潮興魚蛋粉

營業中

休息中

Chiu Hing has long been established within the Wan Chai area and often open till very late.  The brisket is great fat and juicy! but you can choose non fat parts. My personal favourite is the fish noodles. It comes with some vegetables inside but I find it the superior option and most satisfying. You're better off ordering a whole load of items like Cart Style Noodles with Fish Noodles. You would be paying a similar price and be a lot more satisfied. 

收工收遲左，塞車又塞到爆，個肚係咁叫，唔諗咁多喇，落車見到間潮興魚蛋粉，門面貼滿推介，就即刻捉埋個同事入左去試下先。正宗潮式粉麵。入到黎，人不多，六七成滿，沒有餐牌，所以左望望右望望，牆身貼滿介紹。咁多粉麵選擇，食咩好呢？最後選擇左最隱陣嘅牛腩河粉，牛腩肥瘦適中，不會太"林"和晤會鞋口，重牛肉味，河粉爽口嫩滑，可以算得上中上水準。加多杯凍0茶，水巴阿姐充得幾好，不會太甜。同同事一齊食一個餐45加埋多謝90大元，不過不失。

天氣持續地凍，人的熱量消耗得也快。在灣仔等巴士，突然飄來一陣陣牛腩粉麵的香味。肚子不爭氣地發出"咕、咕"聲。馬上不作他想，衝入粉麵舖。小店是普通粉麵舖的格局，圓桌圓凳。點了一碗牛肚牛筋河粉，很快送上桌。牛腩汁的香味更濃郁，馬上要開動了。牛肚做得爽口彈牙，肉香味四溢。而牛筋則又腍又滑，在口中"依依韌韌"的，很好吃呀！河粉的份量也很足，女孩子吃，絕對够飽。雖然這家小店的價錢比普通粉麵舖貴些，但勝在真材實料，絕對值回票價!

灣仔區，鋪租貴，人流又多，如果每天在這邊上班的話，其實，吃東西都非常昂貴，還要花時間等位。這個路口，在修頓對面，竟然兩邊轉角都是這間潮興幾個人，來這間麵店，竟然碰巧，等了不消5分鐘便有位置。由於雙拼要加＄10 ，倒不如單叫，然後與朋友互相交換，形成雙拼更好。牛腩米線，麵條還不算太少，米線也不算太林，可能因為太趕時間吧。牛腩份量不太少，起碼有六七片，厚切的牛腩，味道還算香濃，但是略嫌瘦了一點。湯底味甜，骨味不算非常出眾，但是以灣仔區高昂的租金，這碗湯麵加罐可樂，還算是小確幸。

今日因工作關係去了灣仔，出面熱辣辣，又想坐得舒服D, 就買外賣上朋友公司食潮興魚蛋粉我由細細個已食，雖然有味精，但它們的用料新鮮，味道濃烈D, 所以要個河粉中和下牛腩想要淋定爽同師傅講佢就會執俾你，我今日想食淋牛筋，冇問題唯一可惜係越食越貴

係灣仔唔知食咩好, 求其走進門外貼滿介紹的潮興食碗腩河~我叫左筋腩河, 炸魚皮~筋腩河 - 河粉正常, 算係爽滑; 牛筋牛腩口感OK, 牛腩食落唔硬; 至於湯底就爭少少喇.....唔係好得。炸魚皮 - 呢個要比個 差 字佢了, 好硬而且冇咩味總結- 以食粉麵黎講, 相信有更多更好的店選擇

呢間魚蛋粉竟收最低消費$33,重要話唔計汽水，油菜唔計最低消費，但價目表又冇寫明一定要食粉面，魚蛋粉味道一般，重要湯面有條毛浮在面，衛生程度差，伙計態度又差，只是地理位置好，自以為米芝蓮，不會再去，費事肚痛。

晚上去灣仔食潮式魚蛋河。個河粉$33。個河粉好正。好彈牙。有魚蛋同魚片。個魚蛋同魚片好有咬勁。粒魚蛋同魚片屬上等食材。個賣相好正。個湯温度適中，好重魚蛋味。

我成日話講這句，金鐘灣仔一帶真的好少野食，又唔想成日食快餐店，惟有行遠尐，去食這家魚蛋粉。//其實食過幾次，經過都會聞到牛腩味，所以今次試其他野，試吓牛腩米，加生菜，同一支汽水。//等左十分鐘內的時間有得食，份量尚可，米粉正常（安全的選擇），但牛腩竟然係乾身和鞋的，真的要o趙先咬到，雖然我已經好肚餓，但感覺為了填肚般……好在生菜份量ok, 有點脆口。//加7元一支小的忌廉汽水，這餐有點不滿足，不太值得要成四十幾蚊………//惟有努力點再找其他野食吧。//

超鍾意食淨雲吞，以前成日去厚福街食又平又大大粒，好似乒乓波咁既雲吞，好耐以前食過潮興魚麵，但就未試過佢地D雲吞。今日叫左一碗試，D雲吞細細粒，肉蝦比例一半一半，都爽口，但唔會覺特別，湯底食左唔會覺口渴, 都OK, 一碗7粒細雲吞要成$30蚊，未免貴咗一D，係同區食過的其他店，都只係$20，可能呢個舖夠旺卦 

經過諗住是是但但食碗麵填肚, 就叫左牛筯麵同雲吞河, 加碟生菜話無牛筯, 轉左牛什麵.黎到, 雲吞有5粒都幾多, 但散晒飛晒D蝦出黎......*0* 食落又無咩味牛什, 牛肚都係唔入味有3舊, 牛肚好食但得一舊, 仲有其他唔知咩部位......生菜走蠔油, 最後黎到咪又係蠔油生菜...........唉唔好食, 態度又差, 又成日叫人調黎調去最後, 佢既辣油係幾辣既! 

