澳門翠苑餐廳

營業中

休息中

來過這兒數次，有食過農夫飽，奶油豬，豬扒飽...其實個人覺得農夫飽不是如食評般所說那麼好吃，覺得面飽有點"un"，而且有點“咖喱還咖喱“ “肉還肉味“。反而這店的金牌咖啡真係好飲，每次來都是為了它 當每次一個人到附近行街，又到下午茶時間，這兒是首選

聽過朋友推介....決定去試下個農夫包...因為我唔食牛既關係...只好係豬頸肉,雞同豬柳中擇其一...最後還是選了豬頸肉...點了熱奶茶...不過後來先知呢到既咖啡先係最正架不過算啦...服務不錯...有專人送上食物...意想不到...一個熟食中心竟然提供這種服務...我的咖哩豬頸肉農夫包好快就黎到了...究竟錫紙內的會是一個怎樣的包呢.?一個份量十足既包...配上咖哩豬頸肉...其實這個餐不算是十分好食...只是比較特別...適合一些喜歡新鮮感既人...因為個包唔鬆化....無咩味...而D咖哩汁又唔話特別香...好平凡...D豬頸肉仲有少少韌...咬極都咬唔開...不過這份餐十分大份...又有湯....餐飲...都算抵食而且非常特別....可以一試.~

一間小店能得到接近四百個的笑臉並不簡單,但個人對這裡的名物咖喱及農夫包真的興趣不大,這天想吃點酸酸甜甜的食物,那倒不如就炒幾個小菜吧!小店自有其生存之道.取過號碼牌找個位置坐下稍侯便有專人送上食物.四餸加例湯白飯仲有飲品!京都豬朳----豬朳肉質是淋得人工化了一點,酸酸甜甜的芡汁很開胃.蒜蓉炒時菜----翠綠爽嫩沒甚可投訴.西檸雞----雞朳炸得略為乾身但肉質並不算嚡,汁的調味偏淡.豆腐班腩煲----上粉炸過的魚塊吃起來沒有腥味,泡過油的豆腐頗滑溜.非什麼名貴食物只是普通小炒,但兩個人吃到飽一飽埋單才一百三十多元!比市面上的連鎖快餐店更便宜.即叫即做還想怎樣?

因為朋友生日所以早幾日就上黎睇下有咩好野食睇過晒d食評同開飯報導發現呢間野似乎吾惹少,就決定帶朋友黎翠苑啦同朋友去到差吾多6點幾啦 果陣未算多人叫左個咖哩牛腩農夫包餐飲凍咖啡同埋常餐A~因為太好味,同朋友食到好似饑荒甘..搞到隔離台D人都望住晒後來食緊果陣熟食中心開始多人,發現甘多檔都系呢間排晒隊~就證明真系受歡迎!走果陣都忍吾住同老闆讚佢D野食好味!!咖哩牛腩農夫包真系一定要試!!D牛腩炆得勁入味又夠(林)!個包好脆~不過放奈左就會硬硬地,食到底果D包索晒咖喱汁..好正! 呢到D豬扒包仲好食過我系MC食果D!真系好好味!吾只包脆,連D豬扒同洋蔥都一流!茄通個湯味濃番D會更好一定帶多D朋友黎食!!食過番尋味~~

又同為食王出動去食好野喇, 今次專程黎試食好評如潮既翠苑,聽到"農夫包", 個名幾得意喎, 梗係要試下啦, 不過聽聞呢度既豬扒包同茄牛通都不錯, 所以就試埋,嘩, 結果飽到呢..... 咖哩牛肉農夫包 : 咖哩味重~而且味道好好, 夠辣, 食食下真係會出汗架, 個包烘得好脆, 同咖哩好夾, 不過一定一定要趁熱食, 否則個包就會由好脆變成好硬, 咁口感就差好多架喇~ 份量較大, 2個人 share 食先得~ 茄牛通 : 味道一般, 什至可以話係淡, 並不如傳說中咁湯底濃郁, 有點兒失望 豬扒包 : 超級強烈推介, 黎呢度一定要食, 係我心目中最好食既豬扒包, 主要係佢d 洋蔥炒得真係好好味, 豬扒厚度適中, 冇骨, 食過番尋味 凍咖啡 : 有驚喜, 亦係推介之一

