瀛喜日本料理 (已結業)

對新界區真係一啲都唔熟悉。今日同朋友因為工作關係去左元朗，收工行過呢間門面幾搶眼嘅日式放題，好肚餓嘅我地就入去試下啦！同好多放題一樣都係任飲任食，呢度嘅飲品款式大多數係韓國貨，感覺幾好。刺身第一碟上枱嘅時候特別肚餓。三文魚及帆立貝都好大舊。刺身嘅款式都種類繁多: 甜蝦，玉子，吞拿魚，油金魚，馬刀貝，鮑片，八爪魚！其餘比較特別啲嘅有: 珍珠黑鳥貝，榮螺片。味道食得出新鮮，所以最後我哋叫咗好多轉！原隻帆立貝芝士焗扇貝邪惡嘅蛋黃醬+芝士+蟹籽連埋一齊焗，入口好香蛋同芝士嘅味道！真係太好味，我哋總共食咗一打。紫薯牛油焗，好香口。入口超清甜。食多幾件都唔會話好滯！蜜桃蟹籽沙津沙律質素高，入口唔會成咀都係沙律醬。爽口又清新。蒜香牛柳粒牛柳粒味道濃，鬆軟。上面鋪左炸蒜，如果鍾意飲啤酒嘅朋友一定都會好鍾意呢個。炒蜆雖然呢度係日式放題，但係居然有泰式味道嘅炒蜆出現！抄得好有火候而且有少少微辣。又係一個好開胃嘅小菜。迷你雪糕糯米糍雪糕糯米糍嘅味道都係隨機抽俾你嘅，今晚有芝麻同荔枝味，總括來講都幾好。另外仲有大腳板雪條，雖然真係好想食。無論係主菜天婦羅都好好食，唔經唔覺我哋已經飽左個肚。

返工壓力大，最好嘅減壓方法就係約埋一班好同事喺放工之後大吃一餐， 順便呻下工作嘅壓力。位於交通廣場嘅《瀛喜日式放題》算係一個又坐得舒服，嘢食又好嘅餐廳。一坐低，各人就急不及待咁點嘢食， 睇睇下原來有成十三四張點餐紙咁多。第一樣要食嘅一定係刺身啦， 呢度嘅刺身選擇都有成十幾種。 特別推介嘅就係馬刀貝同油甘魚刺身， 馬刀貝非常之爽口， 食落又鮮甜。而油甘魚就好肥美， 獨特嘅魚香味十足。 另外甜蝦都非常大隻， 充滿蝦膏， 令人百吃不厭。至於壽司， 火炙壽司種種都不錯， 壽司飯細細， 啱曬我哋呢啲細食嘅女仔，可以食多幾舊。 火炙牛肉壽司好香好好味，燒得又夠香，加埋上面嘅京蔥同日式醬汁， 忍唔住要再encore。 另外花之戀壽司都唔錯， 三文魚好肥美， 配合買細細嚿嘅飯同bb沙律汁， 真係會令人忍唔住食多好多件。至於炸物， 一定要食嘅係芝麻雞翼。 芝麻雞翼嘅炸漿裏面混合大量芝麻， 食落夠曬香脆。 至於炸年糕食好煙靭， 食落唔會覺得好油膩。至於燒物方面， 燒三文魚頭都好出色。 魚皮燒得好香脆， 魚油流曬出嚟， 驚腥嘅朋友可以唧啲檸檬汁， 魚肉非常之滑溜， 鍾意食魚嘅朋友一定要試。至於燒茄子同埋焗扇

