漢陽苑韓國料理 (已結業)

性價比合理，不過係講lunch。因為都算多野食同野飲，牛肉同雞肉係肉類入面比較好食的，海鮮類就都ok，但記得咁既價錢來講😂燒得好唔好食其實都幾有學問的，可慢慢研究。

今晚我們去咗旺角創興廣場嘅「漢陽苑韓國料理」食韓式燒烤提早慶祝中秋節！同以往一樣我們都係食牛肉為主，牛仔骨醃得好相當入味，肉質好鬆軟嫩滑多汁，味道非常香甜！燜牛尾燜得唔係好夠火候，所以肉質好韌同好實！大蝦好新鮮大隻，肉質好爽甜彈牙！鷄蛋豬腳薑嘅豬腳嘅豬皮超煙韌彈牙，薑醋嘅味道調教得恰到好處，唔會過酸或過甜！人參鷄湯嘅味道比較清淡，唔算好濃郁！豆腐花嘅質感相當滑溜，豆味都幾香濃！

一家人一齊去食dinner大人$178/位 小童$128/位以前食過覺得好食諗住食餐好既但宜家啲食物質素差咗好多熟食就唔夠熱啲三文魚刺身又少一擺出黎已經被人搶曬豆漿竟然變咗食物種類少成餐飯$50都唔值以後絕對唔會再幫襯！

今晚我們去咗旺角創興廣場嘅「漢陽苑韓國料理」食韓國燒烤放題！由於我們比較鍾意食牛肉，所以我們主要都係食牛肉，牛仔骨醃得非常入味，味道相當香甜，肉質好嫩滑多汁！金菇牛肉卷「就咁」燒會比較乾身，但加埋牛肉一齊燒，牛肉嘅肉汁流晒金菇入面，令到金菇更加軟滑惹味！炆牛尾就炆得唔係好腍，肉質比較韌同比較實，但醬汁嘅味道都幾香甜惹味！三文魚刺身都幾新鮮！韓式炒粉絲炒得好乾身，口感好煙韌彈牙！店員嘅服務都幾親切有禮！

今晚我們去咗旺角創興廣場嘅「漢陽苑韓國料理」食韓國燒烤放題！他們嘅款式種類都幾多！燒肉類有牛仔骨、一口牛、金菇牛肉卷、豬扒、鷄扒、鷄翼、魚肉等等等等⋯⋯牛仔骨醃得相當入味，肉質香甜嫩滑同好多肉汁！刺身只有一款三文魚，但壽司款式種類較多！熟食類有炆牛尾、咖哩魚蛋、炒蜆、炒青口、炸多春魚、炒粉絲、豬腳薑等等等等⋯⋯炆牛尾炆得好入味！炒蜆同炒青口相當鮮味！豬腳薑嘅豬腳好腍好入味，薑醋亦好香甜！

收工同老婆出旺角食飯,唔知食乜好?行過創興見有好多食店就去望有咩好食!本來選左X舍,但冇訂位,等左成粒鐘Walk in客冇一個入到!鬼咁餓落左一樓見唔洗等位,求其啦就入左去,咁就中招!我地兩個跟另兩個同時入場,有人四眼男硬要我地同坐一張四人枱,我就排排坐, 另一對就打對坐,我話出入唔方便,佢死話冇問題!我見有兩人位,想要,但有個女經理話有人訂左!真係火火地,但餓是但啦!(食野途中有walk in客坐左個兩人位,更火!)出去攞野食,肉類選擇不少,但都冇寫是什麼肉,因顏色都差不多,咁是但揀幾款去燒!食落口除了質感不同外,味道基本一樣!沒特別!走多幾轉食多幾樣,結論如下:豬牛雞:咸,味麻麻地,只有牛脷可以試多幾片海鮮   :只有尤魚墨魚九肚魚&魚塊,同豬牛雞同味魚生&壽司:三文魚可以的,壽司差過百X&惠X湯&熟食: 普通過普通話泡菜: 咸咸,但酸蘿蔔幾好食生果甜品:過得去,雪糕有6款算做選擇多,味道不差,可以食多幾口總結:環境:普通,油煙味好重,好嘈服務:差食物:普通,款式算多價錢:不值 (當日星期天:每位$188+10%小費,汽水$5罐)呢度唔會再來,寧可食大X樂!

