澳洲牛奶公司

營業中

休息中

男朋友以前喺附近返學，所以好鍾意食澳牛，可以話係佢嘅comfort food❤️ 但我就未試過，所以佢就帶我體驗下😂由落單開始計時，一分鐘內已經上齊所有餐😂呢個效率真係久仰大名👍🏻啱晒肚餓等唔切食飯嘅我😂個職員叔叔仲好熱情地同我哋傾計，講下最近嘅天氣😂冇想像中咁惡，仲幾nice Tim!!!!!🫣成個餐我覺得最好食就係個炒蛋🥹🥹真係好正👍🏻以後都會多d同男朋友去食，希望下次試埋個蛋白燉奶❤️

記得大概喺5年前平日嘅早上都要排長龍等食早餐老老實實真係好鍾意食佢嘅火腿通粉個火腿好似平平無奇但係同出邊嘅嘢有啲唔同通粉係冇坑紋滑脫脫嗰隻個湯底唔知點解總係想飲到美人照鏡杯凍檸茶永遠都係細細杯好似唔夠飲但係其實食完又好飽記得之前未入到去坐低就要睇定食乜一坐低最好唔好諗即刻講怕俾人啤😝最奇怪嘅就係唔知點解嘢飲唔可以喺點餐嘅時候一齊嗌試過幾次樓面嘅哥仔都係話「食咗先啦轉頭嗌啦」五年後嘅今日我再揀日早上去食依然都要排隊依然都係未入去就要諗定食乜今次唔同嘅炒滑蛋🍞方包我轉咗做蛋治居然哥仔問埋我飲咩🤣🤣🤣究竟係我之前搞錯咗定係而家改咗規矩

雖然澳牛賣嘅常餐 好多茶餐廳都食到 但係依間食過一次之後 真係返唔到轉頭！每一次嚟都一定係會食佢個叉燒意粉 再配火腿炒蛋牛油多士！呢度嘅雞蛋真係炒得好嫩滑好香 雞蛋味好濃郁🥚再加埋烘到脆卜卜嘅多士同火腿一齊食 真係好正！

澳牛D野咋晒 换厨了？通粉湯底變了 死咸真係一般般 炒蛋撻晒無以前咁蓬鬆仲油淋淋 多士面包無以前厚同鬆軟 牛油亦唔香 仲加價了 茶餐加到52 真心覺得不值 最近去過澳牛D朋友都覺得無以前好食 都說不會再去了

冇食過澳牛=冇嚟過香港🇭🇰澳牛就由細食到大,又係水準如一,落單快‼️上枱快‼️不嬲就係中意佢哋夠快‼️心急人上‼️😚 仲有就係大肚🤰🤱🏽家姐仔細個拖住佢嚟都唔洗排隊☺️真係好𝘀𝘄𝗲𝗲𝘁💓🍳不過要排隊𝚅𝚒𝚎𝚗𝚗多數都唔會排叫外賣🥡咁啱呢排冇排隊運🤣今日8:15𝚊𝚖經過門口冇人排就入去啦⋯⋯其實就好想叫叉燒意粉🍝但晨早流流未有胃口食住🤣🍳#早餐 𝗵𝗸𝗱$𝟰𝟮火腿通心粉、炒蛋烘牛油多士、凍檸茶🍹(凍飲➕$𝟮)火腿通心粉就係平凡得嚟出眾🤣上湯係唔錯☺️但𝚅𝚒𝚎𝚗𝚗中意叉燒意粉多𝚍☺️嚟澳牛最掛住係個包🍞個包真係好軟熟加埋牛油🧈簡直100分🏆 🍳炒蛋嚟港真係澳牛認第2就冇人認第1👌🏼夠嫰唔老,中意一啖蛋一啖多士又得👏🏽將炒蛋放喺多士上食亦都得🙌🏽得咗🤣🤣凍檸茶就元朗國永𝚜𝚞𝚎𝚗果杯好飲𝚍,但九龍區嚟講都算係咁👍🏽👍🏽𝙾𝚟𝚎𝚛𝚊𝚕𝚕嚟講去澳牛就係食佢既光速餐🙌🏽食兒時回憶,食佢幾十年每次去都水準如一‼️永遠唔會令你失望‼️好彩呢種飲食文化傳承到俾家姐仔💓如果大家中意俾個like支持下🤟🏽 𝗖𝗶𝗮𝗼~..🍵 澳洲牛奶公司 (佐敦)佐敦白加士街47-49號地下

