒得香脆肉嫩夾蒜片吃最正。炒烏冬配上木魚絲很鮮味。炒什菜有露筍芽菜紅蘿蔔椰菜等，疏菜新鮮爽脆鮮甜。

生日飯，三姊妹聚一聚💃疫情期間我們都好少聚會，今次我們經朋友推介試食呢間日本鐵板燒，本身我都好鍾意食鐵板燒又好食又好睇，見地方可以舒服傾吓計飲下酒就去試下，疫情關係座位會少啲所以我們已經book定位，book定去到不用等職員已安排入座，今次安排的座位是靠窗邊可以三姊妹傾偈暢飲一番，開始睇餐牌時花多眼亂樣樣都想食，見到有疫情優惠嘅龍蝦套餐我哋就叫左試下，同埋其他我哋鍾意食嘅海鮮🦞，滿足的晚餐下次會再嚟

同朋友諗住試下鐵板燒，見到呢間性價比幾高去試下 點知無令到我失望。食物質素都好高質好多選擇，三文魚鮑魚鵝肝咩都有！服務員都好好，氣氛超好廚師好識搞氣氛，會同我地有好多互動傾下計，見玩得開心，仲請我地飲野👍🏻食物款式比一般其他鐵板燒都多，最緊要係新鮮同味道好好下次一定會再同朋友去～

喺朋友嘅介紹底下，我就去呢間鐵板燒幫我屋企人慶祝生日！首先環境方面非常之有日本嘅情懷，特別係而家冇得去旅行嘅情況之下，就好似去咗日本旅行一樣，服務方面亦都冇得彈！因為第一次去試日式鐵板燒，餐牌方面都要麻煩侍應去解釋返餐牌方面嘅所有細節，佢哋亦都好不厭其煩咁同我哋講解返！至於食物方面，我十推介鮑魚，安格斯牛柳同埋鵝肝！！！安格斯牛柳肉質鮮嫩牛味十足！！！我屋企人食完之後都覺得非常之滿意，鐵板煎出嚟嘅鵝肝外脆內嫩但係最特別嘅其實係鮑魚！！！鮑魚新鮮之余亦都十分爽口非常之滿意！有機會本人一定會再去試多次！！！

我是首次食omakase，第一次感受到omakase的情懷和文化。十分有日本文化的感覺，好像去了日本一樣。服務員又態度親切又細心，令我有種賓至如歸的感覺。食物種類又多選擇又美味比我在其他日本壽司店吃的不同。廚師經常介紹不同時令美食給選擇，還有介紹不在餐單上的食品令我感受到廚師對食材新鮮的執著。因為廚師會因應不同時段而拿不同新鮮的食材，所有時會出現一些餐單上沒有的食品。這次食omakase真是令我很驚訝，又好食，食材又新鮮，價錢又不貴。我下次也會再好好享受這間餐廳