潮州人

營業中

休息中

朋友帶我嚟到中環呢間潮州小店，門面平平無奇，點知食完真係可以講～ 開啟對潮州菜嘅新世界大門🤣 最癲係食米粉飯同菜底，都可以一蚊加購花膠❤️❤️星級手切牛湯米粉+雞白湯點咗新出品嘅雞白湯。味道清甜得黎飲落喉嚨順滑到痹！手切牛肉厚薄啱啱好，味道唔錯～ CP值真係無得彈。🥢醉愛三寶（蝦/鮑魚/雞翼）陣陣紹興酒香味撲鼻。鮑魚大隻但炆得軟綿，蝦肉入味帶滿酒香❤️ 而雞翼都有驚喜～ 都係啖啖都食到夠晒入味🥢清酒大蜆湯米粉 + 清酒大蜆（小食）大蜆新鮮到開口笑，好味到另外叫咗一份小食。湯頭滲透清酒香，米粉每啖入口都好享受🥢小食- 酒糟醉雞腎：爽脆帶微甜- 蔥油廣島蠔：鮮肥爆汁，勁邪惡- 甘香醉鮮蝦：食完三寶覺得好味，所以加碼🤣- 雞油燙菜：🧋竹蔗茅根水/有機鮮豆漿原汁原味，家的味道🔥醉盆菜（限時特價 $78）最後真係有啲食到意猶未盡～ 買多個外賣番去同屋企人食～ 有齊咁多樣之外，仲加埋隻蛋😍勁正

中環番工錦耐最後先發現呢間潮州人食花膠米🍜價錢喺中環區算係非常親民，佢地有好多冷盆小食，夏天可以經常黎食雞白湯花膠米線 $63花膠真係好大塊又厚身，口感較軟和黏口，味道好入味！😋雞白湯質地濃稠又唔會過鹹，味道好濃郁鮑汁花膠撈米粉 $73撈麵麵質會更有咬口，鮑汁每整個麵更鮮味古法鮮醉鮑 $88鮑魚爽口不死實，肉質彈牙溏心醉蛋 $18蛋白口感滑嫩，蛋黃流心, 建議撈埋落麵一齊食師父醉雞翼 $28酒味好香，有三隻，性價比高，雞翼爽口醉盆菜 $78如果同我一樣咩小食都想食，建議叫呢個醉盆菜，限時特價 $78有齊晒醉鮑魚、醉雞翼、醉鮮蝦、雞腎同醉蛋，就唔洗簡啦竹蔗茅根水媽咪龍眼參蜜

原來係中環都開咗呢間潮州人！之前喺九龍嗰邊食過一次 而家開咗喺中環嘅機利文新街鍾意花膠嘅朋友真係唔可以錯過😻餐牌上面有二人餐同埋四人餐仲可以散叫因為收工去食，所以就想叫咗一個鮑汁花膠撈米粉 個花膠扒超大塊 仲要好腍好入味 撈埋鮑汁配米粉好match 😋下次黎再試吓其他嘢先

最近計劃減肥，聽聞米粉超低脂！今日決定嚟食中環呢間特色潮州菜。一定要試佢個花膠米線。唔單止低脂仲可以補充返膠原蛋白。原本覺得米線🍜就係配下牛腩＆魚蛋之類嘅嘢。呢間店將米線做得豪華咗🤓唔單止可以配花膠仲可以點鮑魚、蝦🦐、蜆、扇貝同生蠔做配菜食。不過價格就好親民👍🏻醉盆菜用酒湯煙制過，味道香濃，裡面有蝦、鮑魚、雞翼同雞腎，口感層次豐富。海軍大碗飯接住嚟係海軍大碗飯，內容更加豐富，入面有蝦、蟹籽同蠔，飯粒吸收咗海鮮嘅鮮味。金牌花膠湯米粉金牌花膠湯米粉亦都值得一試，花膠大大件，搭配雞白湯底，湯底清甜，米粉滑順，整體味道極佳。甘香醉鮮蝦甘香醉鮮蝦係另一道極品，蝦肉新鮮，配搭獨特嘅酒香味，味道甘香，真係食過返尋味。蔥油廣島蠔蔥油廣島蠔簡單而又好味，蠔肉鮮嫩，蔥油提升咗整道菜嘅風味，不過如果一啲腥味都唔食得嘅朋友就唔適合。古法醉鮮鮑古法醉鮮鮑則係用傳統方法處理，保留咗鮑魚嘅原汁原味，鮮味十足，值得一試。清酒大蜆清酒大蜆清新爽口，蜆肉鮮嫩，酒香四溢，非常開胃。龍眼花旗蔘蜜味道香甜，搭配花旗蔘，既養身又好飲。

