澳門翠苑餐廳

營業中

休息中

又係晚餐既時候喇....成日去旺角都唔知食咩好喇....今次就去左一試呢間向酒店一樓既熟食中心....貪佢夠特別....哈哈二人同行.....所以都係一人叫左一個餐1/ 咖哩豬柳農夫包 + 凍檸茶2/ 咖哩牛腩農夫包 + 凍央兩個餐一齊到.....包埋羅宋湯....個湯其實唔錯....有屋企煲既味道個包最開頭食仲好脆....點埋個咖喱真係好 match個咖哩一D都唔辛辣....仲幾有椰香味添.....我個豬柳唔錯...一D都唔"鞋".....仲好有咬口....不過另外一個人既就麻麻喇.....D牛腩有騷味.....仲有好多唔知咩既毛向中間....我地唯有"筆"開佢....當佢地只係用黎扎牛腩既水草....之後繼續食埋個包....個包實在太大個喇.....我地都係每人食左半個就收手喇....野飲方面...個檸茶就無特別....而個凍央就好重奶味....不過真係要提醒諗住去試既新朋友....始終係一個熟食中心....如果你唔介意同一D叔叔搭枱...同埋食食下有不明既蚊仔飛來飛去....都不妨去試下啦!!!

03.07.2008 7:10左右同男朋友去睇WANTED之前去左試,,因為佢呢~幾鍾意易牙個咖哩面包盅以為bf會一個人食得晒之餘會仲未飽,,於是叫左2個,,諗住可以我食半個,,然後佢食埋果半個佢,,咁就岩岩好na.咁就叫左一個牛柳,,一個豬柳.跟住等左5-8mins點知可能去食之前我係奇趣買左豆沙燒餅同嚤囉酥俾佢食呢..結果佢都食唔晒..預計錯誤..晒左d包tim..牛柳幾有牛肉味豬柳就..好似食到雪味…不過都唔係件件食到有,,所以overall黎講都ok.d咖哩唔錯,,我唔係幾食辣,,so食到dd岩岩好既辣味,,幾正.而d湯幾好飲丫,,雖然一d雜菜都冇,,但唔知佢係味將d薯仔整做薯蓉先放落湯到,,定係將佢切得好細粒呢,,啖啖都飲到dd既薯蓉沙~未試過,,我覺得口感幾正杯凍朱好好飲.下次要試個豬扖包!!

曾經耐人尋味的登上第一位，因此一直都很抗拒專登來試。要不是一班朋友來這裡，又是搭單試一試，我想我是不會幫襯的。要了個咖喱雜菜農夫包。麵包外層的確很脆，但，吃包要脆只有這裡麼?汁是螢光汁，索了汁後的包也不見得特別好吃。那雜菜就更是求其，有點瘀瘀黑黑的，湯還是茶記例水，茄羔都未溶得掉。好在哪? 不是平平地就值得笑吧?

旺角區工作，所以大部份旺角區既食店都試過很多了旺角來講熟食中心算平既一個地方~農夫包一個人咬不下，也不覺得特別好吃…所以多數點其他。叫親晚餐永遠都中計：第一次叫個雞絲炒飯，完全無味早幾日吃葡式咖喱豬柳飯…唔知係咪趕收工…d飯好似漿糊咁一pat pat…咖喱又好似粉咁唔太好吃… =口=下次都係叫返穩打茶餐牛腩湯通粉配個豬扒包算了…

星期一晚同個friend去左旺角熟食中心到食農伕包餐, 我叫左個'雜菜' 另外朋友仔叫左個雞. 個餐包括: 大大個皮脆(大過隻手), 熱熱地, 裡頭放滿雜菜(OR雞)的農伕包羅宋湯 (唔係太濃, lee d先係真正的羅宋湯)一碗咖喱汁 (小小HOT, 不過好有咖喱味. 最啱想食辣又唔食得的人)餐飲計埋凍飲加二個餐就45蚊. 話平又唔係好平, 不過一定食飽你. 可能因為我叫雜菜的關係, 所以碗咖喱汁比D菜索左唔係好夠. 如果食雞就有一大碗汁LA.

２人食：葡式鮮茄牛腩粒通粉，豬扒飽。豬扒飽正呀。真係好味，個飽好脆葡式鮮茄牛腩粒通粉都ＯＫ呀！食到好開胃我媽媽飲個熱咖啡，佢話好好正！Ｄ咖啡好濃～出邊飲唔到～再飲熱奶茶～都ＯＫ喎～無試到佢地出名既涷咖啡，唔知同熱咖啡一唔一樣呢？最好：自己叫完個老闆會拿來比你架～唔使自己去拿ＧＯＯＤ最差：環境一般，個度係好似街市咁，你想環境好就唔好來了～如果為野食就一定要來！

做完yoga,去左買豬扒包食,實在想食好久了!(肥爆做完yoga走去食!唔理了! @_@")4:00pm,好多人呢!決定外賣好了相比澳門的豬扒包,實在唔平;外賣$16個~等了5-10mins,豬扒等豬扒包,相煎何太急?哈哈~門口有一幢待煮的農夫包~原來是這家麵包公司的不理了,邊走邊吃@@!!由於剛弄起的關係,包好脆,好香,因為有garlic butter,有生洋蔥粒,不過冇果陣勁勁洋蔥味o既?係好定係唔好呢??豬扒沒有像大利來的用味粉醃過,但是跟garlic butter的豬仔包很夾很可口 真的,比大利來還好吃!也許,是不同特色的吧!大利來的包子,是用炭爐烘焙,食落的感覺不同;不會像這兒的包脆~豬扒,我反而喜歡這兒的,因為大利來的豬扒感覺很"一丁"我冒著咀兒損也要吃的豬扒包(每次吃脆的東西我也會咀兒損!!!),確實值得一食!不過不要期待有好的招呼喇~