前排疫情停業，愚人節個日佢宣布8號開返，初初個個都諗緊佢係咪講笑，愚人節快樂呀？🤣知道佢真係開返嗰陣，即刻🐶沖去食。人龍好長，排隊都排左九個字，不過入到去，由坐低叫餐到出餐，前後都唔洗5分鐘，果然係傳聞既光速餐🤣搞到我都好緊張，影相都快手手🥴牛油方包+火腿煎雙蛋+叉燒湯意粉+凍奶茶($54) 個方包入面沾滿牛油👍🏻 煎蛋係太陽蛋，流心既，煎到啱啱好，個蛋底少少金黃色，但冇燶 ，食落都幾滑身；叉燒薄切但有咬口，浸左係湯底所以唔乾；個湯好濃，但係唔似落左味精，飲落都唔錯；意粉都算彈牙☺️而杯凍奶茶，重奶重茶味，落左好多碎冰，所以都幾冰凍🥰牛油多士+火腿炒蛋+火腿通粉+凍檸水 ($54) 蛋落左啲調味料，鹹鹹地，炒得又幾濕潤，幾好味；多士入面沾既牛油都夠多，不過煎得唔夠脆，仲係幾軟身，食落冇乜多士feel🥲火腿通啲湯夠濃，幾好飲，正常通粉同正常薄切嘅火腿；而杯凍檸水應該係用新鮮檸檬整，又多碎冰，飲落好冰涼同fresh☺️熱蛋白燉鮮奶 ($33) 成碗野太甜，啲蛋白味蓋過哂，不過就幾滑溜。👍🏻

話說好耐無食過澳牛，就心血來潮去左幫襯。基本野我相信唔洗介紹，炒蛋🍳🍞多士，叉燒意粉。食物質素保持水準，唯一變嘅係服務質素，係變好左。點解咁講呢，以前落左食物單唔可以叫埋飲品，宜家係友善地問你想飲品隨食物上定後上，好窩心。更重要嘅係，食完係唔會趕你走。雖然個餐真係10分鐘可以食哂，但侍應哥哥見你食完水都飲哂會主動加水💧比你，仲會加好幾次，驚你口渴。相比以前，宜家好窩心，好sweet，係幸福的感覺🥰等等先，其實我都係鍾意佢地鬧人嘅態度，是未變態，哈哈。這種態度逐漸褪去，可謂香港茶記嘅味道都慢慢消失了😶‍🌫️

2星期前澳牛終於開返🥳連續兩個星期六都買嚟食💓十幾年味道都保持水準！澳牛任何野mix 蛋治都係世一🥇好嘢梗係禍及下一代啦🤣🤣家姐仔都愛上咗…日日食澳牛蛋治都願意😘.🥪最鍾意澳牛落單落夠快❗️上野夠快❗️味道又正❗️食之前真係諗定啊❗️（光速餐）d選擇困難症嘅～.🥪另外孕婦🤰仲有1拖幾👶🏻👧🏽👦🏼🧒🏻嘅媽媽們「優先入座」呢種文化最中意.🥪澳牛腿蛋治牛油🧈夠晒多…走唔走油隨自己中意❗️炒蛋多汁夠嫩滑❗香港冇一間做到咁好❗️️𝚅𝚒𝚎𝚗𝚗中意唔烘底～ 但蛋茄治係第2最愛.🥪佐敦十大必食❗️未食過澳牛蛋治⁉️咁就唔知咩叫好食嘅蛋治🤣.如果大家中意俾個like支持下🤟🏽 𝗖𝗶𝗮𝗼~..🥪澳洲牛奶公司 (佐敦) 🥪佐敦白加士街47-49號地下⏰逢星期四休息/公眾假期休息.#肥dodo食記 #hkfoodporn #hkfoodie #hkfoodblogger #尖沙咀美食 #尖沙咀 #食好西

7，8年無黎，之前有遊客又要排隊，今日放長假又要排隊，真係勁。入到去睇左幾秒menu, d staff已經係你隔離，不過無左個氣場，嗌完野食，廿秒都無，d野已經到左，太犀利嗌左常餐牛油面包：又厚又軟又多油，正叉燒意粉：正常，唔痴牙炒蛋：又厚又滑又香！想食多底！凍奶茶：奶底香濃，傳統茶餐廳感覺👍🏼食左ard 40mins佢已經收晒桌啲嘢，即係已經享用完依個光速午餐！今次黎同以前個感覺好唔同，以前環境好迫，而家因為疫情，無左搭枱，空間多左！

