漢陽苑韓國料理 (已結業)

今日係旺角創興既漢x苑受到不禮貌對待….服務態度極之差劣…十分之嬲。呢間野個林經理既態度好有問題，話說我地4個人去食韓燒(當時店內只有3-4枱人客)，咁佢安排我地坐一張八人枱(2個燒烤爐)，但只開1個爐比我地，其中一個fd 因為趕時間..想佢開埋隔離個爐比我地用，可以燒快d 呀ma，咁我地有禮貌咁問佢，可唔可以開多個爐比我地，估唔到就開始遇到不禮貌對待~~~~以下內容we 代表我地幾個客人既說話~有個女人態度好差咁話: “唔得wor, 四個人係開一個爐jer wor”we : “隔離枱得2個人..都可以開一個爐..咁你而家無乜客人..我地4個人開多個爐…因為我地趕時間想燒得快d…唔該你”個女人依然態度勁差: “公司定左係咁就係咁..總之4個人就一個爐”we : “如果係咁…我地分單啦..2個人一張單..你當我地2枱..咪可以同公司交待”女人: “公司定左唔得就唔得啦”we : “可唔可以叫你地個經理出來傾下”女人唔出聲we 指住個男人問: “呢個係咪經理?”女人: “係”個經理先起身問咩事wor…但其實呢段說話過程佢在場=.=we : “我地想分單..之後開埋隔離個爐”經理好串咁講:

因與朋友慶祝生日,所以揀左lee間食!星期4既夜晚,7點去到開始食,食左2個半鐘,跟住就切蛋糕,食完蛋糕念住再燒多陣,點知個經理話我地燒左2個半鐘,所以已經幫我地熄左爐,咁都無計na!拒話你可以出去食下d熟食既,咁樣都okay既,唔會趕人走都好ddd =]埋單無計多錢,所以我覺得整體黎講都不算太差!!!

九折換o黎超不禮貌代遇，唔會再去！呢排一班老友想食韓燒，於是訂位，上週五晚七點去食。去到一坐落，個侍應話食兩個鐘，本來想坐耐o的，不過算，星期五晚想做多o的生意都係正常。之後出去拿o野食，一切都還可以。我o地風捲殘雲咁食o左一個鐘到，都已經相當飽。當我幾個朋友食緊雪糕，我仲食緊o岩o岩燒完o既食物，有個部長裝束o既人走埋o黎，提議我o地不如早o的收爐埋單，慢慢食雪糕，話畀個九折我o地－－即唔計加一－－咁話。我o地唔係好明，於是問完又問，只得到一個含糊o既答案：而家埋單就有九折。由於大家都飽，提唔起勁再燒，所以就同意埋單。熄爐之後，精彩o既事情就發生o勒。o的侍應不斷走埋o黎，極速收晒臺上所有o既o野，包括燒o左未食o既食物同其他熟食，擺落自己個碗都難逃一劫。冇幾耐，連頭先部長叫我o地「慢慢食」兼明顯未食完o既雪糕、涼粉都收埋。我o地叫住話「我o地未食完」，侍應居然將已經疊埋o左o既兩碗雪糕擺返上臺。o的侍應仲要邊收o野邊話我o地「過o左時間」，而當時其實八點半都未夠。最後，我o地都未起身，佢已經擺緊副新o既碗碟set緊臺。於是我o地一行五人，帶埋慳落o既每人十蚊，連同一肚氣，非常不滿咁

ｌｕｎｃｈ　ｂｕｆｆｅｔ〔岩岩去時門口寫住＄５９，到走果陣發現門口換左ｐoster 收＄４８〕首先去到已經發現地下濕笠笠，極易會跣低，都唔知有冇洗地！環境好嘈，冇人收野。食物非常求其，毫無特色，只係白白填飽個肚就算！ｄ野又唔新鮮，好似大排檔ｄ十蚊飯任揀的餸菜。未食過咁硬ｏ既壽司，超級市場都好過佢！而放ｏ係出面俾人夾野的鐵夾的手柄油淋淋，仲要係幾盤食物ｓhare 一個夾，唔洗咁離譜呀？一定冇下次，對佢其他分店都冇信心！

今日同女友去左食, 好耐未食過....野食方面都算可接受, 我地問佢可以食幾耐, 佢話冇限我地(可能因為今日係星期二既關系啦, 我地就慢慢食)野食既種類算少, 唔係太多野食而服務方面都算ok啦, 都有人理我地既, 但係佢地似乎唔係咁夠人, 如果多d客個陣我諗都幾可憐...

