瀛喜日本料理 (已結業)

情人節要食好d~~ Lunch去食放題，餐廳是男友選的。店舖以黑色為主，面積大全是梳化座位。這裡光線較暗，Lunch放題2小時任食，食物選擇種類很多，單計項目分類已有十多款。由於時間尚早，我們不是點了太多東西吃。刺身拼盤先到，有三文魚、帶子、吞拿魚、鮑片、八爪魚、象拔蚌、甜蝦及熟蛋。刺身品種多，各款刺身新鮮，三文魚肥美、象拔蚌爽口、帶子沒有雪藏味，男友說甜蝦好吃。火炙壽司最為出色，醬燒三文魚腩壽司超讚!! 壽司細細件的，三文魚上配有沙律醬，壽司微暖跟香蔥同吃，三文魚腩的魚油在口腔溶化，十分滋味。火炙蒜味帆立貝壽司蠻特別，蒜跟帆立貝很夾。迷你海膽手捲細細件海膽份量多。海蝦天婦羅炸粉不多，炸得香脆。芝麻雞翼香口脆卜卜，略嫌太多油。日本甜蕃薯香軟甘甜，鯖魚魚皮烤得香脆沒有腥味。飲品跟雪糕以自助形式自己提取，有烏龍茶、菊花茶、柑桔檸檬等。雪糕有雀巢雪糕杯及各款雪條。我跟男友都對食物感滿意，如上菜時間快一點會更好。

今天同老公去這店食午市放題，12:00可食到3:00，$148未加一。因為要趕上班，所以1150已到門口。已有十多位長者在排隊，因為長者$108。除了燒羊架、燒三文魚頭、芝士焗帆立貝要45分鐘才來外，其他的都上得算快。我們1245已食得很飽。從來放題我不會食壽司，但這次卻叫了不少，因為它的飯細細舊，不會易飽。這裡的創意壽司很不錯，不論賣相或味道都很好。壽司和手卷都是細細件 蒜香牛肉粒很香，肉淋和充滿肉汁。燒三文魚肉質很滑。羊架不會太實。水蟹粥很香很綿，要讚。惟一不太滿足的就是刺身，看食評都讚，但我覺得除了三文魚厚切外，味道沒有什麼鮮美，帶子亦沒想像中大。呀！這裡有很多款式的飲料，是我食過的最多，而且還有雪糕雪條，有韓國牌子的蜜瓜味和朱古力曲奇味，真的超正！這次食午市真的要給多Like

琴日屋企人生日，去左食好耐無食過既日式放題，周圍「出名」既放題booking都full哂，結果揀左新開既瀛喜試下book左19:30，原本諗住好多人，結果上到去已經有張枱等緊我地~~一黎到，D待應就話比我地聽8位正價送活魚刺身同海膽刺身(後尾無海膽就改左做長腳蟹)一坐低，我地不斷剔剔剔，無論熟食或者魚生都選擇好多，老人家同小朋友都食得效率非常之快，上菜快，又唔會漏單或者比少左份量，抵讚值得推介系壽司，有好多種類而且味道特別！份量又唔會太大，一口一件家人好鐘意黑魚子三文魚壽司，話三文魚既油脂分佈好平均，而且同黑魚子好夾我就鐘意個柚子油甘魚壽司，柚子既味道好fresh 同少少wasabi辣辣地既味道就啱哂我啦仲有D手卷系即叫即做，不妨試一試熟食方面，我會推介食蒜片炒牛肉、燒羊架同芝麻雞翼飲品自助，凍飲大多系汽水、X汁先生同道X既支裝飲品；熱飲有菜蜜甜品既話竟然見到百福豆腐花同好耐無食既牛奶樂。。驚喜整體黎講，今次真系唔錯，值得去多次！！但係張枱比較細、D碟既裝飾又靚，好難放D食物