好耐冇食過農夫包la!!! 所以黎到mk就毫不猶豫咁去左個熟食中心～～～熟食中心勁多人，好不滿有d人係度唔係食野但又罷住2-3個位lor…… 講返野食先～米奇叫左個豬頸肉農夫包加凍咖啡！！湯係羅宋湯，冇乜特別。農夫包入面ge豬頸肉好多，好香，最愛依然係佢ge咖喱汁～～香濃咖喱味又唔會辣 (正宗港式咖喱)，如果大家想食辣咖喱當然唔會黎呢度～凍咖啡依然高水準～唔會太甜，上面有少少咖啡粒 (會溶ge)，平時好少飲咖啡的米妮都覺得好好飲～～見到旁邊ge人好小心咁用刀叉黎鋸開個包，覺得自己有d失禮，因為米妮係用手搣開一塊一塊黎食，好粗魯tim…….. 但係米妮就係覺得咁食先過癮～～哈哈哈唔知係唔係因為偶然先食一次呢，真係覺得農夫包好好食！

今日出開旺角食茄牛通, 晚上熟食中心人好多, 去到發現加左價, 由$26加至$29。不過價錢尚算合理, 食物水準依然。揀左茄牛通, +$5 轉做豬扒包同埋+$2 凍檸茶講講食物味道:豬扒包 - 好脆身, 裡面有洋蔥同蒜容, 好香口。茄牛通 - 用番茄, 薯仔, 紅蘿白, 牛 etc.煲成既湯底, 好濃郁。凍檸茶 - 茶味好香, 冰既份量適中, 正 呢個常餐食完岩岩好夠晒飽

成日覺得旺角冇咩好食, 街頭小食的確好多, 但可以坐低食餐似樣o既除o左連鎖餐廳真係冇乜似樣d o既鋪頭不過今次終於搵到間餐廳d食物似樣得o黎又唔貴o既餐廳~!由於係非繁忙時間o既關係, 唔使等好耐就有得食我見好多comment話個包大到可以叫一個兩份食, 但我同我男朋友食兩個餐o既份量又o岩o岩好wor~當然我食唔晒自己果份要男士幫幫忙啦, 但又真係未去到兩個人食一個餐已經飽o既地步囉~我o地叫o左一個豬柳同一個牛腩, 豬柳幾嫩幾滑, 牛腩好入味個雜菜湯都唔錯o架, 清得o黎唔會淡而無味!最抵讚o既當然係個包啦, 唔會太多汁浸到霖晒, 隔o左陣依然好脆, 用o黎點咖哩汁一流呀!!!咖哩汁一大碗, 唔使驚會唔夠點!以後去旺角唔使煩去邊度醫肚啦~

事緣本人很喜歡食麵包, 就算不加任何配料剩食一條長法包(baguette)也完全不是難事. 所以一直也想找機會來此試名物咖哩農夫包, 不過總是很難約朋友或家人去熟食中心用膳... 直至今日終於下定決心要來此見識一下.本來以為會很難搵, 豈知原來一上電梯入門口就見到. 店面有寫上菜單的牌, 方便易看. 農夫包有牛腩, 豬柳, 軟殼蟹等選擇. 之前曾看openrice的食評, 見牛腩內也有不少牛筋; 由於不想食牛筋的關係, 所以選了咖哩豬柳農夫包套餐. 套餐除了農夫包外, 尚有餐湯, 咖哩汁一碗和餐飲一杯. 付款後會有個牌仔比你, 之後就可以自行找個位子, 等候店員送包過來. 當然熟食中心環境就不會好得去邊, 不過總好過沒有冷氣的海防道熟食市場, 也好過殘舊的保安道熟食中心了.可能由於是非繁忙時間, 等左一陣農夫包就來了. 首先試下餐湯, 餐湯是羅宋湯來的, 不太稀也不太淡, 內裡有不少的薯仔和肉粒, 但好像沒有椰菜和只有小量西芹. 這餐湯是合格的, 當然能多一點蔬菜更好.飲完羅宋湯就食農夫包, 新鮮焗起的農夫包香噴噴, 外層鬆脆而內裡煙韌, 其質感都幾似長法包, 算是可以滿足本人的期望.

