潮爆火鍋肥牛專門店 (已結業)

星期二一行8人7:30分到達，叫了一個$880的8人餐。 先不說味道，落單叫左5次先有人嚟，等左20分鐘花生都無粒食，原來唔記得落單，再20分鐘，連水都無滴，再追追追，等足一個鐘先有得食…先來︰唔知物姑雞腳湯 - 每人得半碗，仲要8碗湯得一碗有雞腳，一碗有一隻姑咕嚕肉 - 似深水埗$18蚊一盒餸果d, 炸得好乾，唔好食白焯蝦 - 超細隻基圍蝦, 份量得半斤三釆碟 - 係超小籃炸物, 無味炸豆腐/炸豬腳骨(無肉)/蒜香骨(又係骨)西蘭花炒龍躉柳 - 每人得一件好似手指尾咁長，簿片炸子雞 - 賣晒！做左個蒜子雞煲，但入面最少有4件雞亦，蔥頭多個雞炒飯 - 無料炒飯一碟生果盤 - 無食，因為上每碟餸最小等15分鐘，等到火滚單價 + 茶介 + 酸菜 + 1 = $1051.6 = 唔飽 + 一肚氣食物味道唔得 + 份量唔得 + 招呼唔得 = 要去對面老麥round 2 (仲有我哋8個人其中有6個係60以上老人家)，你話死唔死！

確確實實一元一盎飯，是日指定的是排骨鈑。盎仔細細，飯較軟淋，不夠熱，只微暖。排骨不錯，遠勝稻香集團極濃雪藏味及吃不下的排骨。另外兩款特價點心($6.8)牛肉球及义燒包均不錯，有水準。再點了客家豆腐($18)，份量＋足，用沙煲上及生菜墊底。釀料加入醎魚蓉，本人不好醎魚 菜色清淡，不會油膩膩。二人享用，埋單$41。部長將別檯點心入錯於我的單，有點亂。是日ATV在拍攝(Mon - Fri 8:00 p.m. 的節目)，重點是"一元一盎飯"。但無靚主持。茶位$2 (假期$5) 小點$9.8, 中點$12.8

If you are not a smoker, don't visit this restaurant.If you are mind first hand and second hand smoke, don't visit this restaurant.If you don't want your dinner being ruined by the smoke, don't visit this restaurant.The waiters/waitress/mamager there all turn a blind eye on the smokers.烏煙障氣

食店位處偏僻，九點黎到得小貓三四隻已經係意料中事，偏偏撞著個傻嘅女侍應，一坐低個傻瓜已經急不及待問我地要乜野湯底，心諗：乜妳趕收工咩？隨口答鴛鴦湯底，問佢鴛鴦湯底有乜，佢答我鴛鴦湯底得一款，心諗可能我問得唔夠清楚，再問佢咁鴛鴦湯底包括邊兩款，佢仲驚死我唔識字咁，指住個餐牌答，都話得一款咯！我心諗下！唔通係新野我唔識？鴛鴦湯底係兩樣溝埋咁前衛？中間冇野分隔嘅？叫經理過黎問，完來係芫茜皮蛋同沙爹兩款，唔係兩溝，咁都定D，一答完又拿拿聲走，又得返個傻瓜對住我，傻瓜又問我飲乜野，火鍋店賺酒水錢平常事，不過揾均個餐牌都唔覺有價錢，咪問下佢汽水幾錢罐囉，點知佢突然另轉頭大哎經理：汽水幾錢呀？哇！駛唔駛哎到我好似黎收陀地咁呀？經理原來忙緊追電視劇，急急腳過黎補鑊落單，真係騎呢到極點。食物方面湯底，一般水準，同自己整冇乜分別，肥牛有筋，四寶丸同街市一樣貨色，我相信呢個就係冇人幫趁嘅原因，即係除左唔駛洗碗之外同買料返屋企打邊爐冇乜分別，唉，睇怕唔捱得幾耐。

昨晚去完都唔錯呀~服務good 啦~ keep 住換碟、加湯(唔係加水)魚皮餃、雲吞、炸魚皮、粟米都好味呀~~~ overall d 野食都好味~ 算係鮮甜呢~toilet 夠清潔, 裝修都唔錯~ 係可以再去的地方~

