潮州合成甜品

營業中

休息中

上篇說到吃了清真牛肉館，吃完就去了隔離的潮州合成甜品再戰！九龍城多甜品店就係人都知，但大多數人都會去潮流甜品店！今次與家人，反而去了中式甜品店。其實「合成」潮州糖水都已經食到街知巷聞，其特色的潮州糖水在香港少有，其實都很有特色！我們叫了三款糖水。綠豆清心丸 － 比較清，甜味適中！家人十分愛吃呢D開邊綠豆及清心丸！蓮子綠豆沙 － 內有蓮子，百合，清心丸，口感豐富。不過這個味道較甜。綠豆百合馬蹄沙加清心丸 － 我自己很愛吃馬蹄沙的，所以這個絕對合的口味！它沒有綠豆清心丸咁清，但又沒有蓮子綠豆沙咁甜！不過可能我不吃太甜的東西，所以對我來說都是甜了少許了！以上三款都幾好食！如果大家懷念中式糖水，可以去合成呀！希望大家喜歡我的分享！

聽聞好好食，住係新界既我就決定去會一會。叫左熱椰汁蓮子黑糯米加湯圓同埋凍芝麻糊(原本想加清心丸但賣哂)外賣。返到屋企個黑糯米凍左，四粒湯圓痴埋一齊，有d爛左，不過粒粒好大粒，芝麻餡。黑糯米同蓮子都煮到好淋，好正。湯圓同個匙羹一樣大。一見到個芝麻糊有d愕然因為好稀不過夠芝麻味。唔記得影相。芝麻糊淨係得凍冇熱。我諗如果兩樣糖水都即場食應該會好食d

本身自己未食過，係朋友帶我去先第一次試下。成間鋪頭既位置偏窄，除非多人黎，如果唔係既話基本上都係搭枱。睇睇個餐牌先知如來主要係食中式糖水。對於平時除左係酒樓都唔會食中式糖水既我黎講當然有D新穎啦。咁我就叫左個紅豆雪糕涼粉，紅豆好濃味，成碗都好多紅豆。涼粉同雪糕都好味。不過可能係我自己比較鐘意食甜野啦，因為我個FD食左啖話有D甜我朋友叫左個綠豆清心丸，我自己覺得普普通通，因為真係比較清，味道唔算太濃，唔係好岩我食，亦都可能因為自己食唔慣中式野。成間店除左D位窄同埋D姐姐好有中氣之外D野都幾好食，我下次黎到既時侯都會試下其它野。

本身自己未食過，係朋友帶我去先第一次試下。成間鋪頭既位置偏窄，除非多人黎，如果唔係既話基本上都係搭枱。睇睇個餐牌先知如來主要係食中式糖水。對於平時除左係酒樓都唔會食中式糖水既我黎講當然有D新穎啦。咁我就叫左個紅豆雪糕涼粉，紅豆好濃味，成碗都好多紅豆。涼粉同雪糕都好味。我朋友叫左個綠豆清心丸，我自己覺得普普通通，唔係好岩我食，可能自己食唔慣中式野。成間店除左D位窄同埋D姐姐好有中氣之外D野都幾好食，我下次黎到既時侯都會試下其它野。

以前住係九龍城嘅時候，呢間就係屋企附近，雖說不用排隊，但永遠都是滿座。全是傳統的中式甜品，不似其他甜品店極盡fusion之能事，有時想食相對light d嘅中式甜品就會來。中意呢度用料靚，豐富，但美中不足是太甜，所以一般食完d料都唔咁飲湯。 紅蓮燉雪蛤很補，紅棗大大粒，蓮子鬆化，雪蛤也無欺場，分量不少。是連盅燉，上台時才揭去層紙，覺得原汁原味。 蓮子綠豆沙綠豆很沙，裡面配上蓮子，百合，口感豐富。還有清心丸，係夏季清心下火之選。 蓮子綠豆薏米柿餅好似有個名加，但唔記得，所以，用枚舉法列出材料當名。呢味勝在用料非常豐富，各種材料搭配，而且各種材料各自都很出色，單一樣已經可以夠資格做一款好正嘅甜品，何況係咁多樣搭配一齊。