一早book左7點4位,踏正7點就打黎問我係咪訂左位7點3到達,用張送鮑魚壽司的coupon,一人一舊= 一碟4舊only.地方不大,兩眼望哂咁啦.食物都可以,但咪比"飲食男女"ge靚相呃左,邊有咁多正野呀XD因為我地一心食燒烤,so無加錢打邊爐.8點開始多人,全場爆咁濟,但都咪期望有咩好服務,睇住佢地食野ge.但都唔介意,自己招呼自己咯.碟就真係唔會成日收,堆埋一堆算啦.講下有咩食先~冷盤泰式鳳爪,泡菜,芽菜...熱食就有炒蜆,蝦,蟶子之類.炒下菜,西蘭花咁.主力都係食豬牛雞墨魚仔(墨魚仔燒左好正@@)但無咩壽司,乾爭爭的樣子,睇見倒胃><甜品有雪糕,啫喱糖,椰汁西米糕,涼粉...飲料有豆漿(幾好),菊花茶(淡淡地好飲),酸梅湯(好酸),蜜桃茶(無飲到)食下講下到9點幾埋單,都無催我地走人.overall,有野燒下幾開心,係就一身油煙味咯,返屋企要洗衫呀.新衫就唔好著啦!

一行四人想食韓國料理,就係咁行左上去,感覺超有壓迫感,侍應帶左我地去張六人檯,已經有兩個人眼超超咁座係度,但眼見四周仲有好多好多位,問侍應可否座其他位但佢地話俾人留左位,只好同人搭檯~~~~d食客行出行入去野食實撞到你,你話食粒幾鐘俾人撞左幾多次?一路食好似冇乜人同我地執碟,但食左一個鐘多d就好似"癲"左咁同我地收野,原來係夠鐘趕人走,最激氣既就係走時仲有好多位冇人座過,閒日對待食客已經係咁假日不感想像!!

我喜歡打邊爐，尤其是一家人或三五知己圍爐共聚，邊吃邊聊，不亦樂乎。這次由友人訂位，本想到德興，可惜她"辦事不力"，訂不到位子，改了來這裡，心想"不是吧，還有很多店子可選擇”...帶著先前聽聞任食韓國燒烤曾有人食物中毒的陰霾來到，但見座無虛席，非常噪吵。這裡任飲任食自助形式韓國燒烤，加$30可打邊爐。我很小心的選擇食物，以防中招。熟食我試了蒸饅頭、豬頸肉、炒西蘭花、西汁香腸、魚蛋(魚蛋粉粉的，很難吃); 我怕熱氣，只燒了點牛肉、豬扒(牛肉還可以吧，豬扒很口); 火鍋料試了龍蝦丸(又是很粉的)、肥牛、鯇魚片、餃子、豆腐、生筋、西洋菜和烏冬; 甜品是椰汁榚。每位$98，我認為不值，除非你饑不擇食或是一名食肉獸。離開時，一身都是油煙味，非常討厭! 上次在小肥羊逐樣點來吃美味多了，只是它的藥材湯底太補身，吃完口龍痛了幾天...

今晚　７點去到　８點半味夠就提人埋單　食野時間只有個半鐘，時間比其他地方既韓燒小野食係幾多．但份量小．好快比人拎哂人地Ｄ韓燒Ｄ三文魚比人任食既佢地Ｄ三文魚出既份量小．而且比人拎哂好耐先拎另一碟出黎其他野食都算淹得幾好，好夠味．．　　＄１０８一位再加一

約了一班朋友慶祝聖誕兼聚舊，以為可以愉快地在餐廳渡過三小時，怎知道餐廳在節日期間奉行限時兩小時政策，結果是匆匆的來，匆匆的去。本來餐廳奉行限時政策並無不妥，但應該事先聲明。小弟在訂位時也特別查詢可有時段之分，當時對方表示無，於是小弟訂了六時的座位。入座時已是過了六時，最可惡的是經理表示限時兩小時，而且是六時(訂座時間)起計。可憐有位朋友遲大到，結果只吃了半小時。食物方面，一般而已，不值得一百大元。

