1853
553
292
港鐵佐敦站 C2 出口, 步行約2分鐘
繼續閱讀
電話號碼
27301356
開飯介紹
餐廳上菜速度快，招牌菜為嫩滑、蛋香四溢的炒蛋。
繼續閱讀
獎項殊榮
最優秀尖沙咀開飯熱店 (2014-15), 最優秀開飯港式茶餐廳 (2008-2016)
附加資料
泊車：門口咪錶
營業時間
今日營業
全日休息
星期一至三
07:30 - 22:00
星期四
全日休息
星期五至日
07:30 - 22:00
*每逢勞工假:休息
以上資料只供參考, 請與餐廳確認詳情
相關文章
💁♀️💁♂️ 1/7/2023(Sat), Lunch🍽放假嘅一日，為食妙妙同A先生朝早出咗去九龍區有啲事情要辦，之後到接近中午又要搵食啦，忽然諗起好耐無食過澳牛嘅光速餐，即管兜一轉過去睇吓食唔食到先。我哋大約正午時間到達，離遠已經見到店外嘅人龍，大約排咗二十幾人左右，好在呢度翻枱嘅速度都係同上餐速度一樣咁快，我哋只係等咗唔夠10分鐘就可以入座。而今日我地order咗：🔆 茶餐（$52）茶餐預設嘅食物係牛油方包🍞、火腿煎雙蛋🍳同埋叉燒湯意粉，當然亦都可以改做多士、炒蛋或者湯通粉。為咗配合呢度嘅節奏，所以A先生每次落單都係好精準用最簡單嘅字數去落，今次只係：「茶餐要多士、炒蛋、通粉x2。」就完成落單嘅過程。落完單即刻喺褲袋拎個電話📱出嚟，諗住計吓光速餐要幾快可以上到枱。點知拎完電話📱，都未開到個app，侍應就已經送上咗炒蛋多士😱，估計最多十零秒⏱️。當然其中一個原因係我哋坐得近水吧，佔盡地理優勢✌🏻😂。炒蛋多士嘅炒蛋煮得剛好，蛋仍是帶流質的質感，入口嫩滑有蛋香。多士厚切，烘得外脆內軟熟，再塗上牛油🧈，夠晒香口好食。A先生有個習慣，食牛油多士時總會再灑上一點砂糖，令到多士除咗牛油🧈嘅香氣之外，再添加一點甜美同粒粒砂糖嘅口感。叉燒湯通粉嘅叉燒份量都唔少，通粉唔會煮到腍晒亦都唔會黏埋一團，加上夠味又夠熱嘅湯底，收貨了。當你食到七七八八嘅時候，自然就會有侍應問你餐飲想飲咩，我哋就點咗凍檸水🍋同埋茶走☕️。檸水正正常常，檸檬🍋味清新，咁多年來凍飲都係偏細杯嘅，但而家仲有凍飲加$2真係比較少見。茶走茶味夠香濃，配合香甜練奶，入口夠滑身。最後食完起身走人，成個過程由排隊開始到離開唔使30分鐘🙈。🔆🔆🔆🔆🔆🔆🔆🔆🔆🔆🔆🔆🔆❤🙆♂️(A先生)整體食評：9/🔟❤🙆♀️(為食妙妙)整體食評：8.5/🔟👉🏻 炒蛋🍳同多士🍞一直以來都保持質素，唯一係坐得迫啲同食得急啲A先生車友指數 🚗🛣️ 交通容易指數：🚗🚗🚗🚗🚗(5/5)🅿️ 泊車容易指數：🚗🚗🚗🚗(4/5) 👉🏻 附近幾條街都有唔少錶位🅿️，但泊唔泊到又係睇運氣👉🏻 港鐵🚇佐敦站行過嚟5分鐘之內可達，另外巴士🚌、小巴都可以輕易到達🔆🔆🔆🔆🔆🔆🔆🔆🔆🔆🔆🔆🔆
繼續閱讀
