潮州人

營業中

休息中

今日過嚟中環食晚餐，有朋友喺中環返工就介紹我呢一間小店，佢話勁好食，我後來先知原來咁臥虎藏龍，中環好多返工一族都知道，仲話晏晝嚟都係大排長龍！今日晚餐終於試過佢哋有幾犀利！蔥油廣島蠔超大隻，每一粒都脹卜卜，而且味道好濃郁，口感亦都好Creamy！另外最鍾意就係呢度可以做到菜底唔使加錢，所以我哋就叫咗一碗星級手切牛肉湯同一碗甘香醉蝦湯，都要菜底，佢用嘅娃娃菜份量勁多，而且好鮮甜。手切牛肉係半生熟咁樣呈現醉蝦亦都有好濃郁嘅花雕味，他本身自己都好新鮮，大隻爽口，正！古法醉鮮鮑都一樣好大隻，以呢個價錢食到兩隻咁大隻嘅，真係幾抵食！後來朋友都推介，我一定要叫佢哋個溏心醉蛋 ，確實係流心嘅，打卡都超靚！線灼大扇貝都係勁大隻，超吸引！不過最正，最多人照鏡，就一定係佢個鮑汁花膠撈米粉。花膠真係超厚一塊，超級好多骨膠原！ 飲品就要左媽咪龍眼參蜜同豆漿，兩個都各有特色，唔錯！