剛出席完活動，又要趕返公司，真是有夠忙的。在巴士站頭看看時間表，竟然有近廿分鐘的空檔時間，反正午飯還未有著落，就近一點的粉麵店算了。中午時段，座位都是逼得只得一條通道，這是香港食肆的現象，真的習慣了。只不過空氣中傳來濃烈又令人討厭的鹼水味，麵底恐怕都是失望居多，$28一碗牛腩米，不算貴了，另加一碟油菜$16，就真的呻笨。牛腩炆得未夠入味，五香味不足，咬來有點韌，就連湯底都是淡而無味，多澆一點腩汁都不會，只是一碗不合格的牛腩麵。可能經營成本實在高，一碟芥蘭油菜算來數去都不夠五條，講真，有時候遇上大方一點的食店，食麵都會加一兩條菜，算了吧！怱怱食完，但牛腩及米粉只是食了三份二，已經要掟筷子投降。

「潮興魚蛋粉」有如七仔般，梗有一間係左右。徒見店名，已是信心的保證﹗是日，節日過後，仍覺飽滯，只想吃個簡單快捷的午餐，「潮興」確是不二之選了﹗各式粉麵由$28-$36不等，經濟實惠。麵底可選幼麵、粗麵、河粉、米粉、米線等，伊麵須另加四元，也可以$5加菜底或$15要油菜一碟。潮州麵檔的飲品則相對較貴，小妹從來都不會要的。油菜 $10凡惠顧粉麵一碗，以$10可獲油菜一碟。油菜看似鮮嫩，惜咬下有渣滓，偏老了少許﹗原汁牛腩河粉 $28甫上枱，只見牛腩肥瘦肉各半，較為肥膩。老爹吃後表示牛腩軟腍入味，河粉幼滑，湯底香濃，水準ok﹗紫菜四寶米線  $38小妹較為貪心，喜歡大堆頭之作，故要了招牌的「紫菜四寶」。富韌勁的米線，襯以清湯底(店家宣稱鮮骨響螺靚湯底)，再加上蔥粒及炸蒜粒等香料，味道清新。吃後，不會有死鹹或乾涸之感。雖稱之為「四寶」，但實質有六寶 - 魚蛋、魚皮餃、墨魚丸、豬肉丸、貢丸和扎肉，夠晒大堆頭又夠晒頂癮﹗六寶中，較為有驚喜的是頗彈牙的魚蛋和爽口的墨魚丸，其他則屬一般。 

邊度都有潮興，是我對分店遍佈灣仔及銅鑼灣的潮興魚蛋粉既特定標題，因為，單是在鵝頸橋的周邊，已經有三家分店。而這一個晚上，在小童群益會下課後，我回到修頓球場邊找夜食，而夜食有什麼好選擇? 也是在修頓球場周卣邊擁有三家分店的麵店，也就是邊度都有的潮興。來潮興，總喜歡點上他們的牛腩麵。因為，潮汕一帶，除了做魚蛋及各頖肉丸比較出色之外，做牛腩的方法也是頂呱呱的。這一個晚上，我如常地點上一客牛腩麵雙併，配上了貢丸。潮州的麵，麵底也就同廣東的麵沒有分別，不過湯底就總令人感覺有少少魚味，而且牛腩就算有醬，都是比較清的，總令我覺得，潮州麵是以魚味清湯為主，但擁有濃郁的味道。是次分配到的牛腩不太肥，但入口令我感覺非常之腍同香口，牛肉味道豐富，腩肉亦有少少爽口感，而貢丸夠爽脆，味道也是香香的。簡單一說，整個麵，感覺清新，入口香味十足，牛肉及貢丸，味道極香濃，完全是食牛腩麵所追求的感覺。邊度都有潮興，來過多家分店，多家都有水準。

对潮興有很深厚的感情，不同的店吃了好多年。以前分不出來坑腩爽腩和牛腩，現在至少分得出來了，也算沒白吃。這次來的這一家屬於少見的牛腩比坑腩好吃，大家不要弄錯。坑腩普普通通，實在是對我的打擊，瘦肉硬，肥肉膩，中間沒有膠沒有筋，實在不算好坑腩。然而沒想到牛腩卻很贊！肥瘦均勻，瘦肉鬆軟，有筋，還比坑腩便宜，以後再來這家，就是weil牛肉！小店服務很好，老闆熱情，說湯少，立刻打了碗清湯來給我，多謝掌櫃的！