瀛燒居酒屋

營業中

休息中

見呢間居酒屋評價甘高一於去試試！7點半去到，下層已經座滿9成，而上層都有客～ 有甘好多人食，心想品質一定有保證吧！果然，呢間餐廳無令我失望話說我同老公都無食話河豚肉，見佢有河豚肉食，一於叫個虎河豚套餐試下～上網查過，原來虎河豚係可食用河豚中最高級的！虎河豚套餐中有河豚刺身&火鍋～刺身配的是酸汁～ 河豚肉的內質跟3文魚/吞拿魚不用～它是爽口的，配上酸汁，口感味道都一流～還很開胃！再來火鍋，河豚肉煮熟吸了壽喜燒醬的味道，很鮮甜，一點都唔腥！而且魚肉的口感好彈牙～ 跟平時吃的魚不同！超級好味！虎河豚餐餐還配上魚鮨酒，魚鰭浸在酒中燒一燒，之後再焗5分鐘就可以飲～酒味在燒魚鰭時被蒸發了，酒味很香，但喝下去，酒味不重～ 味道挺特別的～之後叫了雞腎&和牛串燒～和牛肉質好嫩，雞腎夠爽口，好味！最後叫了豚肉鐵板飯～豚肉勁多，配上燒汁再和飯炒一炒，豚肉&飯吸哂燒汁的味道，超級好吃！這一餐我跟我老公都超滿足！大家都一定會來試看看！特別是虎河豚套餐！

喺openrice 見到尼間好多好評又近公司附近 所以收工同朋友去試一試，間鋪位置不太顯眼，周邊有多間車房，入左去後叫左啲串燒、壽喜燒同沙律，份量比較少，味道很普通，兩個人食左5百幾蚊不過食完一啲都唔飽🙈。

I love to travel a lot not only the signseeing part, but also the Japanese Cuisine. I found a very Japanese styled restaurant in Hong Kong this time. From the decoration to the choice of food, I thought I were in Japan.Their menu contains both Chinese and Japanese with some funny cantoons.We ordered Puffer fish set. It contains sashimi, and hot pot.  The fish layer is very thin, it tastes fresh and great!!  After that, you can use the fish bond to do the hot pot. The soup is so delicious and

雖然餐廳位置不起眼，周末的晚上卻有不少食客前來棒場。餐廳裝修充滿日本色彩，二樓天花掛滿了色彩繽紛的日式燈籠，牆上則貼上大大小小的特色海報，在舒適漂亮的環境底下食飯都特別令人放輕鬆。壽司面頭的魚生色水唔錯，新鮮無腥味。壽司飯黏度足夠而且握得夠實，所以夾起唔會咁易鬆散，水準唔錯。魷魚燒得岩岩好，有咬口但唔多筋，加上燒汁一齊食好惹味。最令人印象深刻的是清酒煮蜆和牛肉壽喜燒，用作煮蜆的湯底本身已經好清甜，再加埋大大隻嘅青口，更添鮮味。壽喜燒用的肥牛肉質軟腍無多剩餘筋腱，脂肪比較多所以油香味好濃，令人愈食愈喜歡。除左好味嘅食物外，餐廳仲準備了很多board game比客人隨便玩，又有街機同埋飛標可以任玩唔嬲，好適合一大班朋友前來食飯消遣。

今日同老公7:30係荃灣睇戲，所以又入黎荃灣搵食!本身想食返之前食過的日式吉列燒牛，可惜未夠6點間店已經有十幾人等位，我地決定搵下其他店!突然醒起之前經過一間居酒屋的日本料理，睇過食評覺得不錯，剛好有位所以試下!今日試左，蔬菜鍋、蟹肉玉子燒、燒三文魚丼同串燒蔥雞!除左蔬菜鍋，其他上菜都好慢，個每道菜好美味!蔬菜鍋湯底美味，份量亦不少!燒三文魚丼很美味，三文魚不會燒得過火，juicy!蟹肉玉子燒蟹玉美味!我地明白每道菜用心製作，不過今晚要睇戲，所以有點趕，下次要預多啲時間食哩!

