影片
更多
2006-09-04
9 瀏覽
九折換o黎超不禮貌代遇，唔會再去！呢排一班老友想食韓燒，於是訂位，上週五晚七點去食。去到一坐落，個侍應話食兩個鐘，本來想坐耐o的，不過算，星期五晚想做多o的生意都係正常。之後出去拿o野食，一切都還可以。我o地風捲殘雲咁食o左一個鐘到，都已經相當飽。當我幾個朋友食緊雪糕，我仲食緊o岩o岩燒完o既食物，有個部長裝束o既人走埋o黎，提議我o地不如早o的收爐埋單，慢慢食雪糕，話畀個九折我o地－－即唔計加一－－咁話。我o地唔係好明，於是問完又問，只得到一個含糊o既答案：而家埋單就有九折。由於大家都飽，提唔起勁再燒，所以就同意埋單。熄爐之後，精彩o既事情就發生o勒。o的侍應不斷走埋o黎，極速收晒臺上所有o既o野，包括燒o左未食o既食物同其他熟食，擺落自己個碗都難逃一劫。冇幾耐，連頭先部長叫我o地「慢慢食」兼明顯未食完o既雪糕、涼粉都收埋。我o地叫住話「我o地未食完」，侍應居然將已經疊埋o左o既兩碗雪糕擺返上臺。o的侍應仲要邊收o野邊話我o地「過o左時間」，而當時其實八點半都未夠。最後，我o地都未起身，佢已經擺緊副新o既碗碟set緊臺。於是我o地一行五人，帶埋慳落o既每人十蚊，連同一肚氣，非常不滿咁
呢排一班老友想食韓燒，於是訂位，上週五晚七點去食。
去到一坐落，個侍應話食兩個鐘，本來想坐耐o的，不過算，星期五晚想做多o的生意都係正常。
之後出去拿o野食，一切都還可以。我o地風捲殘雲咁食o左一個鐘到，都已經相當飽。當我幾個朋友食緊雪糕，我仲食緊o岩o岩燒完o既食物，有個部長裝束o既人走埋o黎，提議我o地不如早o的收爐埋單，慢慢食雪糕，話畀個九折我o地－－即唔計加一－－咁話。
我o地唔係好明，於是問完又問，只得到一個含糊o既答案：而家埋單就有九折。由於大家都飽，提唔起勁再燒，所以就同意埋單。
熄爐之後，精彩o既事情就發生o勒。o的侍應不斷走埋o黎，極速收晒臺上所有o既o野，包括燒o左未食o既食物同其他熟食，擺落自己個碗都難逃一劫。冇幾耐，連頭先部長叫我o地「慢慢食」兼明顯未食完o既雪糕、涼粉都收埋。我o地叫住話「我o地未食完」，侍應居然將已經疊埋o左o既兩碗雪糕擺返上臺。o的侍應仲要邊收o野邊話我o地「過o左時間」，而當時其實八點半都未夠。
最後，我o地都未起身，佢已經擺緊副新o既碗碟set緊臺。於是我o地一行五人，帶埋慳落o既每人十蚊，連同一肚氣，非常不滿咁離開。
之後我o地其中一個患o左腸胃炎，另一個有輕微o既肚瀉，當晚o既食物，只怕唔可以脫離關係。
食物麻麻，態度九流，收人成舊水。再幫襯？好難喇！
張貼