澳洲牛奶公司

營業中

休息中

今日同朋友一組嚟食早餐，估唔到平日都可以晨早咁多人。同行加埋四個人，澳牛大哥安排我哋坐卡位，細心嘅澳牛大哥見到我哋有四個人一張卡枱唔夠位放袋就拎張凳俾我哋放袋好貼心 諗起以前澳牛冇咩機會打到卡，因為每次食都會好趕，如果你一路食一路玩手機就會俾人鬧😂搞到以前完全唔夠膽影相。但而家既澳牛大哥們都幾有禮貌，仲會同你有講有笑。不過講真，張枱唔算好大，每次食嘅時候都係嘢飲後叫我如果一路玩電話就真會冇位放嘢食，而且成日都好多人等位，建議如果食完就盡快讓比其他人啦😝講返呢度嘅早餐，火腿通粉就正常發揮，但炒蛋係我每次都會叫嘅，因最鍾意食呢度嘅炒蛋，炒得好滑唔會乾爭爭，每次到要加埋佢塊多士一齊食真係最正😋而我最鍾意呢度係可以後叫嘢飲，因為我鍾意食完嘢先至慢慢嘆茶走🤣呢度嘅茶走都係每次必點，茶味濃，煉奶足，美中不足係慢慢嘆唔到🥲因朋友全食完等住我走😫所以下次都係自己過黎慢慢嘆🥺🥺

离九龙公园游泳池好近的一家餐厅，有好几次游完泳，想去尝试一下它的招牌蛋白炖鲜奶和杏汁炖蛋，坊间说这家餐厅态度差，都有少少担心，会被骂，圣诞节假期最后一天，下午茶时间，三点四十左右到，人还是不少，有7～8个人在我们前边排队了，等了十五分钟，轮到我们，其实前边有两人，一人要6个位，一人要两个位，但要两个位的人，另外一个没到，所以让我们先进去坐，进去一看，人真的多，我看了贴在墙边的菜单，看了五分钟，只是选了一个蛋白炖鲜奶，中间服务员来了一次，我太太说快点点，小心被人骂啊！后来点了奶占多，炒蛋多士。上菜速度快，先上了，蛋白炖鲜奶，好嫩滑，牛奶和蛋味浓，我喜欢，接着上奶占多和炒蛋多士，奶占多，多士不够脆，炒蛋就奶嫩滑，我也喜欢，吃完后，加了一个，蛋炖杏汁，杏味浓，但我和太太都认为太甜了，用餐期间没有感觉到服务差，上餐速度那是真的快，整体来讲，还是不错。

難得嚟到佐敦，更喺唔可以唔食澳牛，未行到去已經見排晒長龍，排左15分鐘左右入座都相當快。坐低落單叫 「茶餐多士炒蛋轉通粉」 唔洗2分鐘即刻上齊。多士又香又脆，炒蛋又香又滑，一定要襯熱食，最好味！下次一定要再來😋😋

第一次嚟食澳牛，去到就見到大排長龍但唔使等太耐就入得入到去係典型係舊式茶餐廳既樣，侍應都好快手過嚟落單。由於張枱太細，所以叫完嘢食食到差唔多先會落嘢飲咁因為過咗早餐時段，所以得茶餐同快餐揀。個分別淨係有麵同冇麵🤣咁同行都叫咗快餐食，叉燒意粉😝但原來可以轉返做火腿通咁我就食炒蛋，果然係澳牛名物。好滑好好味又大份🤣意粉就係一般茶記質素之後叫咗個燉鮮奶食（$33）有凍同熱揀，天氣凍當然食熱。燉鮮奶好滑會sup入嘴🫣不過太甜了，食咗半碗已經覺得好甜，要襯太膩之前食埋佢🥹整體侍應態度係舊式茶記好急好快咁，但冇話態度好差🙈🙈冇得俾人鬧添

話說女朋友話作為一個香港人一定要食澳牛而之前都聽過唔少嘅傳言話澳牛嘅光速餐速度冠絕全香港😂同埋澳牛嘅侍應好惡🙈以前有自由行嘅時候一定多人到要排大隊不過依家少咗人好多決定一試今次試澳牛嘅時間係夜晚，本來諗住夜晚應該冇乜人啦，結果當日去到店舖大概都有六七成滿一入到去等都未坐暖侍應已經問食乜嘢🥹今次就叫咗一個最經典嘅茶餐叉燒意粉配火腿炒蛋多士再加多一杯熱朱古力先講叉燒意粉，味道正正常常啦不過我估如果食叉燒通粉可能會更加好炒蛋值得一讚，夠滑好好食👍🏻不過水準就唔係太穩定因為我女朋友嗰啲炒蛋好似太熟其他食物同普通茶餐廳嘅分別不大😅總括而言，食物都算不過不失啦不過如果要專登搭車去佐敦食澳牛就唔係太有需要因為屋企樓下嘅茶餐廳嘅質素可能同澳牛都唔會差太遠🤪最後講多一點如果你喺佐敦附近要趕住食飯嘅不妨考慮下澳牛今次成餐飯加埋20分鐘唔使就出返嚟😆非常之符合香港人速食文化嘅特質如果遲啲有外國朋友嚟到都可能帶佢哋嚟試一試

