澳門翠苑餐廳

營業中

休息中

食過兩次,水準都keep到,幾好好大個包,外脆內軟,好味個羅宋湯唔差喎,幾好飲凍咖啡好香濃

主人與奴隸獸去看晨早場電影，睇戲前當然要食早餐喇！所以光顧了『澳門翠苑』，我們點了：1. 沙爹牛肉麵＋火腿煎蛋配蒜茸多士（HK$20）：沙爹牛肉麵的味道一般喇！反而蒜茸多士令人有驚喜，多士烘得非常香脆，除了蒜茸牛油，還灑上了少少香草，可謂錦上添花，令蒜茸多士的味道更香濃特出。2. 葡式鮮茄牛腩湯通粉配熱咖啡（HK$20）：蕃茄湯雖然不鮮紅，但蕃茄的味道卻非常濃郁。通粉的配料還有紅蘿蔔，薯仔，牛腩的份量亦頗多，味道確是頂呱呱。

又點可以錯過旺角第二強餐廳呢~去朗豪坊,行過對面便是了,也去一試咖哩包.十二點半去到,當時並不太多人, 五分鐘便有得食了.包果真幾大個,兩個人食岩好.熱熱地又夠脆,點咖哩又好岩口味,少許辣,真的不錯,好食!跟餐的羅宋湯比較咸.

今日叫左咖哩牛柳農夫包餐作dinner~好開心呀,想去好耐架,終於有人帶我去 ^^ !睇左D食評,有點戰戰兢兢咁去食好想食o既豬排包同埋雜菜錦盒都賣光了>< "好彩咖哩牛柳農夫包餐都不錯首先來左個凍華田,久久冇飲,好好味最好係個餐有人會幫我捧黎,熟食中心都唔使自己拎 !首先飲左個好家庭式的雜菜湯,好家庭式,不是特別的鮮味~但又唔難飲好體貼地,俾左一對膠手套我食包包!好!開餐! 個咖哩汁不是想像中的差,本人最愛嗜咖哩汁,來一口,好,不太油,夠杰身又有薯仔喎! 用來點包真可口!咖哩牛柳都好好味呀,係我愛O既牛柳質感,又有"牛"味;因為好多時其他地方的牛肉沒有任何味道又乾,最怕的了!有少少筋, 又唔太肥,冇欺場而又真正的"柳"!個包一點都唔硬,又脆口仲以為熟食中心會食到熱到唔想食,原來熟食中心都有AC 的!實在值得番撻 !

前一排約左朋友睇野.要落旺角醫肚,有機會一試大名鼎鼎o既澳門翠苑茶餐廳.咖哩牛柳農夫包餐加凍檸茶$43+$2=$45比錢,之後佢會送黎比你.包用錫紙包住，打開熱辣辣的,勁脆,不過要小心d包碎飛到周圍都係.牛柳幾多,但有d韌.農夫包用黎點咖哩好正.好食係幾好食,但唔係驚為天人果種.差唔多要$50算唔上柢食下次試下第二樣.

見d食評咁好，出開旺角緊係要嚟試吓。要咗0架喱牛腩 & 0架喱雞農夫包，包中間的0架喱份量唔係好多，牛腩好淋，好味過雞，個包好脆好好味，點0架喱食一流，一個人食一個餐真係好飽，連男朋友仔都食唔晒嘛；個湯都ok，起碼唔係淡；之前已經提男朋友仔要涷啡，點知佢唔記得咗，好彩佢話買時個人推介佢飲，咁就飲到喇，都幾好味。哩間都係一間有誠意的小店，雖然環境就真係麻麻，但值得一試。

因為佢，我地行左好多冤枉路以為係花園街街市點知唔係去到旺角街市點知乜都冇好彩，臨走時經過朗豪坊終於見到我地個目標 !因為佢，感受到o係其他熟食中心享受唔到既服務估唔到熟食中心有買完等佢送上台咁好既服務 !叫左一個越南海防米線餐奄列轉豬扒包加凍啡一杯凍啡果然夠細心，怕冰融左會變淡，特登放 d 咖啡粉o係面等你慢慢飲慢慢撈不過估唔到最正既係海防米線，芫茜湯底 I LIKE IT !反而唔知係咪因為跟餐呢，個豬扒包冇我想像中咁正 ..............

