潮洲滷 (已結業)

早前去咗灣仔，經過見到呢間潮洲滷，食物好似都幾正，所以忍唔住入去買咗2盒潮式滷水返去加餸‼️👍🏻價格相當實惠，質素好高👍🏻‼️‼️‼️‼️📌滷水豬手🐷🍖$75一斤📌滷水雞翼🐔$24/4隻📌滷水豆腐🥠$10一件📌滷水雞蛋🥚🥚$10兩隻📌滷水鵝🦢$127/斤 買幾多都得📌滷水豬大腸🐷$18起✨滷水豬手超級超級高質👍🏻👍🏻 相當軟嫩，入口即化，肉質不柴😋，完全吸入醬料，調味是勁香，開胃可口‼️✨ 滷水鵝勁正，香氣撲鼻，滷水料好香，隻鵝味道濃郁，肉質不會乾，好吃‼️‼️✨其他例如雞翼、豆腐和雞蛋都相當好，豬大腸爽滑無渣🐷😋😋👍🏻👍🏻👍🏻👍🏻很喜歡他們外賣醬料分開裝，臨食之前先拎出來沾，正

今日經開灣仔，差唔多走嘅時候。收到電話叫我加餸，誤打誤撞嘅情況之下，見到呢間潮州滷。見到佢啲滷味好似好吸引咁，而且亦都有好多人喺度幫襯。於是決定喺度斬料加送拎返屋企。分別叫咗滷水豬手，滷水豬耳，滷水雞翼同埋紅腸。先講佢啲滷水汁。唔會話太鹹，而且好入味。我自己就最鍾意個豬耳，豬耳非常之爽口，而且份量都好大。喺門口等嘅期間，見到呢間舖頭原來係由家族經營，我當日所見到嘅就係媽媽同大仔，兩個人都勁熱情咁招呼我哋。所以無論喺食物方面，定還是服務方面。呢間食店都會得到好高嘅分數。值得大家嚟試吓。

這間餐廳位於灣仔，正正位於灣仔地鐵站附近，路程只需要三分鐘左右，餐廳主打的就是潮州鹵水，我最擔心的就是滷水的味道過份強烈，令整份食物失去了原味道 ，我想到這間店做得真的很好和細心， 外賣自取回家吃，他 竟把醬汁分成一小袋，方便我攜帶， 包裝上的用心，可以絕對感受得到。另外，食物味道方面，完全不會over，適合香港人口味，最重要鹵水煮得適宜， 不會過鹹，也不會味道過重。 同時， 我點算了一些內臟好像豬腸，鵝腸等， 一般最擔心的就是清潔得不乾淨，但這次完全沒有這個問題，我也十分安心。

經過灣仔想斬料返屋企加餸，剛好見到呢間滷水店，決定買滷水鵝返去，左望右望，呢樣又想食嗰樣又想食，最後我叫師傅幫我斬百五蚊雜錦拼盤，正！滷水鵝好靚，唔肥，肉質有彈性，味道亦都剛好！份量都多！另外有豬耳夠爽口，鵝腎平時好似比較少食，都幾好肉地，比起一般鴨腎有口感。豬大腸其實我平時唔係好食，不過老公鍾意，試咗一舊都OK喎，感覺幾juicy。滷水豆腐好大塊，唔會散開，唔錯。等緊嘅途中，發現原來佢葵芳都有一間分店，仲有金剛同小儀嘅合照添，似乎真係有啲口碑喎！

見OpenRice好多好評，喺灣仔買完野之後，就買埋滷水鵝返屋企加料😁😁店舖雖小，但乾淨整潔，餐牌亦清晰易明，睇緊食乜嘢嘅時候，仲有好多熟客幫襯👍🏼👍🏼食評果然冇介紹錯，滷水鵝好香嘅滷水味，但唔會死咸，仲要食到香濃嘅鵝肉味，令人食完一件接一件😋😋鵝肉一啲都唔肥，啖啖肉，肉質唔錯，唔會太硬。我就最鍾意幾點醋嚟食，酸酸甜甜👍🏼👍🏼一啲冇乜肉，剩係得皮嘅位置，其實都非常好食，慢慢咀嚼，可以感受到濃濃鵝香。 另外仲加咗滷水雞翼同埋雞蛋，同樣滷水味都非常入味，屋企有小朋友嘅話就啱晒👍🏼👍🏼超受歡迎，眨吓眼清晒😆😆佢最好嘅係唔會太咸，就算就咁食，定係餸飯，都係唔錯嘅選擇😎😎