家己人 又遇上潮洲美食…上枱經已聞到勁香, 食落啱胃口, 我全程食得勁開心~當晚叫嘅都好味! 不妨直抄!!! 除咗我怕辣 魚皮辣我食唔到第二片 (好爽口好想再食呀其實); 其他都係不停放入口~個菜好甜好嫩, 真係完全估唔到咁甜咁好味!係會忍唔住一片接一片咁食的~我唯一嘅建議係: 千其唔好一人叫一碗!因為真係太足料! 花膠盡量share食, 先食得落其他好味嘢!長過我面面 拍得住大師手手嘅花膠, 厚身 . 好膠 gel口 . 零腥味, 口感味道都讚~花甲大又鮮甜 扇貝厚肉大隻好鍾意佢一隻公一隻乸, 點解咁細心嘅!? 好睇 又可以食晒 2款~蠔鮮甜飽滿 連怕蠔嘅佢都 encore 咗~

放工經過見到有花膠米粉很吸引🤩所以試試！📌金牌花膠撈米粉花膠有手掌般大塊，口感QQ彈牙！📌手切牛肉湯米粉將牛肉拌熟後便可以食用😃完全感受原味，非常適合清淡人士👍🏻📌海軍大碗飯痛風大餐🥹材料相當豐富有鮮蝦、大蜆、蠔及蟹籽，蠔肉相當飽滿！賣相亦很吸精！📌醉雞翼及醉鮮蝦兩款都很入味，酒味濃郁👍🏻但很遺憾太夜去食！醉鮑魚一早賣曬🥲📌海中寶用上湯煮了扇貝、大蜆、鮮蝦及蠔，每樣都很鮮味。📌清酒煮大蜆湯鮮味十足，蜆肉飽滿肥美📌滷水金錢肚必點🌟很入味👍🏻📌花旗蔘蜜及鮮豆漿

哇，呢間舖頭嘅花膠咁大舊嘅🤩，仲要好抵食添‼️就好似返到去潮州咁，味道似到十足十👍🏻。🍜鮑汁花膠撈米粉 $79/大碗米粉以鮑汁同花膠為主料，湯頭鮮美，米粉吸收左濃郁嘅鮑汁，口感滑順，搭配花膠嘅彈性‼️🥩星級手切牛肉湯米粉 $83/大碗手切牛肉鮮嫩多汁，湯底清甜，米粉煮得恰到好處🥳。🍗師傅醉雞翼 $28醉雞翼入味深厚，雞肉鮮嫩，酒香撲鼻☺️。🐚鮮灼大扇貝 $88大扇貝鮮嫩多汁，簡單嘅蒸煮保留左其原汁原味，同我手掌咁大😱。🦪蔥油廣島蠔 $62廣島蠔肉質肥厚，蔥油嘅香氣提升左整體風味，口感滑嫩😍。🍶清酒煮大蜆 $56蜆肉鮮甜，使用清酒令其風味更加醇厚，湯底清爽👍🏻。🥚溏心醉蛋 $18溏心蛋外軟內嫩，蛋黃半熟，酒香入味🍶。🍨D24榴槤雪糕 $38/雙球榴槤雪糕濃郁香甜，口感滑順，適合榴槤愛好者😋。🍯媽咪龍眼參蜜 $16飲落去口感滑潤，龍眼嘅香氣同參蜜嘅甜味相得益彰，能夠解膩🙆🏻‍♀️。潮州人 @ciuzauese📍：中環機利文新街8號地舖

金牌🥇花膠湯米粉（小$63/大$69）
特色汤米粉，以高品质花膠（鱼肚）为主料，味道鲜美浓郁，米粉爽滑🍜。花膠富含胶原蛋白，口感软糯，滋补养颜。手切牛肉🥩湯米粉（小$76/大$83）
选用新鲜手切牛肉，牛肉切片薄嫩，入口鲜香，好足量🤩是日住家靚湯🥘（$56）莲藕排骨汤 慢火熬制，味道鲜甜，滋补养生。蔥油廣島蠔🦪（$62）蒸制广岛生蠔，葱香四溢。鮮灼大扇貝（$88）
大块新鲜扇贝，保留原汁原味，肉质饱满，鲜甜弹牙清酒煮大蜆🍲（$56）
清酒蒸煮，湯汁清爽，带出海鲜的鲜味古法醉鮮鮑（$88）
花雕酒腌制，味道浓郁，鲍鱼软嫩入味，带有酒香雞油燙菜（$36）香辣魚皮（$38）清甜竹蔗茅根水（$12）有機鮮豆漿（$12）

