瀛喜日本料理 (已結業)

今晚一行7大1小朋友，準時7點半到場，入坐都算快速，服務態度普通，女侍應態度串串地，環境普通，坐得比較迫。食品種類一搬，正常大路野都有齊，刺身，燒物，炸物，熱食，飲品都有，係壽司,甜品款少d。刺身新鮮，炸雞亦都好正，仲送飽魚海膽，電話訂位有88折，埋單每人$234，食足2個鍾，都算抵。 總結: 三五知己相聚傾計好去處，但如果著重食品的話就可以試下其他，因為食品真係一搬。

星期六傍晚，又係一家去街食飯的時候，本來打算去yoho mall食放題，但去到人山人海，於是立即轉場去交通廣場的瀛喜日本放題。(無錯，係同yoho 的放題店爭一個字)入到去見全場差不多爆滿，我地都立即開始點野食。黑松露三文魚壽司花之戀，芝士炸蝦反卷，三文魚加州卷。壽司同卷物都正常味道啦。火炙三文魚壽司火炙左口魚壽司，呢個應該係全晚最好味，入口即溶。刺身，第一次食放題只係點左一次刺身，仲要食唔哂，個質素可想而知。刺身雖然係第一時間點，但都等了比較耐才上。碗仔翅，好大煲。羊架，肉都幾淋。蒜蓉烤帶子，Size小但味道不錯。串燒選擇好少。天婦羅番薯幾好食，encore了一次。炸物，唔好點炸芝士，好漏唔好食，榴槤炸彈和雞翼跟外面食的差不多。牛肉壽喜鍋。雖然價錢比起yoho 放題店平，但食物質素不高，選擇亦都不多，飲品都只係得好選擇，侍應收紙的速度算快，但仲有15分鐘先last order已經不停比人催要不要加單，我話如果有就會起last order前比，個人就嬲爆走了。無下次👋🏻

十分新鮮刺身,第一次出時仲會有煙霧,見到已經想食,追加左幾次,都覺得好味!分量唔算多,可以食多好多款,十分滿意的放題,希望再去! 因為5:30食,二人同行,一半價!

今日入左元朗，肥妹女友話食放題講左好耐，見呢間門口好似幾多人排隊，啲野食款式都幾多，應該唔會伏得去邊，上openrice睇過食評都唔錯，既然係咁就梗係去馬，好彩我地两個，等得都算快入座必食呢個扇貝，雖然細細粒但幾好肉地，唔會過熟牛舌薄切，一啲都唔鞋口，小小辣，夠香口刺身你寫幾多佢上幾多，無呃秤，但前提係你食到幾多先好點幾多，我有肥妹女友先敢點雙位數，佢食刺身真係勁過小林尊壽司飯唔會太大舊，因為總會有啲人唔食飯而去浪費舊飯，唔好做大嘥鬼啊呢個泰式鳳爪小弟我非常欣賞，肥妹女友鐘情喺佢嘅刺身，呢個鳳爪酸甜恰當，好鬼開胃呢度野食太多，不能一一盡錄，呢個價錢咁食法，肥妹盡興而歸！

一街都知道去元朗搵野食一定好頭痛，唔係因為冇嘢食而頭痛，而係太多嘢食都唔知食邊樣好。突然又想食放題，所以去咗哩間瀛喜日本料理。通常放題都做到啲枱擺放到好逼，因為多一兩張枱既營業額都有分別。通道好闊，冇個種好似係街市行路嘅感覺，令人行入去食野都放鬆好多。佢同正常既放題一樣有大約十張食物嘅落單紙比你寫你想食嘅數量，而且每張都路會太少種類，一般既放題食肆都會有。交咗食物紙大約5分鐘，刺身就已經上到枱面，上食物速度非常快，因為食放題除咗要食到飽為止，另一方面都要食肆上菜速度夠快。首先刺身望落都幾新鮮，三文魚切得厚，食落啖啖肉。甜蝦食落亦冇膠著既感覺，幾清甜。Sushi天婦羅方面有新鮮感，因為佢會係個蝦天富羅上面加小小紫菜碎，令到個天富羅更加好食，因為好多放題食肆都係就甘比天富羅同埋加個汁比你點嚟食。重有個蟹粥雖然擺左一陣先食，但係佢加左粟米落去煮，令到個粥好甜再加埋隻蟹就岩岩好。飲品方面就正常既汽水例如可樂、七喜等等。侍應嘅禮貌亦好好，佢地唔會擺出個種想食快啲食完要你走個種感覺。