之前已經食過呢間放題幾次，上星期約左朋友聚會，想傾耐d, 就去左瀛喜食！呢間放題係荃灣區幾出名， 上 openrice search 荃灣 放題，就會即刻見到佢。星期一至日夜晚都有88折， 我星期3食$224一個人,價錢中等唔算好平，不過貪佢款色多，上菜快而且質素高。食放題梗係食左刺身先啦! 刺身既選擇夠多同新鮮，除左基本既三文魚, 八爪魚同大甜蝦，仲有鮑片，馬刀貝，帶子同榮螺。呢個黑松露三文魚壽司係我推介！好香黑松露味三文魚又夠新鮮，食多幾件先抵！蒜香牛柳粒: 炸蒜多, 牛柳夠淋又無渣，咬落好juicy， 放題中少見既水準。東風螺: 凍冰冰又無咩味， 可以唔洗叫日式炒蜆 (?): 佢叫日式炒蜆，但黎到發現係豉椒炒蜆 (好似係)。放題多數係清酒煮蜆， 但佢個炒蜆好惹味，叫1都好大兜，蜆細細粒但無沙。呢間放題既壽司選擇好多,普通壽司，軍艦同火灸都有,而且最抵讚係細細件，唔會變左狂食飯食到飽曬，呢樣好岩女仔，咁先可以試多幾款嘛！推介花之戀，火灸芝士三文魚！標題講得有生蝦, 唔會呃您既！呢間放題特別在生蝦任食，之前出post都講過啦我好中意食生蝦，呢間可以食到夠。生蝦新鮮， 個汁夠味！美中不

尋晚第一次去呢間日式放題，夜晚8點半鐘4個人等都唔使等就有得入，入面環境幾好 唔逼得黎又算乾淨。 上菜速度十分快，岩岩寫完紙比佢就已經開始上，岩哂一班朋友上去食,唔使爭野食食物質素幾好!刺身好新鮮,款式又唔算少,而且每次叫既份量都黎得好足, 擺碟都好有心機,賣相一流壽司幾的色，細細粒少飯唔會太飽,而且款式多,唔會食到厭炸物款式雖然唔多，但睇得出都幾比心機整,有蝦,茄子,蕃薯天婦羅等等都好食,另外仲有炸雞軟骨,芝麻雞翼等都好香好惹味。其他料理方面，蟹粥出奇地好食 ，另外一啲小炒都唔錯,最最最緊要食佢個牛柳粒,真係好好食!入口鬆化得黎加埋佢D牛肉汁真係一試難忘!

食放題就係要同老闆賭命，俾左錢點都要食返夠本。而刺生算係最回本既選擇，畢竟唔係間間都有生蠔果D。畫就畫左甘多件，但佢唔係俾足你，好睇師傅心情。不過就真係好鮮甜肥美! 好睇得出係生鮮野，唔係萬年殭屍刺生。最中意既三文魚油脂分佈好平均，唔會好油，令人食二三件就膩，食唔落。帶子就稍厭唔夠厚，薄左小小，不過都係新鮮。炸物都好香脆，皮唔會好厚同霉，雖然唔係即叫即炸，但至少唔係無人點，等到起冷降，如果款式多D會仲好。其他熱食都好正，而且選擇幾多! 好似個炒雜茹，好入味，真係有用心炒，唔係白烚再整色整水。壽司，即叫即整，賣相唔係好靚，但好新鮮，細細件，唔會食一兩件就飽，可以食多好幾件。

放工之後去左同事試過話唔錯既瀛喜食放題大食一餐先。當我地叫既刺身一上枱，緊係要食左我最愛既三文魚先喇。佢地既三文魚刺身都叫做幾厚切而且同其他款既刺身一樣新鮮。食完之後，仲可以再encore。而小食炸物方面，芝麻雞翼，雞軟骨味道ok又唔係話炸到好油。芝士年糕都好煙韌。牛柳粒味道唔錯同整得好“淋”。最後當然要食咩個甜品喇。我地揀左同事話充滿童年回憶既~孖條食。菠蘿同青檸既味道好清新而且好夾。