今晚去九龍城食完泰菜，之後有朋友話，不如去合成食糖水。去到差不多11pm,見到坐滿客，而且亦有暮名而來嘅遊客！坐底睇menu真係花多眼亂🙀，就咁睇起碼超過成30款，仲有涷有熱分！而且阿姐落單仲好有彈性，問你洗唔冼加乜加物潻！👍👍朋友叫涷椰汁黑糯米加湯丸，阿姐又好細心問，要唔要湯丸另外上！👍我自己就叫咗熱蓮子椰汁黑糯米，平時我食甜品一定揀起晒D蓮子唔食，因為咬落口感好多時，係好似食花生咁，又硬，又一粒粒渣，我最唔鐘意！但呢度竟然做到，咬落一D都唔硬，仲無渣喎😮！黑糯米仲煲到開晒花，好軟淋，甜味剛好，好味呀！

九龍城有間充滿懷舊氣色的潮州合成糖水，招牌菜好特別有馬蹄沙，用柿餅做糖水，蓮子清心丸綠豆爽。入到去雖然殘殘舊舊，不過糖水真材實料，好有水準！ 蓮子百合柿餅加清心丸－好小地方會用柿餅做糖水，味道好特別。清心丸入口煙煙韌韌好有咬口，加上入口綿綿化開的蓮子百合，令整體更加豐富。紅豆沙芝麻湯圓，紅豆湯起沙，湯圓煙韌軟熟，又有香濃芝麻味。綠豆百合馬蹄沙，味道像小時候的楊協成馬蹄爽，入口好清甜！評分：（以5個＊為滿分）食物：＊＊＊＊服務：＊＊＊環境：＊＊餐廳資料:九龍城龍崗道 9 號電話: 2383 3026

此家糖水係我既「飛佛」，D野試左唔少，都OK好食，部份款式如燉木瓜、海底椰、柿餅等十分足料。相隔成年再來，今次食雪耳蓮子湯丸同椰汁芒果馬蹄露，一冷一熱，感覺似乎冇燉野咁精彩，但水準亦不差。唯一要提下既，係雪耳蓮子湯丸竟然唔太甜，味道夠平實。

今天接老婆仔放工走著走著發現這裡老婆仔說一直很想吃這間因為很多人推介我要了35元的椰汁黑糯米湯圓老婆仔想要凍食要了44元的芒果黑糯米雪糕先吃凍的甜點這個芒果黑糯米雪糕看起來已經非常吸引雖然碗內有很多冰不過黑糯米非常甜加上雪糕更是甜上加甜而非常新鮮的芒果更帶來鮮味不過就是凍了一點這個熱的椰汁黑糯米湯圓更是再甜了些椰汁本來就已經很甜而湯圓是黑芝麻餡料同樣突顯出整碗糖水的甜我們都認為熱食味道更出這個是必食的推介由於我們在下午茶時間來吃店內沒有其他客人我們都坐得很舒適店員的態度也很好是個很舒服的下午茶地方讓我和剛剛放工的老婆仔好好休息一下

今晚咁岩出九龍城食飯食完飯就搵下咩糖水好食啦由於平時食得太多雪花冰果d今日想試下d特別d既\最後就選擇左呢間合成糖水叫左一個腐竹清心丸同椰汁黑糖水雪糕腐竹糖水平時食得多，但加左呢隻清心丸真係更加好呢種清心丸煙煙韌韌咁 好有口感而另外果個椰汁雪糕就無咩特別 略嫌有少少甜鍾意食甜d既朋友可以試下但個人推介真係要食下果個清心丸

潮州蓮子綠豆邊清心丸與蓮子百合綠豆糖水***************從沒有吃過潮式糖水的筆者，首次到九龍城合成，對這裡的甜品抱著一份期望，過了晚飯時間，慕名而來或希望飯後來點甜的顧客多得嚇人，縱使連開三舖仍擠得全店爆滿，還好我們原先沒有打算堂食，不知是店員或是老板在舖前招待，笑容滿面又有禮，印象分大增。這裡另外最好的提供潮式傳統甜品的關係，故我們不用望花多眼亂的餐牌，從過百款口味中挑選一嘛。一早已有心水，潮州蓮子綠豆邊清心丸與蓮子百合綠豆糖水，看到甜品中有清心丸與蓮子也想像到款式是何等老派口味。蓮子百合綠豆糖水 $34食材豐盛，蓮子肥大鬆化賣相與名字平平無奇，估不到在平實中帶出出色之作，外賣的碗子不算太大，卻是裝得滿滿，金黃色的糖水內盛著豐足蓮子與百合，聽聞店子搜羅優質材料，故此肥大蓮子口感鬆化非常，厚身百合亦同樣粉綿，配上底部大量開邊綠豆，的確清心潤肺，吃得出冰糖水基底加入馬蹄粉作芡，令質感濃稠一些，不會做成水與食材各自各的效果。潮州蓮子綠豆邊清心丸$30當中清心丸是最吸引的主角啊其實這款甜品與前者分別不大，同樣有蓮子，只是少了百合另一方面多了人見人愛的清心丸，它吸引之處是立體方形呈