今日去左荃灣一間隱世日本餐廳，因為去搵個朋友路經此地，見到個裝修好有日本風味，個餐牌都幾多款式，價錢又吾貴就入去試下，估吾到真係有驚喜，壽司竟然好新鮮，熟食方面都吾錯，串燒好入味，個魚湯烏冬好出色，個湯完全無味精，成碗奶白色，證明落足料🥰👍🏻

响荃灣廣場shopping完，跟住梗係去大壩街果頭搵食啦，不過果條街大多係茶餐廳，想食好嘢就要由橫街入手，行行下見到間居酒屋，見menu𥚃面有樣嘢好想試，因為响日本都無食過，所以就算當晚一個客人都未無，都想一試。燒雞肝(圖左一)$19🥢🥢🥢雞肝燒得外脆內軟，食落香口，可惜乾咗dd燒牛肋筋(圖中)$20🥢🥢🥢🥢煙煙韌韌有牛味，肉夾少少膏好有口感兼惹味，不妨一試燒胸軟骨(圖右一)$28🥢🥢🥢🥢少少肉附帶一片軟骨，軟熟同時爽口，雙同口感，淡鹽調味已經好好味燒冬菇 $13🥢🥢🥢冬菇大大隻好有冬菇味，但我唔鍾意太多木魚影響冬菇本身香味，所以扣咗dd分牛小腸鍋 $98🥢🥢呢個就係我最想試嘅鍋，但一嚟到覺得佢似粉腸多過似小腸，我响電視睇嘅小腸係勁爆肥膏架喎⋯⋯食過更確定係粉腸，因為其中有幾嚿係苦嘅，兼且味道一模一樣。另外，個湯汁有中辣程度，食到我噴火，真係不似預期呀軟殼蟹天婦羅 $88🥢唔鍾意個炸粉，軟殼蟹本身唔大隻，兼且斬開晒，所以唔知食緊乜二人共消費：$291

想食日本菜，常常只有大集團壽司店、拉麵、放題... 唔太想去食。最近經過見到呢間小店，決定一試呢😋裡面望落唔太大，但有上層可以坐。裡面既裝修好有日式風味呢！menu 的種類繁多蟹肉玉子燒 $78裡面好多蟹肉，外層既蛋係用簿簿的一層來卷出千層效果，唔似外面食的多是厚厚的，呢個好有家庭式既感覺☺️雞皮 $28 / 牛肋筋 $20 串燒雞皮好香好好味，不過如果切細塊些來燒口感會更好。牛肋筋都好唸，有肉汁。免治雞棒 $22 / 雞蔥串 $18 串燒免治雞棒一向都係我最愛既串燒之一，叫2串會送蛋黃可以點黎食，因為蛋黃很重要，所以叫左2串，雞棒啖啖肉，裡面有軟骨，口感更豐富。 雞蔥串燒得好香好好味。豚肉豆腐鍋 $98豚肉好厚好唸，與某火鍋放題既豚肉好唔同，好味多了，材料豐富，有豆腐、大蔥、金菇、冬菇、白菜（！？唔識分🙈）、粉絲。湯底好清甜，雖然唔濃味有點清淡，但食完覺得好舒服呢，好暖胃。每種食物都好味，下次再黎試其他先😋😋

叫完野食 等左半個鐘先上刺身之後足足等左一個鐘都未有其他野上 只係三串串燒等左1個半鐘之後搵廁所 第一次黎既我當然唔知廁所係邊 行到落樓下 問店員 店員好不耐煩地指向左邊：「下 咪係到囉！」食物還好 等候時間長 趕時間的人千萬不要試 店員態度差劣

今日嚟咗位於荃灣嘅，瀛燒日本料理晚餐，店內裝修極具日式居酒屋風格，坐得10分舒適。首先推介既係佢地既刺身，價錢唔貴，但刺身10分新鮮，平民既價錢就可以食到高水準既刺身，絕對超值，之後試咗佢哋嘅清酒煮蜆，呢個我10分推薦，蜆隻隻都好大，而且10分鮮甜，配上已昆布煮城嘅湯底，食完連湯都飲埋。店內亦有各種串燒可以選擇，個人特別推介佢哋嘅豚肉串燒，油花豐富，仲有佢哋嘅白鱔串燒，生新鮮嘅白鱔配以嫌少，非常香口，仲有唔係度度有得食嘅牛小腸串燒，燒雞皮等等，都非常推薦大家一試，最後叫咗佢哋嘅鐵板豚肉飯，熱辣辣嘅鐵板配上油花豐富嘅豚肉，香口惹未。值得一提嘅係佢哋嘅閣樓，係可以包場，環境寬躺，仲有遊戲機，飛鏢等等嘅遊戲可供玩樂，非常適合一家大細，成班朋友，包場晚餐同玩樂。推薦大家一試呢間隱世居酒屋。

