影片
開飯介紹
潮興魚蛋粉為一家潮式食店，最出名的是魚蛋。分店多，營業時間長。
繼續閱讀
營業時間
今日營業
24小時營業
星期一至日
24小時營業
以上資料只供參考, 請與餐廳確認詳情
招牌菜
本身想食個下午茶，見到門口d牛腩幾靚就入去食細閱餐牌之後叫咗個牛三寶，話想要加錢轉生菜底樓面阿姐話唔洗，唔要粉面本身會有生菜喺入面磨咗一陣之後比張單我寫住190，即刻追問，佢就話咁叫淨食要收190，我話我問咗係想走面，本身想轉菜底係佢話唔洗轉我覆佢咁算我要河粉啦，佢仲係咁話師傅出緊餐啦咁擺明係明搶，我話想加錢轉生菜底，佢話唔洗，最後想收我190，仲話自己幾十年老店唔會呃人，顧客大哂，勉為其難轉比番比我我即刻嬲到擺底錢走人，幾十年老店，真係祝佢長做長有（水魚）Btw，雖然無圖無真相，但一坐底就見到有條明顯飲過、有污漬、乾埋嘅紙飲管插咗喺筷子筒入面😇
繼續閱讀
今日突然想食魚蛋粉，便搵吓灣仔邊度有得食，見到佢門口嘅裝修就有啲歷史嘅魚蛋粉，相信應該好味。坐低叫咗個牛腩魚蛋麵，一個牛腩墨魚丸米，加多一個炸魚皮。炸魚皮係來貨嘅，所以屬於正常水準，牛腩唔係太林，好有咬口，食完牙鉸有啲攰嗰種，墨魚丸普通冇乜特別。但要講一下個湯底，我哋都覺得佢係咸的，所以整體感覺唔太好食。
繼續閱讀
坦白講，作為一間香港連鎖粉麵餐店。 價錢同味道都冇咩值得批評，大家食之前都有心理準備。 但只係希望服務態度可以好少少。簡單一個外賣自取，有八達通機又唔俾客人用。 到最後牛腩河竟然可以唔分湯。 我想加錢要求分湯嘅時候佢話做唔到，試問今時今日邊仲有外賣粉麵唔肯分湯。真係多謝晒。返到屋企河粉都吸晒啲湯。
繼續閱讀
深夜嚟講灣仔區真係冇乜特別嘢好選擇🙈今日大概係夜晚11點嘅時候落去諗住買個外賣都真係冇嘢揀，見到呢一間粉面店仲未閂，決定入去堂食，跟住快啲返屋企，今日就點咗一個牛腩河粉，另外加牛雜，總共$42+$12 = $54🙈成碗河粉嘅份量唔算太多，我一個女仔都覺得食唔飽🙈🙈 不過值得讚嘅位係，牛雜嘅份量都正常，而且我覺得佢清潔得非常乾淨，絕對冇任何奇怪嘅味道🙈 牛腸就比較瘦，牛蒡同埋牛肺都做得唔錯，牛肚就炆得較軟身，大致上我都覺得碗嘢幾好食！喺冇乜選擇嘅情況下我都俾佢合格🙈🙈🙈
繼續閱讀
✔️餐廳主要係食牛雜粉麵，由於佢係開二十四小時嘅關係，所以都非常多人。喺灣仔嚟講都算少數會開二十四小時嘅餐廳，今日就去咗食一碗牛雜河粉，另外再加牛腩，整體嘅味道我覺得都可以接受，雖然唔係非常突出，牛雜嘅味道正常，個人嚟講覺得佢嘅牛腸有少少太肥，中間太多脂肪，不過牛肚同埋牛肺嗰啲就OK，牛腩嚟講嘢都幾好食，唔會俾啲太肥嘅部位你，再加啲辣椒油嚟講就可以令到佢哋嘅味道更加突出，可惜餐廳坐有少少迫，所以食完都冇坐好耐就走，埋單就$54（$42+$12），呢個價錢嚟講正常中規中矩
繼續閱讀
您可能會有興趣的...