呢間係第二次黎, 上次感覺不錯, 今次改食中午, 有3個鐘, 更可以慢慢享受沙律都試左兩款, 外形好似, 味道不同, 一款酸酸甜甜, 另一款清新………..魚生款式算多, keep到新鮮, 一次過點既數量都到齊. 最出色都係三交魚同油甘魚最欣賞佢地既寿司, 飯好細舊, 上面既餸按比例大, d飯五會好實, 仲有d鬆鬆地, 但細細舊, 入口超甘香, 如飯多一點醋更好. 因我全部都係叫火燄牛肉, 火燄三文魚, 火燄…………, 所以好甘香,好正…….encore左幾次…….串燒, 牛利, 雞翼, 蝦…..…都燒得好夠, 外面有一層味粉, 好香好夠味其他一口牛, 枝豆, 炒菜, 栗米….款式都好多天婦羅都不錯, 蝦新鮮, 蟹柳味甜, 皮薄, 熱辣辣即炸, 好正總括: 因中午人不多, 所以所有食物都新鮮出品, 款式又多, 又五會漏單, 慼覺比晚上更好. 

之前同朋友去左元朗既分店食，因為今日我地去荃灣做野所以就走左去呢間近地鐵站既地方大吃特吃了～去到唔係等左好就安排入座了～一坐低就「剔剔剔」，我地點左啲咩呢？如下⋯⋯我又點左我最喜歡既燒鯖魚⋯⋯鹽燒鯖魚燒得好乾身⋯食落口唔太油淋淋⋯又冇痴牙⋯正正正！其次，我最喜歡呢兩個刺身拼盤⋯因為都好鮮味，所以encore叫多盤，份量同第一次一樣，冇漏單，不錯不錯！最後，我覺得呢隻新出既「道地」飲品，味道甜甜地，幾特別⋯都見到好多檯客有點！所以下次可以試試～

極度十分難食，刺身超级唔新鲜蒜片牛肉粒冰凍嘅，好像系雪櫃攞出來咁粟米冰凍，又乾日式炒蜆有碎壳...鲭魚有異味牛肉窝d肉痴埋一舊真係一分錢一分貨價錢平，質素差，平得來難食

因不想如母親節般又一次撲空，所以這次早兩天已訂了位1830入座，這段時間已開始多人，幸好已訂位。和家人一行四人首次來這裡吃，價錢比坊間的便宜，食物質素也不差天婦羅新鮮炸起，深得母親喜愛！芝麻雞翼同樣是熱辣辣送來，看上去雖然好像有點燶，但吃下去則香脆可口，不錯！喜歡這裡的沙律醬是分開上，很怕那些一已拌好 而且是超多醬的沙律。這裡的沙律料足，有大量的粟米和蟹柳！芝士焗蠔，滿滿的芝士鋪面，可惜底部有大量油，而且蠔也細小，不會encore三文魚肥美，可惜甜蛋有點硬 應該是雪櫃裡拿出來不久，失望！飲食業從來都是厭惡性行業，放題更甚，忙得不行。身為客人的我當然體諒，但員工黑面且沒有禮貌，服務質素真的需要提升一下。其次，便是這裡的電話總是打不通，每次也要打最少三次才接通，曾些過連續打了五六次也不通，最後作罷。