啲間茶餐廳已經來過無數次，每次來都要排長龍，但每次唔洗等10分鐘就有位，餐廳無論係樓面、水吧、廚房，都係超級有效率，效率之高可以話係全港之冠。每次來基本上都唔洗諗，一坐低就叫「早餐炒蛋多士」/「茶餐炒蛋多士轉通粉」，是乎12點前後。唔知點解佢嘅炒蛋係有種魔力特別好食，放在多士上一齊食真係一流👍🏻 另外佢個通粉其實冇乜特別，但配埋個湯底就又係神奇地吸引😝因為張枱細，所以餐茶要後上，當你食到尾聲嘅時候，自自然然會有侍應過嚟問你飲乜嘢。我通常都會叫茶走或者熱奶茶，因為鍾意佢個茶膽夠濃之餘佢嘅溫度係極高，粗略估計最少90度以上。所謂水滾茶靚，一杯好嘅奶茶，溫度亦都不可缺少。唔洗十分鐘就食完了，下次見😆😆😆

聽就聽過好多次，今次係第一次食。去到門口見到有人排隊😅即刻諗住走，但係朋友話好快就會有位就排隊，真係排左5分鐘都唔使就入得😆😆。排隊個時個朋友已經問定我食啲咩，因為佢話一坐低就即刻幫你落單㗎啦📝📝。朋友推介食意粉，炒蛋，多士，落完單5分鐘都唔使野食就到，意粉都ok底下有幾片叉燒，下次應該會試下通粉，炒蛋加兩片火腿，蛋好滑都幾好食😋😋😋多士都好夠熱上面嘅牛油🧈都幾香，杯凍檸茶個茶底唔錯。

經過佐敦好耐無去澳牛我並非佢忠粉亦記唔起N年前食過係咩味道咁啱見到入面人唔多就入去試吓成個用餐過程勁快一坐低就問食嘜都係招牌茶餐：叉燒湯意，熱奶茶，火腿炒蛋，方包（叫錯咗，應該要多士）炒蛋係一般茶餐廳做唔到嘅香滑口感，唔會俾牛油味蓋過，綿密有蛋香，食完一份會唔夠喉想追加😂叉燒湯意精髓係個湯！令每啖意粉都沾咗啲湯味，食唔出係雞湯定其他，但唔似味精，似濃湯底最後係奶茶，放咗一陣上面凝固咗一層薄膜，個人認為係靚奶茶先會有呢個情況，凍咗口感都好滑唔澀執枱速度迅速😅每食完一樣5秒入就有人收今次之後會不斷回頭再去，為咗個炒蛋😌😌

呢間真係好出名，一直想食都冇機會，今日終於食到，超級期待同埋呢間出名侍應好串🤣🤣但去到又唔覺喎，個個都好niceorder左個茶餐飲熱菜蜜有牛油方包，火腿炒蛋，叉燒湯意粉（一開始見唔到叉燒）原來收埋左係底🤣我幾鍾意佢個牛油方包，夾埋蛋同火腿（因為就咁食偏鹹）一齊食係最好味，但個叉燒意粉我就麻麻，因為我鐘意爽身意粉，佢呢個係軟淋淋。至於杯菜蜜就偏甜，我朋友叫左凍奶茶，偷左啖黎飲，好好飲，下次要飲既然一場黎到，就試埋個蛋白燉鮮奶一般，太甜喇

🎈食物：🌕🌕🌕🌕🌑食咗個叉燒意粉，意粉有少少「林」，都好食嘅，叉燒亦都係我鍾意食嘅叉燒，唔會太肥，多士我就夾埋火腿同炒蛋，變左三文治咁食，多士夠晒厚非常出色👏🏻，嘢飲就叫咗杯凍奶茶，雖然比平時出面嘅茶記細杯，但真係好飲，唔會苦。叫咗個甜品：燉蛋白，個感覺有少少食蛋撻黃色中間個到咁😁，我自己本身鍾意食偏甜，係好食嘅🎈環境：🌕🌕🌕🌕🌑乾乾淨淨，我哋兩個人都俾咗個卡位我哋坐，有位放袋嘅👏🏻👏🏻👏🏻🎈服務：🌕🌕🌕🌕🌑唔傳聞中咁差，而且叫完嘢食秒出個餐出嚟，真心讚佢地既效率💯🎈回購：🌕🌕🌕🌑🌑經過佐敦都可以再回購嘅😁