本來沉日好頭痛,今晚去邊到幫個fd慶祝生日好!!見到食評話lee間ok,抱住一個試架心態去o左ng果然唔錯...正得一去生既都係魚,雞,牛,豬(有d"葉"得好好味)有超多熟食,重要好好味有壽包,咖哩魚蛋,肉丸串,雞翼,薯餅,蔥油餅,香葉包雞,壽司,雪糕(係牛奶公司,好重本其它多數用維記),涼粉,0者喱,椰汁糕,西米露,碗仔翅,番薯糖水,木瓜雪耳(正清潤,燒完野食佢剛剛好la),西瓜,人蔘雞湯,例湯,東陰公飲品:豆漿(最正,甜甜o地),酸梅湯,芒果汁,五花茶員工態度都唔差,唔會行過扮睇你唔到

我今日黎過呢度食自助燒烤~以呢個prize黎講~野食種類我覺得差唔多啦~雖然d款唔多~但我覺得都ok<br />我覺得呢間野總體都唔錯~如果多d choice就好喇!而且坐左好耐都冇趕我地走~唔錯啦<br />我諗我下次都仲會黎食架~!

上兩個禮拜同個朋友去呢度食野,1點左右無乜人.食物有好多款,生的有:豬雞牛羊魚肉(多款味道),魷魚,煙肉,腸仔,紅腸,金沙骨,魚塊,秋刀魚等等熟食及甜品有:泡菜,肉丸串,雞翼,蔥油餅,蝦片,香葉包雞(呢個幾好味),壽司,雪糕(有芒果,雲呢0拿,芝麻,係牛奶公司),涼粉,0者喱,椰汁糕,西米露,西瓜,人蔘雞湯,例湯,豆漿,酸梅湯,蜜桃汁,五花茶等等最好味係羊肉,我地一致認為佢味道調得好好,而熟食我就鍾意香葉包雞,飲品就係酸梅湯,夠酸夠開胃.過左咁耐都唔係好記得仲有d咩野食,總之感覺上有好多款食物.因為人少既關係,油煙問題不大,不過,發生左一件事:話說我地會將熟左既食物放0向一隻碟度慢慢食.我出左去拎野食,番到唻,見我地碟熟食唔見左,就問我朋友,佢話有個侍應好快手咁拎走左碟野倒左,制止唔住......我地碟野食好大碟,燒左好耐,點解會咁?

好耐之前嚟過呢度一次，前日(17/6)再去試吓。果日大約下晝12點入去，門口冇人招呼，入到去先有個人問幾位，我地諗住自己搵位，橫掂都係得幾枱人，之後佢帶我哋去近門口嘅位度。跟住有個waitress過嚟開火，冇幾耐d火熄咗，於是叫人嚟開番佢，點知d waiter唔見晒，等咗一陣先有人經過，之後開番啦，點知佢行開咗，d火又熄喎！然後個waitress幫我哋調位。d火開咗冇問題後，我哋就出去拎野食，首先拎壽司同埋d生嘅食物烤，都係一般bbq可以食到嘅野，冇乜特別，之後拎d熟食，仲多選擇，有蔬菜、煎炸野、炒飯炒麵等等，不過d泡菜唔係咁夠辣。我哋食緊野時，有個waitress埋嚟問我哋識唔識英文，佢話唔識答出面果個外籍人士嘅問題喎！下！？佢哋d英文唔係應該要掂過我哋咩？我哋都唔識，之後佢搵其他人搞掂。佢哋應該要惡補d英文先得！到最後食埋d甜品先，我淨係拎咗d椰汁糕、啫喱同埋西米露食就算，因為實在好飽！到兩點幾我哋埋單走。好多野都冇食到，咁多選擇，根本冇可能每樣野都食過，不過以呢個價錢嚟講，都ok嘅！

午市自助餐真的超值夾抵食。食物質素雖然不能稱得上很好，但已算不錯。尤具是牛同牛肋骨，自已燒，夠惹味；另外原隻墨魚、雞中翼、魷魚酥、鯖魚塊都醃得幾好；另外，熱葷如豬腳薑唔夠酸，得個甜字；秋刀魚燒到好乾，但放番落鐵板再弄熱又幾好味；可以不試。冷盤的韓式前菜不過不失，泡菜最失色，只是一味加辣椒色素，完全不似在韓國菜館所吃的泡菜。最值得一讚是豆腐花，新鮮熱辣，好香豆味，唯一不好是唔夠滑！