朋友有日相約吃晚飯，話說有些東西應該好啱我，想約筆者交收一下，由於她在荃灣工作，當然問她有否心水推介在那裡吃晚飯，她說有間居酒屋很想試，聽到又有新野試，真的要見識一下。門口大大個牌寫著:生啤🍺任飲$199清酒🍶任飲$120生啤還有三種選擇，相當吸引由於當晚是Happy Friday, 沒有訂位，筆者答應預先早到達食店，探索究竟。進入食店，看見樓頂裝修那幾個燈籠又幾吸引。店內長長的走廊，放了五張四人枱之多，沿著直入原來可上二樓的閣樓。6:30pm 已看到廚房正在準備中⋯⋯門口有停車錶位，方便泊車，但居酒屋，飲了酒就不應揸車了。由於朋友未到，問了店員上二樓參觀一下，樓上閣樓位置，有好幾個梳化位置，適合三五知己，聚在一起，店員告知，如想坐樓上閣樓，必須預先訂坐。自家釀製日本黃柚子酒$58~自家梅酒就見得多，自家柚子酒就很少見，但由於筆者今晚自攜清酒過來，故留待下次再試吧！餐牌中，主要為串燒、剌身、壽司、炸物、燒物、鍋物、食事⋯⋯特上衘前壽司盛合$168~包括: 精選壽司八貫，小卷一客:壽司飯太硬及太乾身。⭐️⭐️燒雞泡魚乾$68~⭐️⭐️⭐️花魚一夜乾$88~和餐牌上的相片落差太大，由於燒得過火，和相

陪國內同事購完物，便送她返回荃灣如心酒店，settle down 之後，便帶她去享和街的一家居酒屋吃晚餐。雨勢越下越大，卻沒有打斷我們來這裡的興致，打的過來非常近。職員安排入座後，店長向我們推介可吃壽喜燒或清酒煮蜆。知道同事兩樣都愛吃，便索性兩樣都點了，還點了些魚生壽司、串燒來吃。見到居酒屋內放著一大壺自家手作日本黃梅子青酒，便要了一杯來試，味道果然不錯，酸酸甜甜的，非常好喝。$98的牛肉壽喜燒份量非常充足，一大碟肥牛肉，而雜菜、菇菌就墊在鍋內，還有一隻生雞蛋。店長教我們當鍋內的湯滾起，便要把火關細，然後放牛肉，咁樣啲牛肉就不會過熟，與此同時，亦可打雞蛋入鍋內，令壽喜燒鍋更滑。我們係乖嘅小朋友，一切遵循老師教導，當然可吃出牛肉和各樣配料的鮮味。串燒是牛舌、一口和牛和豚腩串，平均每串只是三十元，大大串的，非常抵食。一口和牛雖然不是入口即溶那種，但亦吃得出肉味香濃，而且非常腍嫩。豚腩串相比其他兩串串燒的香氣更特出，可能是它的油脂相對較多，燒起上來，豚腩的油脂香便散發出了來。吃來非常鬆化，而且醃得入味。牛舌是非常厚切，有點嚼頭，吃落非常香口。特上壽司一碟有八款又新鮮又大件的魚生壽司和六小件壽