放工之後鬆一鬆 ，同朋友去食呢間“瀛喜”放題，因為book咗枱所以唔駛等，一坐低就見到好多款式俾我揀。 又有刺身又有壽司又有燒物又有炸物， 真係睇到人頭暈眼花。食放題一定食刺身啦！刺身拼盤好快就送上， 大大盤 ，味道唔錯仲好新鮮添。 三文魚腩好肥美， 帶子亦好鮮甜， 甜蝦仲幾大隻添。跟着我們點左其他食物，燒物有三文魚頭， 三文魚頭好肥美， 燒完之後油香十足。吱少少檸檬汁， 食落就更加滋味。炸物推薦炸生蠔， 炸生蠔即叫即炸， 新鮮熱辣脆卜卜。 入邊嘅蠔肉好juicy， 食完一次都要encore第二輪。燒羊架，同芝麻雞翼，我覺得都係必食推介。 羊架夠曬酥香，好好食。 芝麻雞翼外面佈滿芝麻， 非常之香口。醃得有夠曬入味，讚~仲有唔同嘅火炙壽司， 燒牛肉同燒松葉蟹腳都好好味。 燒牛肉配上京蔥， 夾埋牛肉食非常夾。最後甜品仲有大腳板雪條同雪糕糯米糍，好滿足呀！整體來講地方都算就腳，職員服務態度都唔錯，食物又快送到，值得再來。

琴日同朋友去試呢間放題，地點就腳唔太難搵， 因為book咗枱，所以好快就有位。 食放題梗係先食刺身喇，所以一坐低我哋就即刻點刺身 ，刺身拼盤好快就 上到而且冇扣數，寫幾多上幾多，仲唔會薄切切碎濕濕，仲好新鮮添！壽司方面都唔錯，舊飯細細個，啱曬我哋呢啲鍾意食餸唔食飯嘅香港人，食完一輪壽司刺身跟住就是燒物、炸嘢同串燒 ，種類都算幾多，每樣試啲好快擺滿成張枱。記住要食芝麻雞翼、燒茄子仲有燒帆立貝。芝麻雞翼熱辣辣好香脆，加埋芝麻同埋少少辣好香口 ，燒茄子面頭配左啲炸蒜蓉，D蒜蓉同茄子非常搭！ 個芝士帆立貝加左啲沙律醬焗出嚟熱辣辣好好食，可以追加 ！仲有個焗日本甜薯仔，薯仔好甜，令人食唔停！ 值得一讚嘅係佢出嚟啲食物仲keep到熱辣辣同脆卜卜， 食落唔會有肥膩的感覺 。另外，羊架和牛柳粒屬水準之作。反而個粟米蟹粥有意外驚喜 ！粥底都幾棉，加埋粟米甜甜地幾好味！ 最後甜品有任食雪糕糯米糍同大腳八 ，雪糕糯米糍細細粒有好多款口味，每款口味試一粒都好滿足 。整體嚟講，地方尚算舒適，地點就腳，職員服務態度唔錯，上食物速度快，食物新鮮，種類算多，唯一要扣少少分嘅係甜品種類比較少，但總括嚟講可以再encor

好耐之前同朋友食過，覺得幾好，今晚又同元天屯友再食，價錢加左少少，但半價優惠還在，食宵夜時段好抵，又唔使等位。飲品有一般汽水等，要了至愛的忌廉溝鮮奶同烏龍茶。刺身賣相幾正喎，三層冰再加乾冰，好有氣勢。三文魚厚切肥美，帶子鮮甜，吞拿唔算好肥但都有魚油，仲有個期間限定嘅珍珠貝，好爽口，另外甜蛋都好正呀。芒果蟹籽沙律同瀛喜沙律，前者清爽，後者落左麻醬，兩款都好味。火灸壽司系列，細細件飯軟綿，唔錯。串燒類，個人覺得燒翠玉瓜真係好正，雖然簡單，但佢燒完仲係多汁又香口。其他壽司，花之戀同樣細細件，包住嘅三文魚肥美，又多沙律醬，正。另外呢個香蕉卷真係要讚一讚，香蕉香甜，外到層蛋糕軟腍富蛋香，好好味encore左好多次，不過個人覺得佢唔應該列入壽司類，似甜品多啲喎焗扇貝又係勁正，多芝士，爽甜，好好味。太愛甜蛋encore左一碟，好奇怪咩鍾意食甜蛋？！點解周圍啲食客望住嘅？encore完數回香蕉卷後正式叫甜品，有大腳板，雪糕糯米滋，同雪糕杯，嘩嘩，好耐無食過大腳板了，整返支先，朋友要了雪米滋，好滿足呀。仲有好多野食未影相已被ko，感覺食物款式多左，上野快左，無乜漏單，同朋友吹吹水食飽飽，好滿意