今日係補返父親節，所以帶咗爸爸黎食韓燒，一行五人！已經有十年冇幫襯漢陽苑了，一坐低即刻拎咗好多肉類，有牛肉、雞肉、雞翼、豬扒、多春魚等等……肉類款式唔太多，不過我哋都係主打牛肉！肉類醃得鹹少少，只係少少！不過好惹味，正！佢另外仲有好多熟食，有炒蜆、青口、咖哩魚蛋、麥樂雞等等……味道都幾好！亦都有泰式食物，冬陰公湯，人蔘雞湯及數款泰式甜品！啲壽司款都算多，另外三文魚刺身都出得好密！亦都好大盤！但係我就冇一次拎到，一拎出黎唔洗一分鐘已經比人掃晒😣😢今晚哩餐韓燒我哋一家都好滿足，好豐富，期待下次嘅幫襯！

老公成日話漢陽苑好好食..但我就覺得唔好食-.- 最後還佢心願~去食多次..因為限時..我地位都唔坐好就拎野食lu野食種類好少~拎左d 三文魚食下先~都ok 既~ 但係唔夠鮮甜~拎左d雞翼番去燒我地都燒得唔錯嫁~哈哈~入面仲好滑~表面又好香脆既雞皮仲有d ''油''魚..呢個就差左d...好un... 完全唔好食呀仲有拎d 茄子呀..金茹呀..燒下..最後都係得個油字-.-''食完睇下仲有咩食拎左番黎..之後決定食左雪糕先..食cookie味~溶得好快~幾甜幾好味食雪糕果時..我地仲有成半個鍾-.-個經理居然走黎收我地野??我地明明拎番黎..一陣唸住食..我地就話.. 我地未夠鍾..仲要食嫁..佢答: 你地都差唔多食完啦.. 之後佢一路講一路走..真係一肚火!!!!!

之前韓燒食泥食去都係漢和..開始悶了,決定今日食呢間老牌嘅韓燒店.六點半到場~人不算多,即刻有位，四人卡位兩個人座.開始食野，先係拎嘢飲，有西瓜汁，涼茶，酸梅湯，豆漿；不設熱飲，汽水啤酒需加錢.推介飲酸梅湯泥開胃，雖然只係用酸梅晶開出泥..但係都可接受~嘢食佢地有五個類別：涼菜-泡菜，涼伴芽菜，涼伴黃瓜，魚皮等.熟食-多數係炸嘢；炸豆腐，炸魚柳，炸雞翼，炒菜等.壽司魚生-壽司啲飯極大舊，推介食卷物，勿食玉子壽司（啲玉子應該係叮出泥嘅，好乾..）；魚生只有三文魚，都算新鮮同大件，不過要同人搶...湯&點心-湯有三款，泡菜海鮮湯，豬骨湯，扮人參雞湯嘅花𣄃參豬肉煲雞...點心就有小籠包.生料類-有已調味及未調味的豬牛羊海鮮，味精唔算多，款色都算齊，疏菜有菇類，特別推介金菇肥牛卷.甜品都算ok，有水果，熱豆腐花，凍熱糖水，啫喱，西米撻，雪糕，推介朱古力同綠茶味，雪糕品質不錯.總結：不錯..但係有啲貴..都係漢和好啲,杯碟較舊...