呢間小店隱世係車房中間，唔熟荃灣真係要google map, 無諗過會有咁抵的日本居酒屋 店內的牆貼滿充滿日本味道的poster， 一盞盞透光紙波波燈籠，再加播住日文歌，好似去左日本咁。餐廳有兩層，樓下主要有一張bar檯同幾張4人檯，樓上好似閣樓咁，包場最岩！可能店主控制食材份量， 所以新鮮野食，好似魚呀，唔留得耐幾食物，入貨量唔多，賣完就無，好多食物都售罄 所以建議早啲黎食或者預我去當日正好無魚生，所以只好食串燒。不過串燒好正串燒雞皮 $28十個正，唔油唔肥，好香口，加埋個醋，無得頂！串燒雞翼 $22燒得岩岩好，唔老，有埋隻翼尖，加埋檸檬汁，好食串燒秋葵 ＄19 唔係度度都有燒秋葵，呢度有，又燒得黎唔乾芝士年糕 $48好味,不過一客有六小件，兩個人食好快飽串燒大蜆$68食到大蜆既原汁原味， 無用過多花巧既調味 只係加上少少鹽，對我黎講海水味太重，喜歡鮮味的朋友，應該好LIKE自家製梅酒 $45聽講梅酒係自家浸嘅，所以試下，好岩女仔飲，易入口，酒味適中，唔錯

呢排好忙，屋企亦接連發生咗一啲事，令到自己冇乜心情寫食評。見而家比較得閒，就寫番篇自己近嚟比較滿意嘅一餐啦。今次飯聚係一班家人，食嘅主要係串燒同魚生。而呢間有一點比較特別，係除咗食外，仲有得玩。佢有一部街機同有鏢掟。我嗰晚唔多舒服就冇玩到。但兩個小朋友就玩得好開心。都算係呢間居酒屋嘅綽頭啦。串燒多以內臟為主，由於我唔多食內臟，所以佢哋讚口不絕嘅雞心呀、雞肝呀、牛舌心呀、甚至雞皮呀等等，我都冇參與到。串燒我只食啲普通嘢，好似免治雞肉串、雞翼都好好味。要大讚嘅有幾款嘢，一）金錭刺身。佢提供嘅酸汁再加上蔥花同蘿白蓉，開胃醒神外，再加上魚生嘅肥香，正。二）海膽。好新鮮，冇渠味係重點，好味。三）蠔。無論係炸抑或湯上，本身隻蠔嘅肥滑鮮都可以令你滿口都感受到，絕。其餘嘅都好好，但心諗都係應該嘅，十幾個人食埋單成四千幾，招呼好都應該嘅。臨走時仲有張合照貼咗喺呢間舖，當幫佢賣下廣告啦。但整體質素都係令人滿意之上。

今晚早啲收工約friend食餐好既慰勞下自己 之前做嘢有經過呢間日式料理 已經俾佢嘅門面吸引左 勁日式居酒屋feel🏮 想試好耐 ！🧚‍♂️入到去見到好多日本舊式poster 貼滿哂牆壁 充滿日式懷舊既感覺🧚‍♂️好 我唔客氣啦！刺身三點盛有三文魚 油甘魚 鯛魚各三切🧞‍♂️ 想食刺身既朋友點盛合抵過散叫！🧞‍♂️ 油甘魚雖然未去到入口化油 但白色脂肪分佈相對較多 較肥美！🧚‍♂️ 鯛魚連少少魚皮上 更有魚味 都唔錯🧚‍♂️🧚‍♂️再黎個松葉蟹肉玉子燒先🧛‍♂️ 玉子燒帶濕潤既魚湯汁 有啲似日本市場一支支果啲🧚‍♂️ 味道清清地 可以突出番蟹肉既鮮甜味🧚‍♂️燒大蜆仲食到咸咸既海水味 好新鮮！🧛‍♂️廚師都係唔會燒到乾 保持住食物既濕潤度🧚‍♂️ 魚湯野菜鍋一上就有濃濃既魚湯味 用鍋一路keep住熱 慢慢飲哂成鍋都唔驚會凍左🧚‍♂️ 魚湯唔似加豆乳果啲變奶白色🧚‍♂️ 而係似住家真材實料既清魚湯 飲哂都唔會口渴/太咸🧛‍♂️極上壽司盛合 廚師安排整十件壽司加一客小卷🧞‍♂️ 當然唔係逐件逐件好似omakase咁上啦 但$218有貴價壽司仲想點🧞‍♂️ 有拖羅蓉蔥壽司 赤貝壽司 金目鯛壽司（應該係） 已經好有口福了🧚‍♂️