影片
更多
2021-07-20
802 瀏覽
之前有朋友於午市時段去過呢間，大讚好食，今次我就係佢晚市時段黎試下😋.當日我哋book咗6點，如果天氣好，其實係餐內可以望到不錯嘅景觀(可惜當日落雨)，另外餐廳所有地方都好乾淨，唔會油笠笠，坐得幾舒服㗎～當晚由師傅Ken主理，除咗廚藝了得，仲好健談，原來佢仲係攝影高手！.- 蟹之鐵板燒套餐 $1588（二人前） *另收加一服務費.首先食咗沙律後就上埋刺身，有吞拿魚、海膽及黃金魷魚，3款正常冇特別；我哋呢個蟹套餐原本係有鱈場蟹腳，但當日冇就轉咗隻膏蟹比我哋😻鍾意膏蟹嘅我表示好好食，肉白鮮美，膏黃金香，有啲似咸蛋黃咁，成隻蟹蓋幾乎都係膏黎(✽´ཫ`✽)冇得彈呀.我哋揀咗照燒汁南非活鮑魚，除咗口感幾煙韌外，味道鮮甜而且鮑味濃郁，配上大廚Ken精心調製照燒汁甜鹹得宜，而且有埋三文魚籽，雖然同行友人話有啲啲咸，但我就覺得好好食喇😋.安格斯厚燒牛粒都好香，我哋叫咗5成熟，大廚亦煮得啱啱好🤤不過活蚌湯嘅蚌肉如果再新鮮少少更好，其中一兩片有啲苦澀味，但整碗湯係鮮甜嘅.臨近尾聲，送上一大碗香氣撲鼻嘅櫻花蝦炒飯，炒飯粒粒分明夠乾身，好啱我胃口😻接住上埋炒野菜及味增湯，其實由上炒飯個陣，我哋已經飽到不得了🙈
.
當日我哋book咗6點，如果天氣好，其實係餐內可以望到不錯嘅景觀(可惜當日落雨)，另外餐廳所有地方都好乾淨，唔會油笠笠，坐得幾舒服㗎～
當晚由師傅Ken主理，除咗廚藝了得，仲好健談，原來佢仲係攝影高手！
.
- 蟹之鐵板燒套餐 $1588（二人前）
*另收加一服務費
.
首先食咗沙律後就上埋刺身，有吞拿魚、海膽及黃金魷魚，3款正常冇特別；
我哋呢個蟹套餐原本係有鱈場蟹腳，但當日冇就轉咗隻膏蟹比我哋😻鍾意膏蟹嘅我表示好好食，肉白鮮美，膏黃金香，有啲似咸蛋黃咁，成隻蟹蓋幾乎都係膏黎(✽´ཫ`✽)冇得彈呀
.
我哋揀咗照燒汁南非活鮑魚，除咗口感幾煙韌外，味道鮮甜而且鮑味濃郁，配上大廚Ken精心調製照燒汁甜鹹得宜，而且有埋三文魚籽，雖然同行友人話有啲啲咸，但我就覺得好好食喇😋
.
安格斯厚燒牛粒都好香，我哋叫咗5成熟，大廚亦煮得啱啱好🤤
不過活蚌湯嘅蚌肉如果再新鮮少少更好，其中一兩片有啲苦澀味，但整碗湯係鮮甜嘅
.
臨近尾聲，送上一大碗香氣撲鼻嘅櫻花蝦炒飯，炒飯粒粒分明夠乾身，好啱我胃口😻
接住上埋炒野菜及味增湯，其實由上炒飯個陣，我哋已經飽到不得了🙈最後再以一個紅豆柚子雪糕作結尾，真係好滿足嘅一餐！
.
漏咗寫～仲有個黑魚籽鵝肝蛋，都不錯
.
另外餐廳服務其實好好，不過我哋可能太早食晚餐，未到7點前餐廳冇乜人，但侍應們間唔時都望住我哋，我知道主要係留意我哋幾時食完，就可以再上下一道比我哋，不過咁望有少少唔自在😹因為特別食蟹個陣我哋都食得好慢（P.S. 佢哋絕無催我哋嘅意思）
張貼