去荃灣接女友收工，順便上「開飯網」睇吓呢區有咩靠得住。第一位嘅「荳子」經已食過幾次，第二位嘅「BBQ……」好似部隊鍋咁上下嘅嘢我又嫌太熱氣，於是揀咗嚟第三位嘅呢間舖開餐。六點半已經打嚟訂位，九點一嚟到要等，原來呢度係好似戲院咁，走哂一場人至入一場。呢個制度我自己覺得麻麻哋，因為店外空間狹窄而且仲係樓梯位，有意外好易搞到個個一仆一碌。貼部份我個人覺得會翻點月必點嘅—呢間舖我覺得佢真係做放題，原因係好多同類放題為名嘅舖頭，點任何一樣嘢都大堆頭務求要你快啲食飽埋算走人。呢間舖絕對冇啲咁嘅事，佢哋每樣嘢都係合理淺嚐份量，呢一點我激烈讚賞。但係，我覺得有四點要改善：1.餐具好多跡，要我自己抹。2.唔好要啲客企哂响門口等。3.輕微漏單送錯枱。4.限食兩個鐘對於年逾三十需要細嚼慢嚥嘅uncle auntie嚟講係極大嘅消化系統負荷挑戰，無怪乎現場所見七成以上客人都係大學生年紀以下。搞場食三個鐘，可以嗎？

這天與朋友來到位於荃灣的瀛喜一來到，朋友們先點了一大盤刺身，水準OK啦，不是超班，但仍不過不失。但我個人上，比較喜歡的是這裡的熟食。上圖為蒜香牛柳粒，下圖為七味炒牛肉。這裡的天婦羅也不錯。香口而不油，炸粉薄薄的！這裡的炸物也不錯。特別推介芝士年糕同紫芋甜粟子餅。芝士年糕煙韌可口，紫芋甜粟子餅煙韌味道有層次。蟹粥，味道鮮甜。胡麻冷手打烏冬，胡麻味道不錯，烏冬也是煙韌有口感。牛油粟米極香牛油味，是不錯的選擇。甜品更有迷你百福豆腐花，細杯朱古力雪糕及一口雪糕糯米滋，很喜歡迷你百福豆腐花，細細盒，即使食完還可以食其他甜品呀！要提一提，這裡不同時段有不同優惠，晚市$200不用有這樣的食物質素同選擇，已經很OK了！

相比起其他既日本放題，的確依個名係唔夠出名，但水準都唔差，最重要係如果冇咩人排隊既話，咁就唔限時任食，當然啦都唔可以太過火lol係生冷食物方面都算不過不失，但我鍾意叫個陣佢比足料，咁就唔洗叫好多轉 最impressive既係熟食，特別係燒羊架，肉汁好夠，又香，叫左幾次黎，哈! 仲有芝士既都好入味，燒物真係好食，覺得好似比起刺身之類既野食更抵食好想再去呀! 最好唔好揀假日去lu

今星期終於見到半年都冇見既舊同事。作為身邊流動openrice 既我,當然係我諗去邊間食啦。。今次係選了荃灣區,我就選擇了一間應該開了差不多半年的日本放題。已在早前天訂了6位星期日7點3分(送一板海膽)去到門口有十人左右等位。原來全都等7點30入去食。入面比我心目中大同位置大得坐得舒服同乾淨。等了10分鐘都冇就入得。食品種類都不少,飲品 有藍妹,汽水,茶之類都吾錯。好快6個同事都黎齊,當然食個刺身啦，刺身新鮮之餘都大件。款式都叫多同厚身。串燒種類都不少,當然有燒菠蘿(多汁又香口。我最愛當然叫了不少),牛肉粒,九菜都十 分好味(最好有整燶而太乾)炒菜都有炒味不會係求其之作。羊架只作一般，個人覺得細少少會更好。最驚喜壽司一呀粒勁開心,可以試不同味道。天婦羅同煎魚只作一般。好驚喜！沒想到有生蝦刺身都新鮮和（新產品）柚子魚壽司，同事勁鐘意食，有少少柚子味配合魚的鮮味好正！但送的海膽只作一般。每人一少口。我地最後坐足2小時。有雪糕送(必有)，但竟然有百褔豆腐花實屬少見。最後結帳,優惠88折,每人$213左右都叫合理。最後總結覺得上菜速度都 快同準,以放題黎講已經好好。