其實睇左呢間野好耐..但一直都未食今晚一行四人走到這個旺角熟食中心試一試四個人入面有三個都叫了農夫包包很大..皮亦很脆點的咖喱汁味道亦不錯..幾香口不過包大大..但入面的肉就覺得唔係太多四十幾蚊都算係咁樣都值得一試

昨晚與笨友們相聚去睇"殺x特工"。結果帶了笨友去這裡試試頗出名的農伕包,個老細都幾nice......之後同fd相討食乜.......本以為d fd 唔想試呢個包,結果當我同另外兩個fd叫左之後其他fd都跟埋一齊試...我地分別叫左,雞柳,牛腩,牛柳...個老細仲推薦我地飲咖啡....入返正題...個tom都ok.....只是美中不足...味不夠濃..咖啡奶味較重....只是一般....主角.....農伕包...皮夠脆...而且很大個不錯....個咖哩sauce 都很夠味雞柳都可以....fd的牛腩有毛....由於個包真的很大個我地每個都食都只算包底而已。都算不俗總結這樣的價錢($45)又tom,又drink,又包,又飽~~幾抵不妨一試

網上好評如潮,今日終於有時間約埋老公嚟試吓。點左咖喱牛腩農夫飽,餐連羅宋湯及凍檸茶。另一個餐喺越南海防米線,連一個牛油豬仔晚飽及凍檸茶。合共$73,農夫飽入面Ｄ牛腩真係好少,得幾件仲要係細細件,個晚飽就真係幾脆口,而個米線就非常普通,得Ｄ肉碎，蛋花及幾件番茄,味道就一般唔難食。試過就算,唔會專登再去。熟食中心環境唔係好乾淨,須然有冷氣,但有好多昆蟲飛嚟飛去。而且裝食物的餐盆我覺得好dirtyP.S點餐時個伙記係咁叫我快Ｄ快Ｄ,唔比人睇下點咩

Openrice榜首餐廳，點都要試下有幾咁巴閉。如果唔係openrice，我絕對唔知朗豪坊對面竟然有個咁平民化既熟食中心。熟食中心面積幾大，不過其他餐廳都係賣d茶餐廳食物，冇咩特別，唯一係呢間野打正招牌話自己賣澳門野，所以客人比較多。叫左人人都食既咖喱豬柳農夫包，佢個包超大，d豬柳幾好味，仲有碗咖喱汁(椰香味重)，點哂成個包都有得剩。另外再叫左個越南海防米線，其實只不過係有好多香芹既肉碎米線，再加一個豬仔包，食完個農夫包都好飽，如果得兩個人其實叫一個農夫包都夠食。

咁多人話好食...梗係要帶女友黎食下啦~叫左一個咖哩牛腩農夫飽餐+凍啡~同埋一個蕃茄螺絲粉+豬扒飽餐+凍檸茶(有牛柳,豬柳,同埋雞....叫錯左...)首先同女友share左個豬扒飽...(最好食係呢個飽...)打開錫紙之後...就係半熱既農夫飽啦...再打開個飽...摷一摷得兩舊牛腩...ok啦...一舊大舊...一舊細舊...個飽點d咖哩都幾好食既...但係值唔值咁貴呢？就見仁見智啦...羅未湯 - 好淡凍啡 - 幾香..幾好味...蕃茄螺絲粉...螺絲粉太林豬扒飽...好味...有d野好食...但係唔係咁抵...

上星期日同友人一起去試下呢間人氣高企既餐廳...我地叫左農夫咖哩豬柳包同一客芝腿治...2杯涷咖啡=]首先個包...相信其他人都作出過好多評論=]所以我都唔講太多了xd...重點係d豬柳真係好林!好入味...個包反而係有點陪襯既角色..哈哈而芝腿治就普普通通~過得去...涷咖啡果然係如大家所講...好香~正!而且有人拎埋過黎! 對於果度咁既環境~算係勁好服務...(我覺得)總括黎講真係唔錯! =] 哈哈...值得一食!話時話間野真係幾辟下...如果第1次去又唔熟路真係有點困難...哈

一個貌不驚人的蕃茄薯仔肉碎湯米粉!加多$5仲可以試埋個豬扒包!好味之選!

第一篇的食評 ~ 今次我倆再次去搵下d 好0野食試下, 我地揀0左係旺角熟食中心既澳門翠苑菜餐廳, 其實都係因為係openrice 個網睇下, 先知旺角竟然有間咁出名既茶餐廳, 因此決定去試一試!!! 我地六點左右去到, 比想像中少人, 環境唔錯, 有冷氣的!!! 我地點0左兩個餐: 1. 農夫咖喱牛腩飽餐 (~$43) 牛腩粒羅宋湯: 唔錯的, 不過味道可以再濃少少!! 咖喱汁: 好味呀, 比我想像中好!! 牛腩: 好"淋"呀!! 農夫飽: 好脆, 好鬆軟!!本人食法: 我會將d牛腩放入咖喱汁內, 然後分開個農夫飽, 最後慢慢點d咖喱汁來食, 正呀!!!2. 番茄牛腩粒螺絲粉+牛油飽 (茶餐 ~$30)番茄牛腩粒螺絲粉: 味道可以再濃少少!!牛油飽: 味道+口感都唔錯!!整體評價: 值得一試, 而且我會一試再試 (因為忘記了試凍咖啡)!!!