見到咁多人介紹呢間餐廳d野, 所以今日就去試下個咖哩牛柳農夫包餐(43元) + 一個豬扒飽(15元).咖哩牛柳農夫包餐:個咖哩牛柳農夫包好大個, 仲有杯野飲+羅宋湯. 食哂一定飽!豬扒飽:可能之前食過澳門正宗0既豬扒飽, 相比之下..就覺得呢間0既豬扒飽冇乜特別, 感覺好普通.總結0黎講, 都可以一試

我今日跟朋友去試下:我的朋友一食就話D咖哩汁好好味，我就叫了咖哩雞農夫飽餐，她就叫了咖哩牛腩農夫飽餐。我覺得D雞幾滑再沾些咖哩汁，很好吃。不過當我們食完了D料，剩下外面的飽，總是有些欠奉。不過值得一提係，那兒的人員服務態度不錯，因為個餐要等，有專人會直接送到你坐的位置。

今日試左牛腩農夫包餐,牛腩非常小檸檬茶污穢不會再去

黃曆四月三十．宜出行夜　雨夜風雷大作三名夜行人，滂陀大雨中疾步趕往旺角熟食中心行動: 食飯目標: 農夫咖哩包＊　　　　　＊　　　　　＊　　　　　＊　　　　　＊　　　　　＊約了女友 & 朋友尊程來一試，望望餐牌, 43財一個農夫包, 心諗: 都幾貴, 加埋野飲咪成60財？是但啦, 就點了農夫豬扒咖哩包。問老世係咪咖啡同奶茶最出名, 佢挺胸收腹好有自信咁答: 我相信我地D奶茶同咖啡全場最好飲。嘩！差D見到佢股氣勢由鼻哥窿噴出黎咁滯。結果要了凍奶茶, 只係收了45個大洋, 原來包飲品, 仲包個湯。我且…真係豬到暈, 仲要怪錯人…以為收得貴。老闆叫我搵位坐, 放個牌仔(好似買雞個牌咁)響檯度就得, 自然有人送個餐俾你。Food court都咁好服務？有點受寵若驚。女友去第度買了涼瓜肉片飯, 極普通, 按下不表。朋友都係去翠苑幫趁, 買左個咖哩魚塊飯, 都過得去, 30財包凍飲, 抵！大約15分鐘左右, 見到阿姐送個餐到, 見紙仔寫住 “灰男”, 原來暗號黎, 係指灰色衫的麻甩仔 - 小弟是也。鍚紙包裹著熱辣辣的農夫包, 外皮香脆, 裏面柔軟, 點下咖哩汁黎食, 又幾好食喎, 不過如果咖哩汁可以

出晒名既農夫包餐自然是前來的原因，其他都是澳門的葡國式套餐，價錢也不貴，叫了一個鮮油農夫包餐，一個咖哩牛柳農夫包餐$43，連2杯凍飲$80，付錢後找個位坐，約十五分鐘店員就棒餐過來，服務不錯！包用錫紙包住，打開熱辣辣的，賣相不錯，敲1下就知皮很脆，包好大個， 包肉非常軟熟，配著咖哩汁吃不錯，可惜牛柳是過分的韌！實在難以下口，難吃的很！咖哩也非常普通，實在不值，不知好在哪裏？跟住試下老婆仔個齋包，同我個包完全唔同的，皮脆好多，可以連皮食，配著鮮油吃味道還不錯，而且鮮油是用冰粒墊著的，不錯。算係見識過了澳門餐，可以1試的，但不會回頭了。

火腿煎蛋--蛋即煎夠熱蒜茸多士--好多蒜茸+牛油,夠野味沙嗲牛肉麵--大大碗,抵食,味道OK凍奶茶--都幾滑,有茶香

冒名帶老公老遠跑過來試招牌農夫餐。咖哩牛腩和雞兩大份﹐ 跟凍啡和紅豆冰。$91葡式咖哩唔夠辣﹐ 略甜﹐ 椰汁過多﹐ 嫌餾左DD。 老公係法飽痴都食唔晒。 麵飽唔夠脆唔夠熱﹐ 要扣分。牛腩OK﹐ 再凜會好D。咖哩雞夠滑﹐ 入味﹐ 正。凍啡有特式。紅豆冰大大杯﹐ 夠凜﹐ 好。服務OK﹐ 唔洗牌仔都認得我係邊個﹐ 無送錯地點。 飯堂環境麻麻﹐ 比領匯執執會好D。 食環處管理做唔做都係三十六。 睇睇隔離朗豪FOODCOURT 點管理就知龍與鳳LA。大排檔地點套餐收 $43 貴左D。搭抬阿叔係老街坊﹐ 食緊翠苑旁邊個間煎蠔餅﹐ 孟話正﹐ 用原始鴨蛋煎。 可惜農夫飽太大份﹐ 下次試試。

食評遲了很久才寫..4月頭專程一試點了咖哩雞肉農夫飽餐,- 咖哩很油,也不很有咖哩香和味- 寥寥數舊雞肉,,還算不賴..不過量真的過少- 唯一可讚的是 個包 正點 外層很脆 內層鬆軟!!!gd! 包蓋好似餅乾咁- 羅宋湯 唔係真材實料 色水已經覺得稀..味又唔係淡既 調味料 落得多掛=_=overall, 試下無妨但唔會再去