瀛喜日本料理 (已結業)

今晚約咗朋友去元朗瀛喜食放題，荃灣𠴱間已經試過幾次，感覺都唔錯，所以都有啲期待，朋友book左枱，準時七點半安排入坐，入到舖入面，坐位整齊，美食行先嘅大前提下，我已經準備左‘眼闊肚闊’mode,開餐嚕！一開始緊係點最鍾意食嘅刺身啦，剌身選擇都唔算少，三文魚，甜蝦，吞拿魚，喜靈魚.....刺身終於上場啦，各款都唔錯都好新鮮，可以食多幾轉翻本。食緊既途中侍應拎咗兩隻鮑魚黎，話係預先訂枱送嘅，成件事感覺又抵左。由於驚食太多飯會好飽，所以都唔係好敢叫咁多壽司，不過呢間都係細細件嘅，啱曬我，食兩件先等於一件,壽司我最推介嘅係火炙左口魚邊，火炙牛肉，燒得好香，好味。至於天婦羅畀我想像好，因為好多舖都會粉漿太厚，食天婦羅就好似食粉漿咁，但瀛喜就做得唔差，起碼我唔洗食成呎厚嘅粉。整體黎講，都叫唔錯，上菜速度快，而且侍應服務態度唔錯，魚生刺身新鮮，希望下次再黎！

今日好想食放題，但係又唔想出元朗....所以就揀咗間"瀛喜日本料理"放個靚題先刺身種類都唔少, 有三文魚,吞拿魚,油甘魚, 凡立貝,甜蝦等等。 每款都叫左啲黎試, 雖然每片魚生都比較細片, 但味道幾鮮甜, 唔會話一陣雪味。 壽司有成三張紙可以揀, 好多種類. 要推介三文魚子手卷仔, 細舊容易食。仲有左口裙邊, 劍魚腩,黑松露三文魚... 等等。燒一口牛, 雖然唔係和牛但一啲都唔韌, 個汁唔會太濃, 整體唔錯,成碟都可以食曬。天婦羅, 個粉唔算厚, 個人特別鐘意食佢個南瓜,因為好甜,天婦羅最正就係配南瓜同甜薯。燒物揀左翠肉瓜-燒完都係勁多汁,雞軟骨-一層肉一層骨,食多幾串都無問題。菠蘿-燒過嘅菠蘿最好食,甜到無朋友。炒野菜-甜左少少。串燒蝦-椒鹽灑上面, 肉都新鮮無痴殼。蟹粥-!好鮮甜 配埋粟米無得輸。蜜桃蟹子沙律- 同出面芒果蟹子沙律咁, 不原來罐頭蜜桃 感覺都夾。

去依間食LUNCH係因為係度睇到食評，講到好似唔錯，2點就仲有8折添，而睇完D價又平又幾多款式，所以就好TRY TRY，BUT.......第一次去到，諗住3點3食TEA，一去到，SORRY，我地落場關門了，心諗又話2點後8折，咁快落場第二次去到，2點半冇死啦，點知，店員話2點45分就落場關門，你食唔食得切丫是我錯，上次冇問清楚第三次去喇，2點即入，冇死啦但全場都係食放題中，連店員都好驚訝我入黎咁，但心諗明明話2點後8折，唔係FOR人幫襯依段時間架咩結果好明顯廚房係主力做放題果邊的，我這個唯一單點客被遺忘的，最後這少少的食物需時35分鐘先送上份量比預期細，味道就爭鮮左右水準啦，放題都仲可以有點期望，但午市單點就咪搞了，因為佢都冇諗過做依D人生意咁

