潮州合成甜品

營業中

休息中

上星期,同朋友去完九龍城開飯,打算轉場食甜品時,收到朋友電話,原來他們都剛剛離開,約都無咁"橋"就一齊去食甜品,九龍城有好多西式的甜品店,即是心太軟那些,朋友說有龍岡道有間食中式甜品的店子,歷史悠久,某程度上,中式甜品比西式甜品更加健康,滋潤之外,亦有養生的功效!!好啦!最後一行八人來到 潮州合成甜品,都幾多人等位呀!門外見到不同雜誌報紙專訪的剪報,不過都應該一段日子了,其中的蔣雅文已經退出了娛樂圈,年初還嫁了人.....店子在龍崗道的舊樓底,兩條大石柱刻著"合成糖水"四個大字也真Old School!!!!等了一會,店員安排我們坐樓上雅座,閣樓樓底比較低,要小心中頭獎....研究了餐牌一會,我們也各自選到了心水~~~其實我對中式糖水認識不多,最多也是燉椰子,木瓜雪耳,湯丸那些,今晚身痕,想試試新東西, 就叫了全場最多字數的來試試~潮州開邊綠豆薏米馬蹄沙講的時候都怕咬到自己條脷,不過店員姨姨在我還未成功說完前,已說知啦!上枱時,我只見到一些馬蹄沙,不見開邊綠豆,攪一攪,才見到綠豆在底,之後見到蓮子粒,百合等等的材料,如果係咁樣分佈,即係臨上枱前先照單執藥,好似車仔麵咁,整體味道屬於小甜

想來試很耐了這次有一群人話要來,我當然第一個支持糖水,甜品永遠我都會支持的.店內有樓上,在地鋪,全都坐滿人要在外等待10分鐘才有位第一次來糖水款式多款到不知吃那款好只知蓮子是出夠好吃貨真價實,滿滿的一大碗的湯水,好似一個麵碗中式糖水給我是要飲熱的,才夠傳統.湯水清而不太甜,清心丸好煙韌,好像蘆薈粒的感覺蓮子百合功效有補肺、潤肺,清心安神、消除疲勞和潤燥止咳的作用又好味~加有補身功效一舉兩得後加了芝麻湯丸糯米的煙韌感,是湯丸的特色加上內有香滑的芝麻,甜味十足糖水的收費不是便宜的,但是真材實料在家自己都未必做到.在現還在回味中,很想再去試其他款的湯水,沒想到中式的糖水有這樣大的魔力

食完晚飯搵個地方同男朋友仔傾一陣計食個糖水, 九龍城見到呢間合成糖水老字號, 又想食D傳統糖水, 心諗呢間穩陣喇啩, 點知出事呀一入到去上2樓, 一張大枱搭枱坐11個人, 真係好鬼迫, 手都郁唔到咁制, 2樓樓底好矮, 而且人坐得好密, 未食就已經好唔舒服, 嘈音達10級, 諗好食咩啦, 由於太多人又得一個侍應, D人上上落落好混亂, 又冇人招呼, 等左成10分鐘都冇人理, 又嘈又燥一心想走但又不好意思, 最尾終於有人叫左個綠豆連子同腐竹連子意米, 可能潮州糖水食唔慣, 佢綠豆連子真係糖水+綠豆+連子, 冇一齊煲過咁, 但味道都OK腐竹連子意米就普通喇, 冇咩特別唔多講傳統中式糖水黎講30幾蚊一碗又唔係十分出色, CP值都幾低食左15分鐘都拿拿聲走, 又多人又嘈又迫又混亂, 嘈過街市, 環境太差了, 食到我同男朋友都一致認為唔會有下次 BYEBYE

我最近成日去九龍城食飯,成班朋友之後一齊去試不同的糖水鋪,今次我地去了一間好出名食中式的糖水鋪"合成糖水"。1行8人分2批到達,嘩店裡好多人呀!~~~因為我地人多,需要等一下大枱。我在門口睇佢地的介紹,有好多不同的款式,佢地強調是多料的。我第一次黎食,唔知佢多料到什麼程度。好快老闆已經安排位置比我地啦。客人食完好快離開,所人流流動快。我地各自點自己的糖水。我點了紅棗蓮子燉雪蛤,補一補,女人唔補唔得嫁。燉盅是一個個分開燉的,一送到我面前已經有好香的雪蛤味,隔離位的朋友也試了我的糖水,佢都話好,我一睇就見真的好多好多材料呀!~~~成個燉盅都是雪蛤呀!只是$58咋,好底食呢。雪蛤又滑又大粒,紅棗又甜又去了核,蓮子煮到好淋入口即融又去了心,甜的程度剛剛好。我見到其他朋友的糖水也很足材,下次我一定要食其他款。