窮遊香港-灣仔大份抵食潮州滷味呢日見到呢間OpenRice勁多好評我又去左試試 叫左2個 潮州滷味飯盒試試雜錦飯$40呢個真係勁多配料餸菜豬腸 紅腸 腎 滷水蛋 菜睇圖可以見到真係勁滿 同勁多滷水鵝片飯$79同樣 鵝片量都係好多呢間味道都係勁傳統既潮州打冷味道滷得好入味 唔會過咸有附加 一包滷水汁 比鐘意重味既朋友 .整體岩哂斬料加餸既朋友大份抵食. #潮洲滷 (灣仔)地址：灣仔石水渠街1-13號其發大廈地下8號舗.⭐️評分：味道：3.5/5環境：3/5 外賣服務：3/5 外賣抵食：4.5/5

係灣仔食完午餐之後經過呢間滷味鋪，諗起要幫阿媽買啲餸返屋企，一於斬料仲簡單直接～我選擇困難，所以咩都執少少黎個大雜燴😂😋🐖 滷水豬手/燻蹄本身想要腩肉，不過原來無，所以老闆推介燻蹄。果然無介紹錯！瘦肉部分肉質唔會鞋，都幾軟腍，豬皮好入味，多膠原蛋白，食落唔覺膩～🐖 滷水豬耳口感係中間爽脆，兩邊Q彈，係滿滿嘅膠質吖🦆 滷水鴨滷得幾香口，肉質嫩滑，唔會有腥膻味👍🏻滷水豆腐豆腐無顆粒感，外層嘅皮有咬口，大大塊都幾飽肚仲有滷水雞蛋同紅腸，都唔錯😋呢度全部夾埋唔洗$150，幾抵食👍🏻 老闆一家態度都好好💯 唔少街坊都黎幫襯，值得推介👍🏻

有時煮餸煮到無晒靈感，買料加餸就最方便，今日出灣仔工作後，路過見到就買嚟試下。滷水鴨 鮮嫩鴨肉肥美，夠厚肉，肉質嫩滑，沾滷水汁更添滋味，半隻份量都多。滷水鴨掌鮮嫩鴨掌，皮滑香嫩，有豐富膠原蛋白滷水雞翼 小朋友一定鍾意食，雞全翼切好雞搥、雞中翼、雞尖，好入味。滷水豬耳Nikki 大讚，豬耳爽口中帶爽脆，好送飯。滷水 豆腐豆腐吸收晒滷水汁精美，加上有八角等材料香味。滷水鵝腎腎肉質細嫩，肉質厚，滷水味濃。滷水蛋 蛋都入晒味，沾滷水汁更油潤。食物還有鵝翼、鵝頭頸、腩肉、豬大腸、豬頭肉、鴨翼，飯類，價錢平，下次再買～

問老公今晚想食乜餸，佢話突然想食潮洲滷水，於Openrice 找找公司附近有沒有正的「潮洲滷水店」，就找到這間，在灣仔石水渠街的「潮洲滷」，評分超級高，一於試試這兒只做外賣，沒有堂食，正合我心意，本身都是打算買回家加餸看看門口的餐牌，價錢清晰，而且一點都唔貴，點多幾款都唔肉痛但我倆口子食量都不大，精選點了必試「滷水鵝肉」同「滷水豬耳」潮洲滷水必配「滷水汁」及「醋」職員都細心提醒「滷水汁」不要直接加入滷水鵝，否則會太咸；最好用來「點」就能令味道畫龍點睛回到家，一打開盒滷水鵝，滷水的香味撲鼻，真係想立即夾件嚟食由於本人比較喜歡熱食；所以我先煲滾一窩水，關火後放入滷水座熱，享用～～～「滷水鵝」好好味，皮滑但不肥膩！鵝肉很有咬口！再點上配上的「醋」，味道非常夾豬耳都非常爽口，令我食到停唔到口，再點配上的「滷水汁」，令味道更豐富在想不到今晚食乜餸的日子，絕對可幫襯這間「潮洲滷」，推介

作爲一個潮州人，滷水係生活不可或缺既一部分，但係去過好多地方都揾唔到好食同岩我口味既滷水。最近經過灣仔，見到呢間【潮州滷】禁多人排隊，應該唔錯，就試下。價錢明碼實價，而且都非常合理，老闆人都好好。豆腐：比較乾身，唔會滷到軟軟爛爛，味道會偏淡，但另外有付滷水汁，自己可以控制濃淡。豬耳：其實我自己好怕食豬耳，尤其好考驗食材/師傅手工，如果唔係會有好大陣豬腥味。不過呢個完全唔會，而且好爽脆！雞翼：滷得好入味，而且唔會好柴。為返上黎都係$5-6一隻，好抵紅腸：可能紅腸本身已經腌製左，所以滷完會鹹左D，不過都幾好食，唔錯！同埋佢地滷水好香花椒八角味！非常正宗潮州滷水！推薦！