真係search 下知道喺元朗有日本野放題,仲要有折, 就入去食夠兩個鐘佢!首先點嘅一定係刺身啦老實講..刺身黎到感覺係比較細件, 但每款都好鮮甜。我平時好少食希靈魚嘅因為怕腥, 但呢度好甜, 要encore 3次先夠喉!仲有油甘魚 同帶子 都係好甜。蒜蓉燒帆立貝-好味, 細細粒的。蟹粥, 推介一下.我一人食左一鍋! 個粥有落腐竹同粟米所以好鬼甜。三文魚頭-張order 叫三文魚頭, 但黎兩次都係呢個骹位, 仲好!燒得剛好, D 肉仲keep 到嫩身。三文魚子手卷仔- 一口一個燒物都好出色-翠肉瓜 厚切燒, 燒完仲非常juice。雞軟骨用呢隻白色一片的,間住雞肉。 我個人鍾意呢種多過 一粒粒嗰隻, 因為冇咁硬!一口牛, 切得好細, 入味 又唔會over cook阿根庭赤蝦壽司 - 新鮮爽口。蟹膏蟹棒壽司-蟹膏可以多一點就好喇。壽司都有好隊款式, 有劍魚腩 同左口魚裙邊。總括黎講, 價錢合理,係元朗一個不錯嘅選擇。

閒日去幫襯 係繁忙時間都有位可以即刻入👍🏻👍🏻入到去座底即刻寫紙叫野食 唔洗5分鐘就有 效率高 而且質素好 刺身好新鮮 蟹粥都好鮮味 不斷加紙 出野食既速度都好快 又keep到個質素 野食款式好多 環境都算乾淨 讚價錢好抵食 730-9點黃金時間都有85折 4個人加埋$900有找 感覺唔貴但食得好開心 但係甜品款式唔算多 不過雪米池好食 服務態度都好好 經理店員都好有禮貌 不斷會有人可以幫手收碟 野飲甜品叫完轉身就有 唔洗等好耐 食得好滿足

每次經過交通廣場，見到呢間瀛喜成日都坐滿人，成日都話下次試下次試，但元朗嘅美食實在太多，所以終於都到咗呢個下次呢度食物種類好多刺身少不了，睇個樣都覺得好新鮮，而且雖說人多單多，佢嘅刺身保持到冷凍又唔會熱嘅溫度，呢個值得一讚同行妹子話最鐘意呢個泰式鳳爪，酸酸甜甜又真係幾入味幾開胃呢個扇貝雖說唔算大粒，不過勝在配料好幫手，咬落香氣四溢，係可以再點之作個台灣腸都真係幾好味，出面街買一條都要六蚊，呢度任叫，食到唔食為止係幾香牛油味，但反而呢碟要追下單其他仲有好多，但因為限時關係，掛住食就唔映咁多相啦，呢個價錢任食唔算貴，同埋指定時間離座仲有優惠，下次再食過！

刺身全部都新鮮甜美，而我最鐘意就係三文魚、八爪魚同埋鮑魚片！刺身盤仲有乾冰，睇起黎好fancy架! 壽司方面，芝士吉列蝦反卷都值得嘗試，除左芝士同炸蝦，仲有d蟹子，口感好豐富！北寄貝壽司就同平時食開個d差唔多，不過食落都好新鮮！另一推介係櫻花海鰻卷，粉紅色架，甜甜地，幾好味！除左刺身同壽司，食日本放題梗係唔少得炸物。我地叫左炸蝦餅、炸蝦天婦羅、蕃薯天婦羅，全部都外脆內軟，個餡炸完仲好juicy! 最後私心推介牛油焗蕃薯，蕃薯鮮甜又軟熟，齒頰留香！

餐廳位置唔難揾，係元朗西鐵站F出口經形點2期條天橋行過去6-7分鐘左右就到。放題食物選擇都充足。食日式放題當然要食刺身，我地大部分刺身都有叫，全部刺身都勁新鮮，我地不停encore甜蝦，又鮮又甜。壽司都係必點，啲壽司飯唔會大大舊，唔洗怕頂肚。小食推介泰式蝦餅同吉列蝦，炸到金黃香脆，一啲都唔膩。另外一口芝士同炸香芋球仲可以當甜品食tim，兩者配合一齊食，食完一啖咸芝士再一啖甜香芋，口感一流，簡直絕配！燒羊架同一口牛都值得一試。7點半至9點半時段埋單仲有88抵，抵食！