　　最近是星期一至日都忙個不停。週六早上九時多就跟學校Field Trip去了元朗農莊活動，急急吃過午飯，馬不停蹄趕去浸大看展覽。　　只可惜我們還是趕了一步，未能跟負責人談談有關我們小組計劃的事宜。還讓對方等上我們不短的時間，真的很抱歉。結果原本想著會聊上一會的，現在是頓時變得空閒。既然出來了，又不想太早回家。不如就一起去九龍城吃吃逛逛吧！　　吃過午飯卻沒有一點糖氣，總覺得悵然若失。既然來到九龍城，又怎能不試試出名得會有客人特地駕車來買的合成糖水呢？因為先前已經路過數次，只是不入，要找出店舖位置確是不難。就在昭拍耶和清真牛肉館附近嘛，都頗有名氣，不會錯失。　　餐牌簡簡單單，就是一大堆糖水名加上價錢。也有加入客製化的選擇，迎合客人個人口味，這點創新是不錯的。薑汁或椰汁加$5，雪糕加$10，薑薯加$25，轉凍加$1，外賣加$1。驟眼看價錢，感覺算公道的。　　餐牌只有文字，沒有圖片。唯有以店內放置的報道作參考，看看是什麼來頭吧。店裏周邊有張貼特色食品，不少都是季節限定的，就例如薑薯。不妨多留意，也可以一試　　環境就是茶餐廳格局，光猛呢點唔錯既。周邊沒有太黏笠，衛生情況尚可吧。主要都係大枱，坐

上次食完碗馬蹄沙湯圓非常非常滿意，當然會再返黎啦～ 一坐低望下餐牌，向事頭打聽下有冇清心丸先。。。又冇貨。。。冇所謂，咪下次囉 睇咗一陣餐牌，都唔知食咩好，好彩冇咩客人，揀多陣，最後決定要碗【綠豆沙湯圓】啦～即叫即到當然～兩樣都係事先準備好的。其實我都係實在想唔到食乜我先叫哩碗糖水，我知道馬蹄沙好食，但上次食過，想試其他野，坐到自己都唔耐煩就就咗佢了。一黎我對哩間鋪嘅出品有信心，二黎我覺得越簡單嘅野越考技術，哩間係老店，所以雖然我叫嘅糖水咁傳統，但其實我係滿心期待的～試試綠豆沙先，嗯，煲得夠爛，但依然保持原粒狀態，亦好香，甜味啱啱好，一啲都冇太甜，唔錯 湯圓係潮式嘅厚皮麻蓉湯圓，就好似潮洲男人咁，係有啲粗礦，但夠穩，有責任心。哩粒湯圓亦一樣，皮厚厚的夠穩夠實在，內裡嘅芝麻餡炒得夠香，但一啲都冇焦，味道唔錯，幾有意思的～但一般香港新一代都好似比較中意皮薄餡靚的簡單得黎整體味道亦唔錯，但出得黎食野總係想食到啲特別啲嘅食物，下次再黎試試

出到去九龍城食飯.梗係食埋糖水先算perfect  媽媽係潮州人.食糖水梗係揀合成!食飯前經過合成都冇咩人.食飽飯出黎就見到合成門口排滿人 好在3個人咁岩有位.即刻有得入座  綠豆邊同清心丸都係潮式特色野! 我就當然要試碗綠豆邊清心丸  合成既清心丸煙韌度岩岩好!!煙韌得黎又唔會好似湯圓咁樣咬唔開.咬到底個下個質感有D似蒟蒻.綠豆即係綠豆甩左個殼.好似鹹肉粽入面個d綠豆芯.但係就冇咁粉..我最鍾意潮式糖水就係好實淨一粒粒媽媽就鍾意蓮子百合.見openrice食評都話合成既蓮子正.梗係試番碗.蓮子剔芯剔得好靚.蓮子百合都煲得夠.家姐就叫左碗雪耳.不過就冇咩特別.食糖水黎講合成唔算平.不過呢個水準食得過!

