瀟記麻辣小店

營業中

休息中

又到週五宵夜時間，本來想去路德圍覓食，行經呢間帶有濃濃四川風味嘅麻辣小食店，喺遠處已經被吸引到流晒口水！主食有擔擔麵、肥腸麵、酸菜魚同酸辣粉，仲有唔少香辣小食同即製串燒可以選擇，價錢合理。乾淨透明嘅櫥窗可以清晰見到食物嘅製作過程，感覺企理衛生。我哋點咗四款串燒，製作需時，去路德圍行一圈買埋飲品，大概20分鐘左右食物就準備好。魷魚鬚份量好多，一串有成十一條鬚，性價比高，而且非常香口彈牙，調味亦剛剛好。雞翼一共三隻，燒到表皮微焦，灑上白芝麻更添香口惹味。雞脆骨份量唔算多，入口香脆；牛肉串口感軟腍唔會過硬，鹹淡適中，香濃嘅調味亦唔會掩蓋牛肉嘅味道。酸辣粉意想不到地大碗，兩個人分享亦綽綽有餘，粗薯粉爽口彈牙，湯底亦夠香濃，配上香脆嘅黃豆，口感更豐富。成日都係喺路德圍覓食，估唔到今日誤打誤撞搵到呢間質素唔錯嘅麻辣小店，以後食宵夜又有多一個選擇。

又到星期六英超大戰，梗係要早d返屋企，睇波又點可以無小食送啤酒，行去巴士站途中見到呢間外賣小店，一於買返兩味試下。餐廳以川菜為主，食物種類都幾多，除咗有涼拌外，仲有粉麵同串燒，價錢都相當親民。涼拌豬耳 :豬耳不嬲都係我嘅最愛，鍾意佢口感爽脆，呢度嘅豬耳切得厚薄適中，醬汁辣辣地相當開胃，配菜有蔥花及炸黃豆，令口感更為豐富。涼拌豬肚 :豬肚切成絲，份量都幾多，入口口感好爽，吸收晒辣辣嘅醬汁，再配埋花生食，送啤酒一流。

今日喺荃灣工作，剛好中午午飯時間開始肚餓。之後走左去路德圍嗰頭搵嘢食，因為路德圍多選擇，剛好有點想食辣，俾我見到一間店名好特別（瀟記麻辣小店） 這間店主要做外賣生意，食品嘅選擇都特別多，都係以川菜為主。剛好唔知食乜，可以給我選擇，喺荃灣路德圍呢個價錢都一般唔算貴。重慶涼皮 主要配菜：青瓜絲 碗豆 芫荽 芝麻 蒜蓉 木薯粉吃落口感麻辣酸，感覺一流又開胃酸湯肥牛（選擇咗米線）主要配菜：豆腐卜 芫荽 芽菜 碗豆 （肥牛（量特別多）後加冬菇吃落啖啖肉，肥牛嘅量特別多。配上豆腐卜加芽菜加冬菇。真係好滿足😋😋😋😋

今日終於搵到機會食依間川菜小店！間店主要做外賣，食物種類都唔少，有涼拌小食、串燒、粉麵類同熟食類，Order左一個酸菜魚米線同涼拌蓮藕！🐟酸菜魚米線🍜魚片好滑，新鮮無骨啖啖肉，肉質嫩滑厚實唔會一夾就散，湯底好味酸酸辣辣，酸爽惹味，加埋豆卜吸盡所有湯汁，胃口大增，外賣關係，米線較淋，如果分湯裝就會更好，一碗份量超大份，一個人唔會食得晒！🌶️涼拌蓮藕入口口感爽脆，配上酸辣醬汁、花生及芝麻，非常可口

呢間外賣店都已經食過很多次啦🤭 一直讓人念念不忘！店內選擇非常多元化而且都唔算貴！有酸菜魚/串燒/小吃/涼菜/雞煲/臭豆腐/酸辣粉 /水煮牛肉 等等🔸酸菜魚薯粉 $58魚肉大片又鮮嫩，配菜幾多🤤 湯底濃郁鮮甜！薯粉非常Q彈，大大份，幾抵食😄🔸擔擔麵 $35麵條🍜勁道，一點微辣🤩 非常入味，可以加自己鈡意食既配菜🤤唔同配菜價錢也不一樣🤩我哋揀咗海帶➕$8 好正👍#我的美食日記#酸菜魚#麻辣小館#美食日常#吃貨日常#擔擔麵