第二次黎呢間食韓燒，因為陪家人黎上次已經對呢間野冇乜好感，因為好少野食=.=今次都不例外，不過衰過上次=-=因為今次冇雪櫃杯碟我覺得好dirty=.=飲品雖然不算太多，但ok既，我揀左豆漿飲，因為我中意飲！可以燒既肉類不多.不過我覺得佢有幾種幾好哇材料我覺得不太新鮮，但"炎"得不錯！但個肥牛就差左d，好厚好硬，因為係d cheap料熟食方面款式真係少得可憐，得幾款菜，炒飯，麵見到有炸饅頭同咸水角，薯餅，薯條，全部係好油的東西，佢仲要炸得好多油味道方面可以話不錯的，但真係油左d lor今次我冇食佢既湯水，因為覺得冇咩好食，而且覺得唔好味！上次有雪糕，今次冇，得涼粉，豆腐花，我都冇食=.=最後吃了橙，都幾好味！p.s呢間野唔平，仲要百幾蚊一位，我連願食其他有質素的食品，可能仲平d添今次真係唔知食左d咩咁

I guess the kind of quality you would expect at a sub 100$ buffet. There is a good variety of meat and while it is not marinated with super authentic Korean flavor its salty and oily enough. The quality of the meat itself is decent, especially considering you can take as much as you want. There are picked vegetables which are fresh enough but are mostly overwhelmed by vinegar. There aren't raw leaves or high quality condiments to eat the meat with like in most Korean restaurants. But really what

幾年前經常去尖沙嘴漢陽苑，食得多，覺得好厭。後來發現漢和，不但價錢平啲，醃嘅肉唔會食咩肉1陣味，即刻做咗漢和擁躉。今日都係上咗胡社生行漢和，但係超多人，要坐門口熱位，頂唔順，就轉咗去呢間漢陽苑嘞。呢都無咩人，我地1點鬆啲去到，成場得1/5人咗右，怪唔得個阿姐猛響門口拉客啦！牛肋骨同魚塊好好味，可惜肉類重覆，款式太少，而且腌得樣樣肉1種味。食物味道都OK，係感覺款款肉類醃到差唔多味，兼感覺上款式唔及漢和多。但係，啲碟唔係滑潺潺，唔會3隻得1隻乾淨，隻底板又唔會黑盲盲。重有，1入去坐個門口位，有啲熱，啲侍應即刻建議換檯，重叫我地行，佢地會搬嘢咁話喎！咁嘅服務，都算唔錯啦！相信，壽司飯改細啲，醃肉著重啲，款式增多啲，就會好好多嘞！

呢間餐廳食韓燒。食物質素只屬尚可，都仲擺到入口。韓燒食物款式選擇多，豬肉同牛肉都有幾款，呢個係唯一可以稱道既優點。間唔中會有壽司同三文魚刺身擺出黎，壽司飯多肉少冇人要，刺身就轉眼會俾人搶晒，記住好彩見到就拎多d，唔拎你會後悔，因為都冇咩其他好食。客觀講句，食韓燒唔會食到太多野，因為食物肥膩，好快飽。但係佢價錢唔平，我地食宵夜時段，睇價錢牌好抵，但埋單就幾貴，唔知佢點計。一句，擺得入口，唔算昂貴，但係就唔抵食，除非佢減價或者有優惠，否則冇咩興趣再幫襯。

前幾日有個friend話俾我聽，漢陽苑都幾唔錯wow,呢次趁個friend生日，一班人就想去試下啦~~去之前查咗openrice，睇見食評好差，捻住唔去了，但是friend話食D新地方都幾好啊，所以卒之都去咗~~但是！！！但是！！！！但是！！！！！Openrice嘅話真喺唔信都唔得啊！！！好少嘢食，D西瓜汁質素都唔好肥牛一D味都冇冰激凌都唔好味一句講晒，真喺好差，大家千其唔好去啊！！！！如果要食同等價位嘅韓式自助，都還去漢和好D

星期五晚去旺角食野超多人。本來lum住去東大門食，但要等成10張台...食緊個D好似剛剛開始....無法，去漢陽苑law，有位已經好好超肚餓之下，唔理咩肉(肉格無名稱)，都夾左先。不過，我lum佢地D肉係"黤"左好耐，牛同豬都係差唔多味，係有D肉"鞋"D我地lum係豬, haha~~ 個樣真係認唔出，件件都係黑色...不過佢地D熟食都OK wow~~ D魚幾好味，放係個燒板到grill下仲正 最無奈係佢地D員工好忙，完全無人換燒板，燒到有成層炭係面。不過最終佢地都有幫我地換，其實佢地都係太忙，都有禮貌既，如果多D員工會好好多。