相信大家對呢間都唔陌生，由細食到大，係香港人嘅童年回憶😎 餐廳出名速度快，一坐低店員就問你食咩，然後1分鐘都唔使就到齊，成個氣氛好似打仗咁，但俾人感覺好溫馨～ 另外記得要搵個熟人陪，唔係嘅話都幾驚🤣茶餐包括牛油方包、火腿煎雙蛋、叉燒湯意粉同咖啡/茶，而快餐就有牛油方包、西煎雙蛋同鮮奶，方包可轉多士、蛋亦可以轉炒蛋，鍾意食邊樣就揀嗰樣，老少咸宜，夠晒friendly😌個人最推薦呢度嘅炒蛋，又鮮又嫩又香又滑，質感做得啱啱好，滑但唔膩，鮮但唔醒，而且仲散發住極邪惡嘅牛油香氣，配上鬆軟嘅方包真係好夾😛 最後仲忍唔住encore咗件炒蛋治hehe🙈煎蛋都唔錯，有脆邊而且夠火候～ 飲品方面一定唔少得杯熱鮮奶！香濃滑順，唔單止好飲又有營養，但記得趁熱飲呀，後嚟吹凍咗飲落去硬係覺得爭少少😢 另外加咗個牛肉奄列，整體偏油但試試無妨～ 甜品必點蛋白燉鮮奶，奶味好出，甜而不膩，入口滑溜，下次要試埋杏汁燉雞蛋先🤩
繼續閱讀
雖然澳牛好出名，但非九龍人真係唔會專登出去食，呢排係附近上堂先捻起可以試下。係澳牛門口一定有一條長長地既人龍，但唔使驚，只有唔係排到轉彎，其實15分鐘內都入到去，如果係1個人，更快添。第一次食，我記得係5月，一入座就即刻有人問你食咩，餐的話選擇都係標準早餐同茶餐。早餐落完單5分鐘內就會比到份炒蛋配多士，等多一陣，連通粉都黎埋，呢個效率真係嚇親😂本身都無咩期待，唔覺得有咩好食，點知食過一次就上癮😂，令我回頭既其實係塊烘的剛剛好既多士。多士係烘到剛剛好，表面淺淺烘過，咬落去有食到麵包軟熟同表面焦脆口感，唔會面脆得濟，亦唔會覺得無烘過。炒蛋就正常發揮，但係比較唔喜歡係炒蛋既果浸油味出左少少，火腿通粉正常大碗好食既雞湯通粉。茶餐今次試埋茶餐，一樣效率快唔使講，叉燒意粉既意粉比平時食既粗D，偏淋少少（個人喜歡食偏硬意粉），叉燒都唔少，有約6片。而最喜歡都係塊多士，又係烘得剛剛好。☺️仲有叫左杏汁燉蛋，杏仁味重，燉蛋嫩滑唔會過甜，推薦比喜歡飲杏霜既人😆奶茶同檸茶，係標準好飲既，檸茶夠酸夠澀，奶茶茶奶比例平衡。總結：唔可以話係香港最好食既茶餐，但一定係標準既茶餐，分量黎講好夠，女仔食曬應該好飽下。效率方面無得輸，可以做到咁快應該係流程好清晰，而且店員記憶力都要有返咁上下😂。先點食物後點飲品，最後店員寫埋單價錢。店員好有禮貌（未經歷過D人話好惡既時候），而且今次店員經過收碟見到價錢比較貴，仲問係咪寫多左添😂食完先知道澳牛既魔力，對我黎講係果塊永遠都烘得剛剛好既多士。
繼續閱讀
🥣茶餐 $52有牛油方包（烘底）、火腿炒蛋、叉燒湯通粉，+2轉凍華田🥤份量好十足，本身煎雙蛋轉炒蛋，炒到好滑，叉燒湯都有味不過有得揀沙嗲牛通就更好😆華田應該落左煉奶所以係好飲🤣🍳🍳🍳🍳🍳🥚蛋白燉鮮奶 $33叫左凍既，口感好滑身☺️好重鮮奶味，應該用左樽仔奶去整🥛有陣冰糖味🍳🍳🍳🍳🍳整體而言，晚餐黎講都好多人黎食，奧牛送餐速度都好快手，唔洗要客人等餐，食物質素都幾好👍🏻
繼續閱讀
佢應該係稱得上香港最有效率，最符合香港人高效率嘅茶餐廳首先我行入去就已經有好明確嘅指示，我要坐邊佢招呼完我大概用咗30秒就可以落單我前前後後，應該用咗1-3 分鐘就已經可以進食總括來講，如果你係自己一個行入去，純粹係解決嘢食嘅話 你係絕對可以15分鐘就已經食完個午餐出返嚟每一次去我都覺得啲夥計嘅態度都好似好左推介嘅菜式 常餐炒蛋係最好的👌🏻配番個靚意粉🍝不過最出色應該就係凍奶茶啦，我覺得好有港味 一定要試見下圖
繼續閱讀