澳洲牛奶公司

營業中

休息中

經典茶餐的表表者，見咁耐冇黎過佐敦呢頭，要黎食下香港人的集體回憶。澳牛的確快靚正，唔洗等位，即刻入座。坐低5秒後侍應哥哥就埋黎問可以落單未~當然唔洗諗啦，講真餐牌選擇不多，黎都係為佢的炒蛋。叉燒通粉，湯底係正常雞湯味，顏色雖然黃，但其實淡淡地，加上幾片超薄瘦叉，係回憶的味道。最正係個滑蛋啦，份量好大，懷疑有2-3隻蛋，配埋厚多士，超級滿足。配埋個多士，其實滑蛋都仲有剩，雖然有油膩，但炒蛋就預左啦。

間唔中就會想食下澳牛🐮如果唔散叫就得三個餐：早餐/茶餐/快餐夜晚去只有茶餐$52 Set好咗係牛油方包+火腿煎雙蛋（可轉炒蛋）+叉燒意粉/通粉+飲品方包其實係多士 鬆脆夠熱炒蛋真係數一數二好味 份量好多火腿&叉燒正常通粉偏淋身 意粉應該好食啲 同埋今次個湯有啲鹹 好夠飽 熱檸茶 茶底好好飲 唔苦澀熱燉奶$33 好滑溜好大碗 幾濃厚所以愈食愈滯 🤣Btw 一如既往光速10秒內上餐 不過今次可能坐係餐廳嘅角落 所以無個種被人用「食完未」嘅眼神望住 所以食得慢啲輕鬆啲🤣加一服務費：no

澳牛相信大部分人都唔會陌生，今日去開佐敦，又見無咩人排隊，就決定係度食番個午餐，定叫快餐比較合適，哈哈。.🍚 茶餐 (烘牛油方包，火腿炒蛋，叉燒湯意粉，熱飲)基本上10個人有8個都會叫既餐，炒蛋依然非常嫩滑，叉燒湯意粉依然保持香港獨有茶餐廳特色，我相信應該除左澳牛，都無其他地方會提供咁既配搭。味道正常可以喇。.🍚 腿蛋文治反而呢份腿蛋文治先係我既至愛，因為我覺得腿蛋文治已經包含哂澳牛最好食既材料，又夠飽肚，價錢相對合理，厚炒滑蛋真心好食。.總括然而，茶餐價錢有啲小貴，推介腿蛋文治。

作為急速嘅香港人應該一定識呢間食肆？🤣每次入去都要鼓起好大嘅勇氣😂今日同朋友經過心大心細諗咗好耐食咩好最後決定食好耐無食過嘅澳牛一早係岀面已經諗好晒食咩同飲咩坐低10秒都無就已經落完單了然後無幾耐又有叔叔望住我哋以為做咩😳原來佢以為我哋仲未落單😂30秒內我哋個餐已經到咗了😂😂茶餐 - $52牛油方包夠晒脆同厚火腿炒滑蛋嘅滑蛋繼續係咁岀色好滑好香又夠大份😋叉燒湯意粉嘅意粉就好似有啲太過淋🤔如果硬翻少少應該會好啲凍檸茶 凍奶茶 - $2凍飲加2蚊正正常常咁嘅味啦。不過雖然成日都話澳牛光速同好急但其實啲店員都好有人情味仲有叫我哋慢慢食加上今次坐咗個自閉位全程同朋友都係笑住咁食😂

今次係我們倆第一次來澳牛！門口排隊大概等20分鐘後入座，同以往網上評語的印象唔同，無論落order、送餐、收碟，手腳極快的侍應大哥們都好有禮貌，一d都唔惡🫶🏻 12pm - 11pm 茶餐 $52牛油方飽有厚度，多士烘過仍然軟熟，唔硬火腿煎雙蛋 / 炒蛋2款都大份，有蛋香。 炒蛋留有蛋汁，煎雙蛋煎至脆邊～牛肉意粉港式雞粉湯底牛肉約有6片，一上枱，意粉會卷包式蓋過牛肉片。 意粉份量多，有彈性、有咬口，是K喜歡的口感凍檸茶 +$2可能糖漿過多，揀少甜都仲係好甜蛋白燉鮮奶 (熱/凍) $33好滑溜！質感水噹噹！K好鐘意食，係佢喜歡的甜度～J就覺得偏甜，似白兔牛奶糖個款甜味～_______________澳洲牛奶公司 (佐敦)佐敦白加士街47-49號地下_______________