​ 元朗灜喜真係好抵食，因為住元朗嘅關係， 一放假就想同朋友去食下，地點真係好就腳，就係西鐵站附近。 最中意灜喜啲嘢食種類多，又特別，尤其係特式司呢一項，我會推介花之戀！ 平時嘅花之戀大大件要分兩啖，一咬就散， 佢哩度嘅花之戀比較細件，啱曬女仔食，可以一啖食曬，正呀！ 然後仲有炸榴連波波，作為榴連發燒友嘅我，只要見到榴連製品就會好瘋狂， 當然要點嚟試下啦，咬落去果然冇令人失望，外脆內軟， 榴連料係即刻湧岀黎，仲要好甜好多，一試難忘！ 當然唔少得刺身啦，三文魚、帆立貝、希靈魚都係我必點的， 而且呢度嘅刺身都好新鮮，入口鮮甜，食得好放心。尤其係三文魚呀！ 起級厚身，咬落去啖啖肉好鮮！肉感充斥成個口真係好滿足！ 食到最後仲嗌咗個牛油焗蕃薯仔，一份有成八粒， 都幾多份量，好香口，帶甜，細細粒易入口，正！ 佢哩度仲有甜品㗎！不過太飽無試到！留翻下次食下佢啲雪糕先 仲有環境同服務都不錯，待應都好有禮貌呀！屯元天嘅朋友，諗住食放題可以試試哩間喇！

難得放假想食下啲好嘢，再食茶餐廳真係會對唔住自己個胃，周圍問下同事有咩好介紹，結果佢地都推薦我要試下元朗嘅灜喜，又平又抵食咁話。到步唔怕搵唔到，因為有好大好出位嘅招牌，而且地點好方便，唔怕係山旮旯要搵好奈。見到餐牌有咁多嘢食真係好驚喜，基本嘅刺身熟食乜都有，而我最中意嘅就係「一品料理」嘅地獄蒜心炒雞腎，食落辣辣地，雞腎又爽口，真係好開胃。同埋燒粟米係勁香口，又清甜，我係食唔停口呀！食放題唔一定要狂嗌刺身嘅～不過講到刺身，不得不提三文魚，因為刺身類我最喜歡就係食三文魚，而灜喜嘅三文魚厚度適中，唔會太薄，仲要係挪威空運返黎，質素有一定保証！仲有甜蝦虎蝦都係我最愛，真係好鮮美，望落啲肉係晶瑩剔透，食落更加係入口即融，去哩間放題一定要食呀！佢哩度除咗普通嘅汽水飲料之外，仲有得叫韓國啤酒，又幾得意，用黎送啲燒嘅熟食同炸物係一流！哩間鋪質素真係幾好，店入面嘅裝飾都好得意，係充滿日本風情嘅掛畫。下次帶埋屋企人再戰先！

前幾日就同朋友入左新界食飯，突然好想食放題，就去左元朗近交通廣場既灜喜日本料理去試下！一去到當然睇下佢既放題有咩食啦！！原來佢係有好多款嘢食！有分好多張紙！真係令人花多眼亂～刺身當然係唔少得！一定要嗌架去食放題～呢間既刺身好新鮮！三文魚好大件！好厚！值得一讚👍佢既泰式鳯爪都好好食！好夠酸～好岩做開胃前菜！牛油粟米都好香！好香牛油味～睇得出落左好多牛油！冇偷工減料👍飲品都有好多款！岩哂咩都想飲下既朋友仲有個大大煲既蟹粥叫！係真係有蟹架個蟹粥！入面仲有粟米同蛋絲！蟹啲鮮味入哂個粥入面！好正～終結：我同我朋友都話幾百蚊！好抵食！會再黎食！加上佢有好多款食物 可以食到好飽！十分推介喜歡食日式放題既朋友黎試下食！一定唔會後悔