今日去了上環，食蠔仔和花膠米粉！這一間是朋友在附近工作找到的一間小店。我們點了好多特色的小食葱油廣島蠔淡淡的葱油加上粒粒都是肥肥白白的蠔仔！手指公咁大，一啖一口，好鮮甜！加埋d 辣椒醬勁好味！清酒煮大蜆好大隻好鮮甜。甘香醉鮮蝦蝦肉爽口彈牙！古法醉鮮鮑都好大隻，入味又淋滑！二人套餐雞油燙菜師父醉雞翼日本廣島蠔湯米粉鮑汁花膠撈米粉媽咪龍眼參蜜x2總結：味道不錯！超推介蠔仔湯米粉.蠔真的好好味！😋😋😋🤣😂

中環特色米粉專門店餐牌上有多款菜式可以選擇有招牌既花膠湯米線,仲有多款特色小食同自家製低糖飲品等 🌟慢煮雞肉湯米線鎮店老火清雞湯真係好正 仲無加味精湯底濃郁清甜 米線吸收晒湯嘅精華加上慢煮嘅嫩滑雞肉 comfort food之選👍🏻🌟清酒大蜆湯米線每隻蜆都好厚肉仲要冇沙好鮮甜之餘仲帶酒香 配上米線好好味🌟醉愛三寶有爽彈既鮑魚,鮮甜既蝦同師傅醉雞翼三款都整得好入味 酒香味濃😋🌟溏心醉蛋蛋白口感滑嫩 蛋黃呈流心狀酒香完全滲入晒溏心蛋內💯仲有優惠🙌🏻 任何米粉、飯同菜底都可以加購一蚊一件花膠同 醉盆菜 限時特價 $78（原價$128） 好抵食👍🏻

/潮州人🇭🇰/#sa中環篇 #sa粉麵篇 ➖➖➖之前初初喺太子嘅時候都有食過花膠米粉係佢哋嘅招牌！ 依家喺灣仔同埋中環都開咗分店印象中之前係得細碗依家有兩個size揀 一定夠飽🙂‍↕️另外今次去中環分店仲有個痛風海鮮海軍大碗飯 可以一次試晒咁多款海鮮～上菜速度都好快😆➖➖➖1️⃣痛風海鮮海軍大碗飯 $108 基本上有齊晒咁多款海鮮包括有蠔、蜆、蝦同埋蟹籽 加左少少醬油調味 ～ 尤其鍾意蜆肉 飽滿肥美✨另外蠔仔都一樣飽滿 如果再多啲蟹籽，睇落會豐富啲➖➖➖2️⃣金牌花膠湯米粉 $69 （大） 有兩個size可以揀 花膠扒都幾大塊厚身 炆得夠腍 亦入味 湯底都算幾清 加左鮑汁 唔太咸 但都幾掛湯！ 另外都有撈米可以揀 更重口味～ ➖➖➖3️⃣醉三寶 $88 有醉雞翼、醉蝦同醉鮑魚 三款都會嚐到花雕酒味 味道都突出 但都算容易入口 個人覺得醉蝦最入味😆雞翼都嫩滑 鮑魚亦都炆得幾腍有彈性➖➖➖4️⃣蔥油廣島蠔 $62 夠曬飽滿✨蔥油味再突出啲就好！ ➖➖➖5️⃣清酒煮蜆 $56 湯底鮮甜 略嫌有少少油 都會飲到清酒味 偏向温和 ～ ➖➖➖6️⃣豆漿 $12/ 龍眼參蜜 $16 我揀左龍眼參蜜 會有人參嘅甘苦➖➖➖📍潮州

