潮營火鍋小炒菜館 (已結業)

上水開咗間火鍋小炒，今晚特登黎試吓新嘢。一坐低，老闆娘好nice，向我哋介紹吓招牌菜，我哋俾個烤魚吸引咗，決定烤魚加打邊爐！老闆娘送咗兩碗老火湯俾我哋，個湯超正，又濃又足料，平時其他餐廳好少有咁好飲嘅湯重慶萬州烤魚有大中小辣揀，我哋要咗小辣。等咗一陣，大大盤烤魚黎喇！見到已經覺得好吸引先試吓個湯，非常香濃，鮮甜又帶點微酸。條魚大到不得了，無乜骨，啖啖肉。最正係魚腩魚鰭果d位，個皮烤到好香，又充滿湯汁嘅美味！手切滑牛平時打邊爐多數食肥牛，但今日想食下滑牛。又真係幾滑，淥耐少少仲入味。午餐肉份量超級多！足足十大塊，超抵食！走嘅時候發現原來9點半開始有串燒，仲做到凌晨兩點，下次試下先。