好耐冇食放題啦！畀成班fd捉左去山長水遠嘅元朗食，仲要係食瀛喜。。。以為都係同其他一樣，又唔係wor! 有驚喜平日的人流不多 靜靜地位置坐得舒服點餐紙係晒度 唔算話好多 不過基本放題食物都有～ 而我比較欣賞呢度嘅手作壽司...Round 1 各款壽司壽司細細件，岩岩好一啖一件～粉紅色卷住住鰻魚，酸酸甜甜好好食！蟹肉沙律壽司都不錯不錯。各款刺身三文魚同吞和魚麻麻，感覺不太新鮮。甜蝦同帶子就夠晒鮮甜，食唔停！可再encoreRound2 壽司again第二轉嗌火灸壽司，和牛燒到五成熟好好食～仲要有d洋蔥甜味～燒鯖魚，去日本必食，食放題都必食！魚皮好香，d奧米加3勁豐富，食完一舊都幾飽，要同朋友share仲有必食必食必食嘅芝麻雞翼，芝麻唔係落左好多，不過外皮爆脆，一咬落去又熱又爆汁，肉嫩嫩的一口芝士粒同榴槤炸蛋都是甜品類要到最後先食，如果唔係就太滯了。呢餐都算抵 加一後200零 食物整體都唔錯，住元朗嘅人都可以一試！

元朗呢放題食左好多年，一直都高質抵食，刺身鮮甜，甜蝦係我最愛，三文魚同吞拿魚都好肥美～食完刺身要食d飽肚嘅壽司，有燒燒系列，個人覺得和牛不錯，牛味濃郁。而卷物就有不同配搭，不止得芝士鰻魚卷，每種都各有特色，唔會一樣味，粉紅色個卷酸酸甜甜，好好食！和牛嘅近鏡，燒到半熟，肉汁好多好豐富～要特別一提仲有佢個天婦羅，加紫菜粉的確係少見。味道不會單一係炸物味，加埋紫菜勁好味呀！！仲有小食，雞串同雞腎，好入味～～除左日式八爪魚同螺肉仲有泰式鳳爪！埋單兩百零一個人，食物普遍都ok 人客唔多時坐得舒服，慢慢食都得，呢間係會keep住黎食嘅放題～～

早排食完瀛喜又食另一間瀛喜，元朗呢度位置比較難搵，鋪頭細細唔算多人，唔使等位，極肚餓！開動！！食物大路，同一般的放題冇咩分別。不過食食下發現幾樣食物都有驚喜，呢幾樣食物係我我最愛。。。鹽燒三文魚頭以為三文魚頭冇咩肉食，原來係魚雲個part肉，魚肉超滑而且有好多好多魚油，燒到好香，食完一舊要再嗌～香辣雞翼好辣人士一定要試，外脆內軟之餘，辣度非常勁！勁惹味，食口水都流晒出黎。各款天婦羅天婦羅有紫菜味！而且好濃，好好好好食！！仲有八魚天婦羅，圓形一舊咁樣好特別呀，個皮仲係熱辣辣！辣酒煮蜆都唔錯，蜆肉大大粒咁，辣得惹味好快就食晒luuuu串燒之中我就最愛呢個煙肉捲蠔，煙肉香香的，卷埋蠔個個磨味剛剛好。燒元貝，比較細件，食蒜蓉多過食粒肉😂甜品有雪米滋～每次黎都唔同味，睇運氣，我食中左綠茶yeah!!埋單一人218,款式多而且當中幾款都係特別，都算抵食啦～

D FD帶我去食放題，窮窮地咪食平D囉，佢地話呢間放題夠哂平，二人同行第二位都係$99入到去都已經好多人，不過只係等左一陣位，都算快手先黎第一輪先啦，叫哂D壽司黎醫肚，我地一大班餓鬼幾多都清得哂，壽司Size中等，味道不錯，刺身都新鮮，飯亦都唔會太大舊黑松露三文魚，三文魚冇咩筋，軟滑而且味道鮮，黑松露散發陣陣香味，好食燒左口魚壽司，左口魚肉好軟，有少少溶既感覺，油脂味頗重鰻魚壽司，鰻魚肉加上燒汁好味！鰻魚肉都夠滑，一口一件都算輕巧鹽燒大蝦好夠味，蝦夠大隻而且肉唔霉，只係剝蝦有D麻煩姐肥牛金菇卷，正啊，估唔到呢到有得食，味道好入味，牛肉好軟冇咩筋又唔肥粟米有牛油味，鹹鹹地好夠香，而且粒粒夠甜，又鹹又甜都好好食炸雞翼夠多肉，雞翼多汁嫩滑，好好食呢，忍唔住叫多幾轉，熱氣都要食！最後黎番煲熱辣辣又飽肚既蟹粥啦！蟹粥好多粟米啊，粥味濃郁仲有D蟹肉味，好正，邊個話食放題唔可以食到靚粥？食咁多野少不免口渴要飲下野，離不開都是忌廉溝鮮奶，夠凍，任叫，爽！