朋友仔話想再食呀都幾年無再黎喇星期六約1400 黎到都有一條隊排緊呀好彩都快呀如常的兩個餐一個炒旦朋友好讚佢一路都好鍾意呢個炒旦話好滑呀一個煎旦其實都煎得幾香架個旦黃都仲有旦汁意粉發揮正常呀略嫌個湯底有少少咸左但又覺得可接受既多士唔會好干點下旦汁好夾呀**鍾意飲凍唂咕唔係太多地方有得飲又唔會太甜呀

今日經過澳牛，唔使排隊，梗係入去食個光速餐入到去，唔使睇餐牌都知道食咩，一定係火腿通粉，煎雙蛋配多士，好想快過店員問食咩就講咗先，但係次次都輸咗😁好多人食炒蛋，但係我鍾意呢度啲煎蛋多啲，第一，唔油，第二有少少脆邊，第三呢嗰啲雞蛋做煎蛋的話，蛋香味一流，配火腿通粉食，仲可以點埋啲蛋汁，令到個雞湯更加好味牛油多士厚身鬆脆，配埋煎蛋食亦都係一流火腿通粉，雞湯夠味，我仲覺得有少少鹹添，不過真係冇其他地方可以食到呢種味道最重要加埋杯凍奶茶，奶味茶味非常夾，完美的光速餐

幫襯澳牛超過十多年了，今天在佐敦附近上課，lunch time 來澳牛食了常餐，轉了炒蛋多士，一如既往炒蛋嫩滑，多士香脆。下午回到上課課室，有同學竟然話未聽過澳牛😅

真係好耐都無去過澳牛食野 平時行過都會見到出面有人排隊 果日見唔使排可以直入 就即刻停底食啦～成日聽到其他人話啲待應哥哥好惡但其實去完又覺得無乜野 態度都好正常只不過係真係要快啲諗定食咩 🤣 如果唔係會係咁問小姐想要咩食左個花生醬多士 雖然我唔記得烘底….但都好好味 轉眼間就食晒 咬左一啖朋友既腿蛋治 同以前一樣都係咁正🥰 果然係澳牛名物其實黎呢度食蛋治一定無錯既 因為佢地啲蛋真係好好味 就算我平時唔鍾意食蛋既都係咁話

超級多謝澳洲牛奶公司全部老闆同員工嘅愛心+香港人嘅人情味+義氣🙇🏻‍♀️🙇🏻‍♀️ 好感動🥲感恩!!話說，7月26號自己一個推住輪椅，帶住末期癌症嘅mammy去完QE之後佢好想食澳洲牛奶公司，自己聽到時覺得有難度(平時我只敢自己一個單拖快食15分鐘)，因為佢非常虛弱皮包骨，唔知佢可唔可以熱住排隊，另外輪椅好阻住地方，唔知點俾佢入同食得好慢，但佢真係好想食，所以膽粗粗去試吓打電話問，接電話嘅靚姐姐好體諒好好人。去到排隊，門口呢個靚仔哥哥好好人，幫手安排近門口座位俾輪椅入，同幫我推輪椅。係食緊嘅餐嘅時候，我真係眼涙流咗出嚟(不過冇俾媽咪見到)。在心中無言感激，多謝你哋每一位香港人嘅人情味💖💖💖💖💖💖

澳牛食幾多次都唔厭😭最好食蛋治沒有之一 奶茶亦係超好味💕！其實每次遇到嘅澳牛哥哥都超nice😳但內心總會怯怯地🤣💦🥚雞蛋文治💰HKD22（Rating：10/10）作為蛋控：sry我絕對係澳牛打手🙈佢地嘅炒滑蛋真係世界級好食😋入口又香又滑 唔太鹹唔太油但又夠蛋味 配埋厚身得嚟唔乾的白方包 烘底但又唔會壓扁晒🍞以前食過芝蛋 反而芝士可有可無 冇加分 其實單單係蛋治烘底對我嚟講已經超過100分😖❣️覺得無可匹比 可能遺傳咗媽媽從廿歲已經係澳牛fans的DNA👀