同媽媽去九龍城買完野，熱辣辣，想去飲點凍野解温。來到呢度，當然要食點特色D嫁啦. 上openrice望望, 見到呢間潮州傳統糖水店。我好鍾意食清心丸ga,質地彈彈咁！一問之下，原來所有甜品都可以加錢加清心丸的！！！呢個係媽媽叫左凍薏米蛋花蓮子馬蹄清心丸綠豆爽, 勁爆足料, 薏米出奇的”QQ”可媲美清心丸一樣煙韌, 加上好咬口的綠豆爽同蓮子及清爽的馬蹄粒, 呢家先知潮州糖水原來咁正!我就食左D無咁正宗既甜品-紅豆涼粉清心丸加雪糕!! 紅豆軟硬度適中, 加埋爽YY的涼粉煙韌清心丸同大球香滑雲呢拿雪糕及碗中有少許薄冰一起食確是透心涼!每人平均四十五元左右, 價錢適中吧~

當晚同朋友夜會九龍城 嘆完泰國菜行咗陣就去嘆埋合成糖水再走 入到好彩仲有卡位 心諗 可以安心嘆個糖水先返歸朋友要咗 熱嘅腐竹薏米清心丸 我問佢咩味 佢話「好味⋯」 但熱嘅賣相5好 就5放相上嚟啦 我就點咗我本身都係要熱嘅 但見到佢嗰碗咁得人驚 我即刻轉返凍 真係好彩趕得切  但其實味道真係5係咁好 但又確實唔知道邊part出現左問題。但唯有好無奈咁食 無食曬 自家制的味道都會比它會好 以後都會去 但絕對5會再order呢樣了 吸取教訓。。

在九龍城食完濃味泰國菜…就會想想地食d清清潤潤嘅嘢…既可洗洗味蕾…又可清熱解毒…就片去合城啦…無介紹錯… 呢度未必有你想要嘅新潮糖水…有時反璞歸真…就係呢個日新月異社會入面顯得更能敵過時代變遷…而迄立不倒… 我來呢度…來來去去唔係食燉雪耳…就係馬蹄沙…百合…蓮子…清心丸…呢次都唔例外…無論幾多年無來…味道始終如一…就算家下通脹有加價都好…都無偷功減料…老一輩就係好怕影衰自己個金漆招牌…un普通的嘢都要照足傳統方法做…貫徹始終…候生仔女可能唔buy…但我呢d開始半老唔嫩的…開始明白這道理… 今次我叫咗蓮子百合清心丸（熱）…好清甜…係天然的味道…清心丸唔知清唔清心呢…但就好煙韌彈牙…蓮子入口用條脷頂頂就化開…百合…食得出係乾貨藥材級龍牙大百合…雖然鮮品嘅清肺養陰功效較佳…但新鮮的會略帶腥味而不易久藏…這裏用上乾百合…大大朵…選料烹調有方…不帶酸味（酸味就係用磺煙燻作防腐…多吃無益）…確係抵讚… 友人叫了芒果馬蹄沙（凍）我偷吃了幾口…但總覺得淨馬蹄沙較討好…馬蹄沙除了幼滑的馬蹄芡…也帶粒粒鮮馬蹄…爽呀…潤而不甜膩… 友人二就點了雪耳紅豆百合…我也不忘偷吃幾口…雪

今日專登走黎依到食糖水,因為想食D好滋潤既野,同埋有少少唔舒服叫左你個冰花清心丸薏米馬蹄沙,好特別,已經唔係好多地有依個馬蹄沙,因為功夫都算多,有D馬蹄碎加埋少少馬蹄粉,成個感覺好幼滑,再加埋D清心丸,雖然係無咩味,但係就非常煙煙韌韌,幾有咬口,感覺唔錯,再加埋薏米令成個口感更加豐富,少少糖水加埋蛋花,成個味道都好香甜,個就底就有好多海底椰同埋蓮子,咁既價錢黎講真算好平喇另外一個唔記得咩名,有雪梨,蓮子同埋海底椰,三樣野加埋食感覺好好,食第一啖祚個感覺就已經覺得好滋潤,成個人乾哂都會即刻有番精神,因為甜味控制得好好,會有追著食既感覺,啖啖都覺得好好味,另外就係對個喉嚨都好似好好咁,因為三樣都算係滋潤既野,食完都覺得舒服左好多。