今日過嚟中環食晚餐，有朋友喺中環返工就介紹我呢一間小店，佢話勁好食，我後來先知原來咁臥虎藏龍，中環好多返工一族都知道，仲話晏晝嚟都係大排長龍！今日晚餐終於試過佢哋有幾犀利！蔥油廣島蠔超大隻，每一粒都脹卜卜，而且味道好濃郁，口感亦都好Creamy！另外最鍾意就係呢度可以做到菜底唔使加錢，所以我哋就叫咗一碗星級手切牛肉湯同一碗甘香醉蝦湯，都要菜底，佢用嘅娃娃菜份量勁多，而且好鮮甜。手切牛肉係半生熟咁樣呈現醉蝦亦都有好濃郁嘅花雕味，他本身自己都好新鮮，大隻爽口，正！古法醉鮮鮑都一樣好大隻，以呢個價錢食到兩隻咁大隻嘅，真係幾抵食！後來朋友都推介，我一定要叫佢哋個溏心醉蛋 ，確實係流心嘅，打卡都超靚！線灼大扇貝都係勁大隻，超吸引！不過最正，最多人照鏡，就一定係佢個鮑汁花膠撈米粉。花膠真係超厚一塊，超級好多骨膠原！ 飲品就要左媽咪龍眼參蜜同豆漿，兩個都各有特色，唔錯！

位於中環開左間人氣粉麵既分店,店名叫潮州人,但唔係打冷,主打花膠米粉,醉香小食等等,價錢又親民🔸鮑汁花膠撈米粉(大) $79花膠成條鰻魚咁長,炆得好入口啖啖膠原蛋白😍😍撈米粉~米粉爽好掛鮑汁🔸海軍大碗飯 $108好似一碗日式丼飯,有廣島蠔,蜆,鮮蝦,蟹籽,份量十足有成6-7粒廣島蠔,脹卜卜🦪仲有蟹籽拌飯,口感十足👅🔸香辣魚皮 $38魚皮爽彈帶微麻辣🌶️🔸雞油燙菜 $36燙菜清甜帶少少雞油香🥦🔸師父醉雞翼 $28雞翼嫩滑好有酒香味👍🏻🔸古法醉鮮鮑 $88鮑魚爽彈又入味😍🔸媽咪龍眼參蜜 $16🔸清甜竹庶茅根水 $12 樽裝加$1依兩款都係自家製低糖飲品,好推薦龍眼參蜜,帶少少花旗參嘅甘味🤩🤩

上個星期俾我發現位於中環中心隔離呢間《潮州人》有一款花膠雞湯米粉，竟然幾十蚊一碗。二人套餐都係$193 。湯米嘅花膠非常大片、大蜆湯米都非常足料。我地點咗超值套餐（二人餐）主食 - 金牌花膠湯米粉🍜花膠夠晒大舊，夠曬足料！- 清酒大蜆湯米粉🍲蜆肉新鮮厚肉，而且味道又夠鮮甜！小食- 師傅醉雞奕- 雞油燙菜🥬飲品- 媽咪龍眼蜜- 竹蔗茅根水🍋‍🟩店裡仲有多款小食選擇，我地試咗：- 醉鮑魚 $88- 糖心醉蛋 $18- 酒糟醉雞腎 $38三款小食醃得好入味，酒味濃郁！- 海中寶 $78海鮮湯底好甜，海鮮好多材料十足！- 薑蔥廣島蠔 $62有成六隻廣島蠔，每隻都厚肉肥嘟嘟，配埋大量芽菜，食落都好滋味- 香辣魚皮 $38魚皮夠曬麻辣，食到辣嘅朋友先好叫！整體餐廳食物全部都好經濟，而且份量十足，味道亦都唔錯!係中上環平靚正嘅推介之一！

[ 潮州人 ]中環新開主打花膠雞湯米粉，任何米粉、飯同菜底只需加購一蚊就有一件花膠💰，性價比高‼️✿ 鮑汁花膠撈米粉 $73花膠味道濃郁，充滿鮑魚汁💦另配一碗雞湯，味道不太鹹。✿ 師父醉雞翼米粉 $53花雕酒味香氣醇厚，熱食都好好味🤪🤪。✿ 清酒大蜆🍶🍶 $56湯底好鮮甜，帶有淡淡酒香味，唔錯👍🏻。✿ 鮮灼大扇貝（2隻） $87扇貝鮮甜，簡單煮法可以保持原汁原味。✿ 古法醉鮮鮑（2 隻） $88✿ 醉愛三寶 $88三寶冷盤有大蝦、鮑魚、雞翼，凍食酒味突出 ，大蝦&鮑魚夠新鮮🦐。✿ 雞油燙菜 $36✿ 有機鮮豆漿🥛🥛豆香味濃，味道不太甜。✿ 媽咪龍眼參蜜花旗參味好重，用料十足。總結🫦餐廳宜家仲做緊以下優惠：‼️任何米粉、飯同菜底都可以加購一蚊一件‼️花膠醉盆菜 限時特價 $78（原價$128）性價比之選，絕對值得一試😸。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿潮州人地址：中環機利文新街8號地舖電話：6396 9163✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