Intro: 上次就喺澳牛食過呢到嘅茶餐，而今次就試下佢地嘅甜品，就係蛋白燉鮮奶啦，價錢就33蚊可接受，唔知味道點呢？___________________🍽 蛋白燉鮮奶（熱）💰 33 ⭐️ 7.5/10 ✍🏻 燉鮮奶嘅口感好滑溜溜✍🏻 鮮奶味好重，但就過甜，如果低糖會更好✍🏻 蛋白味相對冇咁重✍🏻 價錢算可接受，一個人食會太heavy___________________🏠 澳洲牛奶公司📍 佐敦白加士街47-49號地下⭐️ 7.5/10 （茶餐廳）___________________

Intro: 大家一聽到澳牛一定會覺得呢到出名快、急、態度唔好等等～但經過疫情後佢地嘅態度好左好多，不過急速嘅特色仍舊無變，見係食完就快速收碟，但都有好多人專登過黎幫襯，佢地嘅常餐係咪真係出色呢？___________________🍽 茶餐（牛油方包+火腿煎雙蛋+叉燒湯意粉+熱飲）💰 52 ⭐️ 7.75/10✍🏻 方包搽上薄薄嘅牛油，仲保持到脆嘅口感✍🏻 滑蛋好出色真係又香又滑✍🏻 叉燒份量偏少，意粉硬度適中，味道正常✍🏻 呢個地段其實做到50蚊左右已經好難，雖然呢到嘅文化比較急趕，但充分體現左香港嘅獨有特色，店員都好有禮貌架！___________________🏠 澳洲牛奶公司📍 佐敦白加士街47-49號地下⭐️ 7.75/10 （茶餐廳）___________________

澳牛出名惡😂和快。 我上次食完飯經過澳牛，見佢冇人排隊，就企係出面望下餐牌。男侍應叫我地入去坐，坐唔夠一分鐘。待應就叫我地落單，我未睇完餐單🙈。再過多2分鐘，另一位男侍應走過黎，俾壓力我地😂😂。最後佢幫我地叫了一黃一白。我只知係蛋甜品，好出名🤫。等食時，先見到餐牌寫白色係蛋白燉鮮奶，黃色係杏汁燉雞蛋🤔。 完全感受到真正港式茶餐廳的速度🤪（難聽d就係趕鴨仔🤣）。 一白一黃各33蚊（total 66蚊）。兩款的外表都係滑，放匙羹按下甜品都彈下彈下。黃色較白色甜，但蛋味或奶味都唔係好出。 如果係追求味道，就未必啱口味。但點都要入去感受下文化😂😂和支持下 ，話曬係香港咁出名。

這間餐廳，在平日的早上也有不少顧客幫襯，但就不用排隊，直入坐下便可，方便了不少。這裡的出餐速度，應該係全港頭嗰幾位快吧；這頭剛剛下單，嗰頭就已經送到，轉頭便已經問你想飲什麼餐飲，由入座到離開，分分鐘也不用20分鐘。對一些趕時間的客人，真係至適合不過；返而像我這種不用趕時間，可以慢慢食的人，就有點顯得例外了。最喜歡這裡的多士、炒蛋及茶走，多士酥脆有牛油香；炒蛋濕潤、滑溜又綿密；茶走香滑有茶香，現在已越來越少的食店做得這樣好飲了！每隔一段時間，總是會不由自主的行過來幫襯，就像「撞邪」一樣！🤣澳洲牛奶公司地址: 佐敦白加士街47-49號地下電話: 27301356

成日都聽話澳牛係必食，但每次見到咁多人就無意慾等，今日咁啱黎到佐敦，一於等等佢😂😂.但食左正餐既我入去就只係叫左個蛋白燉鮮奶，味道方面，都幾滑，欣賞唔太甜 (因為好多中式甜品都太甜啦!) 但係咪話有好驚喜既牛奶/ 蛋白味又唔係…係有啲失望既，如果$33 我諗有更多更好既選擇🥹.朋友就叫左常餐，其實都無咩特別，但蛋係滑既，我諗大家去都係食個氣氛😂 啲侍應真係好鬼忙、串，好似趕鴨咁。同有位就坐既概念，拿拿聲食完就走