一直都有留意澳牛🫢打算睇完牙去食下雙皮奶好記得澳門那間嘅雙皮奶好好食點知呢度就相反🫠 無話好說😎會回訪嗎: 𝐦𝐚𝐲𝐛𝐞等候時間: ～15 mins （假日中午）💰$50 below/人 ≋-≋-≋-≋-≋-≋-≋-≋🤧蛋白燉鮮奶 $33 ▶️ 4/10 睇分數都可以睇得出我有幾後悔叫左佢😭奶味淡 只係食到甜味🤢勝在佢夠凍且口感軟滑🤡見到周圍嘅人都食火腿通粉 就知道自己中咗伏💩（絕對唔係偷懶嘅食評 只不過無話可說）😚環境 ▶️ 🐤🐤🐤/5 環境夠大但出面依然要排隊🥹裏面冷氣夠但坐得唔舒服好有港式茶餐廳嘅風格👍🏻尤其係上面嘅大風扇😚衛生 ▶️ 🐤🐤🐤🐣/5 😚服務 ▶️ 🐤🐤🐤/5 真係「快靚正」但真係好唔習慣未戴好口罩已經叫其他客人坐我個位😰節奏好快令到我地食野轉眼間都好快🤣周圍有好多著住白色衫嘅服務員一定有個人可以幫到你😹講野好大聲 禮貌就麻麻地😚推介指數 ▶️ 🐤🐤🐤🐤🥚🥚🥚🥚🥚🥚(🐤為1分；🐣為半分）唔值得係度食雙皮奶😣但係如果係早餐嘅話值得考慮的😚-🙋🏻‍♀️自費食評 🙏🏻食評只供參考 視乎當日出品 ≋-≋-≋-≋-≋-≋-≋-≋☆☆小編推介指數表☆☆7以下：好似被人伏左🤮7/7.5：非常

好耐無去澳牛食野行過佐敦見條人龍都算短就屎弗痕諗住入一入去俾人X@Y!Z下啦好快手咁係門口排隊時已經做好晒入場儀式入到去被安排面壁的卡位唔晒1分鐘就落左單仲要有得叫埋野飲可能呢張卡位檯面夠大掛黎左通粉黎左奶茶但炒蛋多士起碼等左10分鐘好唔合理🤔因為見到其他人都有了鼓起勇氣追一追單竟然無俾人鬧『我即刻幫你跟一跟呀！』之後炒蛋多士就立即送上走既時候仲會聽到『慢慢行呀~戴返口罩先！唔洗急架！』❓❓❓❓❓❓❓❓❓❓雖然服務態度好左但作為犯賤的我就好唔慣啦希望下次去回復原貌啦😅

已經食過澳牛無數咁多次 都係會為咗佢炒蛋同多士而再黎食😆餐牌上既選擇唔多 主要都係茶餐同快餐 今次就叫咗個茶餐 要咗個叉燒通 炒蛋 多士 加杯凍奶茶 落咗單應該1分鐘都唔洗啲野食就到咗喇🤣 個叉燒通同出面一般茶餐廳質素無太大分別 澳牛比其他茶餐廳做得好既我覺得係佢既炒蛋同埋多士 炒蛋好嫩滑好香 唔會過熟 多士就係好厚身既 不過厚得黎又唔會好乾淨淨又硬 個多士仲係好軟熟嫁 牛油既份量都比得相當慷慨🙈🙈 最後點少得一杯凍奶茶～ 不過今日杯奶茶就有少少失望啦 鍾意茶味濃既我就覺得佢個茶底唔係好夠濃啦 而且仲有啲太過甜添 😢

雖然好多茶記都有經典常餐😆但係食過幾多次 都係最鍾意食澳牛嘅常餐❤️叉燒湯意粉🍝加埋嫩滑嘅火腿炒蛋同香脆嘅牛油多士🥚🍞🧈簡單嘅滋味 已經好幸福～叫多杯咖啡 真係一流☕️