我和家人一行8人昨晚第一次到潮爆打邊爐. 食完之後, 全家對這間店都覺得非常失望, 一致認為一定冇下次!1.$88一碟的本地手切肥牛,質素很差.因我們有兩碟$10肥牛的優惠,相比起$88貨色,質素差不多,"鞋"口,冇牛肉味,唔抵食!2.我們點了兩碟三文魚刺身.第一碟都合格-腩位,夠厚,夠靚,第二碟-尾位,切得較薄,兩碟對比太大,令人覺得同一樣$48碟,不過相差太遠!3.經常落錯單-點雲吞,黎錯水餃;點豆卜,黎錯魚卜4.最恐怖的是豆卜來到的時候,我們一個一個放入湯底時才發現8成豆卜都有淺綠色霉菌附在豆卜上.雖然部長即時將豆卜拿走,說對不起,並重新給我們一個新底,但已令我們食慾大減!真不明白廚房為何看不到這麼明顯的霉菌便拿出來給客人.5.整體價錢並不便宜,食物質素一般最後,唯一值得一讚是服務態度,部長和侍應生都很有禮貌,有錯即刻認,不會推卸責任.不過食物質素實在不敢恭維,希望他們們作出改善.

一家人第一次去呢間野飲茶。點心款式唔多，唔會有D特色點心，都係傳統ge蝦餃燒賣。不過佢有煲仔飯，日式定食同套餐。三個人就叫咗個點心套餐($78)。有三個點心，一個炒粉面加一碟菜。仲有糖水送。點心：1.燒賣(四粒)—唔錯，唔係好多肥肉，略嫌少蝦2.腐皮卷(六件)—好味，新鮮即炸，夠多蝦3.豆苗餃—其實唔係豆苗，因為而家已經無豆苗，裡面係菠菜，菜& 蝦比例均勻。另外叫咗個牛肉球，唔錯。炒粉面:豉椒肥牛炒河—超大碟，味道幾好，唔會太咸；不過都幾oily.灼油麥菜—菜好嫩，無渣。埋單，$103，抵到爛，仲食得好飽添！

已經有幾個月冇寫食評，實在係太忙冇時間寫。希望有時間可以補埋其他，今日寫住呢個先。同uncle拜年，佢地揀呢度打邊爐，叫左個蕃茄薯仔大眼雞湯底，其他味道唔錯，越食越甜。配料方面比較有印象既係象拔蚌，好鮮甜，不過切得太細件，如果大件返d會好好多。肥美鵝腸，真係好肥，每條都有啖啖既肥膏係度，爽口好味。芝士牛丸，內有芝士爆心，牛丸係手唧貨色，如果愛好芝士人士會好鍾意。手切本地牛肉，向來鍾意手切牛肉多過雪花牛，有肉味之餘又唔韌。其他配料同一般既都係差唔多，overall黎講算唔錯。不過服務方面認真麻麻，舉手叫waiter個時，明顯見到都扮睇唔到，試過舉手舉足5mins都冇人理，有待改善，but有個waiter服務唔錯，未至於最低分囉。環境都唔錯既，不過去toilet個時地下好濕，其他都ok既。再次多謝uncle今次請食飯。

12月內到"潮爆"吃了兩次火鍋, 兩次的感覺都不錯, 食物有水準, 招呼不俗。第一次我們點了火熖海鮮湯底($78), 伙計在我們面前先用酒煮蟹、蜆、青口...等等湯料，再到入湯底。5個人可以點2碟$10肥牛(份量當然是少一點), 另加菜、魚皮餃、金菇、等5-6碟火鍋料及四支大啤, 埋單每人$80。食物質素佳，亦不算高消費。埋單時送了一張活魚刺身贈券。所以,不足一個星期又再去幫襯多一次。這次我們點了花膠雞鍋($68半隻)，同樣是5個人，點了7-8碟火鍋料,包括蟹($56)、菜、豬肉青...等，+10多支大啤。如果喜歡吃蟹，我想點火熖海鮮湯底會比較實際，因為獨立點的蟹和火鍋湯底的蟹, 斤兩一樣, 都是6-7兩左右的花蟹，蟹肉鮮。另因為有活魚刺身贈券，所以不能享用$10肥牛，$38肥牛份量OK，而活魚刺身是章紅魚，份量當然不多，但很新鮮。那天每位平均都是$120。我們兩次都是坐在閣樓, 其實樓下的裝修和坐椅較舒適，第一次是樓下人太多, 被安排下上閣樓坐, 第二次是自己要求, 因為樓下比較迫, 樓上返宜坐得鬆動舒服一些。聽一些在酒樓上班的人說, 晚上12時後有特價，他們經常去吃, 就是他們推薦