A niche category of thing that has established itself among giants in the district of Kowloon City renowned for gourmet dining, is really something the owner of this humble dessert eatery can brag with, though they failed to impress me in my visit yesterday.The shop was nearly empty when I came in, originally I wanted to order their famous 清心丸, but I doubt actually how often do they really have it on offer, as many people here shared my experience yesterday, NOT AVAILABLE.  I ordered the 腐竹蓮子薏米

當我知道有潮式糖水這回事, 真是既興奮又期待。我們到達的時間是晚上7時22分, 店內剛好餘下一張大圓檯及樓梯底的兩人檯。再過十多分鐘左右, 人潮開始多了, 門外亦開始排隊了。原來潮式甜湯的特點是多渣 , 要啖啖有咬口 , 味道較濃 , 甜味較重 , 食完有紮實飽肚感 , 完全與廣東糖水相反 , 廣東糖水比較講究食療功效。蓮子龍眼肉燉雪耳百合 $ 45 ... 龍眼肉的清香撲鼻 , 蓮子飽滿煲得鬆化 , 百合腍而有咬口 , 雪耳爽 , 甜味適中。薑茨百合蓮子 $ 55 , 另加湯丸 $ 8 ... 此乃季節性產品 , 甜湯帶杰身 , 百合蓮子鬆化有咬口 , 甜味適中。薑茨 --- 向老闆詢問 , 他說薑茨的外型似薑但沒有薑的辣味 , 帶黏性 , 店方會把薑茨切至極薄片。芝麻湯丸有四粒 , 軟糯外皮帶綿滑質感 , 看似厚身但吃著的負擔也不重 , 黑芝麻內餡香氣十足也不膩口 , 難怪檯檯都爭著點 !潮式甜品 --- 芋泥、反沙芋等等 , 這些在潮式食肆、打冷店都可以容易找到 , 反倒潮式甜湯 ... 一種潮州人慣常在飯後聯誼時吃的甜湯 , 更令人期待。

今日禮拜日深水埗食完午飯就想過黎九龍城食甜品喇，去完附近一間出曬名嘅西式餅店食咗一件45蚊嘅西餅之後仲未滿足，就走過黎哩間潮式糖水鋪試試味喇～ 一間咁出名嘅糖水鋪我都只係第一次黎真有啲懷疑自己係唔係香港人，不過唔緊要，今日就黎彌補一下哩個缺失啦～時間尚早，入面人唔多，簡單明亮格局，感覺幾舒服，我就自動自覺咁坐低睇餐牌了，好多選擇咁啵，睇下先～咦。。。。。。咦！價格好似唔係好街坊wo，最平嗰碗都要25，一般嘅都30左右，45都有，再貴啲都仲有，係真唔係呀，有壓力添 不過突然想食啲熱野沖喜下，想價錢，不如揀碗好野開心下好過啦。見到有【冰花綠豆清心丸】wo，未食過清心丸啵，有冇呀？事頭，冇清心丸呀。。。 失落咗一下，再揀，見到檯面嘅廣告，湯圓好似唔錯，我亦好中意就湯圓啦，跟咩好呢。。。。。。事頭！黎碗【馬蹄沙湯圓】吖，熱嘅！今次有喇～ 嘿嘿 喺屋企唔知點解就係唔想煮湯圓食，馬蹄沙就更加冇可能啦，下話～ 出黎食野食屋企煮唔到或者唔想煮嘅唔駛我講都知道係常識啦，普通野老婆會煮俾我食加嘛，駛鬼喺外面食呀！自己老婆永遠係最靚嘅！自己老婆煮嘅飯餸永遠係最好味嘅！唔駛講都知道係常識啦！想完啲真理之後，我

見到夜晚九點幾大家食完飯咁多人排隊，我梗係唔執輸排埋一份。蓮子腐竹雪耳白合糖水($30) 個名都水蛇春咁長lol 又幾足料bo, 你仲可以食到一片片既腐竹， 唔似平時食開果d已經煲到熔哂。味道係清甜，你可以理解為比較淡lol椰汁蓮子黑糯米湯丸($35) 湯丸係芝麻味，又幾好食bo ,即使我唔鍾意湯丸都食左兩粒。入面d芝麻我估有炒過下，因為唔似平時一pat野，係有少少咬口，不過，我都係唔鍾意湯丸lol 碗糖水外表係有d核突，我搞兩搞仲好似屎，但味道係ok ,椰汁夠香同濃，黑糯米不過不失啦~