又黎左食放題，元朗店，食最後一場，一黎平啲，二黎就朋友放工。一般放題店食物都係大包圍，咩都有得食先正，有我至愛花之戀，大大pat沙律醬好正，牛油粟米勁牛油又正，蕃薯仔落左牛油焗都好味，炒蜆就無乜肉食。沙律ok，蒜容燒茄子正，有燒烤店效果，泰式鳳爪見咁多人叫又叫下，無乜特別，唔夠酸唔夠辣。仲有串燒，炸野，天婦羅，壽司，刺身咁囉，掛住食無影相lu，有朋友至愛的甜蛋，佢叫左好多，雪糕可以任食，有雪條，牛奶公司杯仔，同雪米滋，勁鍾意雪米滋食左好多粒，香芋味，荔枝味，原味，正。

每次從B仔那邊行番西錢站搭車既時候都會望到有間放題躲藏在停車場轉彎位但次次不經過也想不起這餐廳想說下次吃又總是忘了這次又朋友親自提醒便去了吃刺身的擺法很有心思把蝦刺身成了很唯美的裝修品連朋友都不發覺是自己點的蝦珍珠黑烏貝真的很少在放題店看到吃下感覺很新鮮，口感很似曾相識真心推介一試三文魚厚薄均勻脂肪比例如圖玉子不會太甜有微微的蛋香味油金魚刻意切得比較小件應該是明白了客人吃太大件吃不出其味道而且油金真的小件些比較好吃赤蝦壽司意外的好吃不會太黏口，而且蝦味比較濃蟹膏蟹棒壽司也是不可忽略味道很新鮮火炙黑椒和牛壽司超讚黑椒味道不會太強，反而突出了和牛的味道和牛一口即開，很香的油從入面散開燒三文魚壽司也很讚半生熟再加上醬汁及香濃既魚油順帶一提，壽司飯做得很不錯不會太黏口，飯粒分明醋的比例也不俗燒菠蘿很厚很厚又甜又多汁，而且沒有焦味天婦羅也不錯喲，粉漿不會太厚蝦天婦羅很爽口，外層更有紫菜粉，別有一番風味蟹棒天婦羅也不錯紫心蕃薯天婦羅很好吃吧（可憐扔了在地上吃不了）牛舌必點啊～十分爽口，醬汁也很好味花之戀的三文魚略嫌少了些但沙律醬的味道很搭配海膽手卷的海膽很甜Size也很符合大吃特吃的我紫菜略嫌軟了

同朋友聚會，黎到呢間位置上比較偏僻嘅放題但估唔到價錢ok之餘，味道都好正！拍得住出面啲放題！ 刺身黎講水平好高，三文魚厚得黎脂肪同肌肉均稱，勁有口感個人特別鍾意帆立貝同甜蝦，呢2樣新鮮之餘，口感上係比較軟同林～當然仲要味道都幾甜，唔點豉油同wasabi都好鮮味，好評！當然唔少得都試下間間唔同嘅創作壽司～最右手邊嘅Banana反卷其實係由麵面包住香蕉，口感意外地鬆軟creamy加埋細細塊酸酸地嘅士多啤梨，甜甜酸酸幾過癮旁邊嘅蜜桃大蝦米紙卷賣相係幾特別，食落好爽口，但食唔到咩蜜桃同大蝦味咁至於再旁邊嘅喜之壽司同瀛創壽司（海膽加吞拿魚），同樣地賣相同味道唔錯不過以上呢3樣，個人覺得有少少圖文不符，size縮左水咁，如果可以大舊少少就更好啦個人最鍾意就係泰式虎蝦壽司同堆火炙黑椒和牛壽司！虎蝦一如以往又爽又甜，而個泰式醬都調得好好，以酸為主，但都有不可忽視嘅辣味，勁正！火炙黑椒和牛就絕對係最愛，和牛燒得啱啱好，又爽又林仲勁多汁，有淡淡嘅火炙燒味，果斷推介！放題竟然有得食鳳爪，當然要試下啦～估唔到呢個絕對係驚喜黎！鳳爪比較偏向泰式味，以酸做主打辣為輔口感係爽到不得了，連骨都應該醃到林晒軟晒，輕鬆咬