咁岩轉左係附近返工，又約到個 friend 食早餐，又咁岩澳牛重開！所以決定去食個光速餐。對上一次食已經係三年前，個時一坐低就有被迫害的感覺🤣 餐牌都未睇完就要即答食咩，所以今次我睇定餐牌先，為求一坐低就識答 lol 點知原來早餐無咩選擇🤣就係揀炒蛋定煎蛋同飲咩。叫完唔洗5分鐘就有野食，炒蛋滑，多士厚（個多士係兩塊麵包都查滿牛油，好好味），通粉就無咩特別啦，咖啡都一般🙈 不過又咁講，食澳牛就唔係真係食啲野嘅，係食個感覺囉。應該食左20分鐘左右，其實啲叔叔都好nice ，佢地無強行收哂我地啲碟趕我地走，同埋都笑笑眼咁嘅，基本上唔會令你再有被迫害嘅感覺。

啱啱先開始營業返嘅牛奶公司大排長龍啊，一直都未試過走去排隊試吓啦，排咗差唔多成粒鐘先有位入到去基本上其實都係極速食完🤔，但係食物質素一啲都唔差，雖然只係普普通通一個常餐，好基本嘅多士同炒蛋已經備滿分，佢哋嘅炒蛋好滑，而且有種好特別嘅味道係平時好少食到嘅，聽聞牛奶公司嘅牛肉都幾出名，的確真係名不虛傳😲，質地好淋，而且湯底都有濃郁嘅牛味，難得去到當然要叫埋佢哋嘅燉蛋啦，簡直想叫多4️⃣5️⃣6️⃣7️⃣8️⃣份返屋企，燉蛋一定係要熱先好食，質地超滑簡直一擺入口就跣咗入喉嚨🤤係小編畢生以黎食過最好食嘅燉蛋（冇誇張），唯一嘅缺點就係享受嘅時間唔長基本上15分鐘內一定要走🙁食物方面冇嘢好挑剔✅

Been a while since I last visited and forgot how stressful it can be eating here 😂 If you’re going by yourself, be prepared to sit with a stranger in a way that’s too close for comfort, especially during Covid times. The tables are just so small and you don’t even have a plastic partition in between.Prices have gone up by a lot but portion remains the same. Breakfast now costs $43. The taste of everything is as I remembered, though I find that the egg is not as smooth as before …but it’s still d

排長長的隊、被指派座位、催落order，速食炒蛋、方包和奶茶等等，在澳牛相信都習慣了，是特色也是港式茶餐的成功店，因為他出品品質穩定，夠大眾化。因疫情關係澳牛停左成個月有多了，行經白加時道也會望一望他有冇開，終於得知今日會開番，特早來試一試久違的早餐。大約10 am 來到，店前已有一條20幾人的小龍，安排入店的伙計，很有効率的幫人龍作安心出行和針纸纪錄，到5分鐘可入店坐下了。之前話店内裝修，眼看和之前分别大。早餐的火腿通味道、質感和份量和之前差不多，通粉軟硬適中，湯底刚刚好不醎還很熱，絲絲的火腿和之前一樣，是一碟很易入口又好味的早餐👍👍炒蛋油份和之前少了但份量也少了，多士薄咗，味道還可保持水準的。愛喝的鴛鴦，咖啡味香濃，飲落没有咖啡的苦味但有奶茶的茶味👍今日重開的澳牛水準大致可保持，但原來價錢加咗，早餐加$5去到$43，加幅達13%, 現時失業率高，人工又冇得加，都算幾犀利🙄，technically speaking 好似冇乜惗過corporate responsibility !

賣相仍然唔錯，保持水準，但食落就⋯首先杯奶茶俾微溫，飲咗一啖已經唔想繼續落去！叉燒湯意粉，D叉燒又硬又乾，意粉 over cooked，好似小朋友糊仔口感⋯抄蛋都算滑，但可惜又係凍，估計整好放咗一段時間⋯食完今次應該一段時間唔會返嚟⋯

喺佐敦收工想食少少野就去咗澳牛食個茶餐，好耐冇來，冇咗遊客係唔洗點排隊😛但係都係坐無虛席，keep 住有人叫外賣😆😆我哋叫咗個蛋白燉鮮奶 $30無論過咗幾多年，個質素都仲喺度，仲係咁大碗，一入口就好似食咗個固體嘅牛奶，好香鮮奶味，又唔會太甜😚😚只係去到最後會好滯，2個人一齊食啱啱好😚-茶餐 (牛油方包 (+$2 烘底), 火腿炒蛋, 火腿湯通心粉)$48一個經典嘅配搭✌🏻一個餐最重要就係個蛋，依度嘅炒蛋夠香夠滑，夾埋喺牛油方包度真係好夾😋😋😋