懷孕了，最近口味有點改變，好想念香港嘅懷舊味道。和丈夫喺九龍城晚飯後，本來想去買個半熟蛋糕返屋企慢慢嘆，可惜半熟蛋糕已經打烊了，唯有四周行吓睇下有咩好食。九龍城甜品店好多，出名嘅多，好味嘅都多，但來來去去都不外乎紅豆沙，芝麻糊…新潮D嘅斑戟加雪糕，心太軟，再唔係就芒果榴槤等等…講真真係食到有D厭。(而且點解一年四季都有芒果同榴槤﹖)正想放棄之際，丈夫見到對面街有間合成甜品，抱著都行左咁多間，都唔爭在望埋佢賣咩啦嘅心態走過去睇吓。尼個決定非常之正確 - 正正就係我好想揾嘅懷舊風味！而且仲有我好like嘅馬蹄露！留心望吓個Menu，幾乎都係未試過嘅味道！好開心！因為懷孕加上體質問題，其實都好多嘢唔食得。例如紅豆沙，會滯胃;腐竹又會太涼等等。最後就揀左蓮子百合紅豆馬蹄沙。每樣都食少少過吓口癮咁啦…入去坐低，等左一陣個糖水就到到左喇。食左一啖，即刻甜上心頭丫！夠熱，而且熱得嚟入口唔會好燙，又唔會好杰，個甜味係淡左少少，不過我喜歡，始終夜晚唔好食太甜，同埋唔係死甜，應該係用靚糖;啖啖都有馬蹄碎，有D嘢咬吓，又唔會好大粒; 紅豆夠林，一食就即溶咁，有D沙，口感非常好。飲晒D糖水之後發現個底好多料，

去啟德的wine & dine festival前先到了一敞九龍城，由於已有不少朋友跟我說流蠻多，等候小巴/穿梭巴也需要一段時間，就先去吃點東西打打底～由於預計在場內會再品嚐一下美酒佳餚，所以就吃個糖水算了～九龍城區最著名的相信也是「合成糖水了」不但歷史悠久，而且糖水款式也放市面少見看看餐牌，密密麻麻地寫上了各式各樣的糖水名，大多以清心丸、湯丸、綠豆及蓮子等中式（潮式）糖水為主，單是餐牌所示的也多達70多款了。也說一下（潮式）糖水的特點，由於潮州人以往大多從事苦力，十分注重飽肚的重要性，所以即使是糖水，也需要（多料少水），所以每碗也是大大的，份量十足落單後，老闆就在近門位子的水吧位置把各樣材料加到碗內，一碗潮式糖水隨即誕生潮式綠豆邊清心丸 $30 每次必點的清心丸類別，很可惜這天沒有清心丸供應，只能轉成珍珠丸，就是圓圓的透明小粒。終於來到了～如上述所說一樣，大大碗，料比糖水還多，當中包括了蓮子、綠豆邊及珍珠丸，另外還加入了著花奶及少量冰碎～由於加入了冰碎，令糖水入口變得更加透心涼的，甜度不高，帶有淡淡花奶香。而材料方面，小粒的綠豆邊入口質感較入鬆散，帶有清淡的豆香，蓮子已去除蓮芯，入口

上次食外賣幾好味，加上好大雨就近近地揀呢間。好想試下好出名但上次冇哂既清心丸，今次都無好失望。我又叫返上次既熱椰汁蓮子黑糯米，媽咪叫左芒果果凍。我個黑糯米好淋，好好食，不過冇我想像中甘熱，暖暖地。芒果果凍泥果陣嚇左一跳。我以為會好似芒果布甸，但呢個個樣好化學。得幾粒芒果粒，又藥水味。 都係黑糯米好食。題外話，食緊期間個男店員同隔離檯話有粒湯圓爛左唔好意思。我心諗應該賠返粒比人。

合成糖水是一所開了五十年的糖水店，位於美食林集的九龍城。它的傳統糖水非常特出，有名。價錢非常平， 但真材實料。清心丸很煙韌彈牙腐竹意米好清甜。糖水既甜度適中，食完都唔會有「好膩好濟」既感覺，令人回味無窮還巧約余文樂可知合成的好味程度很高！