今晚與朋友到元朗瀛喜食放題，環境氣氛都十分好，位置寬敞，得很舒服。各類不同的壽司整齊地排列在面前。蟹棒鮮甜味美，鰻魚又滋味，配上鰻魚汁確實好吃, 其他的也不錯。四隻鮑魚躺在冰塊上静候我們的食用，鮮甜多汁的鮑魚一口一隻，完全不韧，而且沒有添加任何調味料，可以吃到鮑魚的獨有的鮮味。最吸引的刺身終於出場😄，擺設得當， 三文魚腩和三文魚刺身肥嫩味美，色澤鮮艷，新鮮可口。還有甜蝦，雞蛋，帶子等等，目不暇給，大飽眼褔和口褔。我的最愛---鹽燒雞軟骨，一客的份量，雞軟骨的口感本來就很好，咬的時候很過癮，加上點點鹽味為整體提升了一個層次，香脆好味。熱騰騰的，為在冷空氣享受放題的我們帶來了陣陣的溫暖，這杯酸酸甜甜的除了解渴，更舒緩了胃部的飽濟感，讓我們可以多吃好幾道菜，很適合在放題的時候點上一杯。

適逢我家不弄坎日而只食了輕量的晏晝，便約友歎歎一個早DD的晚餐、祭祭我饑腸轆轆的五脏。迎面就被瀛喜大大的價錢牌吸引，日式放題全場88折……不再猶疑推門入内。Menu值得一讚，清楚得來又有圖文介紹。先來一轉刺身，肉質新鮮，擺得美觀，食慾大振。壽司一般在放題都不太吸引我，但見鄰枱的壽司好似象棋大小，食了該不會太飽肚，見創作壽司的相好吸眼球便點了幾款來試試。上枱時越看越覺得它cutie到不肯，好似微型食物的微放版，卡哇伊呀。其中最特別的要數蜜桃大蝦米紙卷，桃的鮮味帶出蝦的鮮甜包米紙而非紫菜有D新意。全場卡哇伊之冠要算這店的迷你手卷，只是大半枝竹籤那麼大，有D不捨得食入肚翡翠海蝦天婦羅炸得恰到好處，蝦爽、海苔味好出。幾巡食物落肚已七成飽，但仍Encore這鹽燒海蝦串，因着實鮮甜味美。飽的感覺又增多點，但無甜品不完美，便點了Banana反卷。迷你現身，包的是麵包非飯，不太甜郤蕉味十足，食佢滿足度十足。口說不能再食，但敵不過心魔又再點了，嫩嫩汁多的鹽燒牛舌，並以勁好味的燒菠蘿作今日的最終回，大滿足作結。

今日陪太太去元朗行街，經過呢間日式放題俾佢嘅鋪面招牌吸引住。所以就入咗去試。火炙鰻魚壽司，花之戀，迷你海膽手卷隔離枱食緊壽司，見到呢度嘅壽司好的色。平時食放題絕對唔會食壽司，因為真係怕我太飽。但係見到佢細細粒於是就叫啲壽司嚟食吓啦。火炙之後嘅鰻魚壽司入口幾香！花之戀同樣地，飯嘅比例小過三文魚，令人食完都唔會太飽。同樣地海膽手卷係我見過最迷你嘅！啱晒食放題但係又想食壽司嘅人。瀛之黃金翅之所以叫呢個翅真係比佢個名吸引住！一上枱嘅時候心諗其實同碗仔翅有咩分別啊？不過，入口發現佢嘅素翅份量其實都好多，味道都唔差，兩個人share啱啱好。吉列廣島蠔炸蠔味道好出！唔錯唔錯白飯魚天婦羅曾經係一啲中式餐廳食個椒鹽白飯魚，呢度居然有白飯魚天婦羅。呢個真係送酒之選。食極都唔會飽嘅一個天婦羅，正！炸芝士年糕同樣地炸芝士年糕，當然係鍾意食芝士嘅人必定之選！相信食過嘅都知有幾好食。牛油粟米牛油粟米係喺好多街頭小食裏面比較健康嘅一種！食完咁豐富嘅放題有返啲蔬菜食下個人都舒服好多！另外值得一提嘅係，呢間餐廳嘅上菜速度真係超快！以前試過食其他放題，上菜速度慢都好似唔想俾你食咁。而呢一度就完全冇呢個感覺！唔錯唔錯！