喺公司附近買左盒滷水鵝 本身都冇諗住要寫食評，但係，真係好 好 食 ！一定要推薦🔥🔥🔥等緊外賣嘅時候，見到舖頭都有一啲雜誌報道，一家人用心經營，果然係唔同啲🤔🤔依度有1/4隻鵝 豆腐 蛋 同埋一隻滷水雞髀滷水鵝 真係好好食肉味香濃 肉質絕對唔會韌有滷水味，但唔會太咸點醋食 酸酸地 更加正👍🏼👍🏼以往我食雞鴨鵝，好多時候都係揀得肉嘅部份，今次無意中發現，原來皮加小小嘅肉嘅配搭，係超級正！ 鵝既香味爆曬出黎！真係好好食，詞窮，你哋自己去試吓。Btw 是日由「大仔」負責斬料真人好靚仔😆😆😆加油💪🏼💪🏼💪🏼

好耐冇食潮州菜，今日就買番啲滷味返屋企，同屋企人一齊食。灣仔收工之後就去咗石水渠街呢間滷味外賣店，店舖細細但係keep住好多人嚟幫襯，老闆眼明手快，好快就可以將我要嘅嘢切好包裝好。今日要咗滷水鴨、雞翼尖、雞槌、豬大腸、紅腸、豬耳等等。切好整齊排列好，賣相都唔錯㗎。另外要咗個雜錦飯，都係每樣要啲咁啦。滷水味道特別濃，配飯一流。啲醋同埋滷水汁點煮嚟食，令整體味道昇華。本身飯係有跟維他檸檬茶添，價錢都幾抵食。

依間舖頭其實已經食過好多次 每次話要返屋企加餸嘅話就一定買佢 而且佢啲滷味真係整得唔錯 除此之外每次望住個Menu都會諗食邊樣野好 食過都返唔到轉頭 而且每次去買都好多人排隊同埋有機會想食嘅嘢會冇咗潮洲滷既滷味 唔會死鹹 而且每樣嘢都滷得好入味 而且選擇好多 其實我每次嗌都一定會豬大腸 豬手同豬耳依幾樣係必叫 真心推介而今次都揀左豬大腸 豬耳 豬手 鵝腎 滷水雞蛋 豆腐 豬頭肉 豬大腸好大份 而且滷得好入味 彈牙又夠滑 肥瘦適中 處理得乾淨冇乜異味豬耳 爽脆得黎又有彈性 有嚼勁豆腐係炸豆腐來 加埋滷水汁 又入味又香 食落去又唔會太散 豬頭肉 其實豬頭肉好少會見到係滷水舖有得賣 所以見到都會叫黎食下 肉質都幾嫩 食落啖啖肉鵝腎 食落嘅口感比較軟冧同鴨腎有啲唔同豬手 平時食嗰啲豬手好唔同 出面嗰啲好多骨 但係呢一個豬手真係無敵 因為食落去啖啖肉 肥瘦適中 而且食落去感覺上好似補充左唔少骨膠原咁

灣仔有好多令人驚喜嘅小店，今次呢間潮州滷水鵝嘅小店，真係俾我好大嘅驚喜。今次主要想買啲滷水鵝返屋企同家人食，咁啱附近行過見到啲面非常乾淨，而且好企理，店員又好好禮貌所以就入去買試吓。呢度嘅食物款式相當多選擇，有鵝、豬耳、大腸、豆腐、滷水蛋、鵝掌等等，總之傳統嘅潮州滷水食物基本上都買到，而且仲可以買飯食，真係好好啊。滷水鵝一斤有一盒，份量好多，刀工切得好好，滷水非常入味，令配嘅汁及醋相當好味，肉有口感，但唔會太硬，好好食呢。豬大腸和豬耳朵都好爽口好味，豬大腸好甜而且非常乾淨讚啦。

潮洲滷 (灣仔) 8/10分平時都比較少食滷味，尤其是都係小食鴨鵝，但係潮州滷已經係我第二次食，好高質！入味又唔會太重口味，好好食 我會再買的🥰🥰🥰Order 左-半隻鵝，這個十分推介，好香，肉質有點滑，唔會好乾身有點juicy ,諗起都想再食！-豬腸 ，平時我唔會食，但呢個完全冇異味，洗得乾淨，好食！ -我見好多人想買鴨掌，但六點已經賣晒，下次要試下！-佢仲有滷水雞髀、雞腎、雞蛋、雞翼、雞髀，價錢一d都唔貴！味道👅：8/10服務💁🏻‍♀️：8/10環境🌾：8/10消費：$50-150