上星期日同女朋友黎e間野食,結果食到一肚氣食物: 還可以, 火炙壽司比較好食, 但選擇較少環境: 一個字: 逼價錢: 係平出面幾十蚊,但選擇又少d姐服務: 不知所謂服務絕對要鬧爆, 話明2小時放題, 6點8入侍應話食到8點半, 算, 豪2個字比你但到8點正有個女侍應竟然問我地同隔離台last order, 重點係隔離台早過我地食, 我食緊野都未得切反應個侍應剩係收左我台點菜紙走埋, 最搞笑連隔離台見到都覺得怪, 隔離台都攞番佢台d點菜紙俾我地話可能搞錯左, 講完佢地就賣單走啦, 當初我心諗都係, 其實當時我同女朋友都食到差不多飽, 但我想搞清楚於是再問番個女侍應, 佢竟然再收走點菜紙話會收半個鐘last order又轉身走左. 咁都得?  咁隔離台客又唔見一早你收???  雙重標準定係佢發雞盲?後來問番d元朗人食過都冇聽過早半個鐘last order囉......

星期六放假有人話要食好啲，無食晏嘅佢又話要打邊爐，但繼上星期五雞煲同星期六火鍋後，我要休息一下（唔知點解啲男人咁鍾意打邊爐😑），於是比佢帶左我去食放題。我地無book枱，五點八去到好在都有位，職員話做緊每位228，第二位半價，埋單$371兩個人，食到七點半，幾抵噃😲。我地坐低左之後睇左一次有咩食，都分左好多類野食，壽司、刺身、沙津、天婦羅、一品料理、煮物、小食、炸物、甜品及飲品等等，不過每類入面嘅選擇唔算多，基本野都有嘅。飲品除左罐裝同紙包裝嘅野飲外，仲有熱嘅薑蜜同柑桔蜜，喺咁凍嘅天氣有即整熱飲飲都算唔錯。啲野食上得好快，不過壽司同刺身size偏細，正常應該會叫幾轉，但由於我唔知點解無乜胃口（可能天氣太凍我想食熱野多啲），我食左一round就停左，最後有叫到牛肉壽喜鍋同蟹粥食下，味道都ok嘅！甜品得三款㨂，有迷你雪糕杯、大腳板同埋一款唔記得左係咩，迷你雪糕杯係雀巢仲要無味㨂😩見到隔離枱有心太軟食但張紙又唔見有，問職員原來要預早一日預訂的😲結果其他食客仲努力密密食，但我地七點到就埋單走人lu~ 呢個價錢下次有胃口嘅時候可以再黎試多次！

前幾天，我跟朋友到了元朗的瀛喜吃放題，我們選了下午六時半的時段，那時餐廳已是半滿，半小時後更是全滿，一個空位也沒有，甚至有不少人在外面等位，我們吃的那天只是平日，不難想像週末或假日會有多熱鬧。因此，如果真的想在這餐廳吃放題，記得要提前一至兩天預訂座位。這家放題的魚生非常新鮮，款式亦十分多，而且還有獨家創作的多款創意壽司，味道也相當不錯，值得一試！特式壽司 好好好好食啊！ 基本上款款我都好鐘意 但黑松露帆立貝同埋芝士蝦係my favourite 平價放題試唔少 好多時最伏都係壽司 因為唔係買現貨 要考師傅嘅手勢 呢間真係平靚正 最後食到有啲膩嘅時候，就貪得意叫咗個牛油粟米試吓啦，好甜同埋好香牛油味此外，這店的店員也相當勤快，每每看到有吃完的碟子，也會立即上前收起來。非常滿意！

前幾日同fd入左元朗搵野食 經過交通廣場見到地下有間瀛喜 就心思思想試下同荃灣個間有咩分別😂入到去店員就安排左四人位比我地兩個 張枱都夠大唔會擺多兩碟就無位放見到食物都幾多選擇 見到有燒扇貝😍 又有和牛壽司 即刻心心眼！ 嗌完第一輪我諗大概五分鐘就已經上左第一碟 好有效率👍🏽 而且值得一贊既係 壽司舊飯掐得好細 室溫 無話凍冰冰又硬咁 感覺好新鮮真係既場掐出黎🤤 好有良心唔會好似其他放題咁 比一大舊飯你想撐飽你🕺🏽刺身亦好新鮮！件件啲色水都好靚 無一大陣既雪藏味 特別推薦甜蝦 真係好好食好新鮮！我點左兩輪 加埋有40隻😂其他小食都好有水準 例如炒牛柳粒、串燒、天婦羅咁 都係熱辣辣上碟 唔會話一早整定擺係到有人點先拎出黎 成餐飯我都好驚喜 因為質素真係同以前荃灣食差好遠👍🏽以後放題都會揀元朗瀛喜 遠少少都制🤤