要數平價放題真係出左名係瀛喜啦，瀛喜次次去親都非常多人，食放題另外一個重點係夠平夠抵食有時候糧尾真係好慘架嗚嗚瀛喜既刺身，舊舊都係厚切，數量都比足哂，帶子好肥好鮮甜，三文魚夠肥美，八爪魚片都好爽口。屋企有人鍾意食粥，所以叫左煲蟹粥。粥煮得好綿，入面仲好有料，有蛋絲有栗米有原隻蟹，蟹都多肉呢。壽司卷物方面，款款都好夠料，唔會散收收，而且都係出面冇既款式。蟹膏皇帝蟹棒超正，鮮甜既蟹棒一直都是我既至愛，再搭埋蟹膏，要encore多幾次！炸物唔少得天婦羅，有多肉甜甜地既南瓜、蝦唔叫太多，反而想食多D蔬菜，仲有蕃薯，全部都熱辣辣新鮮呢。日本甜薯，夠細粒，一口一啖，多肉又夠甜，好食！炸雞翼好香芝麻，炸得香脆，多肉好味！雞軟骨幾串幾串黎啦，夠味而且有肉有咬口。仲有泰式炸蝦餅TIM啊，估唔到呢到放題都有炸蝦餅食，如果有埋甜酸醬就正！

每次諗唔起想食咩最好就係黎食放題，今次由家人帶我黎食，又係因為諗唔到食乜同埋可以坐耐D。6點幾黎到餐廳已經坐到7788。黎得食放題又點少得食特色壽司呢，火灸三文魚，火灸蟹柳就必食，將刺身火灸到6成熟，口感係半熟，相當吸引。仲有蟹膏皇帝蟹棒壽司，口感鬆軟，入口香甜。仲有天婦羅蝦卷物，蝦肉爽脆，卷物入味。串燒除左雞軟骨等，仲有鹽燒海蝦，海蝦燒到乾身，裡面既蝦肉爽甜仲有蝦膏添，係唔錯既串燒。炸物就有芝麻雞翼同吉烈蝦等，芝麻雞翼外皮炸到香脆仲有芝麻味添呀，裡面既雞肉就滑溜，仲有雞肉汁係裡頭添。最後食埋個煮物，係牛肉壽喜鍋呀，牛肉充滿鰹魚汁，零舍入味，仲有豆腐同埋金菇等既配料，令個壽喜鍋食落更加味道豐富。

是日5：30前入座第二位有半價，但半價以小朋友行下，長者不設優惠。我地4個大人2個小朋友，埋單$1048. 我地先黎一轉刺身和壽司。食物都上得好快，三文魚厚實，帶子都新鮮，但系螺肉就一般切得好系件好碎。甜蝦好細條，花之戀好細舊,新鮮度一般。壽司方面推介火炎三文魚同埋蟹糕蟹柳棒壽司。鰻魚壽司覺得一般，個醬太甜。另外串燒系即燒，上台熱辣辣，加埋椒鹽，味道一流，我地反兜左幾個回合。推薦芝麻雞翼，雞軟骨，雞腎略硬。 熱食叫左蟹粥，有半隻三點蟹，粥底好綿，有粟米，十分鮮甜。另外叫左海鮮喇沙麵，海鮮都足料，但好辣，味道系姜粉既辣。甜品既選擇真系好少，系超級少。得大腳板， 雀巢雪糕杯， 糯米糍 。最後我地都無叫到。整體上，質素環境ok。