由朋友帶佐黎呢間餐廳,一開始都唔係好知點去!去到 冇咩特別既感覺,見到"農夫飽" , 覺得個名幾特別, 而朋友亦話要食!咁我地1行人 (1男3女) 就叫佐2個set ! (大家唔好以為一個set 好小,我地4個人食2個set都夠飽!! [[ p.s 意見only::]之後就搵佐個位, 等佢送個餐黎...送到上黎 見到用鍚紙包住....只係打開.. 切開佐佢,再倒d咖哩入去 一食..好味呀~~~~~~~~~~~~~~個皮又脆,入面好好味,加埋咖哩!! 好好味抵食 好味

經常系旺角搵野食。其實經朋友介紹先用openrice。帶個朋友試呢間店。簡單講句：呢個包---得！其實最初唔認識搵囖，個地方好次系朗豪酒店入面。第一次黎，睇openrice話系茶餐廳，圖片點睇得出系咁。我朋友就麻麻地開心啦，之後佢睇個價格仲唔開心。佢覺得 $40-50 系啲咁既地方一啲都唔值得。佢仲去左另外間餐廳食。咁我特登黎，緊系要試啦。可能因為午餐時分去，等佢大概15分鐘左右啦（牌上寫20）叫咗個牛扒咖哩農夫包。好食啊！個皮真系好脆，最重要系個入面，非常松軟。製作一流啊！我朋友結果叫咗其他餐廳既野，仲中招添。有只蟲系個碟野道，仲要系啲 "jup" 完全入嗮 ><結論：睇唔到廚房，不過系果道應該好難乾淨。我對環境既要求唔高，但系同朋友去都想坐得舒服啲。我用紙巾抹走啲水，點知抹幾下張紙巾都變黑咗。環境真系好麻麻啦，如果50+ 價格既話，我會搵個好啲既地方。抵食我都有 base on 環境。如果系茶餐廳食既話我會俾5分佢既。如果喜歡特別啲既野食，呢個試下都好！但系我應該試過就算啦。無乜可能成日食。-Lunson

第一次黎食都系友人帶我黎咖哩牛腩農夫包 初初都唔知道咩黎去到先知原來系個大包入面包住d咖哩牛腩 個人都幾鍾意食咖哩 所以對呢個勁有好感食完一次翻尋味 去食第二次呢次友人嗌左第間ge飯 我就自己一個農夫包 yummy不過我就覺得冇第一次咁好食 第一次新鮮感真系好重要 haha 依然會返去食多次睇下仲可唔可以期待一下!!

是次為了吃農夫包而行。地方實在是難找。位置應該說是朗豪坊後政府機關的樓裡。到了現場：這真的是熟食中心嗎！？感覺超小型而且超舊。這家餐廳就剛在門口很顯眼。是次午飯時間人流不多。2人共吃一個咖啡牛腩農夫包。包括：牛腩+農夫包、咖啡汁、飲料、羅宋湯。建議：若非超大食，2人共吃是足夠的。農夫包set。職員很友人會給我們牌子，然後親自送上。也附上手套戴著進食。那個錫紙包著的農夫包很神祕的感覺。謎底開了！滿滿的牛腩！沾著咖啡汁吃是不錯，很有新鮮感但又不是好吃得還會再很想光臨。而且咖哩我認為一般。我個人認為比起牛腩，牛筋配起來是更好吃的。注意：請找個不顯眼的地方進食，因為根據經驗，雖然我們很想很禮貌地吃完，但發現農夫包很硬不得不使用暴力給他支解，食貌是非常難看所以建議不要坐在當眼的地方。

因好評而來吃，之前我也是因好評而去吃時新快餐店，結果不好吃今次比起上次，算接受到，但我和朋友都異口同聲地說「沒有下次了」一開始吃，面頭那個包皮，占上咖哩，好像很不錯裡面的咖哩牛腩沒什麼咖哩汁，我要再占上那腕咖哩汁來吃我地已經叫了多腩但我覺得那些腩像肥膏一樣，怪怪的最後個包很不容易才吃了4/5有這個結果算係交左功課整體味道一般，吃的容易度是hard在外面吃咖哩牛腩飯還好還有這個價錢不算平我看其他人吃，只吃牛腩就算難道個包係唔應該食？

2-11-2010(二)出旺角買野,順便食飯~~發現好耐冇黎呢度食~~ 所以而家天氣涼涼地~ 一於黎呢度啦~~!! 黎到熟食中心,大部份後生仔女(包括我.... 哈哈哈) 都係食農夫包~~ 可能因為openrice高位置~~ haha!我坐張圓檯,3pair人,已經有3個農夫包餐! 勁!咖喱牛腩農夫包餐~有:一個大大咖喱牛腩農夫包,有牛腩o係入面~ 正正正正!!! 一碗咖哩汁一碗羅宋湯一杯凍飲..共$48~ 2個人食~ 幾抵~好好味!!! 2個人食岩岩好~~~!!!一個人食真係會飽死... x.x同埋而家呢d凍凍地o既天氣食就會好d! 冇咁熱...不過環境,衛生就麻麻啦... 始終係熟食中心... 好dirty!!!!唯有快d食完食d閃!!! 哈~~~