來到瀛喜食放題簡直係要乜有乜 ,你想像唔到都會有 , 壽司、軍艦、刺身、串燒、天婦羅、一品料理、手卷、卷物、煮物、燒焗精選、小食沙律、甜品、飲品十三張紙，簡直係樣樣齊，任叫任食，時間好，地點好，仲可以分時段有優惠， 由百零蚊至二百零蚊都有 ，係邊到揾呀？！ 推介 一下炸榴槤波波先，榴槤味濃到不得了，我一咬開果陣味連坐隔離枱既人都聞到，即刻落多個order！ 而d天婦羅呢就真係好似去咗日本食咁，面果層粉好薄，一定唔會蓋過食物味道。 而刺身方面，唔使講，一定有三文魚、劍魚 、帶子、鮑魚、甜蝦、希靈魚等等， 你鍾意食嘅一定有 ， 而且每樣都好新鮮，色澤好靚！ 絕對要搵相機食先！壽司就要食花之戀、海鰻、火串燒方面，好愛佢點清酒雞腎串、燒汁雞肉同燒黑豬仔串，三個味都夠哂特別同嘢味！ 小食沙律我推介胡痳沙律、凍茄子、蟹籽沙律，味道清新，一份夠兩個人享用！ 食完咁多嘢實口渴啦！我哋叫飲品叫到一枱都係，確係暢快！瀛喜日本料理地址 元朗鳳翔路2-6號交通廣場地下8號舖

前兩日經過元朗見到瀛喜放題價錢唔貴就同朋友入左去食試下喇 點知超驚喜 平價又高質！因為得兩個女仔所以我地每樣份量都點好少 驚好快飽 呢個決定好正確 因為佢啲刺身真係件件都又肥又厚 甜蝦大大隻 又凍冰冰 滋味到不行啊但係抵讚既係佢壽司既飯係細細舊 一啖可以食哂 唔似出面平時勁大舊飯 食兩三件就已經會濟 所以壽司我地點左成兩轉 因為真係款款都好好食 芝士吉列蝦反卷大推啊 佢蝦真係新鮮既炸脆卜卜 一啖入口正串燒真係熱辣辣即整 同平時十幾蚊串的無乜分別 緊係食番夠本最搞笑係煙肉生蠔串 一見即刻試 兩樣放埋又幾夾 甜品方面如常有放題必備的粒粒雪米糍 好開心一抽就抽中芋頭味 仲有飲品居然有道地蜂蜜綠茶 平時多數個烏龍茶 好難得啊意料之外的好食好質數 下次一定擇日再戰 推介喔

來到瀛喜食放題簡直係要乜有乜 ,你想像唔到都會有 , 壽司、軍艦、刺身、串燒、天婦羅、一品料理、手卷、卷物、煮物、燒焗精選、小食沙律、甜品、飲品十三張紙，簡直係樣樣齊，任叫任食，時間好，地點好，仲可以分時段有優惠， 由百零蚊至二百零蚊都有 ，係邊到揾呀？！推介 一下炸榴槤波波先，榴槤味濃到不得了，我一咬開果陣味連坐隔離枱既人都聞到，即刻落多個order！而d天婦羅呢就真係好似去咗日本食咁，面果層粉好薄，一定唔會蓋過食物味道。而刺身方面，唔使講，一定有三文魚、劍魚 、帶子、鮑魚、甜蝦、希靈魚等等， 你鍾意食嘅一定有 ， 而且每樣都好新鮮，色澤好靚！ 絕對要搵相機食先！壽司就要食花之戀、海鰻、火串燒方面，好愛佢點清酒雞腎串、燒汁雞肉同燒黑豬仔串，三個味都夠哂特別同嘢味！小食沙律我推介胡痳沙律、凍茄子、蟹籽沙律，味道清新，一份夠兩個人享用！ 食完咁多嘢實口渴啦！我哋叫飲品叫到一枱都係，確係暢快！知道瀛喜有兩間分店，另一間係荃灣，下次一定再約朋友食過痛快！