影片
荃富街公園對面
繼續閱讀
營業時間
星期一至日
11:00 - 23:00
以上資料只供參考, 請與餐廳確認詳情
招牌菜
小弟響附近返工,果晚收工行過諗住食個粉面e下肚咁岩想起潮滿,一入去,冷氣涼快,食粉面至怕成頭大汗,跟住呀姐都好禮貌地問係咪一個呢,講返食物先,見牆上貼滿一張二張食物照,心諗...影相緊係影得靚啦,上枱咪又係另一回事,我呢d牛魔王食潮洲粉面最緊要就緊係試牛腩先,就叫左一碗我既至愛 肥牛腩河+凍奶茶呀姐問要唔要試下招牌魚片頭呀,我話都好啵~肥牛河+魚片頭雙拼,一上枱賣相真係無得輸,牛腩肥瘦適中,心裡不禁說句(好耐都無食到好牛腩了)魚片頭長身大大粒,外脆內軟,唔怪得招牌奶茶好高水準,我可以講一定好過好多茶餐廳同大家樂 美心果d九賠店舖須然地方細少,但地方乾淨企理坐得舒適今次試左兩款野,下次一定會再黎試其他~
繼續閱讀
潮興, 一向係灣仔魚蛋界無人不知, 之前新東記在荃灣廣場附近開左, 店裡廣告同灣仔潮興差不多是一樣的, 令人不期然聯想到是潮興分店潮滿除了同一set的廣告外, 名字更似潮興叫左一碗魚蛋牛腩粗麵, 好快已經黎到, 還記得新開張時幫襯過, 當時見到男師傅切牛腩很慢, 心想如果人多d點做得切? 現在的女師傅就快好多了魚蛋依家彈牙, 魚蛋還真是有魚味, 是潮興既特色, 潮滿一樣深得真傳, 但說實話, 我試過潮興、新東記、潮滿的魚蛋, 三看似同一集團, 應是同一工場, 但實際上是吃得出有分別的, 如果要我排好味度, 我會選新東記 > 潮興 > 潮滿, 不是說潮滿不好味, 而是另外兩間更好味, 有機會再向大家介紹吧牛腩大部份是瘦, 只有少量肥肉在上面, 肉有牛味也煮得腍, 是另一潮興之味下次再試試墨魚丸, 看看又是不是一樣出色如果幾間鋪頭真的沒關係, 請原諒我吧
繼續閱讀
係屋企溫的士題目,溫到火都來....希望出去輕鬆下先再溫.這段時間是我人生低潮..黑到無朋友...唉!呢次選左呢一間潮滿做食評...沒有華麗裝修.坐位都不多.但勝在乾淨.証明用心咁做過清潔.....我只係出左26元....我都無要求店員酒店式服務.但別人係出自真心,同人客交流...待應話全部食物都好食....我食過就知...仲問係咪上網見過食評先來...我笑說係.睇下係咪真係咁好食.....我仲話前幾日去一間店.店員態度差......回來講真話...仲俾人留言....叫我唔好去.......待應立刻答...唔緊要啦.呢個世界乜人都好.我呢度人好.食物好....你一定要來.........我點左牛腩米....凍華田凍華田.大大杯....絕對認真之作...甜度剛剛好...華田粉同奶份量.恰到好處牛腩米......好正...牛腩其他店食,有些會有異味,有些會好硬....有些會好肥....但呢間......牛腩.係技巧之作....淋得來...又好香,肥瘦剛剛好,又唔會令到的湯好油......湯底.我估牛湯,下次去,我會問下店員......清而香甜...屋企都煲唔到......沒有名氣的店.我都係出左26元.....店內滿座.但店員當我朋友一樣...........誰人話一定要去5星級酒店先有服務?人為何不將心比己.自己對人無禮...就應該.別人對返佢無禮就不該...世界不是這樣人在做,天在看....壞人有一天會有報應....希望所有人都會有天知道.禮貎重要性...有禮唔駛錢.為何不做.....最後一句...呢間店我一定會回頭
繼續閱讀
一到放飯時間,就過左離食附近d野都食勻哂,都係覺得呢間最好食去到必食既當然係招牌既魚片頭啦第一次去食完,就好surprise因為佢唔單止彈牙,咬落去仲好似有肉汁咁真係唔係講笑,可能係我唔識形容=.="但d魚肉真係好有味..正咁之後再試下其他丸類...仲surprise佢d貢丸同牛筋丸,應該係我食過最好食架貢丸食落有冬菇同墨魚既肉,兩者好夾,香味好凸出牛筋丸好彈牙好彈牙,不過我食牛筋丸好怕d筋會sip牙縫好在冇姐除左料好食之外,佢好湯底都好好夠清,明顯食唔出味精味
繼續閱讀
2009年1月22日 ( 3 ) 荃灣 ( 潮滿魚蛋粉 ) 下午茶潮滿魚蛋粉座落於富麗花園商場，經常路過，但從未試過，太太 Maggie 經常到此店吃牛腩麵，說這裡牛腩幾好食，即使是瘦腩，也不會像一月十七日在彪記吃瘦腩時的那樣黐牙，Maggie極力的推介Johnny前往嚐試，黃昏後，我們相約 於( 潮滿 )，我要了牛筋與牛腩河，Maggie 叫了牛脷與牛肚河，落單時我問阿姐：牛腩有沒有得揀架。阿姐話：人多就無，現在人不多，都可以嘅。我問：牛腩掂樣分架。阿姐話：你要肥腩定半肥瘦腩？我話：最好是半肥瘦腩，唔該晒！飲品叫了一杯蜂蜜菊花茶，不久，兩碗到來，大家將餸互換來吃。牛腩：嚼起來時，夠腍，好夠油香，好好味，很久沒遇上好牛腩了，Maggie話：何需遠道往元朗呢？我說：以後，還要再到彪記，要試試它的邊腩及肥腩才可作比較吧！牛筋：腍了一點點，味道也不錯，至於牛筋我還是喜歡(潘記)。牛脷：咬吃時，充滿牛脷香味，這裡的牛脷非常之美味。牛肚：夠腍，入味也是可以的。至於凍蜂蜜菊花茶：味道幾好，略嫌冰過多，味道溝淡了。這裡店舖地方細少，地方都乾淨企理，服務OK，今餐吃的都幾好味，特別是半肥瘦腩與牛脷，有水準！
繼續閱讀