由細到大都住喺新界區，屯門元朗一帶已經非常熟悉。講到好嘢食，大多數集中喺元朗區！西餐，中餐，酒吧，糖水舖。。只要你諗得出嘅元朗都有得食！今日行過呢間唔係開啟大街大巷嘅日式放題，未算係晚飯時間但係裏面都坐滿左八成嘅客人，見到咁嘅情況一於就入去試下啦！點菜只都有好多選擇，操好多放題一樣都係飲任食，呢度嘅啤酒就係韓國嘅hite，飲品款式大多數係韓國嘢飲多，感覺唔錯。紫薯呢個紫色番薯經常會係一啲日式燒肉店度食到，細細粒， 入口超香甜！由於尺碼細嘅關，食多幾件都唔會話好飽！刺身船刺身船嘅旁邊擺放左乾冰裝飾，上枱嘅時候特別搶眼。三文魚及帆立貝好厚身，刺身嘅款式都算好齊全，種類繁多:鮑片，玉子，吞拿魚，油金魚，馬刀貝，甜蝦，八爪魚！其餘比較特別啲嘅有:珍珠黑鳥貝，榮螺片！總括來講都算好新鮮，正！蜜桃蟹籽沙津呢度嘅沙律整得好唔錯，入口清新！晶晶可以中和返食放題嘅飽飽滯滯。蒜香牛柳粒牛柳粒入口鬆軟，上面鋪們左炸過嘅蒜蓉，食完一碟忍唔住嗌多一碟原隻帆立貝芝士焗但我會上面鋪滿左BB沙律醬(蛋黃醬)，雙面再鋪上車打芝士！再加入少少蟹籽，嚴格來講你一個配搭好夾！入口香，味道濃之選燒菠蘿超清甜嘅燒菠蘿！以前只係喺

第一啖食帶子已經覺得好腥，吞拿魚好似像筋最基本的蟹籽沙律唔好味，可能係沙律醬問題蟹是梅的，蟹粥同串燒蒜條都好咸，炸雞軟骨好像吃炸粉，蕃茄烏冬都可以有「叔」味！無樣野好食！完全中伏！

近近地留番系元朗搵野食男朋友話想食放題好啦，其實得一間....所以就黎左瀛喜老老實實，岩岩開果陣食過係吾錯嘅仲帶埋屋企人黎食不過後期屋企人話愈做愈麻麻，野食等得耐又漏單而且仲質素下降有見及此，我就緊係黎求證下啦睇下係甘岩失手定真係退步？首先睇刺身，睇落吾錯，但食落甜蝦同三文魚都冇味帶子似橡膠之後黎嘅刺身連冰底都冇好吾衛生再試下壽司，還好，冇差到火灸係一直係我最愛見到都流口水不過講真，整體質素真係差左，野食好吾齊同埋大致上質素差左寧願下次搭車出旺角食好少少

今日同屋企人慶祝生日，但...食完都幾掃慶首先去到座位好逼，一早講左有bb 但都冇幫手安排...都算，服務態度都唔好，留單問題極其嚴重...最多只上左1/3嘅order...好難得食放題食完都唔飽 酸醋青瓜，極酸，酸到食唔到 何其無味，食邊一種嘅刺身都分別唔大，只得凍同芥末味... 全日最滿意就係壽司，手撐壽司細細件，好易入口，味道都係正常 天婦羅，炸粉唔算好厚，香口但都係冇味... 牛油雜菇，唔知點解係用淡牛油沙，味道好淡同唔配搭 海蝦，冇味加唔新鮮，好痴殼...肉質霉爛... 燒菠蘿，係好明顯沉左糖水，太甜...雖然食得放題都唔預會好高質，但呢餐真係...冇野好講